بيتنا الثاني والعشرون ربات منزل متفائلات منجزات اخر روقان

ملاك \

اللي تسوينه في يومك هو أكبر إنجااز
الله يوفقك ويسهل أمورك




أم ناصر \

سلامتة نصوري ما يشوف شر
والخياطه أموووت فيها ولي خبره فيها
وأفكر أشتري مكينه هالشهر
شو نوع مكينتك وبشو تنصحيني ؟؟
ولاتنسين ورينا بلوزتك وكيف سويتيها
أنا نفسي أفصل لي بنجابي لكن متردده




أنوثه \

سلامته فروسي ما يشوف شر
والله يرزقك فوق ما تتمنين

مساء الخير ،،

امس السبت ماقمت الا سبع وقلت

بغيب بنتي ورجعت نمت لحد ١٠

قمت صلحت قهوه وتقهويت مع زوجي

حتى هو غايب ، وصلحت الغداء خضار ورز

تغدينا ١ ونص وصار تتش بيني انا وياه

وانسدت نفسي عن الدار ،

جلست مابين النت وشغل البيت ،

اليوم ،،

قمت ٥ وربع فطرت بنتي كورن فليكس

وراحت ، رجعت نمت لحد ١١ ، فتحت لها الباب

وصليت الضحى ، وبديت بالغداء رز ابيض وايدام خضار

رجع زوجي ونام وانا تغديت مع عيالي

ولبسنا ورحنا مع الباص الساعه ٣ وربع

رجعت المغرب ، صليت وشمرت سواعدي

حطيت دفعتين غسيل ، وفركت موكيت الصاله

بمويه وصابون وكلور ودرامر الصنوبر

وبخرتها وهو رطب ، ومسحت السيراميك

وكنست غرفتي ومسحتها ، وشطبت مطبخي

عشيت عيالي وناموا الحين ،

تصبحون على خير وسعاده ،،،

بعد اخر رد لي
شفت مسلسل اسمه ليلي
على قناة osnمسلسل تركي
اذا تعرفونه بسألكم عن شغله فيه
جلست اعيد الحلقه اتأكد من شي
والحمدالله زوجي ماشاف للي شفته
المهم
جهزت العشاء
شكشوكه وجبن وعسل وحليب
وشاي
والحمدالله تعشينا خفيف علشان
نقدر ننام
واتصل على زوجي رجال وطلع معه
والحين بغسل مواعين وبناام
تصبحون علي خييير

صباح الخير

كيفكم جميعا عساكم دوم باحسن حال


كل اللي تحمدوا بسلامة اختي الله يسلمكم يارب

اليوم رحت لها و حزنتني نفسيتها متأثره الله يعوضها


جالسه على تويتر و شفت هالمقطع و حبيت تشوفونه

http://go.3roos.com/z2k65eu9r54

صباح الخير
دانه استغلي وقتك ان ماعندك اطفال ادخلي دورات كملي تعليمك
لاتجلسي كذا فاضيه حاولي تطلعي للدنيا وتخالطي ناس غير اللي يخلطوهم اقاربك لازم يكون لك صديقاتك الخاصات انتي تقول انا بالمجالس بس سكاته ليه ساكته شاركي الناس وانبسطي


ايرث الله يقومك بالسلامه

روما ياعروستنا الجديده اخبارك

هموسه عيالك دايم يكلوا همبرجر وبطاطس ترا مضر لهم
والف سلامه عليك انا ضروس العقل اول ماطلعت عذبتنننني وشلتها كلها وارتحت لان الدكتوره تقول مالها فاااايد ابد تنشال افضل

كوامن
ماعرف كيف تدخلون على تويتر مو فاهمته اشوف الناس هاااابه فيه

يومياتي امس طلعت العصر للسوق ربع ساعه بس خخخخ جبت بنطلون كحلي لولدي بسرعه تنشق بناطيله الله يصلحه اقوله ركبتك به سنون تاكل بناطيلك
خوخه انا مطقمه معك فيه تش بيني وبين زوجي بس مروقه على الالالاخر هههههههههههه تبين اعطيك من براده قلبي

وراخذنا عش بلبل وشاورما واكلناها وحنا راجعين للبيت
وكان ولدي الصغير عند امي لانه يدرس بالحلقه وه فدييييته
ودقت امي تقول ولدك متبول على نفسه الله يكرمكم وبردان ومو راضي احد يبدل له
ويسرع زوجي يمشي 160 ولقطنا سااااهر وااااااااااااااااااع
وجيت للبيت وركبنا المجد اخيرااااااااااااااااااااااااااااااااااا
يضحك علينا اللي جددنا عنده يقول لكم سنتين ماجددتوا
وولدي الكبير مو مقتنع يبي كورتون CNبس مره حسيت الفاظ عيالي تغيرت واسولبهم قليل ادب
ابي البيت بدون موسيقا مرره صايره اشوف احلام مخيفه
ومن ضمن الاشيا اللي خلتني ارفع الرسيفر انا مررررررره متعاطفه مع سوريا وطول وقتي اقلب بذا القنوات اشوف اشيا تقطع القلب مع الوقت حسيت اني عصبيه بكايه متنرفزه فقلت ارفعه افضل ومالي الا ادعي لهم

همس \

سلامتك من وجع الأسنان
بس بترتاحين بعدين إن شاء الله


استيل \

مبروك المجد =)
والله أحسها تساعد في تربية العيال
ع الأقل ما يشوفون شي شين
ولا موسيقى ولا كلام سيئ
عيالي تعلمو منها اشياء كثير
ولما نروح لأحد ثاني ماينشدوون
لمتابعة القنوات الثانية
والله يجزاههم كل خير القائمين عليها


خوخه\

المناقر الظاهر أنها عدوى بينا وما تجي
إلا وقت الراتب خخخخخخخ

هلابكم
مساء الحب
الله يبعد عنكم الزعل والحزن
اتوقع انه فايروس في تجمعنا
عندي يومياتي بس مابعد انجزت شي منهااا
دانه بقلبه كانت هنا

ههههههههههههه شوفو التوافق بيننااااااااااا
اولاااا انا وبعدين خوووخه وبعدين ستيل
الله يعين لكن الاوضاع تعود لطبيعتهااااا
اذاا خلص الراتب
جداووويه بارك الله فيك اللهم امين
حسبنا الله ونعم الوكيل على كل ظالم جبار
ستيل مبروك عليكم المجد ماشاء الله
الحمدلله عيالي مايحبو التلفزيون مره الا وحده من
بناتي بتتفرج براعم
اليوم الساعه 11 ونص صحيت على رنه التلفون
وحده تقول نسوي استفسار عن متابعه الاهل للتلفزيون
ووين زوجك او ولدك قلتلها في اعمالهم قالت ونتي قلتلها
كلنا ما نتابع التفلزيون مره الا نادرا تقول عشان يطورون برامج رمضان
الله يفغرلنا ويرحمنا يجهزون من الحين وما يدري الواحد يصبح عليه
النهار ولا لا
شوووفو المقطع هذااا واحد مصوور فيلم عن النار نعوذ بالله من شرها
اللهم اني اعوذ بك من نار جهنم

اللهم حرم اجسادنا عن نار جهنم

اللهم اجرني انا وجميع امة محمد
من النار وارزقنا الجنه بواسع رحمتك
ياارحم الراحميـــــــــــــــــــــــن

http://go.3roos.com/ym7fxbjfhmj

هههههه
حتى انا مثلكم
بس مسويه مثل ستيل
موسعه صدري
راجعه لكم .

هههههههههههه
من باقي ما وصله الفايروس
من جد الله يكون بعونك
مايسوى عليك نهاية الشهر
تكون زعل ونكد
رايقه
تعرفي ليش ماحب العزايم
كذا مره انجرح بشكل مقصود
وغير مقصود
انا الوحيده للي ماعندي عيال
اذكر لك كنت مره بعزيمه
وقالت صاحبه العزيمه بصوت عالي
الله يرزق فلانه وفلانه بذريه الصالحه
وانا معهم جالسه حسيت
بغصه ماقالت اسمي
كنت اتمنى تقول الله
يرزق كل محروم
مع اني ماعتبر نفسي محرومه
بس على اقل تفكر قبل
........................
ومره ثانيه
ثنيتن وانا لوسط بينهم
شوف الحوار عن ايش
عن الوحام والحمل ولاطفال
وانا بينهم مثل الصنم
طلعت ذاك اليوم وكانت حماتي معي
سألني زوجي وش فيك
قلت اخر مره اروح للعزايم
حسيت اني مثل المنبوذه
بينهم سوالفهم عن الاطفال
والحمل
عرفتي ليش اكون ساكته
كل حوارهم عن الحمل والوحام
اطفالهم ملابس اطفالهم

وبنسبه للدراسه انا رافضه
اكمل ماقدر عندي ظروف
خاصه فيني
ماقدر اكمل
.................
ماسويت شي
من اخر رد لي
الساعه8بكمل شغلي

دانة بقلبه كانت هنا

مساءكم ورد

هلا والله برايقة >>>> ما بناديك غير بهاللقب مسك معايا :D

والله المجد حلوووة وفيها برامج حلوة برضو

بس افلام كرتون الاطفال مكررة مررررة

الله يهدي الاوضاع ويسخرلكم ازواجكم

يومياتي

بعد العشا امس عملت ماما عيش طبيخ "اكله شعبية" عندنا

مع نواشف

اتعشينا

وجلست ع الواتس ل 11 ونص وروحت نمت

صحيت اليوم الصباح اخدت شور وصليت ولبست وروحت للدوام

رجعت اذان الظهر

صليت ونمت

صحيت العصر صليت وجلست اعمل كم شغلة للمدرسة

وشويا قبل المغرب دق الجرس والا هي جدتي

لميت اغراضي

وقمت عملت كيكة الدخن

وماما سوت فطور عشانها صايمة

وحطت سفرة

وبعد الصلاة رجعنا اتقهوينا

وفقطوووون

ودي للجميع

:adore:

ما شاء الله تبارك الله

عيني عليكي باردة

كل قطعة احلى من التانية ما شاء الله

الله يعطيكي الصحة والعافية

ويتمملك حملك ع خير

ويقومك بالسلامة

ويشفيلك نصوري يارب

**********

اللي سألوا عن دودي

هيا بخير الحمد لله

بس وضعها متلخبط شويات من نوم بنتها

الله يحفظها لها ويصلحها

ماشاء الله ايرث شغلك يجنن ، عجبني الروب مرره

ملبوس العافيه، والكيكه شهيه تسلم يدينك ،

ستيل ،،

مبروك عليكم المجد ، الله يجعله بموازين حسناتك

والله يكثر من امثالك ، ياليت الكل يحرص على

اللي يشوفونه عياله ،،  

مساء الخيييرات
هموسه
سلامتك
أنوثه
سلامة فروسي عقبال ضرس العقل ههه
أيرث
سلامة نصوري مشاء الله شغلك رائع تسلم الأيادي:thumbs_up:
جوجو
هلا وغلا منوره كيفها أختك طمنينا
وكمان سلفك وكوب نسكافه

السلام عليكم
اليووووم ماسويت غداء زوجي تغدى في العمل وعلى
الساعه 5 اكلنا شاورما وعصير كوكتيل وسويت شاي
بعد المغرب تجهزت ورحت لجارتنا ولدت قبل اسبوع بعمليه
رجعت بعد العشاء مريت خواتي سلمت عليهم ورجعت
حطيت غسله ملابس بيضاء وبعدها اسود وبعدها الملون
نشرتهم وغسلت الصحون وصليت وجالسه اتصفح
ايرث ماشاء الله خياطه الله يقومك بالسلامه

هلابكم
مساء الحب
جوجو
هلافيك نورتي
خوخه_رايقه_وصال
ابتسامه بدلع_همس
اروما_كوامن
انثى
الباقي الله يعطيكم العافيه
ويكتب لكم السعاااده
ويحميكم ويحرسكم من عيون
الحساد
ولايضيع لكم تعب
ويكتب لكم الاجر
....
ام نصور
ماشالله لاحول ولاقوة الابالله
الله يحفظك ويحميك ابداع
ماشالله اتمنى اكون
عندك علشان تعلميني
بسألك هي صعبه او سهله
وكيف تعلمتي
....
نمت البارح الساعه1
بعد مارجع زوجي
صحينا للفجر صلينا وكملنا نوم
الى ساعه10:30
صحينا وبداء الشغل
صلحت قهوه والغداء وايدام
وخذت تمر وعجنته بزبده وجوز هند
وجهزت القهوه
كل شغلي هذا اخذ مني
ساعه ونص
تقهوينا الساعه12
حطيت الرز
تغدينا على ساعه1
جمعت مواعين
اخذت غفوه الساعه3
وصحيت الساعه4:15
سنترت على الاب توب
وماكان فيني مزاج حق
الشغل
الساعه8اشتغلت
غسلت مواعين الغداء
وحطيت الملابس في الغساله
وكويت الملابس بعد ماطلعتهاا
غسلت الله يكرمكم حمام الحريم
ومسحت غرفه النوم بداوني الازراق
وريحه تهبل ماشالله
بعد هذا كله غيرت ملابسي
اشوفكم على خييير

دانة بقلبه كانت هنا

مساء الخيرااات
اليومين اللي راحت مافيه يوميات تذكر
بس طبخ وغسيل موعين وترتيب سطحي
الغبار يجيب الكآآآبه
واكبر انجاز سويته غسيل الملابس والكوي
اليوم بعد الغدا وحوسته 
جبت عدتي سطل احط فيه بخاخات التنظيف
والتلميع والعصا الريش والمناشف
واتنقل فيه بين الغرف دخلت غرفتي شلت المفرش ع الغساله ومسحت كل شي والشباك وعطرتها وطلعت العصر انسدحت تعبت مرررره لين المغرب صليت وكشخت وغيرت للصغير ورضعته ومسكت ولدي اذاكر له
ومسكت الثاني احاول فيه يشرب العلاج بالقوه العشا صليت وسويت لي مق كابتشينو مع قطعة كيكه واكلت عشيت عيالي اندومي 
وفرشت مفرشي وغسلت مفارش عيالي ومسحت غرفتهم ومسحت كل الاثااااث
ونومت الشله
ومسكت الجوال اكلم صديقة الطفوله واشطب المطبخ وامسحه بالعملاق ٢1
خلصت بدون مااحس بالوقت جلسنا انا وهي نسترجع الماضي واياام الثانويه
ليتها تنعاد آه بس
خلصت وسويت لي توست وكاس شاي
وكلمت صديقتي ايام الجامعه هههه
اليوم العالمي لوصل الصديقات
باقي لي مسح السيراميك وماامداني
،،،،،،،،،،،،،،،
ياحلوات في كثير غايبات ليش?
لمعه وينك لك فقده؟ 
جداويا معقوله مافي وقت نشوفك؟
دودي هذا وعندك بنت بس انشغلتي
اجل لين صارو اكثر ههههه!!
روز وينك؟
ابتسامه كيفك مع الريجيم؟
همس سلامتك ياعسل.
ايرث ماشاء الله مبدددددعه وفنانه .
وصال عساك ع القوه ماشاء الله
 اتمنى عندي جيران
ازورهم الله يهنيك مع جاراتك.
بنات ليبيا طمنونا عليكم ؟