لمتنا وجمعتا السورية مع احلى صحبة أردنية لشهر ربيع الاول 1433ه تفضلوا صباياا

اهلين سورية وحشتيني والله يالله لا تتاخروا عم استناكم
والله انبسطنا مبارح واشتهيتك معي كان الجو حلو ورواااق بس اختك كان راسها راح ينفجر من قلة النوم والسهر وحفلة شام فرحت وارجعت وانا
مووووجوعة وحتى نمت بغرفة الجلسة وماحسيت على حالي غير الساعة اربعة ... انا على كنبة وزوجي على كنبة تانية
ههههه مسكين صحيته ورحنا الغرفة كملنا نومتنا

وبخصوص الملابس لا تتركيهم عند المدرسة وتطنشي يعني بس تخلص الحفلة جيبيهم احسن مايطنشوا عنهم وبدهم ياها من الله

مرحبا ياصبايا كيف الحال والصحة
ما عم احسن ادخل عالنت وعالشات كتير سنا عم يطلعو سنانها وكتير ضايجة ما عم لحق حك راسي
قولولي شو في اشيا حتى تهديلا وجع الاسنان
دمشقية وسورية هلا وغلا فيكون وان شاء الله ع طول منورين بوجودكون عالشات
زهورة اهلا وسهلا ياريت تجو واتعرف عليكون والله مننبسط كتير
عروسة ان شاء الله عمرة مباركة
نحن شهر الجايه عم نفكر نروح عالعمرة ادعولنا تتيسر امورنا

مرحبا صبايا

كيفكم ؟؟

سورية ماشاالله عليكي فنانة ..الزي طالع بيجنن

صبايا ادعولي ..فتت بالتاسع الي كم يوم وبلش المغص

حملي التاني اعدت شهر كامل ممغوصة

هادا غير التعب والوجع ومابعرف نام

...........................

اهلين عروسة ان شاء الله عمرة مقبولة وعقبال الحج والله يطعم كل مشتهي والحمدلله يلي انبسطي ومباركين الاغراض والملابس ماقصرتي كسبتيهم
اماعن النفسية فكلنا متلك خليها لله والف صحة وهنا عالمنزلة انا ساويت مجدرة
وفعلا المصريين كتير طيبين

هلا دمشقيتي ان شاء الله بيتكم دايما عامر
وسلامة راسك ريحي حالك قد ماقدرتي وان شاء الله دوم مبسوطين
وبالنسبة للزي مارح فرط فيه لاتخافي

اهلين روح عامر وسلامتها لسنا الله يجعل طلوع اسنانها عليها بردا وسلاما شوفي بالصيدلية في جل لبزوغ الاسنان بيبرد عليها شوي انا هاد يلي بعرفه
والله يسعدك الشات منور فيكم وربي يكتبلك العمرة انتي وزوجك والله مافي احلا منها

هلا نبع الحب الله يخليكي تسلمي يارب
والله يقيمك بالسلامة يالله هانت وبكرة لماتشوفي البيبي بصحة وسلامة ان شاء الله بتنسي تعبك كله

جمعة مباركة على الجمييع يارب

وربي يفرجها على اهل سورية ويكون لهم معين يااارب العالمين

روح عامر اهلين فيكي ياقمر وتسلمي هذا من ذووووقك
سلامتها سنا في عضاضات بقلبها مي بتحطيها بالتلاجة بتبرد ولما بتعضعضها بتريحها كتييير وبخدر عليها
وممكن كمان تعطيها بصلة خضرا صغيرة ماتكون حدة صدقيني بتريحها اكتر شي وكمان بساعدها على طلوع الاسنان بسرعة
وكمان عندك جل خاص للاسنان مرة وحدة باليوم بتدهنيلها لثتها لان كتره مو كويس

&&&&&&&&&&&&

نبع الحب الله يقومك بالسلامة يااارب ويكون بعونك انا بحس كل الاشهر بكفة وهالشهر بكفة
بس يالله كللو باجره وثوابه

جهزتي للبيبي ؟؟

&&&&&&&&&&&&&&&&&&

اهلين سورية حبيبة قلبي كيفك اشتقتلك من مبارح لليوم ههههه
الله يسلمك ومايورجيني فيكي مكروه ابدا
رقتي اليوم ولا لسى ؟؟

جمعة مباركة عالجميع وعليكي دمشقية والله يسمع منك ربنا كريم
ولاتخافي رئت الحمدلله سامحيني وجعتلك راسك يالله لاتتأخروا اليوم بالنزلة عالسوق

مرحبا صبايا

كيفكم ؟ ان شاء الله الكل بخير وسعادة

دمشقية وسورية الله يسلمكم ويسهللكم كل أموركم يارب

والله زي ماحكيتي يا دمشقية هادا الشهر عن الحمل كله

الله لا يضيع اجرنا والله كل شي بيوجعني غير النفسية والخوف

وياستي جهزنا للبيبي حتى الحفايض شريتها هههههههههه
من كتر الشوق للبيبي
عقبال يارب ماتجهزي انتي للبيبي التالت

الله يبارك فيكي يا رب والله يكتيلك اياها حبيبتي بالوقت يلي بدك اياه والله يعافيلك بنوتك وسنانا يخف وجعهن ويسهلا عليك

اهلين سورية على طوول رايقة يارب ومبسوطة

*********

نبوعة ماشالله ربي يقويكي ويعينك وان شالله مباركين ملابس البيبي وحفاضاته هههه
ويلبسهم يااارب بالعاااافية والصحة دوووووووووووم مو يوم

وتسلميلي يارب كللك ذووق حبيبة قلبي

*********

اهلين عروسة الميدان واحنا مالنا سلام ؟؟!!!

اهلين نبوعة الله يسلمك يارب وانتي ربي يسرلك كل امورك

هلا دمشقية ان شاء الله والقايل يارب

مراحب كيفكم وكيف الصحة
مبارح جبتلا لسنا الجيل مشان اسنانها وعم اعطيها تيمبرا خافض للحرارة كمان الحمد لله عم حسها هديت
مبارح طول اليوم عم تبكي وتنق
دمشقية وسورية حبيباتي شلون صار الجو عندكون نحن ايام برد وايام شوب
وكل يلي معنا بالشات حبيباتي لأنكون عم تنسوني وجع الغربة الله يخلينا لبعض وماننحرم من بعض

الله يسعد مساكم ياحلويين
هلا روح عامر ان شاء الله بيطلعوا اسنان سنا على خير وسلامة يارب والله الجو عنا مبارح كان شوب كتير واليوم هوا قوي كتير كل يوم شكل متلكم

مسالتماسي ومسا الفل والياسمين المجروح

كيفكم صبايا ان شالله الكل بخير وعافية

سورية كيفك اليوم وشو طبختي انا عملت بامية ورز وكتبت قائمة كبيرة بالطبخات حتى اتذكر شو اطبخ لما بيجونا الضيوف
وزوجي مداوم مسا هالاسبوع يعني طفش على كيف كيفك
صحيح اليوم الاولاد رجعو على ال 11 الصبح قال اجاهم تبليغ ان المطر ممكن تنزل فاخلوا المدارس هههههه ومانزلت المطر

********

اهلين روح عامر الله يسلمك ويسعدك وويونسك ربي برحمته وبخير خلقه
وبخصوص سنا الله يعينها مرحلة وبتمر على خير ان شالله

صباح الخير
هلا دمشقية انا الحمدلله بخير مبارح والله سخنت الرز تبع يوم الجمعة وعملت معكرونة بالصلصة وسلامتكم واليوم ناوية ساوي كباب هندي بس خلصت دبة الغاز وجوزي وهو راجع من شغله بيعبيها بقى لحتى يجي لأطبخ
صحة والف هنا على البامية والله ماقصرتي الطبخ بيحير وهي الورقة بتذكرك هههههه شو كنو الضيوف قربت جيتهم ؟ والله يعينك على الطفش وانا جوزي عنده دوام مسائي عند رفيقه يعني نحنا التنتين بالهوا سوا خخخخخخخ
وقلي زوجي انه رجعوا اولادك والله جودي عادي اخدناها بوقتها وهلأ رجعت من التطعيم اتصل رفيق جوزي وقله في حملة تطعيم ضد شلل الاطفال من عمر يوم للخمس سنين اخدت هدى وعبودي وبك حميد مافي ابر بس نقوط بالتم
باقي الصبايا كيفكم طلو ياحلويين

صباح الخير صبايا
كيفكم وكيف الصحة
دمشقية الله يبعت الخير وان شاء الله بينزل المطر مشان ماتكون رجعة ولادك عالفاضي
هون بالامارات هالسنة مانزلت مطر ابدا بس اليوم متل عندكون هوا وغيوم ان شاء الله ينزل مطر
وبخصوص قائمة للطبخات حلوة الفكرة بتفيدك لضيوفك وبتفيد لبعدين بس صوريلنا كل طبخاتك وخلينا نشوف ابداعك حتى نستفيد من خبرتك والله يعطيكي العافية
الله يعينكم ع دوام رجالكم المسا انا للساعة ستة وبيديق خلقي
سورية كويس اخدتي ولادك عالتطعيم وان شاء الله صحة وهنا على قلبون يارب
اليوم ما رح اطبخ مبارح عملت بطاطا مقلبة بكزبرة وتوم وزاد عندي

أهلين دمشقية شلونك طبعا الك سلام أنا كنت عم برد على البنات وحدة وحدة لسا ما اجا دورك هههههههههه
كنت مبارح عند بيت عمي وماصحلي فوت كتير عالنت

كيفكن صبايا شو وينكن ؟ شو أخبار الطبخ؟؟ مو عرفانة شو اطبخ

مسا الخيرات والليرات يا حلوات
كيفكن كلكن طمنوني مع اني قرأت شو عاملات ههههههه
يا ستاتي يوم الجمعه زارتنا بنت حماي وطبخت فاصوليا بيضا وصينية كفته بطحينيه ورز مفلفل بس عشان توقعت تيجي كمان بنت حما كترت اكل وزاد كتير وهيني كل يوم بدي اسخن منو شوي لما يخلص حرام ينكب ومبارح رحت عند اهلي وكمان ام تالا انبسطنا كتير واختي قدمت امتحان سواقه كتابي ونجحت واخر الاسبوع العملي ان شاء الله تنجح فيو من اول مره