تجهيزات عرائس ' مملكة البحرين ' لشهر ربيع الاول 1433 - 2012 م / الجزء : 86 »

ms.dalo0o3a;15931782:
اختي تراجي ام الزين كله ..

حبيت اسالج الفراشة في وين محرق ؟

والتشقير اشلون اتشقر ويهها كامل ؟! احس مو حلو حق عروس !

وبتشقر حواجبها ؟ اشلون تشقيرهم ؟

والله يبارك لهم مقدما .. وسامحيني على الاسئلة بس حبيت اعرف لان ف التشقير لحد الحين ما لقيت صالون يضبطهم !

اذا تبين تشقير الحواجب في المحرق عندج باربي، تشقيرهم وصبغهم للحواجب حلويين :thumbs_up:
وصالون صباح اللي في الحد، في وحده كانت تشقر في فرع عراد والحين انتقلت لفرع الحد بس عاد مادله أي صوب بالضبط خخخخخ



وتشقير الويه ما قط جربت اشقر ويهي كامل ولا عمري حفيته لأن الشعر كلش خفيف، بس احس عادي تشقرين اذا كان الشعر خفيف ومب طويل، وأحسن من الحفاف ان ماتخافين يطلع لج حبوب في ويهج وانتي عروس :badly:

M!ss CoLoRz;15930451:

أخت القمر من يوم الخميس مو مبينة عسى ما شر إن شا الله

كلوووورة يعطيج الف عافية ، عاد تصدقين كنت ابي شي جذي قريب مني لانه تمللت من ام نور هي الحين يمنا بالضبط اكلها وايد لذيذ بس كنت ابي شي غير للعزايم ، بس جنه أسعارها شوي غالية لانه كنت أقرى المنيو مكتوب طبخة دياية وحدة ب ٧ و ٩ !! جنه وايد، حتى الغوزي الفخذ بس ب ٢٥ ، كرامي اللي أغلى من غيره لانه لذيذ نص الذبيحة ب ٤٥ ، بس يبي لنا نجربها ما ننحرم من تقاريرج  

السلام عليكم بناات

اذا ماعليكم امر من احسن وحده اتمكيج

نجاة ماك
او
ايمان ماك
او
صفاء المسلم

بليز قولولي متحيره من بينهم

كلور
تهقين لو بغيت اخيطه تضبطه الخياطة ؟ لان موديله وايد بسيط مافيه تعقيدات

عاد الحين القطعه العدلة من وين باييبنها لازم افر السعودية فر يمممممممكن القى .

عروسات في احد عنده فكرة عن قاعة المارينا كلاب اللي فالنادي البحري
تشيل جم وشلون اكلهم واسعارهم وشنو الأوفر مالهم بالمسرح ولا بدون وشرايكم بالقاعة ككل لحفلة ملجة عائلية

اختي المارينا بتكلفج في حدود ال1200 بس انتي تقاصصي وياهم بيسوون لج ديسكونت والقاعة تشيل 250 بس الناس بتصير متراعصة .. والبوفيه زين مالهم يمشي الحال .. والقاعة تصلح حق حفلة ملجة ولا خطوبة . وعندهم مسرح بس يلوع الجبد مكسر حالته لله يعني حسبي حسابج ان بتييبين مسرح والتصوير طبعا من عندج والديجي همه اييبونه اذا تبين .

بحرينية_حلوة;15930362:

بحرينيهــ .. تراجي
تصدقون انا تجربتي مع نورية كلش فاشلة .. لدرجة ان شوي و اسطرها و تميت اصيح فالصالون و طلعت لي سلوى تركض من حجرة الميك اب ( طبعا ما تبي تخترب سمعة صالونها ) و خصوصا ان كان في وايد ناس .. و خلتهم يغسلون شعري و خليت وحدة فلبينية تسوي لي و كان شغلها وايد أحلى من اللي سوتلي اياه نورية ..كيفه هههههههههه ..

و طريقة تعاملها و كلامها وايد بايخ .. فمن يومها و انا حاطة عليها X عوووووووووود

وووووووووووي تصدقين عاد انا مو بالعتها ياربي احس التعامل معاها كلش كلش مو مريح 8o| عشان جذي مترددة .. شكلي بسمع شور تروج وبروح حق تي جي بجوف شغلها ان شاء الله اصفى عليها .. بس زييييييين سويتي ولا تسكتين لو ما يعجبج شي خو انتي بتدفعين فلوس مو ببلاش .




تروج

ترى طرشت لج رقم الحناية ام شهد امس شكلج ما قريتيه :o جوفيه هذا هو نفسه الي عندج ؟

بنات باركب اظافر الي حق يوم واحد حق عرسي بس مو الي يبيعونهم فالصيدليات

باروح حق بيرفكت نيلز يركبون شي شوي قوي عشان اظمن انه مايطيح فوسط الحفله



رحت ركبت واحد اجيك بس مت وحيت وماقام :'(

نقعت صبعي فاسيتون نص ياعه لين صار ازرق و حطيته فماي حار مافي فايده

تخيلوا اخر شي قعدت اشيله بظروسي !!!!!!!!!!

انا فالخطوبه ركبت عند ماي نيلز بس الحين صكوه
ولازم اشي الاظافر قبل ما انام ماباقدر اروح لهم يشيلونهم لي


شاسوي؟ ساعدوووووووووووني



احس مابيكون عندي وقت هالكثر انا ظفر واحد وقعدت اعابل فيه ساعتين لو صالوا 10 شباسوي !!!!!!!!! عزت الله طلعت الشمس وانا ليحين اعابل فيهم وثاني يوم وراي رحلة طويلة باتعب اذا مانمت :( :(

في احد يعرف اسعار صالة طيران الخليج وصالة عوالي وبرستيج والدانة

بحرينية

ابي مكان فالرفاع او سند مابي شي بعيد اكيد مابيكون عندي وقت

قلت لهم قالوا لي نقعيهم يا في استون او ماي حار جربت مافي فايدة