تجهيزات عرائس ' مملكة البحرين ' لشهر ربيع الاول 1433 - 2012 م / الجزء : 86 »

مخمليات;15964768:

كلورة حبيبتي يعطيج الف الف عافية على هالتقارير اللي تيوع ، شكلي الحين بقوم اروحهم هههههههه
مشكورة حبيبتي على الصالونات ، بس نيلز لاونج للحين ماعرفت مكانه شنو يمه غير عيادة المنصوري ، وبالنسبة للميكب تسلمين عاللنكات بس المشكلة لا ياسمين ولا سمر يفتحون الظاهر لازم يكون عندي اشتراك بالفيس بوك

**بحرينيهـ**;15964832:
كلووورة

يعطيج الف عافية على التقرير


بنات رحت مودا مول .. بصراحة انصدمت . توقعت اني بجوف شي راقي من ناحية الكواليتي والموديلات !!!


موديلات عاااادية جدااا .. واغلبهاااا تكشكش اورجنزا من تحت ما عجبوني كلش .. والاسعار كله فوق ال1000 وطالع ما عدا رزان عنده جم فستان اولد كولكشن يبدا سعرهم من 500 و شي. مع ان جفت الاولد والنيو واثنينهم نفس التسايل نفس التكشكش نفس الخرز المركب وركزت وايد على طريقة الفستان من فوق والاشيا المركبة فيه طبعا اغلبهم من فوق الدانتيل العادي الي جفته في السعودية نفسسسسسسسه وبعضهم شاكين فيه خرز شفاف بعضهم لولو بعضهم ورد .. بس تكون قصة الفستان ككل مب شي كلش .فستان السعودية باشا عليهم من ناحية النعومة .. اما الكواليتي معروف . نفس الشي !!!
.وما عجبني الا فستان واحد قممممممممة في النعومة . بس مب حق عروس فستان عادي لونه ابيض .. اما الباقي بصراحة انصدمت كلش ما حبيتهم .

في النهاية الناس اذواق ممكن تعجب احد غيري .. انتوا جفتوا الصور الي مللتكم من زود ما احطها وعرفتوا شنو ابي .. شي ناعم اليجنت بسيط .

بحرينية_حلوة;15964838:

كلورة .. تسلمين على هالتقارير الحلوة .. و كل شي بعيد عنا :'(

تراجي ام الزين كله;15965076:
شكرا لكل من عطاني فكرته
عجبتني فكره مخمليات
عن الست بس وين ممكن احصل جي طقم؟؟

abeek o ma2behum;15965624:
مس كولورز

بكج الحجز مال الغرف

سيده نفسي;15965775:

مس كلرز يعطيج العافية بووي ع التقارير.. والله يوعانة وقاعده واتشهى :lol:

:celebrate: عاد صح انا وراء الستار بس اطالب تراجي انها تهد الكسل وتسوي لنا التقارير الثجيلة تبع الحنة والجلوة والحفلة :worn_out:

اخــ القمر ــت;15966333:

يعطيج العافيه كلورة ميزانج معاند التقرير حلو بس انا اذا باشتري من الحين هالاشيه ابي مكان اخزن فيه الكبت بينبط

اكثر شي عجبني الغوري مال الجاي والاستكانات

ملكة بس اميرة;15966400:

تسلميين كلووره على التقرير

ميييزانج راافض شكله ابتدى ويييكند من ألحين وخذ إجازة:lol:

بحرينية_حلوة;15966409:

كلورة .. ايننننننننننن المكان .. كلشي فيه حلو ..

يعطيج العافية على هالتقرير الجميل و ميزانج الدب مب راضي اقيمج .. قاعد يتدلع .. !

مخمليات;15966450:

ترووج أبوي ست المبخر والمرش تلقينه في الحرمين ، طبعا في السعودية طبي وتخيري بس يمكن ما تقدرين تروحين ، وبالعكس اكسسوارات اغنر حلوين وثانيا وين تحصلين تراجي والا قلادة ب ٣٠ و ٤٠ دينار ذهب ! حتى لو زدتيهم دبل بتاخذين اخف شي ويمكن يبين في العين ويمكن لا ، بعد عندي لج شور ثاني ، عند فندي قلب على لوغو فندي وفي على حروف تقدر تستغله في كذا شغلة لانه يصير قلب وينحط في سويرة يد ، اللي باللوغو ب ٣٠ واللي على حروف ب ٤٠ ، ووايد البنات هابين فيها ، ايييييي صج شلون راح عن بالي سمعي في غوتشي اللي في العالي اول ما تدشين في طاولة فيها بوكة صغار للخردة وميداليات وبوك المفاتيح، مسوين عليهم من ٥٠ الى ٧٠٪ ، واسعارهم تسوى وأتوقع للحين عليهم سيل روحي جيكيهم موجودين بس في فرع العالي ، واذا تعرفين بعد سايز ريلها في عندهم لحد ٨٠ ٪ ، شوفي اذا للحين موجودين

كلوووورة يعطيج الف عااااااافية ، صراحة تستحقين وسام التميز محد منعنش تجمعنا بهالتقارير الحلوة الا انتي ، هذي يم ميني ديلاتس صح ؟
تسلمين أبوي عالوصف ، طلع في فريج رفيجتي هههههه سهل وانا اذكر انه شايفة عيادة المنصوري بس ويييين ماادري
اي صج رحت امس لي بتيت وخذيت كتجربة كيكة القلب على نوتيلا بستاشيو ، عادي الطعم وجربت درزن ميني معجنات كلللله دياي ! بس ببهارات غير كل ما اكل وحدة اقول الحين جبن الحين لحم الحين لبنة مااااكو ، بس الوحيدة اللي عجبتني اللي على ورق عنب كانت لذيذة ، بس طبعا cakes& bakes الذ

تراجي ام الزين كله;15966492:

كلووووره
تسلم يمناج ع التقرير
حبيته وايد
للاسف الميزان رافض
بس ممكن شرح للمحل

TeeLoo;15966707:
السلام عليكم خواااتي
بغيت ملف التجهيزاات ما عليكم امر

الوان شفافة;15967443:

بنات ديسانج عندهم ويب سايت ؟؟؟

عيزت وانا ادور

اللي تعرفه بليز تعطيني اياه

AsOoOoRa;15967782:
http://go.3roos.com/wsshknfvnls


احد يعرف محل يبيع مثل هل قند ؟

**بحرينيهـ**;15967811:

كلللور
ما شاء الله يعطيج مليون عافية على هالتقارير المميزة
لا والله للحين ما رحت وايت ليلي اقول لج صادتني حالة كآآبه ما طلعت اسبوع من البيت الا لما رحت المودا . بس ان شاء الله باجر بمر وايت ليلي لان اذا خلاص ما لقيت هني لازم اروح السعودية. ما يمدي كلش الوقت يرككككض وهذاحنه ندابج وراه ومب ملحقين .<< يعني متفلسفة

بحرينيه حلوة
ههههههههه لا مب عن ماخذ قلبي بس يختج من صجي هني ما لقيت شي عدل عاد الي يسمعني يقول لافة الدنيا .. من زود الأماكن الي عندنا !! باقي وايت ليلي اروح له ان شاء الله باجر . واذا ما لقيت بعد ما لي الا فستان السعودية خخخخ اخاف اروح اجوفه مرة ثانية واقول لاااا مابيه . وتبدا الرحلة من اول ويديد . الله لا يقوله

**بحرينيهـ**;15967821:
بنات ابي استشيركم بشغله ..

ابي اخذ هدية حق خالتي ام ريلي وحق عمي بعد . مادري شنو اخذ ابي رايكم . هي خالتي يحليلها متشببة يعني ما تحب سوالف العيايز . يعني لازم اهديها شي مودرن شوي خخخخ . فكرت اخذ لها ست من فكتوريا سيكرت او بدي شوب بس مادري !!
. وعمي عاد كلش مادري شاخذ له . ولا ابي اسأل ريلي مابي اقول له اني باخذ لهم شي بخليها مفاجأءة .


رايكم بناااات ؟