لمتنا وجمعتا السورية مع احلى صحبة أردنية لشهر ربيع الاول 1433ه تفضلوا صباياا

مرحبا صبايا

الله يسعدلي مساكم يارب

ويحميلكم اولادكم

سورية الله يعينك كلهم صغار ..بكرة ان شاء الله بيكبروا وبترتاحي

دمشقية ماشاء الله اولادك نفس ولادي صف أول وصف تالت ...ولادك مدارس انترناشيونال ولا عادية ؟؟

روح عامر لساتك عروسة ماشاالله ..ان شاالله بتشوفي بنتك وهي بعمر ولادنا

...................

نيجي لأصعب شي بالحياة هههههههههه

شو حطبخ اليوم ؟؟؟

بعد تفكير عميييييييق وبحث بالكتب اللي عندي

قررت أعمل لحم بالكاري ع طريقة منال العالم مع رز بالشعيرية

روح عامر أنا كتير بحب شيخ المحشي والكفتة هدول أكتر طبختين بحبهم

روح عامر

بدي صحن ششبرك مع طريقته هههههههههه أهم شي الصحن

وصحة وهنا للجميع

اهلين روح عامر وحشتينا والله
الله يخليلك سنا وان شالله بتشوفيها عروووسة ...

وهنا وعواافي على اليبرق ... انا كل الاكل بحبه بس شيخ المحشي اله مكانه خاصة هو والملوخية الورق وبحب كتيير رز بشعيرة وجنبها دجاج اللي يجي بمرقة
وممكن تحطوله قطع بطاطا عرفتوه ..يمكن بتقلوله فخدة ههههه مابعرف

اهلين نبوعة الله يسعد اوقاتك يااارب

ماشالله يعني ولادك من عمر ولادي الله يخليلك ياهم يااارب بس انتي هلا سبقتيني بللي ببطنك اسم الله الله يقيمك بالسلامة انتي والبيبي يااارب

محمود بمدرسة الموهبة انترناشيونال ,,, اما شامو اه من شامو حطيتها 8 شهور وللاسف مانجحت واتعقدت كتيير فطلعتها وهلا حاليا بمدرسة اهلية
ماشي حالها الله يفتح عليها يااارب فتح العارفين هي واخوها وولادكم يارب

وهنا وعوافي يارب على اللحم بالكاري والله الاكل بحير
انا راح اعملهم بريك من الدجاج واللحم واعمل مجدرة متل ماقلت والله يديم النعم

مسا الخير ياحلوات
اهلين روح عامر كيفك ياحلوة الحمدلله على سلامة النت هههههههه اشتقنالك كيف سنا الامورة معك
الف صحة وهنا على اليبرق انا كمان ساويته وبالنسبة الي كل الاكل بحبه الحمدلله بس بعز البيتنجان المحشي يعني لما بساوي محاشي ماباكل غير بيتنجان

هلا نبع الحب الله يسلمك يارب ويحميلك اولادك وتفرحي فيهم والله اولادي كانوا غلطات هههههههههههه بس هلأ ركبت لولب مافي مجال للغلط خخخخخخخخخ الحمدلله والله يطعم كل محروم ومشتهي
وصحة وهنا عاللحم بالكاري كيف طلع طيب ؟

اهلين دمشقيتي كيفك صحة وهنا عالمجدرة والله طيبة انا مضيتها اليوم بواقي وساويت شوربة عدس الله يديمها علينا نعم ويحفظها من الزوال

مشتااقة الك سورية الله يسعدك يارب
شو راح تروحي على سوق الشاطئ ولا حسب الظروف

يارب يارحمن يارحيم ياعظيم ترحم حالنا وضعفنا

وتكون بعون اهلنا في حمص يارب وتحفظهم من كل ظالم ومن كل حاقد ,,,, والله قلوبنا معكم والله لا يرحم اللي مابيرحم
وحسبي الله ونعم الوكيل على كل ظالم

دمشقية سورية

والله انو كلامكن بيريح الله يحميكن كمان انتو يارب

لا اله الا الله رب العرش العظيم لااله الا الله رب السماوات ورب العرش الكريم
سبحانك الله أني كنت من الظالمين
ياالله اغثنا وارحمنا برحمتك

السلام عليكم جميعا
دمشقية وروح عامر وهند الله يسمع منكم وربي يفرجها على سوريا واهلها عاجلا غير اجل


دمشقية والله انا كمان اشتقتلك وبالنسبة للروحة والله مابعرف اذا زوجي بياخدنا ولا بيكون عنده التزامات مع صاحبه

اهلين هنودة ربي يريح بالكم ويحميكم ربي من كل اذى

.......

وعليكم السلام ورحمة الله اهلين سورية ان شالله تجو والله بتغيروا جو ومننبسط مع بعض

مرحبا صبايا

ان شاالله الجميع بخير وسعادة يارب

وربي يصلح أحوال المسلمين بسوريا خاصة و ببلاد المسلمين عامة

دمشقية

الله يسلمك يارب ويخليلك اولادك

يالله شدي حيلك وجيبي التالت هههههههههههههههه

انا كمان ولادي بانترناشيونال بس والله تعب الله يوفقهم يارب جميعا

اهلين نبوعة ربي يسمع منك ويحفظ بلادكم يارب من الفتن اللي انبلينا فيها

والله يخليلك الحلوين يارب ... اي والله تعب عليهم وعلينا ... الله يفتح عليهم

والله شادة حيلي خخخخخخ بس لسى ربك مااراد الله يكتبلنا اللي فيه الخير

الله يسعدصباحكم
اهلين نبوعة ربي يسمع منك الدنيا كلها قايمة قيامتها صرنا بأخر وقت الله يعفي عنا
ويالله ادعيلها لدمشقية تجيب توم ان شاء الله :pههههههههههه
اهلين دمشقية تؤبشي قلبي خخخخخخخ ان شاء الله نجي انا رح قله انه بدي اغراض وبشوف الله يستر ههههههه

مرحبا يا امورات ان شاء الله الكل يكون بخير
اليوم سنا كتير ضايجة ما عرفت حك راسي من كتر ما بكيت لما اجا ابوها عالغدا كيفت وانبسطت هو راح رجعت السمفونية تبعها لحد هلأ الله هداها ونامت والله احيانا ما عم اعرف اش ابدها
الله يخليلكون اولادكون ويحميون يارب
نبع الحب ان شاء الله ترجع سوريا متل ما كانت والله اوضاع سوريا كتير تعبانة الله يكون معها
احكيلنا شو رح تجيبلنا امورة او امور وشو رح تسمي البيبي الله يقومك بالسلامة يارب
دمشقية الله يسعدك يارب وان شاء الله بتحملي قريبا ومتل ما قالت سورية وبتجيبي توم
سورية ان شاء الله تكوني حسنتي تروحي لعند دمشقية
قديش في مسافة بين بيوتكم ا
وسلامي للجميع

اهلين روح عامر الحمدلله كلنا بخير
سلامتها لسنا خانوم الله يكون بعونك شكلها متعلقة بأبوها الله يخليلها ياه يارب
وانا مابدي روح على بيت الدمشقية على السوق يلي بقلبه في جلسات دمشقية رايحة يعني منتسلى سوا والاولاد بيلعبوا وبينبسطوا
وبين بيتي وبيت الدمشقية تقريبا نص ساعة بالسيارة مع الزحمة والاشارات

وينكم ياصبايا مو مبينين ان شاء الله كلكم تكونوا بخير

السلام عليكم صبايا
روح عامر سلامتها سنا شكلها عم تسنن ...الله يخليلك ياها يارب لا تنسي انها بتطفش ومابتشوف حدا غيرك انتي وابوها

وشكرا على الدعوة الحلوة بس توئم كتير صعبة اكيد مو على الله بس علي انا هههههه

&&&&&&&&&&&

سورية شكلهم الصبايا اخدين موااقف منا وبطلوا يفوتوا
ستي المهم يكونوا بخير

صحيح جبتلك اكسسوار فضي تعالي اليوم ولا تتاخري منشان نشوف الشوز