✿✿✿لمة بنات ليبيا الحرة لشهر ربيع الاول سنة 1433 - 2012 الجزء (6)✿✿✿

نجمتن;15931203:
اللهم يا الله انتي الشافي والعافي يا الله ولا احد سواك يا الله انظر في مريضي واجعل سقمه عافيا والبسة توب الصحة انك علي كل شي قدير يا عاليم ,,,

آآآآآآآآآآآآآآمين يارب العالمين

روز خيرك لاباس انشالله خير
وربي يفرج

سرو كيف حالك وكيف الجو عندكم

هموسة حبيبتى وين امشيتى تعالى خلى نهدرزو شوية

هلا عصوم كيفك ياحلو وكيف عصوم تمام

وين امشيتى ياسرو وخليتنى بروحى ازعلت اممممممممم

الله يسلمك وعلاش مخفى ياحلوة

يوميات ليبي حائر بين وزير الكهرباء والاتصالات:

جي النت..؟؟ مازال.
شني؟؟ مازال..
تعالى فيسع جيييييييييي.. :)
... على الفيس طوووول.. لالا الاميل .. لالا الفيس انرد ع الرسائل.. الاميل..
شن صاااااااااااار.؟؟ :(
الضي هرب !!!! :(
ساعة من الظلام الدامس..
جي؟
مازال؟
فيسععععععععع الضي جي.. :)
امممم ناخذ دوش ولا نغسل شعري بس..؟؟
صقع ياراجل فكنا من الدوش.. اممم ..
شن صاااااااار ؟
أطلع فيسع النت جييييييييييي..
يعيش النت ويسقط الدوش.. :)))

والله شكلكم ياعويلة شدينها على مسلسلات التركية رب ايعاون

الحمدلله ماشية الامور والمخفي موضة الايام هادي
قلنا خلي نتبعوها

اتهبل ياهموسة هههههههههه

ودمك عسل ربى يحفضك

اليوم شرينا مولد على خاطر الضي يويا يهرب عندنا والصغار بيقرو
ويكتبوا واجباتهم

تسلمي عصوم هدا من زوقك ياعسل

احنى الضى قريب اديرها اليوم مهربش هموسة انت وين تسكنى

السلام عليكم

بنات ادعوا لعثمان غدوة عمليته ( ان شاء الله ربي يشفيه يارررررررررررررررررررررررربي )

عروسة الف الحمد لله على سلامة الثائر ولد حماتك

لولوة ان شاء الله تجيبي وتنوضي بالسلامة ياربي ( غير راك تنسيني في الدعاء ) ربي يرزقني بوليد ياربي

هنو الدلوعة الف مبروك البنوتى وتتربي في عزك ياربي

سارة ليك وحشة كبيرة

وباقي البنات كلكم وحشتوني

السلام عليكم

كيف حالكم يا بنات

بنات من عندها معلومة على سيارة كيا موهافي موديل 2012 فل ابشن قداش سعرها في ليبيا

وقداش جمركها في ليبيا ، ياريت تجاوبوني لان زوجي يبي يروح بوحدة من هني فقلت نشوف سعرها في ليبيا قبل قداش حقها ؟

سلاطة كيف حالك

وين تقرير العرس ،،،،، راهو نستنو فيه

ليبية كيف حالك وحال بنيتك