بنات هاي صورة الكريمة السايلة اللي استعملتها وهي 5 ديسيلتر يعني نص ليتر..ومكتوب عليها 36% نسبة الدهون ..وعشان كريمة التورتة تنفخ و تثبت لازم يكون نسبة الدهون من 36 الى40 %..هيدا كلام الشيف اسامة السيد المعروف
خليني بالاول اقولكم على طريقة شراب السكر عشان لازم طبعا يكون بارد قبل ماتسقو الكيكة منه عشان هيك اعملوه هو بالاول
مقادير شراب السكر
نصف كوب سكر عادي
1 كوب ماء
فانيليا سايلة
تحطيهم عالغاز وتحركي فيهم شوي وبس يبدو يغلو تخففي الحرارة وتتركيهم كم دقيقة يغلو يعني3 - 5 دقايق وتشيليهم لحتى يبردو منيح..وبعدين تبتدي تسقي منه كل طبقة الكيكة
انا ما كان عندي فانيليا وعملته بدونها
طريقة الكريمة
حطيت بس تلات ارباع الكوب سكر ناعم ..الكوب تبعتي هي عادة 200 ميلي ..يعني مثلا بالجرام تطلع 170 جرام سكر ناعم لعلبة الكريمة كلها
اهم شي بالاول تنخلو السكر قبل ماتحطوه بجاط/ وعاء الخفق..عشان لو فيه تكتل ما حيخلي الكريمة تنفخ معكن..وبعدين تنزلو عليه الكريمة وتبدو تخفقو بمخفق الكهرباء بالاول على درجة وسط وبعدين تزودو على اعلى درجة لغاية ما تتماسك..ما تخفقو كتييير عشان مادة الدهن اللي بالكريمة ما تذوب منها اوكيي...بس تشوفوها تماسكت خلاص بتكون خلصت هيك
نرجع للبداية
اول شي بتسقو اول طبقة الكيكة بشراب السكر وبعدين تحطو الكريمة وتفردوها منيح ..وتكررو نفس الشي على جميع الطبقات..وآخر طبقة بعد ماتحطي الكريمة بتزينوها بالفراولة او اي شي تاني حسب ذوقكم
وطبعا لازم كمان تغطو جوانب الكيكة بالكريمة.. وبعدين تغطوها بالشكولاتة المبشورة انا هيك عملت..او مثلا بمكسرات مبشورة لو حابين منظرها يكون اكتر على فانيليا..يعني انتو وذوقكم وكيف حابينها
وبعدين بتزينيها بالكريمة لو عندك كيس التزيين اللي بيسموه كيس الحلواني بيكون فيه اشكال كتيير زي وردات وهيك ..بس انا ما عندي ياه بس جبت كيس نايلون عادي وقصيت من الزاوية فتحة صغيرة وحطيت فيه الكريمة وعملت الدواير اللي شوفتوها هههههههههه
ملاحظة بنات
الجاط/ الوعاء اللي حتخفقو فيه الكريمة بيكون احسن لو بارد يعني ما يكون سخن او دافي عشان ممكن يأثر عالكريمة وعملية الخفق..هيدا كمان كلام الشيف اسامة
حبيباتي ان شاء الله تجربوها وتعجبكن وما تنوسوني من دعاءكم ان الله يتممليحملي على خير ويكون طفل معافى وسليم وتقر عيني بشوفته يارب :adore:
واي سؤال انا حاضرة
![]("http://www.3roos.com/files/ups/2011/242411/01329922050.jpg")