« تجهيزات عرائس ' مصر ' لشهر ربيع الاخر 1433 - 2012 م / الجزء : 170 »

Bota;15984093:

كرووووووووومبة انضمى معايا ياعرورة :)
انا محتاسه نفس الحوسه دى انا نزلت اتفرجت فعباس العقاد اتعقدت وروحت ايه الفساتين الجامده دى وايه الاسعار المستهبله دى انا كنت ادخل اتصدم انا وخطيبى ونخرج نبص لبعض كدا :|:worn_out::|:D بجد حاجات وهم وهم وهم شيك اوى ونضيفه اوى بس الاسعار بقى 2500 و3000 وحاجات كدا بصراحة تعقدحتى الواحد مايفكرش يفاصل لما افاصل هنزله لكام ياعنى 2000 ولسه الكوافير مش اقل من 1500 ولسه بقى الحبشتكانات بتاعة الفستان جزمة وبديهات والذى منه :D ياعنى بتاع 4000 ليا لوحدى ولسه الغلبان يجيب البدله ويروح للحلاق :D ياعنى هندخلنا ف 5000 :worn_out::worn_out::worn_out::lol::p على ايه ياعنى ولسه القاعة يالاااااااااااااااااااااااااااااهوى الله يكون فعونك ياللى فبالى :D دا اسمه استهبال بجد بس فساتين بتعقد بتعقد بتعقد بس بصراحة مستحرمة ادفع الفلوس دى فإيجار وبصراحة بردوا ياكرومبه ليه تدفعى 3000 وتشترى فستان هتلبسيه مرة وتركنيه ماتدورى كتير اكيد هتلاقى ايجار حلو ويعجبك وسعره مناسب وانتى مادام مش عاجبك الستايل الاوروبى والتركى دا وبتحبى الحاجات المدندشه كدا يبقى هتلاقى كتير منه فالفساتين السورى ودى اسعارها بتبقى حلوة اوى بس انتى دورى وان شاء الله تلاقى
انا فرحى فنص شهر 5 بإذن الله هنزل احجز الفستان ان شاء الله اول شهر 4 كدا ماتبصيش من دلوقتى لو لسه شويه على فرحك علشان اصلا بتنزل موديلات جديده وكمان الحاجه اللى هتلاقيها حلوة الشهر دا ممكن بعد شهرين تكون اتلبست كذا مرة ونضافتها اتغيرت انتى انزلى اتفرجى وقت لما خلاص هتحجزى علشان تضمنى نضافة الحاجه



و الله يا بوته انا كنت فى الاول عامله حسابى على 1500 و قولت ايه ده يوم ما يطلع و يبقى غالى
طبعا لما ابتديت اتفرج لقيت ان الرقم ده ما ينفعش
و انتى عاندك حق انا مستخسره اشترى بس خطيبى عكس الناس عاوزنى اشترى مش ااجر مع انى مش شايفه فيهاااااا حاجه يعنى قالى لا ايه ايجار و فى الاخر ترجعى الفستان لكن انا كل اخواتى اشتروا الفستان و بيبقى ذكرى حلوه !!!!!!! بصراحه مستغرباه و مش مقتنعه و بفكر اطنش و اجر و احطو قدام الامر الواقع هههههههه بزااات ان الدنيا خلاص ابتديت تزنق فى الفلوس و الى بيقولو ده و لا هينفع بس بقول ممكن اختصر شويه فى الكوافير انى مش اخد الباكدج الى فيها حمامات كتيره دى و ابقى انا اعملها مع نفسى برا الكوافير عشان بابا الى يدفعها ههههههه عشان اوفر لخطيبى شويه و انتى عاندك حق فيه مليون حاجه و الحاجات كلها نار

تانى حاجه الاوروبى حلووو و كل حاجه بس بيكون التطريز على الجزء الى فوق بس من الفستان و الباقى ساده او بسيط اوى ده الى مش عاجبنى فيه
السورى شوفته رخيص بس بصراحه ماعجبنيش خالص الخامه بتاعتو وحشه اوى هو فى الصور بيطلع حلو عشان صاحبتى اجرت واحد لكن على الحقيقه بيكون مش اوى
بصى هو انا عاوزواه مدندش بس الى هو شيك بحب الى فيه شغل بالفضى لو تعرفى فستان حنان ترك الى لبستو اول لما اتحجبت بتاع هانى البحيرى و عروسه حماده هلال فستانها جبااااار انا بقى عاوزه اجيب حاجه كده رغم انى عارفه ان الاصلى بتاعها سعر خرافه
عشان كده فكر اشوف الاتليلهات الى بتفصل عشان الى بيتقلد تصميم الناس المشهوره دى
اعرف اتيليه عايده نجيده ده حلو اوى فى الحاجات دى بس مش عارفه اسعارها وصلت كام و اعرف ناديه الشيخ دى نااااااااار مش هروحلها عشان مش اتعقد
قوليلى لما نزلتى عباس العقاد و لقيتى حاجات شيك اوى بتقولى بيكون بيع و لا تاجير 2500 - 3000 ده ايه ؟؟ لانى مستكتراه تاجير لكن لو بيع ممكن افكر
و عاندك حق فى موضوع الوقت بس الى مخلينى ادور من بدرى انى لو مش وصلت لحاجه جاهزه هفصل فى اتيليله و ده عاوز بتاع 3 شهور

Bota;15984160:

فخمتو فخمتو انتى عاوزة حاجه بقى ولا هى الهادى الغالى على الفاضى دا ولا هى المدندش السورى التل دا بس كدا فعلا لو فدماغك حنان ترك وحماده هلال يبقى هيكون غالى اوى فعلا بصى انتى دورى يمكن تلاقى اللى انتى عاوزاه وان شاء الله تلاقى احلى حاجه تتمنيها
واللى انا شفته فعباس العقاد دا كان ايجار

Bota;15984168:

بنات هو اجرائات كتب الكتاب بتاخد وقت قد ايه حد يعرف ؟؟؟؟؟؟؟؟؟؟؟؟؟

Bota;15985030:

كرومبة جامد التقرير دا ;) بس فين بقى طيبه مول دا :D علشان اروح اتفرج كدا علشان انا معرفش غير جراند مول وجنينه مول وسيتى ستارز وكايرو مول وبس كدا كفايه عليا :D ان شاء الله علشان لو السعر كدا وبالحلاوة دى كلها يبقى حلو اووووووووووى
ميمى ميرسى على ردك ياقمر بس انا قصدى الشهاده الصحيه والحاجات دى اعملها قبل كتب الكتاب بقد ايه انا فاضل على الفرح شهرين ونص ان شاء الله وعاوزة اخلص كل حاجه بدرى علشان افضى للشقه لحسن دى فله معملتش فيها اى حاجه فعادى بقى لو خلصت الورق بدرى ولا دا ليه مده صلاحيه كدا زى الفيش والتشبيه وورق البطاقه والكلام دا ؟؟؟؟

Bota;15989630:

دودو ربنا يسعدك يارب ان شاء الله ويسهلك الحمل والولاده ان شاء الله وتفرحى بالبيبى بتاعك :) وميرسى على تقريرك عن الفستان ويارب كل البنات تجيب الفستان اللى بتحلم بيه طول عمرها :)

بطة مفتاح دا انا فعلا سمعت عنه قبل كدا بس اكيد لما يسيب الوكاله وينقل على مدينه نصر هيتجنن و اسعاره هتضرب فالسما :D

روروووووو صباح الخير بالليل :D
اظاهر اتجوزا من ورانا بقى يارورو :D بصى ياستى الملايات دى انا جايباها من التربيعه وشارع الازهر وكانت الملايات ب 160 و150 و135 و155 هو دا كان رينج الاسعار والبطاطين بصراحه انا ماعرفش غير المجد انا جيبه بطاطينى المجد وتحفه حلوه جدا مشاء الله والاستانليس بصى احلى حلل استانليس اسمه كوركوماز ودا بيتباع بالحله مش بيتباع طقم كامل انتى بتختارى المقاسات اللى انتى عاوزاها وكل حاجه ليها سعر لوحده