بيتنا الثالث والعشرون ...بيت رحمة من رب العالمين

السلام عليكم..

اخباركم..

_________________

يومياتي..

الويك اند رحنا للجبيل وما رجعنا الا الجمعة..

تروشت جودي.. وجهزت شنطهم حقت المدرسة..

وحفيت جسمي وتروشت وتصنفرت..

السبت.. بعد الروتين الصباحي رجعت انام..

قمت عشر ونص وتقهويت وبديت بغدانا..

تغدينا وغسلت المواعين ولبست البنات ومشطت شعورهن..

ورحنا آيْكِيا :adore:..

وطولنا بقسم طاولات الـTV .. هذي...لا ذي.. لالالا هذيك..

لييييين استقرينا على وحدة وخذنا رقمها..

وكملنا فرفرة.. يوم نزلنا تحت ونلقا بوجهنا طاولة قهوة

نسخة من اللي كنا حاطين عليها الشاشة في بريطانيا..

ونلقطها ولا خذنا اللي قعدنا ساعة وحنا ننقي فيها :094::worn_out:

رجعنا للبيت وكان زوجي معزوم على عشى.. سويت للاميرات اندومي..

ونومتهن.. ونمت..

اليوم.. طبعا اجازة :celebrate: ولا دريت عنها الا يوم قمت:study: كنت بغيب بناتي من العج..

جو عمال يصلحون الكاونتر الجديد فيه شلخ..

طلعوا وسويت غدانا نواشف.. ثم بدينا بفك المكتبة القديمة وتركيب الجديدة..

وطلعنا الشاشة اللي مظيقة المخزن.. ورتبنا الاجهزة..

وما اعجبتني النتيجة.. ليتنا قعدنا عالقديمة.. المشكلة فككناها تفكيكك..

ما هقيت بترجع زينة لو رجعتها..:091:

رجيت لي حنا..من رجعت للسعودية وانا بحني.. وكل يوم بكرة..

والحين شيبي طول ويش.. يشوفه العميان :badly:

خليت الحنا ينقع ساعة.. ثم جهزت العدة..

لبست مقيطع روزا احمرF: ولبست سماط..

دهنت منابتي بفازلين.. جبت الحنا للحمام -تكرمون- وجبت كرتون مناديل جنبي ومشط سنونه وسيعة..

يوم جيت ببدأ :woo:







ما عندي قلفز :039:

لاااااااااااااااااا:024:

يا ربيه.. وش السواة!!! ما فيه مجال اتراجع.. خلاص الحنا ورجيته وجاهز.:badly:

قعدت افرق راسي بالمشط.. وبالملعقة اصب الحنا وادهنه على شعري..

وهكذا لين خلصت.. ثم لفيته بالسماط و دلكته عشان يتغلغل..

يوم جيت انظف الحمام.. لازم استعمل يديني..

لبست اكياس :057:<<< ليه ما جت ببالي هالفكرة قبل احني!!!!:|

غسلت الحمام -تكرمون- عالسريع وطلعت..

دخلت البنات ينامون بعد تهديدهن براسي خخخخخخخخ:018:

والحين انتظره ينشف عشان اتروش :struggle:

وقطو..

بكرة اجازة :013::074:



ما ندري نفرح لتكبير المخدة.. والا نحزن من الغبار..

الله لا يغضب علينا..

- كدر الجوّ : أعتم الرؤية ، وأحزن النفوس !
فكيف بكدر الذنوب ، على رؤيتنا للحق ، وعلى سعادة قلوبنا ؟

كان في الأرض أمانان، رحل الأول :
رسول الله
{وماكان الله ليعذبهم وأنت فيهم} :"""

وبقي الثاني :
{وماكان الله معذبهم وهم يستغفرون}

فلنزم الاستغفار لعلّ الله يلطف ()()

اللهم لاتعاقبنا بذنوبنا وأغفر لنا وأرحمنا
اللهم أبعد سخطك ومقتك عن خلقك
اللهم لا تؤآخذنا بما فعل السفاء منها

نستغفر الله ونتوب إليه
نستغفر الله ونتوب إليه
نستغفر الله ونتوب إليه

خلود عظم الله اجركم

خلودعضم الله اجركم وغفر لميتكم
يومياتي حاااافله بس مافي وقت اكتبها

بنات السعودية ربي يكون بعونكم على هالغبار اللي جاكم

سلام عليكم
لاإنجازات تذكر إضرااااااب عن الشغل عدا
الشغلات الأساسيه من طبخ وغسيل موعين
وغسيل ملابس وكنس وبس
اليوم ارسلت عيالي المدرسه وجابوهم الساعه
&#1641; ومن بكره تبدء الاجازه بإذن الله
يوم دقيت ع المدرسه قال لي لاترسلونهم
والجو كذا وسلااااامتكم
مانمت ابد من قومتي الفجر بداالجو يتلخبط.

خوخه
عظم الله أجركم وغفر لجدتك واحسن عزاكم
.........::

خلود ,, عظم الله اجركم

الله يغفرلها ويرحمها

شوشو عندك الحق تضرب عن العمل
ما تنلامي مع هالجو

ملاك يومياتك روووووووووووووووووووعة ما شاء الله
ربي يوفقك يارب

اروما هلا هلا

سلام
ربي يعينكم عالغبار الصراحة لما قريت كلام شذى حسيت بالرهبة خودوا بالكم من عيالكم ولما يكثر الغبار اشربوا لبن او زبادي سمعت انه كويس لما يكون الجو غبار وربي يرزقكم بالمطر عاجلا غير اجل
..
يومياتي لا جديد يذكر غير الم الاسنان وقمة المعاناة
توني راجعة من العيادة شلت العصب والاسبوع الجاي بنحشيه
وقالوا لي لومازال يوجعك تعالي نقلعوه وخلاص
ربك يستر

وفاء لما تكلمتي عن سنونك مغصتني بطني
ربي يستر حتى اني سنوني يبوا علاج فوري لان الوضع صار يزيد وكل مرة تزيد سن تتعب مع اخواتها
ونخاف نمشي نعاين يقولي الدكتور تبي ازالة لغرض التطوير هههههههههههه

ملاك ارهقتي نفسك هلبة ولو ان الانجاز حلو وتحسي بالانتعاش والرضى النفسي

السلام عليكم
من زمان ما كتبت يوميااااتي:D
اليوم صحيت على الساعه ثمانيه
بنتي عندها موعد علاج طبيعي
رحنا وخلصنا على الساعه عشره
رحنا شرينا فطور ومرينا فاين فير
بنت اختي موصيتني على ملابس لولدها
واخذت كمان لبناتي ورجعنا على صلاه الظهر
نمنا للساعه خمسه نوم مقطع :hysterical:قمت على طول
للغساله غسلت دفعه ملابس ملونه ودخلت المطبخ
غسلت الصحون ومسكت ملمع الزجاج ومنشفه
ودرت على البيت تمسيح حتى قطر عرقي:060:
الله يغفر لنا ويرزقنا المطر صراحه الجو مره اتعبنا
اليوم في الصباح جستني حساسيه غير طبيعيه
حكه في انفي وعطاس :badly:
المهم ومسكت المكنسه دوره على البيت مره انا
ومره بنتي نشفط الشبابيك والستاير والكنب
وشافني زوجي بمسح السيراميك والمشمع
قام هو مسحهم ونشرت دفعه الملون وحطيت الابيض
ورحت لاخواتي ورجعت بعد العشاء نشرت الابيض
وحطيت الاسود والحين بقوم اسوي لبناتي اندومي
بالتوووفيق للجميع

دعاء الريح اذا هاجت

اللهم اني اسألك خيرها ، وخير مافيها ، وخير ما ارسلت به ، واعوذ بك من شرها وشر ما فيها وشر ما ارسلت به

بنات جدي أبو أمي أتوفى أمس أدعوله بالرحمه
لاحول ولاقوة الأبالله أنا لله وأنا أليه راجعون