₪||■. مطاعم مملكة البحرين من خلال تجاربنا "الجزء السادس"...وأكيد بالصور.■||₪

عيل خليني أقول لج اللي يطرا في بالي احين

المطاعم اللبنانية:

1. العريشة في أم الحصم ... الغوزي واللبنة يمييييييييي :adore:
2. وافي غورميه ... الستي ... بوفيه .. مادري انا وخطيبي رحناه اول ما انخطبنا فطور وما عجبنا شي
3. عبدالوهاب .. الشيراتون ... يمدحونه بس ما جربته
4. ليلى .. ورا العالي .. بعد يمدحونه وما جربته
5. شو في ما في ... العدلية ... اهوه مطعم عادي نفس الأبراج واكله حلو
6. غوزي باجي .. الستي .. اهوه تركي بس نعده وياهم حسبة شرق اوسطي المهم إنه لذيذ جدا

المطاعم الهندية:

1. اشاز .. الستي... معروف ولذيذ
2. سبايس .. كروان بلازا بعد لذيذ
3. لنترنس .. شارع البديع يم برجر لاند ... حلو اكله وفيه فرقة هنود وعندهم ساعات بوفيه وساعات منيو واغلب الظن في رمضان كله بوفيه
4. موتي محل .. الجفير .. ما جربته بس يقولون وااايد لذيذ
5. بيبرز .. العدلية ... بعد مطعم عادي نفس طخة الأبراج

المطاعم الايطالية:

1. كافيه ايتاليا .. طبعا له ثلاثة فروع أنصحج تروحين العدلية قعدته اكشخ
2. بايس .. الشيراتون .. لذييييذ بس المنيو محدود
3. لا بيرجولا .. فندق الخليج .. حلو بس عندي بايس احلى
4. كوزينا ... الجفير .. حلو ومن المطاعم اليديدة

البوفيهات:

1. مطعم سرايا في السوفتيل ... في رمضان عندهم اوفر فطور واوفر غبقة سحور
2. الشيراتون بعد مطعم السفير حاطين خيمة بوفيه
3. فندق الخليج مطعم الواحة
4. بوفيه في الريجنسي .. ما جربته
5. بوفيه في الدبلومات .. بعد ما لي تجربة

مطاعم متنوعة:

1. meat company في العدلية .. ما في ريال ما يحب اللحم وهالمطعم من مطاعمي المفضلة

2. zoe's هالمطعم فرنسي لما تدشين تحسين داشة ي فيلم ومالج دور فيه!!!!! ما اعرف اشرح بس اللي دشته تعرف الشعور. زين اكله بس مو يميي اللي يروحونه نصهم حق فشخرة وجوفني واجوفك.

3. مونسون .. العدلية .. إذا تحبون تايلندي مادري صيني .. القعدة هناك حللووووة .

4. block 338 قصته نفس zoe's بس اكلهم لذيييييييييييييييييييييذ جدا.. شكثر قلت حق خطيبي خل نجربه وخل نجربه يقول لي إنتي ما يعجبج الوضع هناك في الاخير وداني قال لي على مسؤوليتج ... رحنا وصج ما ترتاحين هناك بس من يوصل الأكل يا سلام :thumbs_up:

5. nino's ادري مجربينه مليون مرة بس احبه لازم اذكره .. عندهم اشية ترضي كل الناس واي شي تطلبينه حتى لو مو حلو ينوكل :adore::adore::adore:

6. موجو في دراجون هوتيل في امواج حلو والمنيو متنوع

7. الليوان في امواج . مطعم بحريني ( صج يمكن ما يناسب المناسبة بس نقوله لبش لا )

8. البادكير .. ( بعد نقوله ليش لا )مادري في وين يا عراد يا المحرق ..المهم إنه في المحرق .. بحريني ويمدحونه

9. زعفران في سوق القيصيرية وبعد بحريني .. أنا ذكرت لج المطاعم اللي فيها نفس شعبي لأنه رمضان

10. إذا فتحوا the walk في الرفاع اول 8 احتمال عود المطاعم اليديدة هناك بتكون جاهزة بعد

كلووووووووووره
مشكوووووره حبيبتي ما قصرتي
اخدمج في الافراح إن شالله
ثلاثة ارباع المطاعم إلي ذكرتيها اعرفهم
سااااعدتني في التذكر
وآنه قاعده اقره اقووول اي ليش ما اروح اهني وكل دقيقة اختار مكان ثاني
مشكووووره حبيبتي

صاحبة الظل
عندج مطعم فارسيان في العدلية اكله فارسي بحت وحلووو

صحوووبة

إذا ذاكرتي زينة جنه في مطعم إيراني في سند البناية اللي مجابلة رويان

اهوه كان قبل يم لولو هايبر واللي تديره طباخة يم يم تري أول ما فتح

بس سالفة لذيذ او لا مادري ما جربته!!!!!! :|

انا الشوق

:hysterical::hysterical::hysterical: من صجي

لما تقعدين تحسين واحد بيوقف على ركبه جدام وحده لابسة فستان حمر ويرز لها خاتم يقول لها هل تتزوجينني :hysterical::hysterical::hysterical: من امر عليه ايني هالخيال هههههههههههههههه

block 338 اهون كله مال جامعة NYIT وهالمطعم يصير جارهم من جذي مطيحين فيه

إذا اتيين من صوب ام الحصم كأنج بتروحين لمطاعم العدلية تجوفين حاطين إشارة على اليمين حق الجامعة والمطعم

بنااااااااات

اذا في تقرير عن ميد كافيه دلوني وينه

وبغيت اعرف اسعار الكافيه اذا اوكي ولا اووفر :D