لمتنا وجمعتا السورية مع احلى صحبة أردنية لشهر ربيع الاول 1433ه تفضلوا صباياا

سورية وبفتخر;15928274:
صبــــــــــــــــــــــــــــــــــــــــــــــــــــــــــــــاح الخير ياحلويين
اشتقتلكم كتير
الحمدلله وصلت دمشقية بالسلامة وحسيت روحي رجعتلي رحنا عالمطار واستقبلناها
وانا والله كنت ناوية ساوية اكل بس زوجها مارضي ووصى على صفيحة شامية
اما عن سبب غيابي هدى انهرست اصبعتها بالباب وخيطوها تلات غرز والتهينا فيها

الف الف الحمدلله على سلامة دمشقية ايه معك حق اذا احنا حسينا انو في شي ناقصنا كيف انتي الله يخليكن لبعض يا رب F:F:
و الف صحة و هنا على الصفيحة و يخليكم لبعض كلياتكن كلياتكن على قولة دنيا اسعد سعيد :lol:

يا عليي عليها ما تشوف شر يا رب كيفها هلأ ان شاء الله ما عم تتوجع يييييي شو صعبة و حبيبتي هيدا نصيب لا بسببك و لا بسبب حد تاني اهم شي سلامتها:L:

هلا كاتي الله يسلم قلبك يارب ويخليلك زوجك وبناتك واهلك وكل احبابك
بتعرفيها لدنيا هههههههههه ويلاه ويلي شو حلوة هههههههه وبتحلى اكتر لما بتجي طرفة
وهدى والله حرقتلي قلبي بس متل قلتي نصيبها واكلته وبس لما منغيرلها على الجرح بتتوجع
الحمدلله ان شاء الله مابتشوفي شر يارب
شو سير الحب عندكم ياصبايا انا رح ساوي رزبتونا لجوزي وساوي الي شوربة معكرونة

سلامي للكل والله مشتاقة للكل
انا هاليومين مابعرف شو صايبني كتير متدايقة وتعبانة
مافي شي زابط معي صرلي شهرين عم حاول انحف ومافي فايدة
بيقولو الرضاعة هي السبب وانا تعبت بدي ارجع متل ما كنت
ما عم اعرف شو اعمل
ادعولي

السلام عليكن ورحمة الله وبركاته
وحششششتوووووووني ياحناين الله لا يحرمني هالجمعة الحلوة
قرئت كل أخباركن يارب الكل يكوت بخير دووووم وتسلمولي على دعواتكم الحلوة
وكلامكم عني يخليلي ياكم ياعسولات ويخليلكم أحبابكم يارب

الحمد لله عدت السفرة على خير ووالله والله ماشفت بعيني اي شي يعني لا مظاهرات ولا حتى مسيرات
ومابقول غير الله يحمي هالبلد ولا يوفق كل مين عم يسعى لخرابها

انبسطت بشوفة اهلي الله يخليلكم اهاليكم والجو جدا راائع وماحسيت ابدا والله بالبرد الفظيع بالعكس محتمل وجدا حلبس اهل الشام ختيروا على بكير خخخخخخ وعلى العلم بيت اهلي عربي
المهم الله يسرها ورجعنا بالسلامة لله الحمد والله يحمي الجميع هناك يارب

راجعتلكم لاسلم عليكم نفر نفر ومشكووووورة حبيبة قلبي كاتي على الافتتاحية

سلااااااااااااام ياحلويين
روح عامر سلامتك يارب اذكري رب العالمين بترتاحي وحاولي ماتفكري بجسمك يعني زوجك عم يقلك انه جسمك مو حلو لحتى متدايقة هالقد
والله مبارح زوجي بيقلي على وصفة للتنحيف قالوها بالراديو والناس كلها طايرة فيها حتى يلي عم يقولوا عن الوصفة انه جربوها واذا ماعملت معكم شي اتصلوا علينا وقولوا انه نحنا كذابين
الوصفة هيه انه تاكلي علبة لبن زبادي وتحطي بقلبه شومر وشغلة تانية والله نسيتها المهم علبة زبادي قبل الفطور وعلبة قبل الغدى وعلبة قبل العشا وتخففي من الرز والمعكرونة وتاكلي اللحوم المشوية يعني تبعدي عن الزيت شوفي جربيها وحتى لو مازبطت لاتحطي ببالك والله يشرح صدرك ويفك ديقتك

هلا هلا دمشقية تقبري قلبي وحشتينا الله لايخليكي من بيتك ومن الشات ههههههههه
اما عن سوريا فحسبي الله على كل مخرب وكل ظالم مو طالع بإيدنا غير انه ندعي الله يحمي بلدنا ويحمي شعبها واهلنا وربنا كريم

شو ياحلويين وينكم اليوم رح اكل اشة جابتلي ياها دمشقية من سوريا اتفضلوا

اهلا وسهلا بأختنا دمشقية وحمد لله على سلامتك ونورتي بيتك ومطرحك بالشات
والله الك وحشة:adore::adore::L:
الله يحمي سورية وان شاء الله قريبا رح ترجع منورة وعامم فيا الامان والخير
شكرا سورية عالنصيحة مشان اللبن رح جربا وانا عم خفف اكل كتير وخاصة الدهون والدسم :sick:
وزوجي بالعكس طاير عقلو علي ومابدو اضعف بس انا بدي ارجع متل ماكنت بدي البس اغراض جهازي يلي مالحقت البسو كلو بالخزن
هو بيقولو طوال ما عم فكر بالضعف الجسم بيصيرلو ردة فعل وما بيستجيب لأي شي :mad::mad::mad:
وان شاء الله احسن انسا هالقصة وكلو خير باذن الله
اما بخصوص القشة يا عيني وياليلي عالقشة اكلتي المفضلة لما نزلت ع سوريا بيت جدي عملوا وعزموني انا وزوجي عليها يمي يمي يمي :):):)
(((((بس بيت حماي عملوا وماخبروني ابدا لاني كنت عند اهلي وبيعرفوني اني بحبا كتير الله يسامحون:( )))))
ع كل صحة وهنا عالقشة وكلي عني وعنك ويهنيك برجعة الغياب

أما بخصوص الغدا اليوم عملت فتة الكفتة ع طريقة منال العالم وطلعت طيبة كتير

مسا الخير يا حلوات F:
احلى سلام لاحلى عضوه دمشقيه خانوم F:حمد الله على سلامتك يا رب ومبسوطين انو انتي انبسطي بشوفة اهلك وبلدك
بس نحنا زعلانين ما شفنا شي من اللي جبتيه لسوريه ولا هي تاكل واحننا لا:worn_out:
سوريه يجعلو صحه وهنا هو في احلى من هدايا الخوات حتى لو كانت اشيا زاكيه :adore:
روح عامر كيفك يا حلوه ازا جوزك عاجبو انسي الموضوع وان شاء الله بتتريح نفسيتك وبترجعي لوضعك الطبيعي وازا علجهاز جيبي غيرو احسنلك :pوصحه عالفته شكلها بشهي



صحيح ما حكيتولنا شو هاي القشه 8o|

اهلين روح عامر الله يسعدك ويخليلك احبابك وياستي اذا القاضي راضي ليش متعبة مخك وملابسك لاتخافي بتلبسيها بس تكبر سنا خانوم وتفطميها بيرجع جسمك متل ما كان واحلا ان شاء الله
وانا بحب الاشة كتير والي زمان مااكلتها والله طيبة بس دسمة كتير وياستي عادي بيت الاحمى بيجي منهم اكتر ههههههههههه
والف صحة وهنا والله شكلها كتير بيشهي قليلنا طريقتها اذامافيها غلبة

هلا زهورة على قلبك يارب لاوالله مافي احلى من الأخوات ولا من هداياهم خخخخخخخخخخخ ياحبيبة قلبي القشة هيه كرش الخاروف والامعاء بتتنضف مزبوووووووووووووووط وبتتقطع قطع لاصغيرة ولاكبيرة وبتنحشى رز ولحمة وفيها حمص يعني متل حشوة الكوسا بس زايد عليها حمص وبتنطبخ

سوريه ايوا عرفتها احنا بنحكيلها كرش وفوارغ بس مستحيل اكل منها

هلا زهورة ليشششششششششش والله طيبة هههههههههههه

يسعدلي صباحكم يارب

سورية بعيد الشر عن قلبك تؤبشي قلبي وانتس الله يخليكي لولادك وزوجك يارب
وهنا وعوافي على الاشة شلون بالله وانا اجبلك ياها بالطيارة هههههه صحيح اننا شوام خخخخخخخ

والله يحمي هالبلد ويحفطها ويحفظ اهلها يارب

&&&&&&&&&

روح عامر تسلميلي يارب مايوحشك غالي ياعسل انتي ووالله الشات منور فيكي وبكل الصبايا
والله الاشة طيبة وخصوصي اذا في ناس تعرف تظبطها صح ... وياعلى قطاطهم بيت حماكي ماعزموكي ...!! بس يالله الله يخليلك بيت جدك

جربي طريقة سورية بخصوص التنحيف ولا تحطي ببالك لان انتي قلتيها الشغلة عامل نفسي والله يوفقك يارب

وهنا وعوافي على فتة الكفتة باينة بتشهي عوااافي يارب

اهلين زهرتنا العسولة اي ماانحرم هالطلة يارب
والله يسلمك ويخليكي يااارب وربي يبسطك انتي كمان دوووم ....

هههههه والله حق معك بس والله ماصورت شي على طول سلمتها الهديا
ياستي جبت لسورية انا واخواتي بيجامات وبناطيل جينز لولادها وبنطلون وبلوزة وشنطة الها وعطر لزوجها وحلويات مشكلة ووو والله نسيت الباقي
مع اني عيب اذكرهم خخخخخ بس بتستاهل سورية اكثر ولووووو

امممم وامي باعتة الها والي زيتون اخضر ومعطون وفلفل احمر وفلفل اخضر مكبوس ومكدووووس وورق عنب هههههه الله لا يحرمنا منها هي وابي وربي يخليلكم اهاليكم يارب

وياريتكم جنبي والله كنت قسمتلكم نصيبكم

كاتي خانم تسلميلي ياعسل انتي وربي يسلمك من كل شر
والله يخليلك الحلوات رند وتالا شفت الصور كتير حلوين التوزيعات تسلم ايديكي يارب بكفي انهم من صنعك
وملابسها كتييير حلوين تعيش وتلبس الامورة .... وحشتني اخبارك والله

طمنيني صار شي بموضوع جفن رند ؟والف سلامة الها

&&&&&&&&&&

شامية الله يكون بعونكم يارب عرفت ان الاوضاع عنكم ابدا مو مستقرة الله يحميكم ويكون بعونكم
انا بقلب الشام ماشفت اي شي وكانت الامور عادية جدا عدا ان الامن والامان انعدم حسبي الله على كل ظالم وكل ابن حرام عم يخرب هالبلد ويسيئ
الها والله يفرجها عليكم وربي يحميكم ان شالله

&&&&&&&&&&&

هلا وغلا عروسة الميدان الله يتقبل عمرتك ان شالله والحمد لله على سلامتك بربوع السعودية ان شالله بتتهنو يارب
شفتي كيف الجو عنا جدا رااائع كانه صيف يليالي عمان

صباح الخير
هلا دمشقية الله لايحرمنا هالطلة الله يسعدك ويسلمك ويعوض عليكم كلكم ويخليلي ياكم

مرحبا للجميع
كيفكم وشو اخباركم
بعد زمااان يا دمشقية والله صار الشات احلى
والله يعطيكي العافية ويرزقك على الهدايا لأختك والله ما في احلى من الاهل الله يخليلنا ياهون يارب
سورية خلص ان شاء الله بطلت فكر باي شي بيخص النحافة
وبخصوص الطبخة هاي طريقتها
http://go.3roos.com/moyd2v5cp22
بس طلعت طيبة وانا وزوجي منحب نجرب اشيا جديدة
سلامي لكل البنوتات يلي غايبات

مرحبا صبايا

انا من الأردن

ممكن أنضم الكم