« تجهيزات عرائس ' ليبيا 'لشهر ربيع الاول سنة 1433 - 2012 جزء éè

سؤال مخالف

الشامبو والبلسم اللي حكت عليه وحده من الاخوات اسمه تريسيمي من ينصح بيه ؟ درت عليه بحت ولقيت هلبا اخوات من الخليج ومصر ارائهم مختلفه فيه اللي ايقولوا ايطيح الشعر وفيه اللي يشكروا فيه والحق جي في خاطري لان شعري ايطيح واطرافه متقصفه وقريت انه فيه 4 انواع
(1) يمنع تساقط الشعر

(2) لشعر حريري وفيه زيت اللوز

(3) اللي يحفظ اللون من الصبغات

(4) 2 في 1 شامبو وبلسم

هكي لقيتهم كاتبين وشن صناعته الاصلي انا لقيتهم كاتبين الامارات صح او لا ؟ وكان كويس وين ممكن نلقاه في طرابلس ؟

رد مخالف لسموحتك
انا اللي حاطه الشامبو وانا نستعمل فيه لتساقط الشعر وهو انجليزي مش اماراتي

سؤال مخالف لبنات بنغازي :

مـن مر عليها اوراق ورد صناعي ... بتلات ورد ؟ وين مكان؟

جواب مخالف الخل فيسع ماتبان نتيجته عليك انا جربته وبان لكن خسارة مداومتش

سوال مخالف من نعرف وين ايبيعو فى لبسات صلاة عرايسية حلوة

سؤل المخالفه



بنات نسالكم علي الهديا

خديت امه بدله العربيه وابوه نفس الشي بدله عربيه

اخواته في البيت خاتم ذهب و خوه الصغير بي اس بي

اخته المتزوجه خديت ليها قفطان سهره كبير *** شنو رايكم قفطان ساد او نحط معه شي تاني ؟؟؟ و عندها ولد عمره سنه شنو الهديه ناخدها ليه

انا معيا سلفه شن الهديه لي نأخدها لي سلفتي و سلفي**


هديه سمؤحي خديت ساعه TISSOT ممكن نريد معها عطر مليون و بجاما و مصحف او شن رايكم؟

حياة حلوة و ليبيا حرة;15936514:
سؤل المخالفه



بنات نسالكم علي الهديا

خديت امه بدله العربيه وابوه نفس الشي بدله عربيه

اخواته في البيت خاتم ذهب و خوه الصغير بي اس بي

اخته المتزوجه خديت ليها قفطان سهره كبير *** شنو رايكم قفطان ساد او نحط معه شي تاني ؟؟؟ و عندها ولد عمره سنه شنو الهديه ناخدها ليه

انا معيا سلفه شن الهديه لي نأخدها لي سلفتي و سلفي**


هديه سمؤحي خديت ساعه TISSOT ممكن نريد معها عطر مليون و بجاما و مصحف او شن رايكم؟

رد مخالف لحيو
حيو ياسمحه شنو شكله العرس قريب المهم ربي يهنيك ويسعدك ياربي
بالنسبة للهدايا بصراحه فيه نوع من التغير وحلوه بالصحه عليهم
وسلفك وسلفتك من راي خودي ست متاع صنه نازك وخلاص
وربي يهنيكF:

رد مخالف لحيو :

ماشاء الله هدايا كلهم حلوة ... بنسبة لسلفتك لو خاتم ذهب ... او طقم عطر ... او ساعة وعطر

سلفك ممكن ساعة او طقم عطر او هما الاثنين كله ع حسب امكانياتك

صبيتك اعتقد لو تزيدي معاه عطر نحسها تكمل الهدية بس لو من غيره عادي قفطان كافي

ماعتقديش البيبي لازم تاخذيله بس لو تبي تاخذيله خوذيله لبسه حلوة كاملة بكندرتها

وسموحك هديتة تمام مع الزيادة الي انتي تبي تزيديها

هـذا رأي ربي يتمم عليك بالخير

في امان الله

حبيبة عصوم;15936262:
سوال مخالف من نعرف وين ايبيعو فى لبسات صلاة عرايسية حلوة

رد مخالفة

الصراحة اللي يعجبو فيا ديما يطلعو خياطة ولا من دبي..لكن مرة شف في سوق المرجان في محل لبس النوم والبيجامات..حاطين مجموعة قنينات ومعاهم سبحة ويجو في باكو حلو وسعرهم في حدود 70 جنيه..لكن هذا من فترة الله اعلم قاعدين عندهم ولالا

صباح الخير

سؤال للمخالفة

بنات اني عندي اختي عرسها في شهر 4 ونبي ناخدلها الفيلو متاع الاميرة كيت زوجة الامير وليم البريطاني ، من محلات ( موريلي و جوفاني ) ونبي رايكم فيه ( لان اختي مواليد 90) وما تبش تلبس الفيلو يكون عاريان ،
وهدا صوره




هذا من الخلف وكله يتسكر غير خليته مفتوح







هو راهو في الطبيعة احلى غير الصور مش طلعاته حلو
واختي صغيرة وتبي تلبس حاجة نازكة وبسيطة ماتبيش الفليوات المكشش والا فيه تطريز هلبا ، تبي حاجة ناعمة

حبيت ناخد رايكم فيه ،،، وانتم اكيد عارفينه وشافينه

السلام عليكم ورحمه الله وبركاته

الاخت الفاضلة سمر سمار ... هذا القسم مخصص فقط لاستفسارات واجوبة

وهنا في هذا الرابط تجدي رابط اللمه وفيها تستطعين ان تتحدثي براحتك

http://forums.3roos.com/showthread.php?t=647227

في امان الله

رد مخالف لمروجه : ماشاء الله حلو نحب البساطه هو ع حسب هيا تحب هكي او لا بس هو حلو

حبوبة من فضلك ظليلي وجود البنات الي في صورة عشان مانحذفيش الصورة وبارك الله فيك

جواب مخالفة
بصراحة لبساته الاميرة كيت خيال وجوهم غير جونا يعنى تحط روج وكحل تهبل لكن هنى البى والتى يبوه...فلو اختك ضعيفة ورقبتها طويلة..وبدير تسريحة عادية وتخلى الماكياج اوفر جهة العيون فقط لانه موديل الفستان بسيط ومطفى فمش حايبان الا تسريحة الشعر تكون عادية وقوة الماكيج فى العيون ونفس الوقت الماكياج يكون اوروبى قوى مايبيش جو العربى اللى هنى او يكون الوانه فاقعة...فالتعقيد مش من ناحية الفيلو بل طريقة الماكياج وتركيبة بدى اختك كيف... وان شاء الله تتهنى

جواب مخالف

حبيبتي تحكمني والله مانعرف نطلل كان تعرفي انتي تطللي وبارك الله فيك على ردك

خت سمارة اختي جسمها حلو تلبس 42 يعني مش ضعيفة مش سمينة وحتى هي بدير مكياج سمبل

رد مخالف :
مرررررررره حلووو وخيال مروووجة الله يهنيها ويتمم فرحتها بالخير يا رب ..... أهي وين حجزت الكوافيرة ؟؟؟؟ لا فاطمة شعيب تعرف تسوي الستايل الاوروبي .... لو تروح لها خليها تشوف صور زواجها ميك اب مررره ناعم وشيك .... الله يتمم عليها بالخير

لؤلؤة سرت;15927243:
سؤال مخالفة..
بنتي عندها قشرة في شعرها ودرت حاجات وااااجد ومانفعو قاعدة القشرة وخايفة اتزيد اكثر كل ماتكبر
نبي لو حد فيكم يعرف علاجها باي طريقة

رد مخالف:
السلام عليكم .. اخت مرج الفيلو تحفة لكن ستايل اوروبي
نحس انها تندم لو ما تلبساش فيلو منفوخ هههههههه هيا مرة في العمر
بتكون فيها زي الاميرة لكن هو كموديل حلو حلو وربي يهنيها ان شاء الله

سؤال مخالفة
بالله جاوبوني على قصة العرس من غير موسيقى شن بندير في الزفة ومن مار عليه عرس هكي

[جواب مخالف الفيلو حلو ومع الستاقونة بينتفخ ومع المسكة وممكن لوبضيفله شى حلو برضو وانا من راى ميراس المكياج مفروض عند فاطمة الشعيب