تجهيزات عرائس ' مملكة البحرين ' لشهر ربيع الاول 1433 - 2012 م / الجزء : 86 »

بحرينية_حلوة;15940152:

مبروووووووووك كلورة و أخيرا ها .. !!!

و عليج بالعافيه مشترياتج ..

انا الفوط خذت لي وحدة عودة و صغيره بس للحين ما جربتها .. و اصلا ليش يسمونها سحرية .. ؟!! شنو السحر اللي فيها .. ؟!!! :lol: ( من صجي اسأل ) .. جفت الكل هاب فيهم فخذت لي ثنتين اجربهم .. !

انا امي كانت موصيتني على يوز و فواكه مجففة من محل افغاني .. بس ما جفته !
و بخور عماني .. كل سنة ايي بس بعد ماجفته !

جفتي هالمكانين ؟!!!

انا لأن أول شي كنت امشي بالترتيب .. عقب تمللت تميت اطوف و اشقح اماكن خخخخخخخخخخ ..

و عن التركي .. فالقاعه الثانية في واحد تركي يشبه مهند هههههههههه .. اكسسواراته اتيننننننننننن خذت خاتم منه .. و اختي خذت خاتم و اسويرة و عطى بنوتي بروش صغنون هدية .. خاطري ارد له مرة ثانيه

هنوف المملكه;15940153:

كلورة
عليج بالف عافية

تتهنين فيهم انشالله

بس شسالفة موضوع ( مشتريات معرض الخريف )
ليش صكوه ؟؟

بحرينية_حلوة

انشال موليه ..بعد شيخلون فيه عقب المعركة اللي صارت

بحرينية_حلوة;15940187:

ههههههههههه ما لحقت عليها لأن ..

الله يهدي النفوس بس ..

انزييين بعد شخذتي من المعرض .. ؟!!! كنت محتره اني ما خذت جلابية من المصاروة كل سنه لازم اخد لي وحدة عالاقل بس ما كانو يايبين اشيه حلوة هالمرة .. و اللي يعجبوني كله ضبه عليهم و ما يعطون ويه عدل فأطنقر و امشي

M!ss CoLoRz;15940139:

باركوا لي

رحت امس المعرض واخييييييييرا :D

وصلنا على الساعة 4 وربع وشنو ززززححححححححححححححححححمة

زحمة ما حصلتش ... تعوذنا من إبليس ووقفنا فوق الرصيف

الحمدالله ما تعطلنا في التذاكر ولا التفتيش

وانجان الناس داخل حشر
وما تم شي ما شريته .. لو الموضوع للحين مفتوح جان صورت لكم .. بس يلا شنسوي بسولف لكم بالتفصيل تعويض

رحت سيده صوب الشالات شريت لي واحد شتوي شكبره وواحد صيفي ضعيف مال الموضة عطاني الاثنين ب 8 دينار

عقب مادري شلون ريولي ودتني صوب الجسار اللي عمري ما فكرت اطبه ... اساسا انا ما كنت آبي منه بس جفته رحت له وسيده طخيت معمول الجسار بدون ما أشمه حتى :| عقب ما دفعت ومشيت قلت ويييييي انا شسويت ههههههههههههه... رجعت البيت شميته واشوه طلع حلو ..اليوم بجربه

خذيت من المصريين قالبين كيك سيليكون ( اللي عندها خبرة.. انا إذا اسوي كيكة واستخدم السيليكون أمسح القالب بزبد وطحين كالعادة نفس القالب العادي.. احس السيلكون ما يحتاج هالحركة.. شرايكم إنتوا؟؟؟؟)

وخذيت الفوطة السحرية خذيت مؤونة منها بس لما رجعت ما كانت سحرية!!!!!! شرحوا لي مرة ثانية طريقة استخدامها ...لأني أصلا طخيت الفوط بدون ما أسأل سحرية ولا ... جفت حاطين اعلان فوط سحرية ورحت لهم:|:| مادري شفيني كنت مستعيلة بس أجوف اللي آبيه أطخه سيده

وبعد يا طويلات العمر جفت تركيات يبيعون اكسسوارت .. وانجان اجوف عندهم خاتم انا شارية نفسه بالضبط بالتمام والكمال انجان يفز قلبي واسومه ..قالت لي ب 12 .. عطيتها هالابتسامة :D وقلت لها أنا ما خذته هني ب 8 ... اشوه برد قلبي ... بس بعد خذيت من عندهم خاتم فيه لولوات واسويرة تنفع حق سهرة

جفت طقم عند واحد سوري اللي ايي روب نسائي ورجالي وفوط وشبشب ..قال لي بعشرين وآخر 19 ... قلت الحين بس دينار بتقط :-o ما خذيته لأنه جنه هني نفس السعر .. يبي لي ادور بعد

وكنت يزعم آبي آخذ برانيص خفيفة ومفارش .. ما عجبني شي !!!!!!!!! كل سنة أحلى ايبون والحلوين ايون single مخلصين الدبل .. وكنت آبي بعد من الصنينة قمصان النوم الحرير والقطن اللي يصلحون حق بيت حق الراحة ..الحلوين اندثروا :thumbs_down:

وبعد ذيج السنة كان في باكستانين عندهم صواني ضيافة ..عيزت ادورهم هالسنة وما حصلتهم ..حسافة

اووه بعد شريت من عند هندي طقم مفرش فيه 6 قطع ..خذته ب 30.. ديزاينه جنه modern wallpaper حبيته وخذيته

وانا طالعة خذيت لي ليفة مغربية وبس سلامتكم

ونجوفكم إن شاالله في معرض الخريف 23-31 يناير 2013 إن كنا حيين إن شالله

كلوووره صواني الضيافه كان في عند الباكستانين اول ماتدشين القاعه العوده على يمينج

حصاصي;15940245:
كلوووره صواني الضيافه كان في عند الباكستانين اول ماتدشين القاعه العوده على يمينج

افاااا طافني ....يلا خيرها بغيرها شسوي بعد

بنات في وحدة كانت تسال عن هاي المنتج شفت وحده في احدى المنتديات مندوبه حقه
اللي تبي اسمها اوشي تراسلني على الخاص بدز الاعلان


عليكم ورحمة الله وبركاته

الان بين يديكى ووفرى مصاريف الشحن والتحويل لامركيا واستلمى من المندوبه مباشرة والدفع عند الاستلام


الان بين يدي كل امراه عصريه تتطلع لكل ما هو جديد وغير متواجد في السوق المحلي
المنتج الاكثر مبيعا في امريكا

فير التكسير 2012
منتج لاقى صدى واسع وانتشار كبير بعد استخدامه بأكبر الصالونات الاجنبيه لاكبر مشاهير هوليود

حتى وصل الى العالم العربي بحدود الصالونات المتخصصه في عمله
لكن الان اصبح متوفر لدينا لتحظي بتسريحة المشاهير في 10 دقائق فقط ..!!



[SIZE=4][COLOR=#ff0000]الجهاز صنع بواسطة الشركه الامريكيه ويستورد من امريكا فقط


وفي كل مره يمكن الحصول على تسريحه جديده ومتميزه
ولايخفى على الجميع ان تسريحة الشعر لعام 2012 يعتلي عرشها حاليا تكسير الشعر


رابط الفيديو يشرح طريقة الاستخدام

<A href="http://avb.s-oman.net/redirect.php?url=http%3A%2F%2Fwww.youtube.com%2Fwa tch%3Fv%3DoHTHxagTLfA%26amp%3Bfeature%3Dfvw" target=_blank>[COLOR=#0000ff][COLOR=blue][COLOR=#ff0000]هنا بعض الصور للي عاملين تسريحات بالفير وطبعا مادونا من اكثر الموصيين على الفير واغلب مشاهير هوليود

[/COLOR][/COLOR][/COLOR]هذا رابط الفيديو يشرح طريقة الاستخدام









سعر الاله الامريكى30دينار+ هديه حمام كريم الجوجوبا للشعر
( زيت الجوجوبا عصره اولى مركز لتطويل وتنعيم الشعر)
[/COLOR][/SIZE]

السلام عليكم بنوتات

عندي لكم سوالف وايد وما شاء الله عليكم ماعبر الحق على سوالفكم وحدتن وحدة


تروج حبيبتي الله يعطيج العافية وعسى الله يتمم عليكم ياربي اهم شي لا تنسين ترقين روحج و وصي البنات كلهم خو الحسد من كل صوب اييج اللهم يا كافي



بي رايت باك :)

بنات رحت افتر على محلات القطع .. ادور على قطعه دانتيل عدلة حق العرس. طبعا ما لقيت شي عدل . لقيت محل عنده قطع اممم مقبولين مو ذاك الزود سعر المتر من 18 دينار لـ 30 دينار رحت محل ثاني .. يبدا المتر عنده من 75 دينار !! اييبونه من جاينا ويقصون علينا فيه !
بقى اروح السعودية اجوف القطع الي عندهم لان من قبل جايفه اشكال وارناق عاد عسى القى شي حلو ومناسب .

ورحت افتريت على المحلات حق المسرح .. قلت لكم من قبل عن ياسر قال لي ب3000 دينار. رحت الايام ف جد علي طبعا هم مع اتفاق مع طيران الخليج .. ف قالت لي المسرح خالي يكون من ضمن الباكج حق القاعة عاد الورد والطاولات و ورد المسرح وكللللللللللللل شي ثاني ادفع عليه بس هم ما يغطون الصالة .. وانا اهم شي عندي تغطية الصالة .. وقالت لي لو بتييبين انتي الخلق واحنا نغطيها عادي .. مادري افتر راسي من حجيها وما ارتحت . طلعت رحت دريم .. قال لي ب3000 دينار ..وبيغطي لي الصالة . وسألته عن مسرح ثاني قال لي ب2800. طبعا اثنينهم اكس .

رحت حق الانصاري ... هههههههههههه البنات الي قالو لي عن راعي المحل تذكرتكم وانا هناك والله خخخخخخخخخخ . الله يهديه ذبحنا وهو يدخن في ويوهنا انا طقني عوار راس افتر راسي رديت البيت ادور الفراش من زود الصداع :'( .. بس حلييييييييو وايد وايد والصراحة اسعاره فضيييييييييييييييييييييعه انصدمت انا . تخيلو بيسوي لي كل شي من مسرح وتغطية و ورود وطاولات وزولية في الوسط كله ب1200 دينار !! و راواني مسارح وااايد وعجبوني اثنين وايد حلوين ومودرن وناعمين وسألته عن المسكة اذا يسويها قال لي اي في حدود ال25 لـ 30 دينار.

خخخخخخخخخخخ وطبعا قاااال لنا عن سالفته في طيران الخليج بإختصار وعلياااااااااا قلبه متروسة :lol:

اي بنات راواني مسارح الحنة اتينن جفت مسرح هندي كلللللللله رازجي يهههههههههههههبل بس ما سألته بجم وفي مسرح صاير دورفة بعد مسويه ستايل هندي وايد حلو وبعد ستايل مغربي . وفي الكرسي الي يشيلون فيه العروس رووووووعة عجيب عجيب مادري بجم ايجاره نسيت بس ما كان غالي طبعا يزيته ويصبغه اذا تبون وكل شي اقول حق اختي آآآآآآآآبي قالت لي عاد قولي حق ريلج ايي يشقلج يوصلج المسرح احنا مالنا شغل :'(:o خخخخخ
. ولقيت مسرح تراثي يهبل .. عبارة عن باب قديم و فوق فيه جنادل وعلى الصوبين درايش والجزاز القديم الملون والكرسي القديم مال اول وصندوق مبيت وحب فيه ماي ومباخر كبار واشيا وايد ماعرف اساميها خخخخخ .. كلللل ذي ب120 دينار :!!: بس بدون توزيعات لان التوزيعات احنا بنسويهم .. خلاص قررت اني اخذ من عنده للعرس وللحنه ان شاء الله اذا الله احيانا . اسعاره مناسبة وهو شغله بروفشنال . مب ذلين توهم مال امس واليوم يبون 3000 8o| . لا يقصون عليكم بنات همه قاعدين ياخذون عليكم ثمن سمعتهم الي انتوا رفعتوهم فوق بروحكم توكم في بداية حياتكم شحقه الصرف على قلة فايدة :thumbs_down:



اخر شي سويته .. رحت امس صالة حالة بوماهر .. بنات اتينن ويديدة تلق وما يبي لها تعديلات ولا شي الحمدلله و وسيييييييعه تشيل 450 نفر . عاد انا حجزتها حق حنتي شهر 7 ترى ما شاء الله قعد يفل راعي الصالة الدفتر جدامي مترووووووس تبارك الرحمن كله حجوزات .. الحمدلله اني لقيت .. ودفعنا كامل 150 دينار ويرجعون لنا 40 بعد الحفلة يعني الصالة سعرها 110 بس . اي وقتهم من عقب صلاة العشا لين الساعة 1ونص . ومايصير اكثر من سماعتين في الصالة .. ويأجرون كل شي ممكن تحتاجونه .. الظاولات والكراسي .. الطاولة بدينارين ونص والكراسي 100 كرسي ب25 دينار يعني يحسبون الكرسي ب250 فلس .. عندهم الدلال والزل والسرفس .. اي شي تحتاجونه هو يوفرونه اذا تبون . عن الزل عندكم نوعين .. نوع القطعه بدينار .. ونوع القطعه ب3 دينار . عاد يوم رحت جفت الصالة عدل جفت حاطين زل في الطريج بس .. يعني اول ما تدشون الصالة لمكان المسرح .. تقريبا 10 قطع . عجبني وايد وقلت حق الحنة ان شاء الله بعد بحط زل جذي من عندهم او يمكن اجوف الانصاري اذا اييب لي . انصحكم فيها فرق السما والارض عن هذيج ابوذر الحمدلله ما لقيت حجز فيها جان بتحطم :'(



بنات كان خاطري اروح المعرض بس ما لقيت من يشجعني كنت ابي كويلتات من الجاينويين كنت بروح اليوم الصبح خفت اضيع :o لاني في الزحمة اتصيدني ام الديفان :o .

بس بنات اي يديد اتذكره برد اقولكم عنه

بحرينيه

عساج ع القوه ابوي

خوووش تقرير ولج احلى تقيييم

نفس ماقلت لج من اهل راحت تبي لجلوتها شهر 3 قالو لها لي 5 محجوزه ماشاءلله
الحمدلله الله يسر لج وافتكيتي من شي
الحين حتى حجوزات ميكب وجلابيه الحنه والجلايه بدي فكري فيهم وجي على هالشهر او الشهر اللي بيي بدي افتري دوري وجوفي الستايلات ليما ترسين على ستايل وسويه

عشان بس مايبقى لج الا تجهيزات ليله العرس

عسى ربي يتمم لج على خير

بنات بغيت اسامي محلات عندهم فساتين حلوه وفخمه في حدود الخميسن

بكل البحرين بليييز ساعدوني ضروري

بنــــــــــــــــــــــــــــــــــــــــــات :sick:

حضره صفاء متصله الحين

تقول ماتقدر تمكجينه لانها مر يضه:'(

لا احنه ولا العروس

وكلنه بتحولنه على شمه اختها:celebrate:

وقالت لي اذا العروس تبي اي ماكيره بالبحرين بتدبرها لها

هاي حجي الحين والحين الساعه 11 بالليل

وهقتنه

انه جايفه شغل شمه من 5 سنين الحين ماعرف ستايلها او شنو بصمه شغلها

احد يفيدنه

لاحول ولاقوه الا بالله

اكي العروس تصامعت من سمعت بالخبر

وه!!!!!!!!!

تراجي !!! قلت لج حلمت فيكم متوهقين

انزين باجر من صباح الله خير اتصلي في صالون إيلاف وجوفي اذا يقدرون يمكيجون احد منكم
خصوصا العروس جنج قلتي راحت الخطوبة وعجبها
انتوا عاد توزعوا .. اتصلي في شريفة فولاذ وابتسام كمال وشرحوا لهم وصفية شويطر بعد ذيلين اللي في بالي للوسط
قولي حق صفاء على الاصل العروس تمكيجها بعد مو سالفة ذي !!!! وما لقت الا الحين تتصل!!!
ترووج قولي لها بتشرشحينها في المنتديات وهاي مسؤوليتها تدبر لكم احد كلكم !!!! والله
خبريني عن اذواقكم عشان اقترح عليج
وطرشي مسجات حق الماكيرات اعتذري منهم على هالحزة ووقولي لهم يردون عليج بأسرع وقت ممكن

كلووووووووووره

هههههههههه اضحك لو اصيح لو شاقول

الله المستعان

اتصلت العروس بها
قالت لها انتي مو واثقه فيني قالت لها امبله قالت لها خلج على اختتي لانها نفس ستايلي وكل العرايس اللي كانوا اليوم عندي اهي عدلتهم
وقالت لها باكوون موجوده بالصالون عشان تتطمنين

بنتوكل على الله وبنتم على شمه اختها
لان ايلاف ماتقدر تاخذ عدد اكثر

اللهم لا اعتراض

وعسى ان تحبوا شيئا وهو شر لكم
الحمدلله على كل حال

بس كلمتين بقلبي اهي شكلها مصخنه شي من هالقبيل مو مجسحه اللي ماتقدر
ودام اهي بتيي الصالون وبتشرف على شغل اختها
ع الاقل تسوي للعروس

مو كلام هاي

والله كنت مفكره ادش اخذ شاور من الحين عن الصبح احس بريدت عافيتي

ننطر لي باجر ونجوف الله يتمم على خير يارب ويكون هالشي خيره وصلاح لنه يارب ونطلع واحنه راضين يارب