تعبانه ومخنوقه

السلام عليكم ورحمه الله وبركاته
يعطيك الف عافيه اختى
اختى انا اليوم جايه وكلى امل اني الاقي حل لمشكلتي عندك باذن الله
انا متزوجه من ست سنوات تقريبا والله ما كتبلي الحمل والحمد لله على كل اشي ما خليت دكتور ولا طب شعبي ولا وصفه الا عملتها بس عالفاضي وفحوصاتنا انا وزوجي سليمه الحمد لله بس ظروفنا الماديه كانت ما تسمحلنا نعمل تلقيح صناعي او انابيب وزوجي واهله والحق يقال عمرهم ما دايقوني باي شي وعمرهم ما فتحوا معي الموضوع وزوجي دائما بس اقله خلص شوف حياتك مع غيري كان دائما يقلي ازا الله ما رادلى الاطفال منك انا ما بدي اياهم والحمد لله هو كتير طيب
الحمد لله ظروفنا الماديه اتغيرت وقررنا نعمل تلقيح صناعي 3 مرات نقرر وبعد ما اخد كل الابر والادويه على اخر يوم او يومين يصير عنا اشي يخلينا نلغي الموضوع مع انه نكون خلص كل امورنا تمام ونرجع نحكي الحمد لله الخيره فيما اختاره الله
في المره الرابعه قبل 5 اشهر قررنا نعملها من جديد وبعد ما جهزنا كل اشي وقبل العمليه بيومين برضه صارت مشكله مع زوجي في العمل وانا مرضت مرضه جامده كتير وبرضه في يوم العمليه زوجي اجاه سفر مفاجيء ومع هيك اصرينا نعملها رغم كل الظروف وعملتها والحمد لله الله ما كتبلي الحمل
من شهرين تقريبا قررنا نعمل انابيب وزوجي قلي بس تكوني مستعده بتحكيلي علشان نبلش بالاجراءات
ومن يومها وانا حياتي كلها عذابات طبعا انا عايشه بمدينه ورح اعمل العمليه بمدينه تانيه فيها اهلى عايشين بس عنجد مش قادره اروح حاسه في اشي بيخنقني كل ما افكر بالموضوع وحاسه بخوف وخنقه واحلام غريبه حاسه حياتي انقلبت راسا على عقب صرت مش طايقه حد مش طايقه زوجي ولا طايقه اهله صرت ادور على اي كلمه بيحكوها علشان الفها واقنع حالي انهم بيقصدوني تعبانه ومتضايقه كتيررررررررررر ومن اسبوعين تقريبا صارت مشكله بيني وبين زوجي مشكله كبيره كانت رح توصل للطلاق وبعد ما الحمد لله انحلت هو هلا مصر اني اروح عند اهلى علشان ابلش بالاجراءات بس عنجد مش قادره اشي بيمسكنى وكل يوم مشكله علشان هيك
طول اليوم والليل ببكي مش عارف على اشي بس ببكي ومش متحمل اي حد زوجي الي كنت بعشقه مش طايقه نهائي
وهو مصر اني اروح وانا والله العظيم مش قادره مش بايدي والله العظيم ومش بتدلع متل ما بيقول ولا حتى خايفه من النتيجه لا بس اشي بيخنقني ومحسسني اني ازا تركت بيتي ورحت مش رح ارجع عليه مره تانيه مش عارفه اشياء كتيره جوايا بتدبح فيا
والمشكله الاكبر كمان انه زوجي مش راضي ينزل معي بيقلي روحي انتي وبس تعملى كل الفحوصات والتحاليل وتصير امورك تمام انا باجي عندك لانه هو صعب ياخد اجازه من شغله بس اله اجازه كمان اسبوع هو بيقلي ما بده يضيعها عالفاضي وتروح هيك بدي ينزل اكون انا جاهزه بس انا بدي اياه ينزل معي وهو مصره انزل لحالي يعني بالرغم من كل الخنقه الي عندي والضيق خلص وافقت انزل بس ينزل هو معي وهو رافض ومن اسبوعين تقريبا كل يوم مشكله علشان هالموضوع
مش عارفه كيف اقنعه هو معند ومصر وحكيت معه بالمنيح وباسلوب حلو وبالصراخ وبالبكي وبكل اشي بس هو مصر وانا عنجد مش قادره حاسه حالي بدي انخنق حتى وانا بكتبلك الموضوع 3مرات اكبس كبسه بالغلط وينمسح الموضوع حتى اشي بيمنعني انه احكيلك عن الموضوع
بترجاكيي اختى ازا عندك حل لاني والله تعبت كتير وحاسه حالي صار عندي مرض نفسي وفعلا والله لو الاقي دكتور نفسي هون لاروح عليه قد ماانا اعصابي تلفت على الاخير
واسفه كتير على الاطاله