تجمع شهر ربيع الثانى لأمهات شهر ديسمبر 2011

انا معاكى يا أسورة

أنا بدأت فعلا من يوم ولادتى والحمد لله نزلت ورجعت لوزنى قبل الولادة ونقصت

عليه كمان قولوا ماشاء الله اللهم بارك 3 ك :thumbs_up:

بألعب شبه يوميا رياضة على الجهاز اللى قلت لكم عليه قبل كده

بصراحة مش مخلينى محتاجة للجيم خاااااااااااالص

بس أنا مش بينفع معايا ريجيم خالص

لانى لما قللت من السكريات ومش نظام ريجيم كمان جالى هبوط ودوار شديد

فيادوب خليت الأكل نفسه صحى وبكميات مناسبة علشان ما أتعبش وأنا

بأرضع

بصراحة أنا مش مستعجلة لان وزنى أووووووووووفر قوى ومش عايزة أضغط على

نفسى زى كل مرة وبدل ما وزنى ينزل يزيد:'(

ماشية بالراحة مع جسمى إن شاء الله أنزل 2ك بس فى الشهر

2 ك أنزلهم بس أحافظ عليهم أحسن من 10 انزلهم ويرجعوا الدبل تانى

ده الجهاز اللى بأقول عنه يا أسورة

[YOUTUBE]j2XYRd28TOM[/YOUTUBE]

وده فيديو تانى بيوضح طريقة التعامل فى التمارين

[YOUTUBE]uCuj8Lg4s1g[/YOUTUBE]

وده فيديو عامل شرح سريع لكل اللى على السى دى بتاع التخسيس

وإيه الألعاب المتاحة عليه

[YOUTUBE]JRqgWj5EyZE[/YOUTUBE]

انا عن نفسى بالعب الهيلاهوب عليه بقى لى فترة وماشاء الله اللهم بارك بدأت الاحظ تغيير

فى شكل بطنى وإنها من الجوانب بدأت تتشكل بطريقة مختلفة :thumbs_up:

وده الفيديو بتاع لعبة الهيلاهوب

[YOUTUBE]I7KsOhFivFo[/YOUTUBE]

وده فيديو للعبة الخطوات وبتساعد فى حرق الدهون جدا وتقوية عضلات الرجلين الجانبية والأمامية والخلفية

[YOUTUBE]TbyhNfvFoCg[/YOUTUBE]

[CENTER]وبالعب حاجات تانية بتساعد فى حرق الدهون ده غير قائمة يومية ببعض التمارين اللى

تساعدنى على تظبيط بطنى وجنابى والذراعين والرجلين

هو ده مش إعلان بس بصراحة لقيته ممتاز لكل واحدة ظروفها مش سامحة إنها تروح الجيم لان

مافيش مكان تسيب فيه ابنها أو بنتها

هو صحيح غالى بس هنا الإشتراك فى الجيم 3 شهور باكتر من ثمنه كمان

صباح الفل عليك ياجوجو

اخبارك إيه ياقمر وبنوتك عاملة إيه

سى عمار مصحصح ومقعدنى معاه نفسى أنام لى شوية قبل ما أقوم أتجهز

للسفر إن شاء الله

ربنا يهديه وينام دلوقتى

إزيكم يابنات

إييييييييييييييييه فييييييييييييينكم

من إمبارح للنهاردة ردين بس:woo:

أسورة أنا كمان عمورة بدأ يتجاوب مع كلامى معاه ويقعد يرد عليا وأنا أقلده

وهو يرد عليا

وماشاء الله عليه لما يشوفنى بأضحك له يضحك هو كمان :biggrin:

ربنا يحفظه من كل هامة ومن كل عين لامة

رونق أخبارك إيه

لو إنتى بتبذلى مجهود فى الشقة إعتبريها بمثابة رياضة وحاولى تبحثى عن

الأعمال اللى تساعدك على تدريب جسمك

يعنى بدل ما تستخدمى العجانة إعجنى بإيديكى وابذلى مجهود علشان

تقوى ذراعيكى

وبرضه بدل ما تستخدمى المضرب الكهربائى استخدمى المضرب اليدوى

وهكذا ياقمر والله يعينك ويعينا

أيوا يارونق عندك حق مشكلة ترهل البطن

والتشققات دى لوحدها بلوة

بس تعرفى لما بدأت ألعب هيلا هوب بدأت بطنى تتنحت وتتشد وأدينى

مستمرة عليه إن شاء الله

بس بألعب كتير يعنى فى المرة الواحدة العادية ممكن اوصل ل1800

كل إتجاه 900

يعنى تقريبا مدة 6 دقايق

سبرينج فعلا أنا باتابع فى فرع العليا:thumbs_up:

ويلا ياستى خيرها فى غيرها شكلى إن شاء الله لما أنزل مصر أبقى أخده

معايا ارجعه

إم واى صباح الفل عليكى

اخبارك إنتى إيه

إحنا الحمد لله بخير وعيالنا بيبوسوا إيديكى :)

بسمة الروح لو إنتى مش محتاجة الشغل قوى الأفضل تقعدى مع بنتك وتأجلى

الشغل على الاقل لحد ما تفطميها أصل طالما الطفل رفض الببرونة إنسى إنه

يرضى ياخدها تانى بس برضه الأمهات السابقات ممكن يفيدوكى

انا عن نفسى بنتى رفضت الببرونة واللهاية حتى ما كنتش باعرف أعمل لها

يانسون ومشروبات عادية لأنها أصلا كانت بترفضها

لما بدأت تكبر وتعرف تمسك الكوباية بقيت بأديها فى كوباية البيبهات

المخصوصة

نور سوريا طبعا فاكرينك كويس قوى

وسألنا عليك كتير وكنا قلقانين عليكى قوى وخاصة إنك كنتى قلتى إنك

هتنزلى سوريا تقريبا من نصف فترة الحمل وهتولدى هناك ومع اللى حصل فى

سوريا كنا خايفين عليكى وخاصة إنك إنقطعتى خالص عننا

حمدا لله على سلامتك وسلامة رنوم

ومستنيين قصة ولادتك يا أم رنوم

عمار برضه يناغى ويرد عليا وعلى أبوه لما نتكلم معاه

ويلتفت قوى لسلمى لما تلاعبه او تلعب حواليه ويبقى عمال يتحرك شمال

ويمين بإيده ورجله كأنه فرحان ونفسه يقوم يجرى معاها:adore:

نبراس انا كنت اشتريت الشفاط الكهربائى مخصوص علشان اشفط لعمار

وأحطه فى الرضاعة وأكله بيها لما نخرج بره البيت لكنه برضه رافض الرضاعة

ومش قابل يأكل منها

فبقيت باحاول دايما أرضعه قبل خروجى مباشرة ولما أدخل أصلى فى المجمع

أو المول أخد ركن فى المسجد وارضعه من تحت الطرحة (الشيلة) لان طرحتى

طوييلة فبتسترنى كويس الحمد لله

صحيح وجع قلب بس نعمل إيه ماهو مش هتحرم من الخروج بسبب الموضوع

ده ولازم أدبر أمورى علشان أرفه عن نفسى شوية

ملكت قلبك أيوا انا اشتريته من مكتبة جرير

وثمنه تقريبا 1200 بالجزئين

لأن الجهاز الأساسى يشبه الريسيفر ومعاه الريموت اللى شفتيه فى الفيديو

اما القاعدة البيضاء وإسطوانة العاب التخسيس فهى لوحدها بتتباع كملحقات

منفصلة للجهاز

اسم الجهاز wii fit plus