السلام عليكم بنات
كيف حالكم ان شاء الله تكونوا كلكم بصحة وسلامة؟؟؟
يوم الاربعاء 28 / 12 الساعة 5 ونص المغرب ولدت وجبت احلى بنووووتة وسميتها ياسمين
وهنا اذكر لكم تفاصيل ولادتي
طبعا ولادتي المفروض انها تكون يوم الاثنين 26 / 12 على تحديد الدكتورة
لما جا يوم 24 ومافي اي الام ولادة ولا شي تعقدت
وقلت ليش مافيني اي الام للحين وجلست اوسوس بهاليومين
طبعا لما شفت الالام ما جتني قلت يا بنت شدي حيلك وزودي بالمشي وحطي حيلك كله بالمشي
ومن يوم الاثنين بديت امشي زيادة
طووووول اليوم وانا رايحة وجاية بالشقة واقرا القران واستغفر ربي وادعي
يوم الثلاثاء نفس الشي طول اليوم امشي
لما جا الليل قررت اني اطلع برا البيت امشي شوي
اخذت بنتي دانة ورحنا نمشي بالحي عندنا ومريت بطريقي على مطعم قريب من بيتنا اخذت عشا ورجعت للبيت (لأن زوجي كان معزوم برا ومالي خلق اسوي عشا)
بعدين رجعت للبيت وتعشينا انا وبنتي وحسيت بخموووووول مو طبيعي
والام بمنطقة الحوض غريبة علي شوي
بس خفيفة يعني ما تعتبر طلق
طبعا كملت مشي وقراءة قران واستغفار وادعية الى ان نمت الساعة 12 الليل
ما قدرت انام عدل والساعة 7 ونص الصبح يوم الاربعاء جلست وانا احس بضيقة بصدري وقلق
طبعا ما قدرت حتى اكل شي ... اكلت بس حلى كنت مسويته كرات البونتي
اكلت حبة وحدة بس حتى ما كملتها وبديت امشي واقرا قران زي اليومين اللي قبل الساعة 9 حسيت بآلام قوية شوي
وحسيت انها طلق
قلت صبري يابنت لين يحمى الطلق
الساعة 11 خف الالم شوي
جلست ابكي قلت لايكون مافي ولادة اليوم لأني بصراحة يا بنات ملييييييت وانا انتظر ولادتي وكنت ابي اولد اليوم قبل بكرة
دخلت الحمام وانتو بكرامة واخذت لي شاور داااافي وبعدين طلعت ورحت اصلي صلاة طلب الحاجة من رب العالمين وهي ركعتين تقرأي بكل ركعة سورة الفاتحة والاخلاص الفاتحة تقرأيها عادي بس لما توصلي لآية (إياك نعبد وإياك نستعين) كرريها 100 مرة وكمليها عادي بعدين
لما خلصت كان اذن الظهر صليت ودعيت ربي اني اولد بيسر وسهوووولة يا الله
المهم
نص ساعة بس وجتني الام طلق حاااامي
دقيت لزوجي وقلت له
اشوا زوجي دوامه يبعد عن بيتنا مسافة 5 او 10 دقايق بالكثير :thumbs_up:
فبسرعة وصل وكنت انا جهزت نفسي وبنتي ونزلنا للسيارة وانطلقنا لمستشفى المانع بالدمام
على حظي كان وقت طلعة المدارس والروضات فكان زحمة شوي
لكن الحمد لله نص ساعة بس ووصلنا المستشفى وكانت الالام كل شوية تزيد وزوجي وده يقطع الاشارات لما يشوفني أتألم بس انا اقول له عادي اصبر
دخلوني عالطواريء وبعدين على فوق قسم الولادة
حطولي جهاز تخطيط حق الطلق ونبض الجنين
وبقى علي ساعة وكان الجهاز يبين انه في طلق
جتني دكتورة مصرية وكشفت علي وقاست الرحم وطلع مفتوح 2 ونص سم
مررررة فرحت تركتني الدكتورة وجوني الممرضات وقالولي اذا زادت عليك الالام قولي لنا
شويات بس وزادت الالام بشكل مووو طبيعي
ورنيت الجرس للمرضة وجتني وشافت التخطيط وبعدين نادت الدكتورة وقاست الرحم وانفتح 3 ونص سم
الحمد لله وقالت الدكتورة لازم اروح لغرفة الولادة من الحين افضل
نقلوني لغرفة الولادة وانا احس اني مررررة تعبانة
شد علي الالم وقالت لي الدكتورة تبين ابرة مسكنة؟؟ قلت لها ايوة ابي
قالت لي خلاص بنعطيك ابرة تخليك تنامي شوية
طبعا اخذت الابرة وحسيت براحة شوية
بس زاد علي الالم لدرجة مووووو طبيعية
انا دخلت غرفة الولادة الساعة 3 وتمنيت انه ما يجي المغرب الا وانا والد وبنتي بين احضاني
انا بولادتي ببنتي الكبيرة دانة كانت الالام مو بهالقوة بصراحة هذي الالام اقوى بكثيييييييير
تخيلو الرحم قاسته الدكتورة وكان مفتوح 4 ونص سم بس
قالت لي الدكتورة تبين نعطيك ملين للرحم يسرع الطلق قلت لها اوكي وياليتني ما قلتها اوكي لأنه اتوقع هو اللي خلا الالام تزيد بهالشكل
والطلق شغال ولاشعوريا احس اني ادفع
الدكتورة منعتني قالت لازم الرحم ينفتح وانا ماسكة نفسي بالمووووت
بعد نص ساعة كانت 5 الا ربع تقريبا قلت للممرضة ما اقدر الله يخليكم بولد
جت الدكتورة قاست وقالت خلاص انفتح الرحم
الله وكيلكم دفعت مرتين او 3 مرات بس وطلعت بنتي بسررررعة الحمد لله بدون اي مشاكل مو زي ولادتي بدانة ظليت تقريبا ساعة كاملة ادفع واشد
ولدت بدون ما يسوو لي جراحة بالموس حتى الحمد لله لك يا رب
بس صار لي شق بسييييط :p
لكن كللله يهون دام اني ولدت بصحة وسلامة وجتني بنوتة سليمة ربي يحفظها لي هي واختها ويخلي لنا زوجي فوق راسنا يااااا رب
كيف حالكم ان شاء الله تكونوا كلكم بصحة وسلامة؟؟؟
يوم الاربعاء 28 / 12 الساعة 5 ونص المغرب ولدت وجبت احلى بنووووتة وسميتها ياسمين
وهنا اذكر لكم تفاصيل ولادتي
طبعا ولادتي المفروض انها تكون يوم الاثنين 26 / 12 على تحديد الدكتورة
لما جا يوم 24 ومافي اي الام ولادة ولا شي تعقدت
وقلت ليش مافيني اي الام للحين وجلست اوسوس بهاليومين
طبعا لما شفت الالام ما جتني قلت يا بنت شدي حيلك وزودي بالمشي وحطي حيلك كله بالمشي
ومن يوم الاثنين بديت امشي زيادة
طووووول اليوم وانا رايحة وجاية بالشقة واقرا القران واستغفر ربي وادعي
يوم الثلاثاء نفس الشي طول اليوم امشي
لما جا الليل قررت اني اطلع برا البيت امشي شوي
اخذت بنتي دانة ورحنا نمشي بالحي عندنا ومريت بطريقي على مطعم قريب من بيتنا اخذت عشا ورجعت للبيت (لأن زوجي كان معزوم برا ومالي خلق اسوي عشا)
بعدين رجعت للبيت وتعشينا انا وبنتي وحسيت بخموووووول مو طبيعي
والام بمنطقة الحوض غريبة علي شوي
بس خفيفة يعني ما تعتبر طلق
طبعا كملت مشي وقراءة قران واستغفار وادعية الى ان نمت الساعة 12 الليل
ما قدرت انام عدل والساعة 7 ونص الصبح يوم الاربعاء جلست وانا احس بضيقة بصدري وقلق
طبعا ما قدرت حتى اكل شي ... اكلت بس حلى كنت مسويته كرات البونتي
اكلت حبة وحدة بس حتى ما كملتها وبديت امشي واقرا قران زي اليومين اللي قبل الساعة 9 حسيت بآلام قوية شوي
وحسيت انها طلق
قلت صبري يابنت لين يحمى الطلق
الساعة 11 خف الالم شوي
جلست ابكي قلت لايكون مافي ولادة اليوم لأني بصراحة يا بنات ملييييييت وانا انتظر ولادتي وكنت ابي اولد اليوم قبل بكرة
دخلت الحمام وانتو بكرامة واخذت لي شاور داااافي وبعدين طلعت ورحت اصلي صلاة طلب الحاجة من رب العالمين وهي ركعتين تقرأي بكل ركعة سورة الفاتحة والاخلاص الفاتحة تقرأيها عادي بس لما توصلي لآية (إياك نعبد وإياك نستعين) كرريها 100 مرة وكمليها عادي بعدين
لما خلصت كان اذن الظهر صليت ودعيت ربي اني اولد بيسر وسهوووولة يا الله
المهم
نص ساعة بس وجتني الام طلق حاااامي
دقيت لزوجي وقلت له
اشوا زوجي دوامه يبعد عن بيتنا مسافة 5 او 10 دقايق بالكثير :thumbs_up:
فبسرعة وصل وكنت انا جهزت نفسي وبنتي ونزلنا للسيارة وانطلقنا لمستشفى المانع بالدمام
على حظي كان وقت طلعة المدارس والروضات فكان زحمة شوي
لكن الحمد لله نص ساعة بس ووصلنا المستشفى وكانت الالام كل شوية تزيد وزوجي وده يقطع الاشارات لما يشوفني أتألم بس انا اقول له عادي اصبر
دخلوني عالطواريء وبعدين على فوق قسم الولادة
حطولي جهاز تخطيط حق الطلق ونبض الجنين
وبقى علي ساعة وكان الجهاز يبين انه في طلق
جتني دكتورة مصرية وكشفت علي وقاست الرحم وطلع مفتوح 2 ونص سم
مررررة فرحت تركتني الدكتورة وجوني الممرضات وقالولي اذا زادت عليك الالام قولي لنا
شويات بس وزادت الالام بشكل مووو طبيعي
ورنيت الجرس للمرضة وجتني وشافت التخطيط وبعدين نادت الدكتورة وقاست الرحم وانفتح 3 ونص سم
الحمد لله وقالت الدكتورة لازم اروح لغرفة الولادة من الحين افضل
نقلوني لغرفة الولادة وانا احس اني مررررة تعبانة
شد علي الالم وقالت لي الدكتورة تبين ابرة مسكنة؟؟ قلت لها ايوة ابي
قالت لي خلاص بنعطيك ابرة تخليك تنامي شوية
طبعا اخذت الابرة وحسيت براحة شوية
بس زاد علي الالم لدرجة مووووو طبيعية
انا دخلت غرفة الولادة الساعة 3 وتمنيت انه ما يجي المغرب الا وانا والد وبنتي بين احضاني
انا بولادتي ببنتي الكبيرة دانة كانت الالام مو بهالقوة بصراحة هذي الالام اقوى بكثيييييييير
تخيلو الرحم قاسته الدكتورة وكان مفتوح 4 ونص سم بس
قالت لي الدكتورة تبين نعطيك ملين للرحم يسرع الطلق قلت لها اوكي وياليتني ما قلتها اوكي لأنه اتوقع هو اللي خلا الالام تزيد بهالشكل
والطلق شغال ولاشعوريا احس اني ادفع
الدكتورة منعتني قالت لازم الرحم ينفتح وانا ماسكة نفسي بالمووووت
بعد نص ساعة كانت 5 الا ربع تقريبا قلت للممرضة ما اقدر الله يخليكم بولد
جت الدكتورة قاست وقالت خلاص انفتح الرحم
الله وكيلكم دفعت مرتين او 3 مرات بس وطلعت بنتي بسررررعة الحمد لله بدون اي مشاكل مو زي ولادتي بدانة ظليت تقريبا ساعة كاملة ادفع واشد
ولدت بدون ما يسوو لي جراحة بالموس حتى الحمد لله لك يا رب
بس صار لي شق بسييييط :p
لكن كللله يهون دام اني ولدت بصحة وسلامة وجتني بنوتة سليمة ربي يحفظها لي هي واختها ويخلي لنا زوجي فوق راسنا يااااا رب