أفـراح;15986809:
الله يباارك فيك مريم
اممم الحمدلله كل شي تقريبا كان حلو ومرتب
ماعدا الكوشة والديجي صارت شوية امور يعني الديجي تاخر بس كان حلو
والكوشة واجد نقصوا اشياء وغيروا اشياء ماطلعت مثل ما اريدها بس الحمدلله عجبت الناس
بس بعدنا ماعطيناه كل الفلوس
نصيحة لاتدفعوا كل الفلوس للكوشة والديجي الا بعد ماتشوفوا الشغل والنتيجة
عطوهم النص والنص بعد العرس
وشيء ثاني اهم شي تكوني ريلاكس
يعني حطي فبالك انه لازم بيصير شي سلبي او شي عكس الي تريديه او شي مايصير
فتوقعي اسوء الاحتمالات عشان لاتتنكدي
انا اول ماجاني خبر عن الكوشة قلت ماعليه مابغصب مابتضايق
الامور الثانية اهم
اهم شي تعدي هالليلة على خير ونستانس
والحمدلله مازعلت ولا تضايقت
بس يوم خلص العرس قلت ماعليه :mad:
حلاة العروس ف عرسها تكون مرتاحة ومبسوطة وكل الامور الثانية ترا مظهر وتروح
الفستان والميكب والمسكة اهم شيء بالنسبالك اكثر شي الناس ماتنساه :thumbs_up:
اذا بغيتوا نصيحة عن شي مايردكم الا الكيبورد :p
مشكووورة افراح حبيبتي
ان شاء الله ربي يوفقك مشكورة على النصائح
ممكن تخبرينا في التجهيزات شو الاشياء اللي حسيتي انك خذتيها وما لها داعي او كثرتي منها وشو الاشياء اللي تنصحينا نكثر منها في الشراء واللي نقلل منها
بنات هالسؤال للكل مو بس افراح
انا سألت ربيعتي تقول العطور لا تكثرو منها ما له داعي خذي بحدود وقالت لي بعد كثري من الملابس الداخليه لانه تضطري تغيري وايد
*درة الخزامى*;15987019:
مرحبا حبوبات انا بعد ملكتي تاريخ 15 مارس والحمدلله حجزت صالون وفستان تقليدي حصلت
والحين ف الطريق لامارات عشان العبي والجلابيات..تقريبا نفس مريم ف كل التقسيمات..
بس استشارة يا عرايس ف الملكة انزل شعري كامل ولا اسوي تسريحة؟
مبرووووك درة الخزامي الف الف مبروووك
ان شاء الله تتوفقي في الامارات وتخلصي عنك اغلبيه التجهيزات
Dla3εïз;15988385:
:adore:
مرييم ::/ ما شاااءالله احسسسج مرة مرة مرة متحمسسه بسم الله ما شااءالله :thumbs_up: وان شااءالله اموركـ كلهـآإ سهـآلهـ ياا رب ... انا بعد مهري 6000 واحس م عاارفهـ اشلون اقسم ابدآـآ‘إ ... من ترووحي دبي خبرييني وين الامااكن اللي رحتيهـآ وشو اشتريتي واسماء المحلآت المهمه هع ,,, ومنكم نستفيييد :thumbs_up: , صح متى عرسج انتي ؟ استملكتي ولا لسسه ..!
......
انا بصرااححـه نفسسيتي مرة مرة متلعووزهـ ,.! احين انتظر اخو خطيبي تترـآإجع صحته ! ومرة العرس يقدموهـ ومرة يأخروهـ والكلآم م ثاابت ونفسسيتي احس متدمررهـ حتى م خااطري اهتم بشيء ولآ افكر :'(
....
هههههه مب سالفه متحمسه .. انا فوادي حار... احاتي وايد احس اني لازم اخلص مع انه معي وقت وايد
انا عرسي تاريخ 7 / 6 ان شاء الله... الملكة والعرس نفس اليوم
الله يعينك دلع .. اهم شي تعرفي التاريخ متى ... اول ما يخبروك التاريخ وتتفقوا عليه بتحسي الامور تخلص .. سيدة سيري احجزي وخلصي كل امور الحجز عقب ابدي في المشتريات واهم شي لا تاخذي المكياج الا قريب العرس عشان ما يخترب
M$.ChOcOLaTe;15988627:
مرحبــا صبايا ,, سوري محتاجــه هيلب لربيعتي ,, شو اسعار الميكب للعروس عند زلفــى ؟؟ واذا مب عروس وابى زلفى تمكيجني كيف ؟؟
وبعد في وحده فالغبره كانوا يطرونها البنات من فتره عندها فساتين من الامارات ابى رقمها ,, ومنو بعد عنده فساتين اعراس في مسقط شغلهم فخم وراقي بس مب دفش ؟
ومنو اخر المعروفين بالكوشات ؟ طريتوا واحد نفس ستايل جندل منو ؟؟
هلا مس شوكليت .. اسعار ميكب العروس 160 ريال عند زلفى امم اذا مب عروس ما ادري ان شاء الله البنات يفيدونك رقم زهرة الحبسي اتذكر انه حد طرشه لي براجع المسجات عقب وبرد عليك
------------------
انا امس وصلت من دبي الحمد لله يلست يومين وانجزت وايد اشياء
سرت مركز المنال وشريت من عندهم قمصان نوم ... فيه اكثر من محل يبيع قمصان نوم وبصراحه حلوات وراقيه نوعت خذت قصير وطويل وخذت لبسه لليله الدخله ....
وخذيت اقمشه من المركز .. وفيه برا بناية كلها اقمشة يسموها بناية الكويتي بعد خذت منهم اقمشه والشارع كله سوق اقمشه وغيرها وسوق نايف بس بصراحه ما دشيت سوق نايف ...
اليوم الثاني سرت الشارقة ... السوق القديم دشيت مركز سارة وشريت بعد اقمشه وعقب رحت للخياييط هناك وفصلت مخورات ..
وبعدين رديت دبي مرة ثانيه ورحت ل مركز بو هيل ... فصلت عبايات ... اللي شفته دارج معهم القصة الواسعه لا مخصر ولا فرنسي .. قصة واسعه ومدخلين الدانتيل في العبي بعض العبي الردون كامل دانتيل وبعضهن مدخلين الدانتيل في الصدر ومن تحت العباه ... المهم يعني القصه واسعه وماكو الوان لاحظت كل العبي الدارجه اسود في اسود ... المهم انا فصلت عبي سودا وبعد فصلت الوان حبيت انوع ...
هذا تقريري البسيط
تقريبا خلصت كل شي بس باقي ادور على الفستان عاد الله يعين واحصل اللي اباه