شات منتظرات الحمل وامهات المستقبل القريب باذن الله لشهر ربيع ثان/مارس

لا اعتقد بطن يا شيماء على حسب اللى حصل معايا يعنى فى حمل بيللاا ( مش لازم تعملى واكس ) انتى هتروحى للدكتور امتى ان شاء الله ...؟؟

السلام عليكم و رحمة الله و بركاته
مها معلش يا مها إن شاء الله خير و ميكونش فى أى مشكله و حاولى تتصلى بأى صيدلية اسأليهم و عرفيهم إنك حامل ممكن يدوكى حاجة تنظف معدتك إن شاء الله خير

شوشيت احسن حاجة صلوا صلاة استخارة و ربنا يهديكو للى فيه الخير إن شاء الله و انا شخصيا رأيي لو ماديا مستعدين توكلوا على الله و اعملوا حقن أفضل هو اى نعم مكلف اكتر من التلقيح بس انتو جربتوا التلقيح قبل كدة إنما لو ماديا مش مستعدين يبقى جربوا مرة كمان بس الافضل صلوا استخارة و ربنا هيسهل الطريق الاحسن

مروة بصى جربى مرة كمان تنشيط بس بالله عليكى من غير توتر و شد عصبى خليكى ريلاكس و حاولى تشغلى نفسك بأى حاجة متركزيش و تفضلى تعدى الأيام و إن شاء الله خير و داومى على الاستغفار و ربنا كريم

هدى انا اول ما اتجوزت كنت بعمل زيك بس بصراحة مش لدرجة كوى الغيارات بس انا اصلا بطبيعتى حنتوفة أوى فى كل حاجة و موسوسة جدا فى موضوع النظافة بس اول ما اشتغلت بعد الجواز بخخخخخخ و متضايقة جدا انى مقصرة فى حق البيت بس غصب عنى بصراحة برجع من الشغل يا دوب اعمل أكل لو مفيش أكل و ببقى مش طايقة أعمل حاجة بس انتى يا بنتى جاية على نفسك أوى الله يكون فى عونك

شيماء انا نفسي أعمل واكس بردو و عندى ميعاد مع الدكتور الاسبوع اللى جاى بس مكسله موووووووت بفكر اعمل بكريم المرة دى بس مبحبوش و بقرف منه اوى ربنا يسهل و اقدر أعمل

بفكر نشترك اانا و اخواتى و نجيب لماما مكنسة غصب و اقتدار امى مش بتعترف بيها خالص و شايفة انها مبتنضفش و لحد دلوقتى بتستعمل المقشه و اختى الصغيرة اللى بيطلع عينها طبعا لأنها هى اللى بتنضف فبصراحة قررنا نرحم اختى و نجيب لماما مكنسة علشان اختى تترحم م ن المقشة :)
بالنسبة لحماتى لسة هنشوف اخوات جوزى هيعملو إيه و نشترك معاهم

magda 1;15993372:
امونه انا لسه ما طهرتش احمد روحت للدكتور قالي استني شهرين تلاته كده لانه لو اطاهر دلوقتي ممكن يحتاج يعملها تاني

يحتاج يعملها تاني ليه؟؟؟ايه اللي حيحصل يعني؟؟؟؟قالكو ليه طيب؟؟؟

miramiro;15993419:
هاتجيبوا ايه فى عيد الام
لمامتك و حماااااتك؟؟؟



انا محتاره ومش عارفه خاااالص

مش حنجيب:cool:

miramiro;15993418:
كان فى اقتباس كمان هرد عليه و طاار ومش فكراه :(

انا في منطقة معزولة اكتر من القصيم يا ميرا

بس انا اخدت علي كدا خلاص وعمري مانزلت لوحدي غير مرة خطيت الشارع ورحتله الصيدلية وهو كان واقف قصادي لحد ما رحتله

سحر ,,,,,,,,,,مفيش احسن من الاخوة بين الزوجين ههههههههههههههههه, وهبوسلك عمر وهو نضيف حاضر

مها ,,,,,,,,,,,, الدود كله بروتين يا بنتي ههههههههههههه, متخافيش يا بت

بوسي ............. انا كمان بتفرج على فاطمة جميل اوي ومرات اخوها عايزة قطع رقبتها

ميرا ............ لا احنا مش مدايقين خالص من حكاية الاخوة دي , اولا لان جوزي راجل محترم مش شهواني :) وساعة الجد يقدر يصبر زي ما صبر ايام حملي , وكمان احنا مش بعيد عن بعض يعني بنقضيها احضان وبوس وخلاص كدا احلى كتير والله كاننا مخطوبين , هو مستني بس الدورة تتضبط عندي وتجيلي كمان مرة او اتنين عشان يعرف ايام اتبويض امتى

ميجو هو ليه الدكتور قالك كدا على الطهارة ؟

شوشو ........... انا رأيي كمان زي جوزك عيدي التلقيح وخصوصا انه مش غالي في مصر , وروحي دكتور بتاع ميجو يمكن ربنا يكرم ومتحتاجيش حقن

مها
عاملة ايه النهاردة

مروه 2011;15992883:

مساااااااااااااااء الخير
ايه اخباركوا
الواحد موده النهارده ووووووووووووووووحش
صحيت من النوم لقيت البريود جت
يلا ملناش نصيب الشهر ده الحمد لله
بعد صراع طويل مع المنشطات
بقولكوا ايه انا متبعه مع دكتور ماشى وكان
كتبلى علاج وفى علاج تانى قلى لو البريود جت
هاتيه هو عباره عن منشطات وتعالىاليوم ال13 منها
بس انا تعبت من الدكاتره والعلاج وكده
ومليش نفس اروح رايكم بقى اروح واكمل معاه
ولا اريح الشهر ده تعبت من الحقن اووى
حد يرد عليا لانى محتاره اووى
عيزه حد مجرب العلج يرد عليا

مروة انا رايي تكملي وربنا يرزقك إن شاءالله بس لو قلقانه حاولي تستشيري دكتور تاني مش هاتخسري حاجة يطمنك انك ماشية صح

مروه 2011;15992889:

مها انت عامله ايه

يارب يرزق بذريه صالحه معافيه يارب ويباركلك فيهم

جميييييييييييييعا إن شاءالله يا مروة :)

shoshet*himo;15993091:
ازيكم يا بنات وحشتوني اليومين دولن


انا وجيراني ملناش علاقه اوي زي ماانتوا فاهمين اصلا كلهم ستات كبار مش زيي بس هما بيخبطوا عليا وبيبقوا عاوزين يخشوا يرغوا بقول اتفضلوا هعمل ايه والكلام بيتفتح بقا حاجه تقرف لكن انا والله ولا بسال علي حد ولا عاوزة اعرف حد خالص ربنا المستعاااان



مها سلامتك بصي متاخديش ف بالك انتي قرفتي بس ودي المشكله قومي كلي اي حاجه تانيه بتحبيها وبس وكبري ان شاء الله مافيش تسمم ولا حاجه


اموووونه


وحشششششششششششاني وشكرا علي دوعاكي يا عسل وانك فكراني وبوسيلي عموره وهو مستحمي كده وفله ضروري هه

الله يسلمك يا شوشووووووووووو انا قرده اهه وبافكر اضرب طبق عدس تاااااااني :D:D

shoshet*himo;15993102:
جوزي امبارح بيقولي نعمل تلقيح صناعي تاني وانا مش راضيه ايه رايكم يا بنات ؟؟ انا مش راضيه عشان شايفه انه مشروع فاشل ونعمل الحقن علي طول وكفايه مصاريف وهو بيقول نعمله وخلاص ايه رايكم؟؟

انا رايي زي ما ميجو قالت تجربي حد رخيص كده مش هاتخسري حاجة اساساااااااااااااااا انتي مش محتاجة الحقن لان معندكوش مشكلة وحلها الحقن فتوكلي على الله برده واستخيري

د.ودعه;15993187:
متتخضيش يامها مش حيعمل حاجة للنونو الخطر التسمم بتاع السالمونيلا اللي في الحاجات المعلبة والمطبوخة والاكل البايت او النص سوا

الحمدلله يا ودعه انا كويسه ربنا يكرمك يا جميل :)

حلاوتى زايدة حتة;15993645:
شاطرة :-#:-#:-#:-#:-#:-#:-#:-#
طب ليه مش الشرابات كمااااااااااااااان:badly::badly:

طب يابنتى كلمى الدكتورة بتاعتك يمكن تديكى مطهر ولا حاجة

و متقلقيش يعنى الدوود دا متغذى على حاجة كويسة على العدس صح؟؟؟؟ طيب حاجة نضيفة يعنى

:D:D:D:D:D:D

مابالك بئا الشيبسى والبيبسى الحاجات اللى بناكلها دى معمولة من حاجات مؤرفة جدا

انا مش بتريق والله بس مرا اكلت حتة من خس واكتشفت ان كان فيه دوود اخضر كدا:worn_out::worn_out::worn_out: واخويا قاللى يابنتى دا متغذى على الخس واخد الخلاصة كلها مش شايفة لونهم اخضر ازاى :lol:



مروة ازيك:):)
انا معرفش ظروفك ايه بس
ليه بتزهقى وتتعبى؟؟؟

ينفع نمشى نص السكة ونرجع من الاول تانى؟؟؟؟؟؟؟؟؟؟؟؟؟

كدا كأنى اخدت الطريق ف 1.5 :worn_out::worn_out: يبقى اخدة ف 1 احسن:):)

بنات انا عندى برد فظيييييييييييييع اولا زورى واجعنى جدا ومش قادرة اتكلم
ثانيا عضمى كله مكسر
ثالثا منمتش من امبرح حاسة ان جسمى سخن وانا اصلا مش سخنة:sick::sick:
رابعا عندى اسهاااااااااااااااال:sick::sick: وشربت قهوة بلمون ومش عاملة حاجة
خامسا عايزة اقوم اعمل واكس:o:o

سلامتك يا شيمو بس كشف الدكتور بيبقي عادي سونار بطن مش محتاج الواكس الا لو عاوزة الواكس لاغراض اخري بقي ;)
وكلامك صح فعلااااا بالنسبة للدود وكده............انا اهه محصليش اي حاجة الحمدلله ولا مغص ولا سوري يعني غازات حتي...........غير لما من كام يوم كلت سندوتش شاورمة من بره يا لهويييييييييييي على اللي حصلي بطني عملت زي احمد حلمي في عسل اسود لما كل الفسيخ وفضلت اتلوي طول الليل من المغص:sick::sick:

د\امونة;15994060:
سحر ,,,,,,,,,,مفيش احسن من الاخوة بين الزوجين ههههههههههههههههه, وهبوسلك عمر وهو نضيف حاضر

مها ,,,,,,,,,,,, الدود كله بروتين يا بنتي ههههههههههههه, متخافيش يا بت

بوسي ............. انا كمان بتفرج على فاطمة جميل اوي ومرات اخوها عايزة قطع رقبتها

ميرا ............ لا احنا مش مدايقين خالص من حكاية الاخوة دي , اولا لان جوزي راجل محترم مش شهواني :) وساعة الجد يقدر يصبر زي ما صبر ايام حملي , وكمان احنا مش بعيد عن بعض يعني بنقضيها احضان وبوس وخلاص كدا احلى كتير والله كاننا مخطوبين , هو مستني بس الدورة تتضبط عندي وتجيلي كمان مرة او اتنين عشان يعرف ايام اتبويض امتى

هههههههههههههههههههه ماما قالتلي برده على موضوع البروتينات دي يا امونة فبافكر اخليه كورس طول الحمل كل يوم دوده بعد الفطار :D:D



مي ومني وميرا وبقية البنات اللي سلموا عليا ربنا يخليكوا ليا يا بناااااااااااااااااااااااات :adore::adore:

د.ودعه;15993226:
:(:(:(

مالك يا ودعه مين زعلك الواد زيزووووووووووو ولا باباه :)

magda 1;15993372:
امونه انا لسه ما طهرتش احمد روحت للدكتور قالي استني شهرين تلاته كده لانه لو اطاهر دلوقتي ممكن يحتاج يعملها تاني

ده دكتور الاطفال؟؟؟؟؟؟؟؟؟ لا طبعا اعمليها على طول كل ما يبقي صغير كل ما يبقي احسن هو في ناس بتقول بعد 40 يوم عشان الدم والتجلط وقصة كده... بس في ناس بتعملها تاني يوم الولاده قبل ماتمشي من المستشفى فغريب اوي الكلام بتاع الدكتور ده

miramiro;15993419:
هاتجيبوا ايه فى عيد الام
لمامتك و حماااااتك؟؟؟



انا محتاره ومش عارفه خاااالص

وانا كمان محتاااااااااااااارة جدااااا من يوم ماتخطبت وانا سنه برفيوم وسنه شنطة وسنة قميص نوم للبيت :D الدور السنة دي على البرفيوم :D:D

حلاوتى زايدة حتة;15993663:
واول مرة جوزى مسك ايدى فيها

كان يوم قراية الفاتحة

كان جايبلى معاه خاتم هدية ولما الحمد لله اتفقنا خلاص قال لبابا ممكن البسها الخاتم

ولما جه يلبسهولى مسك ايدى وانا برئتله جااامد:worn_out::worn_out::worn_out: والله خاف منى يوميها:lol::lol:

المهم انى بعدها بسئلة لو لقدر الله مكنش حصل اتفاق كنت هتدينى الخاتم برضه

قاللى ايه بئا تخيلو:adore::adore::adore::adore:



لا طبعا اديهولك ليه يعنى كنا هنمشى وخلاص

قلتله طب والخاتم ،،،قاللى مهو كان كبير عليكى ساعتها ماما كانت تاخده:-#:-#

دا بدل مايقولى عمرى ما كنت هسيبك

لو باباكى كان طلب ايه كنت هجيبه برضه ولا انى اسيبكF:F:

كان نفسى يقولى كدا أووووى والله ولو من باب المجاملة:lol::lol:

معلش يا شيماء ماتاخدبس في بالك عااااااااااااااااااااااااااااااااادي ياما اتقالنا برده :cool:

maha211;15994213:



مي ومني وميرا وبقية البنات اللي سلموا عليا ربنا يخليكوا ليا يا بناااااااااااااااااااااااات :adore::adore:

حاولى يا مها متاكليش من بره لا شاورمه و لا بتاع لان كله عك فى الاخر و اهو ربنا ستر الحمد لله اهو حتى الواد يطلع عنده مناعة ميبقاش مايص مايص كده و واخد على الاكل المعقم :lol:

انتوا كلكوا بتتفرجوا على فاطمة دي؟؟؟؟؟؟؟؟؟؟؟ انا مش قادرة اشوف سمر غير مع مهند في العشق الممنوع مش قادرة اتصورها في حاجة جديده خاااااالص
بسسسسسسس بباتفرج على روبي :) ومش عاجباني اوي بس شغاله
وباتفرج يوم الخميس على نساء حائرات :)

RAINBOW2000;15994229:
حاولى يا مها متاكليش من بره لا شاورمه و لا بتاع لان كله عك فى الاخر و اهو ربنا ستر الحمد لله اهو حتى الواد يطلع عنده مناعة ميبقاش مايص مايص كده و واخد على الاكل المعقم :lol:

حاااااااااااضر يا مي :) انهرده كنت بره ومسكت نفسي بالعااااااااااافية والله هاتجنننننن على الفاست فود بس مش عارفة هو ده الوحم ^o) ولا ده استهبال ولا ايه :D

مييييييييي دخلتي جروبات الفيس ايه ايك فيها بقي؟؟؟؟؟؟؟؟؟؟؟؟؟؟؟ :) هي احلي ولا هناااااا

maha211;15994240:
مييييييييي دخلتي جروبات الفيس ايه ايك فيها بقي؟؟؟؟؟؟؟؟؟؟؟؟؟؟؟ :) هي احلي ولا هناااااا

مش عارفة يا مها معجبتنيش خالص حاسة انها عاملة زى المولد كده هنا احسن بكتير و فعلا حتى هناك الكلام فى حجات شخصية و كده على المشاع كده ممكن يجيب مشاكل
متبسطش اوى بصراحة
انا اصلا من امبارح الفيس بوك مش عاوز يفتح معايا اصلا مش عارفة ليه

الا هى مين فاطمة دى بيجى فين المسلسل ده ؟

RAINBOW2000;15994268:
مش عارفة يا مها معجبتنيش خالص حاسة انها عاملة زى المولد كده هنا احسن بكتير و فعلا حتى هناك الكلام فى حجات شخصية و كده على المشاع كده ممكن يجيب مشاكل
متبسطش اوى بصراحة
انا اصلا من امبارح الفيس بوك مش عاوز يفتح معايا اصلا مش عارفة ليه

الا هى مين فاطمة دى بيجى فين المسلسل ده ؟

اه هو فعلا بتحسي كده في الاول بس بعد كده هاتتعودي وتتعرفي عليهم

وفاطمة بيجي دلوقتي على سي بي سي وبيجي كمان على الام بي سي بس معرفش امتى

يا بنات حيرتوني اكتر ما انا محتاره

شيماء انا وجوزي معندناش اي سبب يمنع وخدت منشطات بالهبل ومعملتش اي حاجه للاسف وانا تبويضي كويس كمان وهو تحليله كويس برضه بس النصيب

بصوا يا بنات احنا الحقن متأجل بالنسبالنا دلوقتي لغايه ما جوزي يمسك شغل بس ونعرف دخلنا ايه وبعد كده نفكر ونقرر نعملها هو معانا الفلوس الحمدلله بس مينفعش في الظروف دي دلوقتي نصرف كل اللي معانا وهو مش بيشتغل فهمتوا ؟؟؟ فهو بيرشح التلقيح اهوه ارخص ويمكن ينفع وكمان الدكتورة اللي هناك مكانتش عجبانا خالص فهنا احسن وارخص بس وكمان عندي ادويه منشطات لسه في التلاجه فقال نستغلها فالتلقيح لانه اكيد هيبقي في تنشيط معاه
ها ايه رايكم دلوقتي ؟؟

ميجو دكتورك فين بالظبط ؟؟؟ لان دكتوري اصلا اللي متابعه معاه وعاملي المنظار ضد التلقيح قالي وقت ما تعوزي تعملي الحقن تعالي غير كده لا

مها ابعتيلي رقم موبيلك؟؟؟

shoshet*himo;15994418:
يا بنات حيرتوني اكتر ما انا محتاره

شيماء انا وجوزي معندناش اي سبب يمنع وخدت منشطات بالهبل ومعملتش اي حاجه للاسف وانا تبويضي كويس كمان وهو تحليله كويس برضه بس النصيب

بصوا يا بنات احنا الحقن متأجل بالنسبالنا دلوقتي لغايه ما جوزي يمسك شغل بس ونعرف دخلنا ايه وبعد كده نفكر ونقرر نعملها هو معانا الفلوس الحمدلله بس مينفعش في الظروف دي دلوقتي نصرف كل اللي معانا وهو مش بيشتغل فهمتوا ؟؟؟ فهو بيرشح التلقيح اهوه ارخص ويمكن ينفع وكمان الدكتورة اللي هناك مكانتش عجبانا خالص فهنا احسن وارخص بس وكمان عندي ادويه منشطات لسه في التلاجه فقال نستغلها فالتلقيح لانه اكيد هيبقي في تنشيط معاه
ها ايه رايكم دلوقتي ؟؟

ميجو دكتورك فين بالظبط ؟؟؟ لان دكتوري اصلا اللي متابعه معاه وعاملي المنظار ضد التلقيح قالي وقت ما تعوزي تعملي الحقن تعالي غير كده لا

طالما الحقن عندك يبقي توكلي علي الله


اصل هو مجرد تنشيط فعشان كده كنت بقول انتي نشطتي كتير

مين هناااااااااااااااااااك

يا جماعه الدكتور الي قالي كده بتاع الجراحه هو بصراحه انا مش فاهمه اوي بس ماما هي الي فهمت ههههه وقالتلي بيبقي في ولاد كده هو تقريبا و الله اعلم الجزء الي بيتقطع مش باين اوي و وسألت فعلا ولقيت ناس بتبقي كده و بيعملوها بدري فالجزء الي بيتقطع بيفضل منه حته فبيعملوها تاني ........ شوشو الدكتور في مكرم عبيد ناصيه السلاب بتدخلي في الشارع ده وتمشي شويه و بعدين هتلاقي جنينه هو قصادها علطول ولو عايزه تلفوناته ابعتهوملك

ماجدة ميرا
عاملين ايه


سهرانين ولا حتمشو