لمه العراقيات المغتربات من كل مكان (الشهر ربيع الأول)

مشكورة بالاول لكل وحدة اخت دعتلي عن ظهر الغيب والله يكتب الي بالها واكثر ويجعلها في فردوس الاعلى


طبعا كنتن تعرفن اشكد كنت تعبانة على موضوع بيت


الحمدلله هسه من عنده اكتب حدث:lol:


طبعا صليت واندعيت من الله يطمني وحاشا رب العالمين شوفني بالحلم كلولي انت ترحين تستلمين بيت شهر 2 يوم 14


طبعا اني همين كلت جارتي هذه شئ كالت حيل كلش بعيدة


وسبحان الله بقدرة القادر

اتصلو يوم ثلاثاء يوم 13 شهر 2
كالو تعالو 15 الخميس تعالو استلمو مفتاح:D


وطبعا اني يومين قبل هذه كنت مريضة وقبلها بشهر مريضة حيل تكرمون اتقئ وادوخ واحب الاكل
وجسمي منتفخ واني عبالي سمن


طبعا رحت للسوك اتخضر اشتري غراض بيت يوم الاربعاء واني بسوق لو تعرفون اشصار بي


صرت نزيف والحمدلله ربي سترني كنت لابسة اسود مابين

رجعت للبيت (طرحت)

ماكنت اعرف انه اني حامل طرحت على 2 يوم دورة شهرية:confused:


وظليت تعبانة والجمعة كعدت نحمل بالاغراض اني زوجي خميس والسبت والاحد اشتغل وهمين ارجع اشتغل بالبيتين شقة افرغها واجي منا ارتبها بالبيت


تعبت تعب مصاير متت يعني اروح للدوام وارجع اشتغل

وغدى ماعندي ناكل خبز ولبن اني زوجي يعني ميتة كنت من تعب:hysterical::worn_out:


ماعرفت شلون الله يسرلي ومنا ثلج

ظليت اندعي بالموت حتى الله يسرلي والله مرت مر الكرام

خطية امي كانت تندعيلي :'(


هسه اني بالبيت ومرتبة كل الاغرضا وغرفة نومي كبيرة وحلوة بفضل الله والله البيت كله حلو

طبعا وعدتكم اشوفكم صور بس هسه احتاج اشتري بردات لان شبابيك اهنانه كبار وعريض

واحتاج اشتري ديكورات للحياطين
واحتاج اشتري ميز طعام
وميز كبير للضيوف

الا ان اكمل انزللكم صور بس اصبرو عليه لان ياخذ وقت كلش طويل