تعالي قولي لنا متى جهزتي أغراض البيبي

حشى ولا وحدة ردت عالعموم مشكورين عالاستضافة

انا بديت اجهز من الشهر الخامس كل ما اشووف شي اشتريه لين ما خلصت كلشي على الشهر السابع انا ما عندي شي ومرتاحه .. اصلا في شغلات كثير لازم تسوينه غير التجهيز يعني جهزي من وقت علشان يكون لج وقت تسوين الاشياء الثانيه وانا بصراحه ما اومن بهذا الشي فال مو زين ومن هالسوالف اشوف الحريم كلها تجهز وما صار شي الحافظ الله اختي .. والله يتمم لج على خير ان شاء الله .

انا بديت جهزت ملابس الرضاعه والنفاس الشهر السادس

والشهر السابع والثامن ملابس للبيبيي

انا بديت اجهز من الشهر الثامن للثلاثه الاخرانين
اما اول واحد من يوم حملت من زود الفرحه كل ما عجبني
شي اشتريه
الله يقومك بالسلامه

من اول الخامس و كل شهر احدد اشيااء و الاماكن و انزل اشترى

حبيبتى جهزى من احينه علشان فى الثامن بتكونى ثقيله حبيبتى انا بديت فى اخر السادس والحمدالله خلصت كل شى بس انتضر اولد بسلامه يارب وبصحه وعافيه

مشكورين حبيباتي عالردود الحلوة والله يخليلكم عيالكم ويقوم كل حامل بالسلامة يا رب

من اول ماعرفت اني حامل زوجي الله يخليه الي كان يشتري للبيبي ولون ازرق ياخذ كانه حاس انه ولد

وانا من الشهر الرابع كل ماعجبني شي اخذه الافضل تجهزي من الرابع والخامس علشان الميزانية هم


الله يتمملك على خير

مراااحب

انا بديت من الرابع اخذ شي شيين بس الخامس والسادس كملت الثياب الاوليه تقريبا
واحين توني داشه السابع ابي اسوي طقم البيبي وطقمي عشان مادش الثامن الا انا مكمله ويبقى لي التوزيعات

والتاسع اشتري الشامبوات والشورات وهالسوالف

الله ايسر لنا ياررررررب

الافضل انج اتجهزين من اول ماتعرفين جنس البيبي

وعشان ضغط الميزانيه ومايصير عليج لوود في الاشهر الاخيرة

و يبيلج وقت واايد لين ماتشترين وتتمعنين


والله يوقفقج و يتمم حمل الجميع

الاشهر الاولى اخذت الوان محايدة
ولمن عرفن جنس البيبي جهزات كلشي بشهر الخامس والسادس
لان حاولت اخلصهم قبل التاسع

----

الشهر الخامس

----

حبيبتي الرسول صلى الله عليه وسلم نهى عن التشاؤم والتطير, انا عني لو عرفت جنس البيبي كان من الرابع جهزت خخخ بس ماعرفت الا على بداية السادس وعلى طووووووووووووول بديت تجهيز والحين الحمدلله متطمنه واموري تمام التمام وعلى نص الشهر الجاي باذن الله بتكون كل اغراض النونو جاهزه من إلى باذن الله واتفضى حق التوزيعات والحركتات^_^ على فكره انا امي نفس الشي انوااع الهواش معاي تقوللي مايصير تجهزي قبل السابع ومدري ايش بس انا ماسمعت الكلام لووول لان جد اتخيل لو اني الحين توني بديت اجهز كان انتحرت خصوصا بدا شوي ياثر الثقل وتثقل المشيه ههههههه الله يسهل علينا^_^ ونصيحه ابتدي من بدري عشان لاتضغطي نفسك جسديا وماديا تجهزين كل شي دفعه وحده لما تبدين شوي شوي تاخذين كللل اللي خاطرك فيه وعلى افضل مستوى غير لو جهزتي بشهر واحد

انا الحين بالرابع الاسبوع اللي فات رحت راس الخيمه وفصلت ثياب دانتيل للنفاس والزيارات و ناويه بعد اسبوعين ايبهم واعطيه قطع عشان يفصلي حق البيت لاني ساكنه عند اهل ريلي امممم اما اغراض البيبي فا ان شا الله في الخامس حزة مااتاكد شو جنس الجنين و انا بعد مخليه ملابس ولدي يوم كان بيبي صغير الاشيا اللي مااستعملها وايد خصوصا الافرولات مال نيوبورن في التاسع بغسلهم اذا كان البيبي ولد :)

نصيحه خلي عنج فال شر وماادري شوه في ناس تشتري لبس للبيبي قبل ما تحمل بعد عشان لي الله رزقها وحملت يكون ذكرى وفي من البكريات من الشهر الاول اتجهز وانتي ماشالله في السادس ابدي خلاص يااختي

الله يسهل عليج يارب وتولدين بسهالة يارب

الله يسهل عليكم امهات وتقومون بالسلامة انا من الاسبوع اللي راح بديت اجهز اغراضي وان شاء الله اكمل على خير

شوفى حبيبتى حاولى تجهزى الحين وخذى الغراضالآساسيه وحاولى لاتعبى نفسش والباقى خلى خواتش او صديقاتش

يشتروه لش وحاولى تريحى اكثر

والله يقومش بسلامه

أنا اعتقد أن من الشهر الخامس أو السادس تبدأين تسترين أحسن

عشان بعدين ما تعانين مع الثقل وصعوبة الحركة

أما على موضوع الفال ... اعتقد أنها كلها خرافات

واللي الله كاتبه بيصير جهزتي الحين والا بعدين

الله يقومج بالسلامة يا رب