شات حوامل مصر لشهر ربيع تاني

أجمل ايام العمر;16018943:
بصى يا ريرى انا البريود جاتلى بعد عملية الكحت ب 21 يوم و الدكتور قاللى بمجرد الدم البسيط اللى بعد العملية يقف اصلى و امارس حياتى الزوجية عادى ... و انا اعرف واحدة صاحبتى حملت من غير ما تجيلها البريود بس انا ده محصلش معايا لانى كان عندى مشكلة الحمل العنقودى و كان لازم افضل سنة اخد حبوب منع الحمل

ربنا يعوضك خير عاجل غير آجل يارب و يفرح قلبك

اللهم امين..ربنا يعوضها خير يا رب

أجمل ايام العمر;16018949:
نهى@ هو انا كل ما اروح فى حتة الاقيكى ....

طابخة ايه النهاردة ...؟؟؟ و سلمى فين و بتعمل ايه...؟؟

ههههههههههه ليه بس انتي شفتيني فين تاني طيب..؟! انا النهاردة لسة مقررتش يا اما مكرونة فيتوتشيني يا اما بيتزا...مش محددة لسة و سلمي اهه نايمة علي رجلي متنحة في الكرتون

ريري
قدر الله وماشاء فعل ومتزعليش واحمدي ربنا اكيد الحمل ده مكنش خير ليكي عشان كده ربنا بعده عنك
وان شاء الله باذن الله تيجي الشهر الجاي تبشرينا بالحمل ويكون حمل ثابت ونونو سليم معافي

انا عملت زيك كده من 9 شهور ياريهام والحمدلله الشهر اللي بعدها علطول كنت حامل تاني من غير ماتيجي البريود وناس كتير اوي بيحصلها كده لأن الجسم بيبقي مستعد والهرمونات موجوده وفرصه الحمل بتبقي كبيرة جدااا في ال3 شهور اللي بعد الاجهاض

هبة@ اخباراتك ايه ...؟؟ الكتكوتة لسسسسسسه مش عايزة تخرج و تنورنا ...؟؟

والله ياهدي ماعارفه هي لازقة جوا ليه شكلها عاوزة تستني لما تبقي فرخة مش كتكوتة
المشكله اخر مرة لما رحت للدكتورة كان فاضل يومين علي التاسع والنونة كان وزنها معدي ال3 كيلو وقالتلي كده وزنها زياده وانا عاوزاها تخلص بقا بدري بدري بدل ماتزيد اوي وتعذبني في الولاده :(

انا ماليش نفس خالص اطبخ بس هعمل مركونة سباجيتى و فراخ بانيه و بطاطس محمرة و شكرا كدة قووووووووووووووووى

انا امبارح عملت اختراع بالمكرونة كنت زهقانه وماليش نفس برضو قمت عملت مكرونة اسباجيتي بالوايت صوص من غير مشروم ولا فراخ ههههههههههه بصل وفلفل وزتون اسود بس

ريرى ربنا يعوض عليكى ان شاء الله

وربنا يقومك بالسلامه

وفى ناس بتحمل بعد دم السقط مايقف عادى

اهم حاجه متشغليش بالك ومتفكريش

ازيك ياشيري

زقزوقة لسه مش عاوزة تيجي؟

متخيلة طعمه الاختراع ده يا هوبا ... بس بجد انا قرفانة من كل الاكل جدااااااااااااااااااااااااااااااا ... و مش باكل كتير و برغم كل ده بتخن مش عارفة فى ايه...؟

هما العيال اللى جوه دول تنحين ليييييييييييييييييييييييه

لازم ياخدوا التاسع كله يعنى ولا ايه

انا زهقت بقى وعايزة اولد

وزياد تعبان فى ايدى والدكتور كاتبله مضاد حيوى ولما يخلص عايز يشبل اللوز

ومش عارفه اقرر بيقولى خطر تفضل اكتر من كده

وانا خايفه اعملهاله من هنا واولد من هنا عااااااااااااااااااااااا

وكله بيقولى اخلصى واعمليها دلوقتى لاحسن بعد الولاده يتعب تانى وتبقى محتاسه بيه وب البيبى

وممكن يعدى البنت كمان

لانه بيتبهدل وسخونيه وترجيع ورشح بيبقى مش نافع

والوقت ضيق قووووووووووى ومش قادره اقرر

لا لسه مش راضيه ياهوبا وانا خلاص على اخرى امبارح طول الليل اعيط

لجوزى وهو يضحك ويقولى مش قد الجواز بتتجوزو لييييييييييييييه

مش عارفه انام اصلا حاسه انى عباره عن كتله مربعه

وكل ما اعوز اتحرك اقوم واعد وافضل شغاله اااااااااااااااه اااااااااااااااااااااااه


امتى بقى الواحد يخلص من الكابوس ده

ويدخل فى كابوس الزن والعياط

انا متخنتش كتير ياهدي طول الشهور ورغم كده البيبي وزنها زايد معرفش ليه حتي قلقت ليكون فيه سكر حمل بس طلع كويس :(
واول مابدأت التاسع بقا ورمت ورم رهيب بقيت بالونة وايديا ورجليا منفوخين وعنيا دخلت لجوا من كتر ماوشي ورم .. لو دخلتي الفيس هتلاقيني حطيتلهم صورة في تجمع الحوامل وشكلي مسخره !


شيري
انا برضو نفسي اولد بقا تعبت والمغص مش سايبني وكل يوم اقول خلاص بقا مغص ووجع في الضهر وضغط لتحت يعني هانت بكره هولد ومابولدش برضو :(
بصي انا رأيي تعملي اللوز لزيزو دلوقت فعلا بدل ماتتلخمي مع النونة وتتضطري تعمليها بعد كده

على فكرة يا هبة انا بيللا مولودة 5 الا ربع ... لا تقلقى خاااااااااااااااالص بس طبعا سيزيرين

هدى ازيك ياقمر كويس انك موجوده عايزة اسألك على حاجه

كنتى قلتى ان الدكتور فى بيلا قالك توقفى رضاعه من 12 بالليل لغايه 6 صباحا

هل عملتى كده فعلا

وبدأتى من امتى يعنى من اول يوم ولاده ولا ايه

وكانت بتسكت ولا بتزن

ولما كانت بتزن كنتى بتعملى ايه

وعايزة اعرف يعنى ارضعها الساعه 12 وبعد كده لا

ولا ايه

وده مش هايأثر على وزنها وصحتها

ولو ادتها رضعه اعشاب تبقى امتى

اتفضلى

المايك معاكى احكى تفاصيل التجربه وفيدى اخواتك الغلابه

هههههههههههههه والله ياشيري جوزي عمال يقولي حاجه شبه الجمله دي برضو بيقولي كنتي عاوزة تتجوزي ليه بقا علي كل ده وانا اقوله انت السبب انت اللي عملت فيا كده يقولي وانا مالي :D
والنوم فعلا بقا صعب اوووووي ده غير الهرمونات انا حاسه ان هرمونات التاسع دي بالشهور كلها !! الواحد عنده حالة اكتئاب غبيه اوي

هههههههههههههههههههههه
متجيبيش سيره الاكتئاب انا خلاص

بقيت بتلكك

كل حاجه دموعى حنفيات وافضل اتشحتف لغايه لما اصدع

وبعدين اكتشف انى كنت بعيط على حاجه هايفه هههههههههههههههههههههههه

ههههههههههههه والله ياشيري انا بقالي يومين كل ماييجي بالليل اقعد اعيط لوحدي ومعرفش انام وبدون اسباب بقا حاجه تغيظ يعني

شيرى و هوبا ربنا معاكم و يهونها عليكم يارب

بصى يا شيرى انا كنت بعمل كدة من اول يوم ولادة ... ارضعها الساعة 12 بليل رضعة مشبعة يعنى لحد ما تستكفى و اكرعها و اديها التيتنة ( بمناسبة التيتنة اللى هى مهمة قوووووووووووووووووى لو ناوية تنظمى الرضاعة لازم البيبى ياخدها فى اول ساعة بعد الولادة والا مش هيقبلها ) و لما كنت بتزن كنت بحاول انيمها باى شكل و ساعات بديها اعشاب ... الدكتور قاللى لازم فترة بليل مترضعش عشان بطنها ترتاح من رضاعة طول النهار و ميجلهاش مغص و غازات ... و ده الحمد لله ماثرش خالص على وزنها الحمد لله

أجمل ايام العمر;16019117:
شيرى و هوبا ربنا معاكم و يهونها عليكم يارب

بصى يا شيرى انا كنت بعمل كدة من اول يوم ولادة ... ارضعها الساعة 12 بليل رضعة مشبعة يعنى لحد ما تستكفى و اكرعها و اديها التيتنة ( بمناسبة التيتنة اللى هى مهمة قوووووووووووووووووى لو ناوية تنظمى الرضاعة لازم البيبى ياخدها فى اول ساعة بعد الولادة والا مش هيقبلها ) و لما كنت بتزن كنت بحاول انيمها باى شكل و ساعات بديها اعشاب ... الدكتور قاللى لازم فترة بليل مترضعش عشان بطنها ترتاح من رضاعة طول النهار و ميجلهاش مغص و غازات ... و ده الحمد لله ماثرش خالص على وزنها الحمد لله

يعنى اخد التنينه معايا المستشفى واحطها لها اول ما تتولد ولا ايه ؟

وكمان خايفه تتعود عليها ومعرفش ابطلها هى المفروض اشيلها منها امتى

وانا نفسى انظم الرضاعه علشان ارتاح لانى فى زياد اتعذبت بسبب الرضاعه بالليل دى ونمه ما انتظطش وعرفت انام كويس غير بعد الفطام بحوالى شهرين

يعنى كان عنده سنه و 8 شهور طلع عينى

وربنا يباركلك فيها وتشوفيها عروسه قمر

ويطمنك على العروسه اللى جوه وتنزل سليمه معافاه يارب وتفرحى بيها F:

فرااااااشة وهوبااااااا وعليااااااا ربنا يقومكوا بالسلامة يااااااااااارب انتوا والنونات
وبطلوا اكتئاب بقي مستعجلييييييييين على النكد لييييييييييه ما هو جي جي مع قلة النوم وقلة الراحة وقلة المزاج فماتقلقوش يعني