تجمع حوامل وامهات قطر لشهر ربيع الاول من عام 1433 ه؛ الموافق لشهر فبراير من عام 2012

ليلة حب
العفو ولو بس للأسف ماجربت المحلات هني

عيل بعقده على الكرسي المسدوح احس أحسن وامان

تقعدينه وين قصدج في البيت ولا كرسي السياره ؟ اهم شي تأكدي ان مكتوب عليه العمر من كم ؛ اغلبهم يكونون من الولاده

لا ف البيت بس احس ان الكرسي احسن من البطحه
والله الي عندي مب مكتوب عليه من اي شهر >< حوليت وانا ادور لانه جايني هديه ف مادري
بس اعتقد عادي بجرب افتحه واشوف شلون شكله

مسا الخير

شخباركم ماميز وكروشات؟

رحت امس فيلاجيو ومريت لوكستان ؛ خذت لي شامبو وبلسم من عندهم.

باقي البطاقات ؛ نسيت اتصل محلات البطاقات ؛ أتذكر في محل في شارع النصر بس مادري اذا لين الحين مفتوح ولا لا؟ ونسيت اسمه.

ليلة حب
قود .. ان شاء الله يناسبوونج أنا ناويه امر وأشوف الي يناسبني

بالنسبة للبطاقات اليوم طلبت من مصر عند وحده من معارفنا تخيلي &#1633;&#1632;&#1632; حبه ب &#1640;&#1632; ريال يابلاااااش كرت مع الظرف بيج و ذهبي
جيتي على باللللي على طوووول

مأميزز بالنسبة حق نوم البيبي على ظهره احس راسه صار مسطح من ورأاا وبس من يومين صايرره أرقده على جنب ان شاء الله ينفع ويعتدل

مالكم حسي كلش ,,, حاااايره وينج ربيتي ولا لسى الله يهون على كل الحوامل ياررب ويرزق كل محروم الذرية الصالحة عاجلا غير آجلا ياررب

مساء الخير

كيوت

حطي ولدج في الكرسي المسدوح عادي واحسن له في الصالة وعن راسه اذا نايم سدحيه على جنب احسن وأأمن عشان ما يرجع ويشرق بسم الله عليه

وحتى انا ابي اسوي بطاقات مدري متى بتحرك واروح اسوي لي خخخخخ شايفة عند قوس قزح

مسااااء النووور


اخبااااركم ؟!؟


نور الحب
اييه خلاص بحطه ف الكرسي المسدوح ماشاء الله عليه يحب لما نقعده يستأنس وهذاني كل مارقد أحطه على جنب مره يسار ومره يمين

صباح الخيرات

::

كيوت نوني

الارض تربي الياهل .. اذا ما فيه يهال حوالينه ممكن يطيحون عليه ولا شي ..

حطيه على الارض احسن له من الكرسي

بينقلب اسرع وتقوى عظامته

::

ليلة حب

البطاقات اللي عندي من مصر .. مسويينهم لي يمكن من 4 سنوات وللحين ما خلصوا ما شاء الله

واسعارهم رخيصه

بس هني ما عندي فكره وين يسوون الناس

مسا الخير

شخباركم


يسلمو كل اللس ردوا علي


رحت مشتل محل الهولندي وشريت لي فازات ودفعت عشان يسوون لي الورد شحلاة شغلهم كانوا قاعدين يسوون حق القطريه وحق فندق مدري شسمه جديد
وبخصوص التجهيز حق بعد الاربعين مااافيني شدة مشي اتعب بسرعه



كيووت
لا للحين توني داخله التاسع
الله يسهل ان شاءالله

مسا الخير

الله يهون عليكم كروشات وتقومون بالسلامه يا رب ؛ ويرزق كل من يتمنى.

اتصلت الشراع للبطاقات لهم فرع عند اشارات رمادا بروح لهم ؛ قوس قزح كلمتهم قالوا عند اشارات المينون وبن محمود وبن عمران مادري الريان شي جذي ؛ المهم بعيد عني ؛ بروح الشراع ؛ وبعطيكم التقرير عن الاسعار بعدين.

انا مسويه كروت عند قوس قزح

كيوت

لا تحاتين ان شاء الله بيعتدل راسه للحين صغير



ماميز بنتي ماتاكل اسوي لها بيض وسندويش جبن وشوربة ماتاكل اكلها خفيف وضعفت وايد عن قبل كل اكلها خرابيط وحلويات

شنو تأكلون عيالكم يلا سولفوا وكل وحدة تكتب عن وجبات عيالها

السلام عليكم

شأخباركم
بنات من تعرف احد يدرس في الشيربورن اللى فى منطقة بنى هاجر
أحتاج معلومات عنها ضروري

نور الحب :
اليهال من يمشون يضعفون و تقل شهيتهم
حاولي داخل البيت تمنعين الحلويات والخرابيط
انا ولدي من متى اكله ضعيف و مزاجي بس احط له اللي يشتهيه
فواكه مقطعة او اعطيه موز لانه وايد زين / عصاير / معكرونة / كب كيك / خيار / شوربة / بيضة مسلوقة / عيش ابيض و روب او ساعات خالي يحب النواشف / كفتة او قطع دجاج ...
ممكن تعطينها فيتامينات تنظم لها الشهية بس اسالي دكتورها اول

ماميز احتاج اللستة اللي سوتها موزان
اللي عندها ممكن تحطها هني

دوحانية

في البيت ما اعطيها حلويات بس في بيت هلي يعطونها واحاول ما تكثر منه

اما في البيت اعطيها فواكه الحمد لله تاكل بس ما تاكل عيش بالروب ولا معكرونة ما تاكل غير فواكه ابي اعلمها تاكل غدى وعشى ابيها تاكل وجبة مب بس لقمة لقمتين , خواتي يقولون لي اكليها وهي تلعب الياهل ما يقعد جربت وبعد ما في فايدة اتسكر حلجها

دوحانية

هذي الملفات اللي عندي

وان شاء الله يفيدونج باقي الماميز

نور :
عادي بس لاتياسين و لا تبينين لها انج معصبة او مضايقج هالشي
تناحس زيادة ، مع اليهال ماتاكل ؟ او معاكم ؟ جربي تحطين الاكل عندها وتخلينها تاكل بروحها

مشكورة ع اللستات