بيتنا الثالث والعشرون ...بيت رحمة من رب العالمين

صباحكم ورد..صباحكم تفاؤل وروقان..

الشر ما يجيكم جميعا..

______________________

يومياتي..

امس..بعدكم نقعت حمامي بكلوريكس وديتول..

وغسلت حمام بناتي.. ورجعت لحمامي غسلته ولمعت مرايته..

ثم رتتبت ملابس بناتي بالدواليب..

وخذت ملابس لزوجي لها اكثر من اسبوع مرمية بالغرفة تبي كوي..

كويتها وعلقتهن بالدولاب.. ثم دخلت المطبخ..

طبخت غدانا مكرونة.. تغدينا وغسلت المواعين..

فكيت ستارة الصالة<< صالتي بالوسط ومفتحة وحاطين ستاير ديكور و عشان تبرد بسرعة بالصيف..

فكيتها وعالغسالة.. ثم نشرتها..

وقعدت مع جود وواجباتها..ااااخ بس من هالواجبات..:badly:

بالليل عشيت بناتي برقر.. وسويت لي ساندويتش بيض بالخضار..

دخلت الثنائي ينام.. ثم دخلت المطبخ نويت عليه نية..

جبت ممسحة البخار وعبيتها ماء ورقيت عالكاونتر ونظفت الجدار اللي حول الهواية..

ثم كملت على باقي الجدار.. وجازت لي السالفة..

وكملت مسحت جدار المطبخ اللي بين السقف والدولاب.. اول مرة انظفه من عشر سنين:worn_out:

وجبت سكين الاسمنت مدري وش اسمها.. وقعدت احك السراميك اللي عليه رش من السقف..

ومسح ومسح.. لين وصلت الفرن..ثم رقيت الكاونتر مع الجهه الثانية وكملت مسح..

ونتج عندي مثلث برمودا..فوق الفرن ما قدرت اطوله:|

ثم نتج لي ثاني فوق الثلاجة و بالزاوية..

وجبت السلم عشان انظف الاماكن اللي ما عندها كاونتر..

وايضا فوق الغسالة والنشاف نتج مثلث..

ثم جبت السلاتة وحطيت الممسحة عليها ومسحت هالمثلثات الاربعة..

وكنست الارضية ومسحتها..

ولقيت روفة نايمة عالسراميك..غيرت لها وحطيتها بفراشها..

ودهنت يدياتي ونمت نوم العوافي :019:

روووز ياقمر اذا ما عليك كلافه
كيف ممسحه البخار يعني عمليه
هي نفسها الي تجي في الدعايه
الاجنبيه زي المثلث

صباح الخيرات هلا برجعه الغوالي وفاء ودودي

رووووز
مثل سؤال وصال كيف هي الممسحه ولو صوره افضل :)
وهل تنصحينا فيها
انا هالايام شاغل بالي امور كثيييره اولها احتمال نطلع من القصيم
وانا منردده هنا قريب لامي باي وقت تبيني اروح لها
وعيالي يبون عمانهم وعيال عمانهم

الله يكتب الخيرررررررره

صباحكم روقان
اهلين بالحلوات وفاااا ودودي. نورتوو يا غوالي

يومياتي كالاتي ههههههه

امس صحيت &#1639; والمطررر ينزل واخواتي كلموني
صحصحت وخرجنا عشان محل كماليات وما فتح خسااارة
واشترينا فطور ورجعنا

قمت عالمطبخ وصار يفتح النفس وعلى الملابس وطبقتها
وغسلت الحمام تكرمون واخذت دوش منعش

وشغلت الفواحة جلسسست الين العصر خرجت للمحل وما لقيت عنده اللي ابغاه. واخذت مفرش طاولات للصاله
ومفرش لصحون الحلا

ورجعت بيتي كسلانه انتظرت العشااء وصليتوجاب زوجي من هيرفي وتعشينا ونمت
&#1641; يازين نوم الليل راااحه

وصحيت صلاة الفجر وشمرت يديني وسويت فته فطير يالسمن والعسل وشاي

باقي الصحون ما غسلتها ماسكني صدااااع


اعمالي غسيل دفعة من الملابس وتمسيح السيراميك
واذا فيه وقت بشوف لي شغلة واسويها

اليوم بروح لماما واعدت وحدة تسوي لي حلاوة وحمام مغربي

روز
احد قالك اني ارتاح لو شفت الوان ردك بسم الله عليك ربي يحميك ويسعدك
والمقطع مرررره اعجبني
نفس السوال
عن الممسحة البخار بشتري لي وحدة بس محتارة فالنوع
صوريها مع الاسم والسعرر ووومشكورة مقدما


رايقة ربي يكتب لك الخييييييرة

شذاوي سلامتك من الصداااع


واللي عندها غسالة صحون تقولي وش نوعها
محتارة بين بوش ويربول
انا تهمني المميزات ابي اللي تغسل بس رف واحد
للواني القليله وهكااا
افيدوني يا حلوات

وكتووووو

الكتابة فالجوال تطفش الاخطاء كثيييييرة

مشاءالله

http://go.3roos.com/3raav0s2jv4
موضوع ره مره في الصميم
ثقتك بنفسك

هلا بنات
شذواي سلامتك ياقمر من الصداع ويسلمو حبيبتي على المدح للسلطة المشوية على بالي الصورة ماطلعت عندكم وياحبي لولدك يارب يحفظه عجبني تعاطفه معاكي ...
دانة الظاهر أن هناك عدة صفات مني أنا كمان حساسة ودمعتي بسرعة ماتنزل لكن مع الايام صرت أمشي وأستخدم الدهاء الانثوي وكمان مرة قراءيت أنك تحبي تكتبي خواطر أنا كمان أحب أكتب خواطر بس ما أكتب الا أذا هزتني مواقف يعني مثلا كتبت بعد ولادتي في بنتي الي توفت فالولادة وكتبت في أحداث الثورة الليبية وكتبت يوم زواجي ويوم وفاة جدي ولما أحس نفسي ما أعرفش أعبر بالكلام أخذ ورقة وقلم ووأطلق العنان لقلمي بس قبل ماتزيد مسؤلياتي كنت أكتب كثير وسؤال مافهمت قناة قناتي على النت أو فالتليفزون؟
أنثي موضوع حلو بس حسيت صاحبة الموضوع عندها تراكمات نفسية وما عجبني قولها لانريد سلطة رجالية لا أخ ولا زوج ولا أب الحياة خلقت بين أدم وحواء لا تستطيع حواء الاستغناء عن أدم ولا أدم ستغني عن حواء الحياة مقسمة بالتساوي وهذا وجهة نظري.

سلام عليكم
اخباركم صبايا
روز حبيبتي ارسلت لك علي الخاص مارديتي علي
اتمني تردين علي
بس ما اكون سببتلك اي ازعاج

لمعة ألماس \

لعلها خيره من الله
والله يكتب لكم اللي فيه الخير



رووز \
يومياتك حلوه ماشاء الله عليك
ومن أول أبغى أسألك عن حقت البخار
وش هي وكيفها معك وإذا ممكن صورة لاهنتي
ووش تستعملينها فيه
يعني الغبار اللي فوق دواليب المطبخ تشيييله : (



==============



يومياتي
اليوم لسى ما سويت شي
من الصباح والحساسية والعطاس مرافقني
الله يعين

راجعه لكم بإنجاز حتى لو بسيط
إن شاء الله

مساء الخييير على الحلوين
شكرا لكل اللي رحبوا بي يا حبي لكم والله
روز ذكرتيني بموقف صار معاي اول ما تزوجت وكنت ما اقعد في البيت كثير وفي يوم انا اكنس لقيت شيء ابيض يزحف من جهة باب البلكونة كنت خلاص حننجن ياااربي وكانت عندي طلعة ضرورية يعني مافي وقت اعزل
توكلت على الله وطلعت وانا خلاص دموعي بتنزل عند الناس تفكيري بس في هالكائن المقزز ولما جعت مرينا السوبرماركت اشترت جميع انواع المنظفات والمبيدات لدرجة اشتريت الاسيد اللي ريحته زي الفلاش بس اقوى اضعاف الاضعاف .
وهاتك يا تنظيف كان في عش حمام في البلكونة وكنت فرحانة بيه عروس جديدة عاد ورومنسية ههه لقيت واحد من فروخها ميت ...
نظفنا البلكونة باسيد وبعدين رشيتها بمبيد ونظفت الصالة وماكان استفحل حده في باب البلكونة وكنت موسوسة كل يوم انكش وادقق .
والغريب في الامر ان هالحمامة استحلت بلكونتي وكل ماشلت العش عملت غيره طول ما انا في البيت الفوقاني وسبحان الله لما انا طلعت من البيت طلعت
كنت كل مرة نسال المراة اللي جت بعدي عن الحمامة تقول مافي حمامة ..وانا هبلتني طول 5 سنوات هي وفروخها ..
شذى حتى انا لما قريت 30 الف انصدمت هههه قلت يمكن تكوني مليونيرة وماندري خخخخخ يعني تحطي هالملبغ في فستان شيء غير اعتيادي
بس 3000 معقول
عمري ما عملتها ولا اعتقد اعملها بس تدخل العقل البشري هههه فستان زفافي كلفني تقريبا هالمبلغ بس اقصي ممكن ادفعه في الملابس الخاصة حفلات او ماشابه 1500 ريال يعني 500 ليبي ..
....
يومياتي
عندي العيال الثلاثة الصغار مرضانين حساسية الصدر والله هبلوني وانا من واحد للثاني بخار وتدهين
وتوة كنت ندهن في نجومي بزيت مخلوط بفيكس انكسرت الزجاجة على الفرشة وهاتك عاد ياروائح !!
والبيت حايس ماعندي نفس للشغل مافي نوم ولا هدوء من الصغار الله يعين
واليوم الجو دافي نفسي نطلع نشم هواء ونغير جو بس لما نشوف العيال داهشين ويكحكحوا نغير رايي نخاف نزيد نتعبهم
توة قلت نطل عليكم ونبدا في شغلي
بنشطب المطبخ الثلاجة مش عاجبتني نشيك عليها
ونمسحه بكلوركس
وننقع الحمام بكلوركس ونيسقه
وعندي ملابس تبي كوي وتطبيق وملابس تبي غسل
والله يعين
صايرة نغرق في شبر موية
لمعة الماس ...الله يعوضكم خير مع اني مش فاهمة القصة ..بس الحمد لله على كل حال كل شيء ربك عنده فيه حكمة
وصال الطائف تميزتي فابدعتي الله يزيدك من فضله

كوامن السعادة كيفك يا قمر وحشتيني وكيف التوينز ؟
:L::L:

صارلي موقف لاأُحسد عليه
كتبت رد  لكم ونسخته
وارسلته في قروب بنات خالاتي 
ههههههه
بعدهاصدعت وانامصدعه اساسا
بعد ردي الصباح قام ولدي يقول
المعلمه اليوم بتسوي لنامفاجأه 
خليني اروح اليوم وأغيب بكره
هههه قلت له نام يابابا المعلمه دقت
علي تقول لاأحد يجي <<فقشه كبيرررره
يعني كذبه كبيره 
قال هي قالت قلت ايه خلاص
ارسلت لزوجي رساله يوديني المستوصف
ونمت نومه مقطعه خمسين مليون تقطيعه
قمت الساعه 12 رتبت غرفة عيالي
وحوستهم قاالبين ابو الدنيا
جازوجي صليت ووداني
صار عندي شقيقه ثاني مره تجيني
اعطتني علاج وجيت البيت
زوجي طلع الدوام ع طول 
الله يعينه من الفجر مانام ولاارتاح
سخنت غدالعيالي من امس
واناحطيت لي تونه وخبز وحليب شاهي
غسلت الصحون رتبت الحوسه
نومت صغيري ووحت اترووووش 
شعري مليان زيت عقب امس
غسلت الحمام تكرمون بكلوركس والعملاق
وصليت العصر والحين املت علاجي وانسدحت عسى راسي يخف . 

السلام عليكم
يووومياااتي
البارح نمت على الساعه 2 صحيت صلاه الفجرمكسره
اخذتلي دش دافي لعلي اتنشط شوي
صليت وصحيت عيالي عملت حليب نسكافيه وسندوشات جبن
فطروووو وراحو ونا رتبت غرفتهم وغسلت الصحون ونقعت
حمام الرجال بمنظف المراحيض وجلست اتصفح شوي
قمت فركته بفيري وكلوركس ورجعت نمت لصلاه الظهر
فتحت لعيالي الباب ورجعت كمات نومه وباقي من غدا
امس كثير دق زوجي على 2ونص قال في الطريق
قلت جب معك نص دجاجه شوايه وصحن مصقعه
جاء تغدينا ورتبت غرفتي وظهري مره يعورني
بنتي غسلت الصحون وولدي كنس البيت
لازم اكافئهم لا شاافوني تعبانه يحنووو علي الله
يحن عليهم ويهديهم ويجعلهم قره عين لي
وبس
بالتوووفيق للجميع
انثى صراحه لا تعليق بس الشي اذا زاد على حده انقلب ضده
وفاااء منوره بيووومياتك ياقمر وسلامه الكتاكيت
لمعه الماس لعلهاااخيره

شذى الورد سلامتك ماتشووفي شر الله يعطيك الصحه والعافيه

ياحبي لعيالك ياوصال
حتى عيالي يحنون عليهم
عاد واحد حنون صدق والثاني يتصنع
ههههههه
الله لايحرمنامنهم.

وفا ايوه تعجبيني كذا
الدنياماتسوى يااختي
امووووت ع ردودك
هههههه

شذى يا حبيني لتس والله ههههه
شعور متباااادل
وسلامتك من الصداع
وصولة سلامتك من المرض ..
ويارب نشوف عيالي كبروا وردوا لي جزء من معاناتي معاهم الله يحميهم من كل شر يارب ويحميلك عيالك الحناين ..
بنات عندي موضوع حلو ويشجعنا نهتم بانفسنا
...
ممكن اعمل استفتاء
بس ياررررررييييييييييييييييييييييييت تاخذوه بشكل جدي وممنوع التنطنيش
والا الشمعة قاعدة هههههه
....
انا حاسة اني مقصرة مع نفسي ونسيت نفسي خلاص سمنت عشرات الباوندات و غزى شعري عشرات الشيبات
وطلع لعيوني هالات وهالات
واظافري متكسرات ورجولي متشققات
لا تلوموني فقد عانيت ويلات وويلات
والحمد لله رب الارض والسماوات
بعد هالمقدمة الطويلة ..وماباليد حيلة
محتاجة ارجع للانوثة والجمال والغمووووووووووووووووووووووووووض
وحابة ادلع نفسي زي زمان ايام الشباب هههه
ونجنن من جديد ابوالشابة والشباب !!
..
حابة ادلع نفسي
بس نسيييييت ..
لو كل وحدة فينا تكتب لنا جدول تدليعها لنفسها
مش شرط انها متقيدة بيه
على الاقل كيف تتمنى ان يكون تدليعها لنفسها
ولو اقتبسنا معلومات وحركات من مواضيع لعضوات ما يضرنا بل سنفعنا كومايات كومايات !!!
..
وطبعا الدلع ما يقتصر على اقنعة او لوشنات او سنفرات وتنقيع في الحمامات
بس يتوسع ويتوسع الى ان يصل في ممارسة الهوايات
واعطاء انفسنا مكافآت على ابسط المجهودات
كيف نكتب مذكرات
وقرا اشعار وروايات
وانواع المواقع والمتصفحات ومن هالكلام والكلمات..
معليش لو كثرت من الهرجات بس في النفس شيء وشويات ..
اتمنى اني قد وضحت المقصودات
...

رووووز
مثل سؤال وصال كيف هي الممسحه ولو صوره افضل :)

اضم صوتي لهم
ياليت صورة للممسحة البخار