تجهيزات عرائس ' مملكة البحرين ' لشهر ربيع الاول 1433 - 2012 م / الجزء : 86 »

مجنوتك رسمي

مشكوووره فديتج
المشكله ودي بس ماقدر برع محرق ابي شي جريب لي عشان اروح وارجع عليه
فمن جي مفكره مابين ليلى وباندا واحتمال حلم العروس

الله يجعله من نصيبها ان كان فيه خير لها يارب ويبعده عنها ان كان فيه شر يارب العالمين
ماشاءلله تبارك الرحمن الله يوفقكم ويتمم لكم على خير

اهو الشبكه قلنه اذا الله يسر بس 1000د

وين كنتي مسويه شعرج؟؟
فينسيا حاطينه خيار اول باذن الله
وعطوني 3 افضل محلات للبوكيهات ويتوافر عندهم درجات حلوه وغريبه من الورد
دان مستبعدينها
الزنبقه حبيت شغلها
بس ابي غير واهم شي تكونون مجربينهم

اهو المهم الحين الاساسيات بس التناتيش من لبس وغيره هاي مخلينه على صوب

بنات ابي مخبز غير قيصر ونفس اسعاره لان قيصر ماقول انه حليوو بس تحسوون المعجنات جافه

سؤال اخير
الحين في السعوديه في محلات تاجير لغير السعوديين؟
والا لازم يكون عندي احد هناك وياجره لي؟؟

تراجي ام الزين كله ..

ما شاء الله عندج بنت 17 سنة ولا اختج ؟

حسيتج صغيرة ههههه

اجوف هالايام كله صغار ينخطبون ! وكله المهور صايره 4000 ! راح زمن 3000

احس ف الشوفة تلبس محتشم مو قصير من اولها !

ومادري اذا متحجبة تقعد بحجابها او تفصخه ما اقدر افتي ..

بس ليش مستعيلة على البنية توها صغيرة خل تعيش حياتها ..

وحق البوكيه روحي لامركيز حته مسارح يسوي وبعد باقات على ما اعتقد وشغله راقي ..

بالتوفيق اذا كان خير لها ويبعده عنها اذا كان شر لها .. ^_^

مس دلوووعه

هههههه لاتوني عمري 23

لا هاي من معارفي الله يسر امورها

اييي وين 3000 من زمان بس بعد كل واحد وظروفه ومقدوره اهي لان متفقه وياه وعارفه شالي يقدر عليه

لا شي طبيعي لي بتشوفه بتلس عبايتها بس اقصد لي اهله بيوون

ههههههههه لا بالعكس مافيها استعيال وبيني وبينج اهو نصيب سواء 10 سنين والا 40 سنه اهم شي الريال يصونها واهم شي اهي تعرف تقوم بريلها خو الحين مافي بنيه ماعندها خلفيه بهالامور

لامركيز جفت كذا مره شغلهم في هلا بحرين بس حق الباقات العاديه وكانوا حلوين بس للحين ماجفت بوكيهات عرايس من جي ابي اتطمن اول
مشكووره ياقلبي عقبالج ان شاءلله

ممكن ترسلون لي ملف التجهيزات للضرروورره

والف شكرررررررر

تراجي ام الزين كله;15976802:
مجنوتك رسمي

مشكوووره فديتج
المشكله ودي بس ماقدر برع محرق ابي شي جريب لي عشان اروح وارجع عليه
فمن جي مفكره مابين ليلى وباندا واحتمال حلم العروس

الله يجعله من نصيبها ان كان فيه خير لها يارب ويبعده عنها ان كان فيه شر يارب العالمين
ماشاءلله تبارك الرحمن الله يوفقكم ويتمم لكم على خير

اهو الشبكه قلنه اذا الله يسر بس 1000د

وين كنتي مسويه شعرج؟؟
فينسيا حاطينه خيار اول باذن الله
وعطوني 3 افضل محلات للبوكيهات ويتوافر عندهم درجات حلوه وغريبه من الورد
دان مستبعدينها
الزنبقه حبيت شغلها
بس ابي غير واهم شي تكونون مجربينهم

اهو المهم الحين الاساسيات بس التناتيش من لبس وغيره هاي مخلينه على صوب

بنات ابي مخبز غير قيصر ونفس اسعاره لان قيصر ماقول انه حليوو بس تحسوون المعجنات جافه

سؤال اخير
الحين في السعوديه في محلات تاجير لغير السعوديين؟
والا لازم يكون عندي احد هناك وياجره لي؟؟

هلا ابوووي
اول شي عن الشبكه عندي لج نصيحه..اخذوها من سوق المنامه..
لان انا خذتها من سوق الذهب اللي في محرق وقص علينه بالسعر..مادري ليش صار هالفرق..
يوم رحت باخذها والذهب نازل قال لي ب1000 باعطيج اياها...وبس مني ومناك خذناها ب700..عاد عقب اقل من سنه تقريبا...رحت ابي اسوم جم صار سعرها ويوم ارتفع الذهب اكثر...ورحت سوق المنامه..الا يقول لي سعرها 600 دينار وشي...:hysterical:تخيلي انصدمت بصراحه...سوق الذهب اللي في محرق حراميه,,,يوم كان الذهب رخيص كان بيبيعها علي ب1000 ويوم ارتفع الذهب يكون سعرها 600...مايصير بصراحه في غلط فالموضوع...بس الحمد الله

الله يسلمج عن شعري...كانت خطوبتي 2-8-2010...قبل الازمه يعني..سويت شعري فالرونق غند وحيده وسوته لي 100 وشي..والمكياج غند ناهد مادري نهاد و سوت لي ب 70 وبعد فالرونق...بس في عرسي كان تاريخ 3-7-2011..سويت شعري عند عايده النعيمي ب 80 و المكياج عند ابتسام كمال في بسيتين ب 80....

والبوكيه مال خطوبتي كان من بوكوارا من محلات شذى..و في عرسي من محل في الحاله صوب قاعه حاله بوماهر العوووده...

واذا بتلبس شبكه لاتنسون الستاند حق الشبكه...و خلو كل شي صوبكم وعلى دربكم عشان ماتتعنون حق شي بعيد...مثل خلها اتخلي محل بوكيه الورد على درب الستيديو عشان ماتتأخر عن الستيديو...يعني مو تحجز ستيديو في المحرق و البوكيه في بوكوارة...لان اوردي مابتقدرون اتمرمرون وانتو فالصالون ولوليه

وبالتوفيق

بنوتات بغيت اسالكم عن صالونات التايلنديات لي في مجمع عبد الله بالرفاع

فيه وايد صالونات هناك من فيكم جربت تسوي عنهم شعرها واى واحد الاحسن فيهم

من كذا يوم كنا طايفين وكان فى بنات طالعين شعورهم ما شاء الله حلوه الى مسويه ويفي والى بف والباقي ستريت ولي مسويه تسريحات بسيطه كلهم عجبوني حسيتهم مضبوطين وشغلهم مرتب؟؟

لي عندها فكره اى مجربه احد من هالصالونات تخبرنا اى الاحسن

سويت كيك;15975166:

هلووو بنااات شخباااركم ؟؟

كلووورة
يعطيج العافيه كششخه تقاريرج كالعاده
والميزان مناحس "-_-

تراجي ام الزين كله;15975414:
كلوووره
هههههههه فديت عمرج ابوي
مشكوووووره اكي اختي استانست عليه سويت لها خصله الا تقول باسويه كامل بكشخ حق المدرسه هههه
بس اذا عندج الفيديو طرشيه لي اللي عندي مادري وينه

ملكة بس اميرة;15976132:

كلووره اختي باطرش لج الارقام حق الملف

مخمليات;15976283:

اليوم بنات انا بقولكم عن نتايج تقارير كلورة فديتها

رحت آرت بازار و ميني ديلايتس كيك أفنيو
عن ارت بازار موقعه على شارع البديع يم سعد الدين و مجابل كريب ، دخلت المحل واول شي سئلت عنه الست مال كوكوز ، وكان مخلص وسعره ٢٨ دينار من السيراميك ، وعندهم نفس الجاي المغربي مال كوكوز ، وبدينار ! فيه ٢٤ حبة خذيت ٣ منه ، وعندهم يعد انواع وايد من الجاي المغربي كانوا ب ٦ بعد التخفيض ب ٤ دينار ، وعندهم لاتيه نفس ستار بكس ماركة chai من uk ، ب ٦ بعد التخفيض ب ٤ ، الثرية الحلوة اللي حطتها كلورة مطلية بالفضة كامل وسعرها قبل السيل ٨٠٠ وبعد السيل ٤٠٠ وشي ، الخلاصة ال green tea المغربي ما يتفوت وسعره ممتاز ، واللاتيه حركة حلوة اذا عندج ضيوف ويستوي بارد او حار وتشترون الرش الكريم ويصير هوم ميد لاتيه ، وصينية ست الغوري والكاسات فيه ب ١٧ وفي ٢٤ بس احسها ثقيلة لانها من السيراميك


أنيي الحين ل mini delights ، سعر الدرزن ب ٣ دينار واقل شي تاخذينه درزن والاوردر أظن ٣ او ٦ ما ثبت عليها، يسوون ب جيز كيك بس التوبينغ يختلف ، انا عن نفسي ما حسيته ذاك الزود ، حتى زوجي جربه وقال مو ذاك الزود حسيت الجيز كيك نفسه يغث وطالعا عليه نكهة الجيز اكثر ، يعني انا جربت جيز كيك من قبل اخف والذ وفي النهاية هاي اذواق ، بس كشكل مغري ، وسئلتها شنو تسوون بعد قالت إحنا بس متخصصين بس في الجيز كيك ! استغربت يعني بصراحة محل وموظفين عالاقل الواحد يتخصص في كل انواع الميني من كيك او تارت وأتوقع بعد يسوون ماكرون بس ماكان معروض


الحين بتكلم عن cakes avenue ، اول ما دخلت سئلتها شنو البست سيلر عندكم كالعادة قالت لي رد فلفت وقلت لها بعد قالت النوتيلا ، قلت لها عطيني الثنتين ، وكان الحجم الكبير للكب كيك والقطعة بدينار ، لاحظت انه ديزايناتهم للكيك حلوة بس اسعار الكيك بالكيلو كانه ليلو المفروض يسويه بأقل لانه توه فاتح ، جربت الرد فلفت أحلى من كلفر كب كيك لكن النوتيلا متروسة دهن ! ، ما حريتها وايد ، يسون كل انواع الكيك لكن ما عندهم ابتكار النكهات يعني مثلا ليلو مشهور ب فانيلا نوتيلا اوريو ، او جوكلت بستاشيو ، لا شوكولا مشهورين ب مونتانا ، جنى مشهورين ب انقلش بلاك فورست ، اهما مالهم نكهتهم الخاصة ، ويسون كرواسون وميني تارت وكل انواع الكيك وأي ديزاين ، واذا تبين تسوين ديزان مو اقل من ٣ كيلو وسعر الكيلو ١٥ واللي بدون ديزاين ب ١٢ للكيلو ، واذا كيكة عرس مو اقل من ٧ كيلو وسعر الكيلو ٣٥ !!! يعني الكيكة براس ريال :lol:


وبس هاي زياراتي للمحلات واتمنى اكون أفدتكم ، وهذي آرائي الشخصية ويمكن اذا زرتوا المحلات تكونون انطباع ثاني وبالتوفيق للجميع

:hysterical::hysterical::hysterical: جيكتيهم بالجملة يعني

كيك افنيوز ما حطيت تقرير له :worn_out:

ارت بازار داايما خاطري اروحه والله خوووشي أسعاره توقعته في هالحدود ..يعني شلوون تقييمج ..يسوى الروحة له؟؟؟ انا من محبين الجاي واطقم الجاي يعني اذا خذيته بطلع قيمته :D

ميني ديلايتس ..جربته مع الاهل قبل فترة .. سويت اوردر بالتلفون وسووه ديلفري لي عندنا
صاجة شي اكيد الناس أذواق .. أنا شخصيا عجبني والاهل بعد تموا يتشكرون فيني طوول القعدة ههههههههههه .. احنا نحب الجيز كيك من جذي ..وبالعكس كان خفيف مو baked ثقيل ...المهم عاد انا جربت نوعين اللي على فراولة والماكرون ..الماكرون لذيييييييييييييييييذ :adore::adore::adore::adore::adore::adore:
اما الفراولة عادي ..في أحلى منه ... وكان فيه نكهات وااايد بس هاي للي جربته واقدر اقولكم عنه
الحين جربت محلين جست كب كيك وميني ديلايتس ... الاثنين نفس المستوى بالنسبة لي
من ناحية الجودة والشكل والطعم والسعر ... ذي حلو وذي حلو

تراجي ام الزين كله;15976306:

بنات ابي مكان للميني معجنات بمستوى امبرس بعيد الرفاع ههههه
يعني سعات يصير بخاطري بس استصعب الدرب الا اذا كان عندي معهد او فويكند افر هناك
فاللي تعرف بمنطقه اجرب تسوي خير

غير هاااي
ابي اسوي لي فستان ناعم انه جفت فستان رفيجتي مسويته فيه باندا بس كان كله شيفون
اللي ابي اخذ رايكم فيه ان اذا بسويه اسويه عند باندا؟؟
او ارجع حق ليلى الي سوت لي مال جلوه بنت خالتي هاي مجربتها بس باندا شفت بس ماقط جربت

تراجي محلات المعجنات في العدلية مثل ما قالت لج مخمليات ليلوز وبعد في محل اسمه روشان شي جذي يصير يم لامركيز ( ما جربته وللحين أدور رقمه)
في محل اسمه شيلاز كيك في أم الحصم .. جربته اممم مادري ما عجبنا سعره بالدرزن عندهم شي ب 2.500 وعندهم ب 3
دورت لج في الملف أحد جريب منج ..لقيت وحدة اسمها ام احمد من عراد
ووحدة اسمها بنت الخاطر
وعندج بعد فاطمة الانصاري ..هاي واايد مشهورة بس بعد ما عندي رقمها

بالنسبة حق الفستان ..يعني تبين تسوين شي وتخشينه حق الحفلات صح؟؟ ولا تبين فستان عادي ؟؟ ما فهمت عليج
المهم ... إذا الموديل كللش بسيط وتبين الفستان حق وقت الحاجة لا تتكلفين فيه..اكيد في صوبكم خياييط عادية مضبوطين ومعتمدينهم يمكن حتى يسوونه لج ب 15 دينار إذا مو أقل

تراجي ام الزين كله;15976681:

انزين يابعدهم انتوووا

عندي بنوته بيتقدمون لها عمرها جي 17
شنو تلبس وقت الشوفه؟؟
خصوصا انها متعوده كله ع الكاجول
او سعات ميني جلابيه
وبالمناسبات تنانير قصيره يعني شالمناسب بهالعمر خصوصا انها قصيرونه وضعيفونه

شي ثاني

ابي تقسيم للمهر بحيث اهم شي ينرفع مبلغ لو بسيط
4000 د


وفي حال بقت حفله خطوبه عائليه

ممكن جي تقيديرات لكلشي من فستان وميكب وشعر وصندل والبوكيه
واهم شي للتوضيح ملامحها جدا ناعمه مايناسبها الاوفر

وودي اسئل عنن قاعه عراد بحرين ليموو احد يعرف جم سعر التاجير؟؟

واكون شاكره لكم

الله يجدم اللي فيه الخير إن شاالله

نبتدي خطوة خطوة ...اللبس يعني خلاص اهمه بيوون يخطبون مو يايين يجوفون ويفكرون ..صح؟؟

اقترح تلبس تنورة قصيرة او فستان قصير أفضل يد ثلاثة ارباع بس إذا ما حصلت مو قضية

انيي للمهر...يعني ال 4000 شاملة الشبكة والفستان ..صح؟؟؟

اول شي خلها تكون واقعية ...سبع حفلات مادري عشر ماري جم ماله داعي
واصلا ما بتقدر ..اهيه بهالعمر يعني ما تشتغل ولا بتشتغل عقب سنة ولا سنتين يعني ما بتقدر تحط ولا فلس وتقول بسوي كل اللي في خاطري

خلها من الحين تختار تبي خطوبة عودة ولا عرس عود

وعلى أساسه تقسم المبلغ
بما إنها 17 بفترض إنها توجيهي او اول سنة جامعة
تسوي حفلة ملجة بسيطة في البيت وتخلي العرس لبعدين جود كبرت وفهمت وتعودت شوي على الحياة
أول شي تسويه تشيل مبلغ الشبكة ويفضل يكون اول شي تشتريه
إذا قررت تسوي عرس بعدين اقترح تشيل 1700 دينار وتسويهم وديعة وافضل اكثر
يبقى لها 1300 دينار
100 الى 150 دينار فستان للملجة
مكياج ملجة 30-70 دينار
شعر 40-70
شغلات ثانية بنقول 100 دينار ( شغل الصالونات والحنة واللي مثله)
400 دينار تقريبا مشتريات ( عبايات وثياب وشنط ومكياج و و و )
أنا ما احب إذا ملجة في البيت بسيطة العروس تيود باقة بس إذا اهيه حابة
خل نقول 30 دينار وعلى فكرة لا مركيز شغلهم وااايد حلو في الباقات
تبي تسوي ستاند للشبكة تحط 20 دينار ..انا سويت عند الياس في عراد ب 15
يبقى 700 دينار تقريبا تخليه جزء منه بتصرفه بعدين وجزء منه بتطلع لها أشية للتجهيزات

هاي إذا بتسمعون شوري

إذا اهيه حابة شي أكبر هاي لها ميزانية وتصريفه ثانية

دموع وردية;15976959:
ممكن ترسلون لي ملف التجهيزات للضرروورره

والف شكرررررررر

جيكي الخاص أختي