الزواج من اجنبي مسلم

اختي تقصدين مب خليجي والا مب عربي اصلا،، وضحي

نصيحه لله وياكثر ما سمعنا بجرايد وتلفزيونات ابعدي عن الزواج من اجنبي ادا انتم السعوديه حتى الخليجي الزواج منه سالفه طويله عريضه ما بالج باجنبي خلج على ولد بلدج احسن لج واقري قصص السعوديات اللي تزوجوا اجانب مادامت زواجاتهم بسبب الاجنبي يكون طامع فيها والاهم من دي كله الاستخاره

شوفو الحكاية و مافيها ان قريبتي متقدم لها واحد مو بعربي الجنسية بس مسلم و متدين يعني حتى شكله مثل المطوع

و هي مو عارفه شو تسوي تقبل او لا خاصة انه سبق له الزواج و مطلق و عنده اطقال

و هي بالعمر مو بصغيرة وفق مجتمعاتنا العربية يعني هي بالثلاثينات اواخر الثلاثينات

انتو شو رايكم بالموضوع ؟؟؟؟؟؟؟؟؟؟؟؟؟؟

والله يا أختي ما فيها شيء اذا هو ملتزم و لقول رسول الله (صلى الله عليه و سلم):" إذا أتاكم من ترضون دينه وخلقه فزوجوه، وإلا تكن فتنة في الأرض وفساد كبير "

والله هي اللي راح تتزوجه مو احنا وانا قلت رايييييي سمعت ناس واييييييد وقصصهم وصلت للمحاكم وانا اعرف وحده نفس فريجنا تزوجت واحد لا هو عربي ولا خليجي بس مسلم مالحقت 8 سنوات الا تطلقت وسوالف بالمحاكم حتى يطلقها وموراضي يطلقها الا بمبلغ وقدره يعني احنا اولاد بلدنا ويالله متحملين اطابعهم الدور والباجي اجنبي وفيزه وحاله وماتدري متزوجها طمعان فيها ولا استفاد منها بعدين قطها والا لا جابت منه خدا عيالها خلها تفكر زين هدا زواج ولا زواج من اجنبي ماتدري عنه زين وليه طيب طلق زوجته كيف مو عربي هندي والا باكستاني والا تركي خلها تصبر ونصيبها بيجيها مو صغيره تقط نفسها هالقطه مالله امر اهي قاعده ببيت اهلها معززه مكرمه الزواج مو بس لعمر معين والا حتى لكلام الناس متى راح تتطورون عقولكم ولا جى سن معين خلاص حكمتوا على البنت انها خلاص ماتتزوج انتم ماتدورون عن حكمه ربي ولا قدره مجتمعنا العربي متخلف وماراح تتطور عقليتنا ادا راح نستمر بها التفكييييير يعني البنت لازم تتزوج من تدخل الثانويه او بس حدها لين توصل 25 ومن 25 وطالع خلاص يصير ماعاد لها لزوم

مدري وضحي ايش جنسيته بالضبط ? اصوله ايش?

إنتي سعودية و اللي خاطبك من اي جنسية ?

حبيبتي هو مو لي هو لقريبتنا و نعم سعودية و الرجال فرنسي

كيف خطبها فرنسي ? و هي سعودية!

و إن كان حقيقة ما انصح

اختي مس جولنار هو خطبها و هذا حقيقي وانا ما كتبتلكم قصتها عشان اشكك بكلامها هي طلبت المساعة و قلا الجى لكم

هي تشتغل و هو عميل عندهم هذه معلومة عشان ايلي ممكن تقول او تتسائل من وين عرفها

اها تصدقين بما انه عميل عندهم اشك انه طمعان في فلوسها
و العادات و التقاليد تختلف

و اكيد هو عنده بعض البدع اللي يسوونها اهله
مهما كان مسلم
المسلمين في فرنسا غير المسلمين في السعوودية

ما أييد نهائي
والقرار لها

الله يكتب ليها إلي فيه الخير ، وبنهاية شي واحد اقدر اقوله تجارب الناس الفاشلة ما تحكم مصير قريبتك وهي وحدها بيدها القرار لازم تفكر زين ومن غير ضغوطات وخلها تبعد عنها وسواس كبرت سني مو صغير والله يوفقها.

هي بالنسبه لها فرصه ماتعوض لانها باواخر الثلاثينات الله يرزقها
بس تبين الصج عاد الموضوع هذا يبي له استشارت رجل راي الرجل بيكون اصدق وفي حنكه بس المراه عاطفيه وتفكر بقلبها عكس الرجل الله يكتب اللي في الخير ويرزقها بالزوج الصالح

الله اكبر الله يوفقها انا عن نفسي عاديييييي اهم شي اللللللللللدين والاخلاق
والله يوفقها

مدري ليه هالقصه مو داخله مخي سوووري مشكله البنات متاثرين بالافلام ويحسبون الزواج من اجنبي بيصير كله رومنسيه مايدورن اللي يصير بالافلام كله تمثيل مو حقيقه الواقع شي والافلام شي

الله يوفقها .. تستخير اول ..
مع اني ضد هالفكره .. لو خليجي ممكن او حتى عربي .. احس اجنبي مررررررررره صعبه خصوصا ان بيجي اولاد وماتدري تستمر معاه اولا

الله يوفقها وييسر لها امورها .

لو كنت في مكانها واهلي ما عندهم مانع كنت بقبل . لان هي قربت ال40 وللحين ما عاشت حياتها الطبيعية مع زوج وعيال ومسؤلية . بالله الاصل والفصل شبيفيدها في دنيتها واخرتها ؟ الاهم اخلاقه وخوفه الله فيها .

صراحه ماادري

لو عربي ممكن أحيانا يكون اوكي

لكن فرنسي

والله ماادري


صعبة

والله اعلم

انتي انسي سالفه اجنبي شوفي وضعج مثلا كبرتي في السن اوكي كبرتي فكري في اشياء ثانيه وين يشتغل وين بتعيشين معاه استخيري درسي موضوعه اكثر ووافقي عادي

الشيخ محمد العريفي مزوج بنته امريكي

عادي ترا