شات حوامل مصر لشهر ربيع تاني

الف مبروك ياام ريتال

الف الف مبروك يا فراشة...ربنا يكملك علي خير و يسعدك بيها يا رب

انتو فين ياخلق

الف مبروك لام ريتال عقبال بقية الحوامل يارب

الف مبروك يا شيرى وحمدلله على سلامتك انتى وريتال ربنايباركلك فتى

ما شاء الله تبارك الله مبروك يا شيرين ... الف حمد الله على سلامتك و سلامة ريتال و ربنا يوسع رزقها فى الرضاعة طمنينا على زياد عامل ايه دلوقتى ...؟؟

فراشة
الف حمد الله ع السلااامة
ومبروووك عليكى ريتاال
ربنا يبارك لك فيها يااارب



ازيكو يا بنات
عاملين ايه
انا تقريبا مش بنام كل يوم غير ساعتين الضهر
مش عارفة لما اروح هعمل ايه

وعاوزة اروح زهقت اووى وجوزو وحششششنى :D

الله يبارك فيكو يا بنات
وربنا يخليلنا اولادنا ياارب ومايحرم حد من النعمة دى

اموونة
انا بعمل كده فعلا بس مش فى كل مرة للاسف
يعنى هى الخياطة هتفك لوحدها خالص ؟؟؟؟



نهى
فعلا هى اصعب اسبوع
يالا الحمد لله

النهاردة الحمد لله الوضع احسن شوية
يا مسهل :)



وطعمنا حمودى امبارح اول تطعيم
وسجلناه خلاص وبقى بنى ادم هههههه

هههههههههههههههه حلوة بئة بني ادم دي ياعلوش انا كمان كنت فرحانة اوي اول ما سجلت عمر


والخيط الجراحي بيدوب لوحده متخافيش

مبروك يا علياء تسجيل احمد باشا فى سجلات المواليد عقبال كدة ما يكبر و يطلع بطاقة و يروح ينتخب باذن الله

مبروك ياعلياء ربنا يبارك فيه يارب

محبة_الرسول;16040842:
الله يبارك فيكو يا بنات
وربنا يخليلنا اولادنا ياارب ومايحرم حد من النعمة دى

اموونة
انا بعمل كده فعلا بس مش فى كل مرة للاسف
يعنى هى الخياطة هتفك لوحدها خالص ؟؟؟؟



نهى
فعلا هى اصعب اسبوع
يالا الحمد لله

النهاردة الحمد لله الوضع احسن شوية
يا مسهل :)



وطعمنا حمودى امبارح اول تطعيم
وسجلناه خلاص وبقى بنى ادم هههههه

:lol::lol::lol::lol:
خلاص بئى متسجل فى السوجوء الميدتنى:lol::lol::lol::lol::lol:

انا برضه مبئتش برتاح غير هنا ف بيتى مش عارفة هعمل ايه ف الولادة بجد شكلى كدا اخرى اسبووع وهروح بيتى تانى:D:D:D وماما مينفعش تيجى هنااااا خاااااااااااالللللللللللللص عشان شغلها:(:(:(

مبروووك يا فراشة ربنا يبارك لك فيها ويوسع رزقها:):):)

بمناسبة بيتي وحشني
انا روحت امبارح بالليل بعد معاناه مع بابا وماما مكانوش راضين يسيبوني أروح وقعدت اعيطلهم بقا بيتي وحشني لحد ماروحت قعدت معاهم 10 أيام كده
بس الصراحه ايثار ظبطتني امبارح طول الليل فضلت صاحيه مع ان وانا عند ماما كانت محترمه عن كده شوية يعني دلوقت فجرت بقت طول الليل صاحيه ولسه حالا اهي بتنام بنص عين

هههههههههههههه يا عيني يا هبة اشربي بئة مش فضلتي تزني علشان ترجعي بيتك...بس عادي يا هبة تلائي بس البنت علشان غيرت المكان فمش عارفة تتاقلم لسة يومين وتتظبط ان شاء الله

والله ياهبة ما عارفة اقولك ايه , بجد انا بستغرب ازاي تقدر الواحدة تروح بيتها بسرعة بعد الولاده , انا قلت لجوزي ان شاء الله لو هولد تاني هقعد عند اهلي على الاقل 3 شهور :)

اكيد مامتك قلقانة اوي عليكي ربنا يكون في عونها , انا ماما شددت عليا وعلى جوزي اني مروحش بيتي خالص الا لما اشد حيلي انا والولد , وانا كنت بعيط كل ما افتكر جوزي ههههههههههههه بس دلوقتي بقول ربنا يخليكي يا ماما لو كنت روحت بدري كنت مت والله

برضو ياأمونة مهما كان يعني انا مبسوطة جداااا اني روحت بيتي والتعب بقا كده كده الواحد لو روح بعد اسبوع ولا بعد شهر هيقعد كام يوم عبال مايتأقلم

عادى يا هوبا ايثار هى كمان كانت فرحانة انها هى كمان روحت فكانت بتحتفل هههههههههههههههه
معلش يا هوبا هو هيكون تعب عليكى بس ان شاء الله كل اموركم تتظبط بسرعة

طيب ياايمي بما انك خبره انتي ونهي وهدي وكل الامهات اللي مبتدخلش رابطه الامهات :D

ايثار عاوزة تاخد الرضعه علي مراحل ترضع شوية وتنام ربع ساعه وعاوزة تقوم تكمل تاني يعني تقريبا الرضعه بتتاخد علي 4 او 5 مرات بحوالي ساعه ونص او ساعتين !! والموضوع ده مضايقني جدا خصوصا ان اللبن لما بيقعد في البطن بيتخمر ويعمل غازات ويقوم داخل عليه اللبن الجديد ماهو ملحقش يتهضم بقا والدنيا تبوظ وتقعد تتلوي
ومش بعرف اصحيها ابدااااا في وسط الرضعه عشان تكمل هي كده بمزاجها ترضع خمس دقايق وتنام وتفتح بقها وتسيب صدري وربع ساعه وتبقي عاوزة تكمل ولو عملتلها اراجوووز مبتصحاش

هوبا @ تجربتى و اللى عملته مع بيلللا ممكن ميعجبكيش انا اصلا مكنتش برضع بيلللا نهااااااااااااااااااااااااااااائى من 12 بليل ل 6 الصبح .... و من 6 الصبح ل 12 بليل برضعها كل ساعتين و لو سابت صدرى و مرضيتش تكمل مش بديها قبل ساعتين عشان تكون جاعت و ترضع عدل و يكون صدرى كمان اتملى لبن و تشبع منه ... هتتعبى فى النظام ده من الزن و الصريخ بتاع يومين تلاتة بس بعد كدة هى هتتعود و هتنام بليل متواصل باذن الله

ولما تصرخ ياهدي كنتي بتعملي معاها ايه؟