basmatelislam;15930792:
انا رجعت بعد عذاب
انا ولدت الاربع اللى فات الحمدلله وجبت ديمه كتكوكته صغننه مش باين منها حاجه
ههههههههههه بس عسل ربنا يباركلى فيها
معرفتش ادخل اقولكم اى حاجه لانى كنت فى موال
انا ولدت قيصري والحمدلله الوجع اول مافوقت كان صعب اه بس الحمدلله على بليل كنت بدات اهدي وبمشي وبتحرك وعادي
والرضاعه بقي كانت كرب بجد والله لا انا عرفه ارضعها ولا هى عرفه ترضع منى
كنت بديها بيبي درينك
وكنت باخد من منى بالشفاط واحطلها فى بوقها اللبن الاول ده بتاع اول يومين المزمار
فضلت على كده يومين بديها بمعلقه اللبن بتاعي
لحد مارحت للدكتوره وقالتلى ان النيبلز عندي صعب انها تاخدها كبيره على بوقها
وهى بوقها مسمسم اوى يعنى
بس صدمنى وقالتلى هاتى صناعي وحاولى طبيعي بس هو صعب بس اصبري
نفسيا بجد بقيت زفت من اول ماولدت ولحد انهرده عندي هيستريا عياط
وجتلها الصفرا فده اللى خلانى اجيب الصناعي واديها منه عشان تروح منها
هى نسبتها 10.5
فبطلت خلاص انى اديها اللبن منى وبتاخد صناعي
بس الحمدلله انها جت بالسلامه دانى اخدتها فى حضنى
بس انا كلام الناس بقي اللى يقولى مناعتها هتبقي وحشه
هتفضل صغيره مش هتتعلق بيكي
ده اللى حارق لى دمي
وحسه بالذنب
الف حمد لله علي سلامتك انتي وكتكوتك بصي ياريت تغيري الدكتوره بتاعتك دي لانها استسهلت الصناعي
بصي انا ولدت ابني فاخر التامن وكان ضعيف طبعا وجاله الصفرا كانت عاليه وقعد فالحضانه يومين ومكنش بيعرف يرضع مني لان النيبلز كانت صغيره اوي وهو كان ضعيف خالص
بس الدكتور قالي افضلي حاولي وكتبلي صناعي رضعه ولا حاجه فاليوم عشان يساعد شويه ان الصفرا تنزل
عارفه لو انتي شفطي او عصرتي البريست حتي فببرونه واديتيلها احسن من الصناعي ومع الشفط لبن عندك هيزيد وبصي كمان عشان الصفرا تقل باذن الله رضعيها كتير وما تسيبيهاش نايمه اكتر من ساعتين من غير رضاعه وباذن الله هتبقي زي الفل والله انا حاسه بيكي لاني كنت فموقفك بالظبط والحمد لله راحت الصفرا بس الصناعي خليها رضعه واحده بالليل لو لاقيتي البريست فاضي وهي جعانه
mam to be;15938590:
ازيكم يا بنات الف مبروك لكل اللى ولدو و ربنا يتمم لكل حامل على خير يا رب
انا كنت عايزه اسال على حاجه هى حركه البيبى ممكن تبقى زى الرعشه كده عشان بتتكرر معايا بقالها كام يوم و بتخض بتبقى رعشه كده لثوانى ف دا عادى ولا ايه
هي دي حركه البيبي لما بيدلع علي مامته