حآلتي النفسية

أريد حلاً;15884029:
السلام عليكم والرحمه

اول شي ما اعرف كيف ابدا بس فخاطري كلام

فبيتنا كنا عايلة كبيره وفجاه صارت مشاكل وتفرقنا والحين فالبيت مافي غير امي وابوي

واخواني الصغار انا اكبر وحده بينهم عمري 19

انا ملييت من حياتي احس حياتي ممله كلها دراسه انا ادرس هندسة

عندي طموح اني اتخرج واخذ الشهاده و مستواي عالي الحمدلله

بس المشكله نفسيتي احس ما عندي هوايات ولا اي شي ثاني اسويه


صديقاتي دايما يقولولي انتي لو تزوجتي بتتحسن حالتك بس ما اعرف لو كلامهم صحيح

احس الفراغ الموجود فحياتي هو السبب اني اسوي اشياء ثانيه

ما عندي صديقات كثير بس عندي زمييييلات كثييييييييييير بس ما عندي صديقه اتكلم معاها

وانا ما اعرف اتقرب من احد كثير تعودت فالبيت اقعد لوحدي

انا فكرت اني محتاجه دكتور نفسي بس تعرفون ردة فعل الاهل امي ما وافقت كنت افكر اروح من وراها بس خايفة من النتيجه

يمكن ما تحسون انها مشكله بسس صدق تعبني هالموضوع

كل يوم ادور طريقة اعيش فيها مرتاحه انا اصلي الحمدلله و اصلي قيام الليل و اقرا قران

بسس روتين حياتي ممل والظروف ما تساعد .. اقدر اروح فالطريق الغلط واسوي اشياء واعيش حياتي بس انا ماابي اغضب ربي

ابي نصصيحتكم بلييييييييييييييييييييييز

انتي باحلا ايام عمرج انتي ورده حرام عليج بالياس تحطمين نفسج وانتي حالتج مو محتاجه طبيب نفسي انت لازم تتغيرن من داخلج وحاولي تتخلطين باخوانج ووتقربين منهم ومن صديقاتج سجلي بنادي رياضي حاولي كل اسبوع تطلعين مع صديقاتج وتروحين معاهم مطعم والا كل اسبوع تتجمعون عند وحده والزواج بنظر صديقاتج بيوخر اللي تحسين فيييييه لا طبعا الروتين انتي غيريه من نفسسسج اللي تحبينه وقت فراغج سويه اقري تعلمي طبخه جديده مارسي التمارين الرياضيه كل يوم ولو مده ساعه تفاؤلوا بالخير تجدوه

والله كلنـآ في حـآلة ملل ^^"
آختي يوؤم تمليين سوي آي ششي يطير عنج الملل (:"
مثلا شوفي التلفزون افتحي الانترنت ولا اقري قرآن آحسسن شي قرآن (ألا بذكر الله تطمن القلوب )
والله يوفقج حبيبتي ..

والله مليت من دنيتي كلها ما اعرف ليش عايشه ما عندي اي شي اسويه

الاجازه جات المفروض اكون فرحانه بس حالتي زفففففففت

يارب ارحمني برحمتك

انتي مو راضيه تغيري من تفكيرج لا نفسيتج اشلون تبينا نساعدج واحنا ننقترح وانتي ياسه وتتحلطمين وانتي ماتحاولي وحتى مو مقتنعه احمدي ربج انتي تدرسي تخصص واييد حلو وبصحتج وعافيتج وعندج اهلج غيرج محروم من الصحه واللي محروم من الاهل واللي محروم من الدراسه احمدي ربج ولا تتسخطين لا ربي يزول نعمته من علييج وانتي مكبره الموضوع مو بس انتي تجيج حالات ممله وتزهقين بس نحاول نشغل اوقات الفراغ نقرا ننشاهد تلفزيون نروح البحر نزور قرايبنا والا نساعد امهاتنا اشياء غلط تبين تسوينها مثل شنو تتعرفين على شباب ومكالمات والخ هدا مو تفكير ابليس يوسوس لج قوي ايمانج بربج اكثر حتى لو صليتي صلاه الليل سبحانه ربي لا تقربتي منه ما تحسين باللي انتي قاعده تحسين فيه لا ملل ولا زهق الله اصلا يشرح صدرج اصلا

والله ما خليت شي ما جربت اسويه اطبخ

الحمدلله اصلي قيام الليل واقرا قران بس كل الايام مثل بعض ما احس اني اسوي شي

انا احاول القى شي مفيد اسويه اشغل فيه وقتي عشان ما يكون فيه وقت افكر فاي شي ثاني نفسي يكون عندي هواية


صح كلامك الحمدلله على كل حال انا احسن عن ناس كثير .. الله يصبرني

يعني يا قلبي الي نصحتك وقالت لك الزواج الحل تعتقد ان مافيه روتين ...

الحياه هي عباره عن روتين .. لكن احنا الي بيدنا ننعش نفسنا ونكسر الروتين...

يااختي الزواج من عدمه الروتين موجود في كل شي ... يعني كسر الروتين هو بالتتغير مثال روحي اطلعي مع والدتك المجمعات تسوقي
روحي رحلات ترفيهيه مع عايلتك او زميلاتك .. مو لا زم يكونو صديقاتك...عشان تنبسطين معاهم..

روحي دورات ... جمعيات .. اشتركي ببرامج تطوعيه.... انتي لو كنتي متزوجه كنت انتحرنتي والعياذ بالله .. وقلتي روتين دبل
طبخ تنظيف تربيه زوج.. وهلم جرى...

انتي في العمر الكل يحسدك عليه ... الانطلاقه والشباب والتفتح ,, والتجديد....

والدنيا مفتوحه لك من اوسع ابوابها... والطريق الصح معروف والخطأ هم معروف :) وانتي الي تختاري

واتمنى لك كل التوفيق

ام جنى

الله يعينك اختي

ان شاء الله البنات يفيدونك بالحل

ماقصرم العرايس بردودهم
الله يعينك ويسهل عليك يارب

مساء الخير عزيزتي
شوفي عزيزتي حاولي ان تشترين قطوة وتعتني فيها
صدقيني من ترجعين من الكلية راح تنتظرج هذي القطوة الصغيرة راح تدخل السرور على نفسج
لكن طبعا لازم تكون ملقحة حتى لاتصيبك الامراض
انتي طالبة بالكلية ودراسة الهندسة صعبة
الله يساعدك عليهة
لكن على الاقل صديقة واحدة تعرفي عليها
كي تساعدك في الدراسة وتتفقون ايام الامتحانات ان تشجعوا بعض على الدراسة
عندما تتغيبي تحضر لكي المحاضرات والعكس
والبقية زميلات لاتوجد مشكلة
اطلبي من اهلك ان يخصصوا يوم الخميس للعشاء خارج البيت في مطعم قريب
هذا الشي يكسر الروتين
حاولو يوم الجمعة تروحون للبحر حتى لو تتمشون
وتتنفسون هواءا نقيا
بمجرد ذهاب الانسان لمكان عام تتغير نفسيته
موضوع دكتور نفسي لاتفكري فيه ابدا
انتي لست مريضة نفسيا
انتي فيكي كل الخير والبركة
كلنا نعاني من الروتين
اطلبي من الوالدة ان تدعو لكي بالزوج الصالح
ان كنتي تستحين ان تطلبي منها هذا الطلب
ادعي لنفسك بقيام الليل بالزوج التقي النقي الغني
لكن لاتيأسي
انتي بنيتي نفسك بنفسك
استمري
بقت ثلاثة سنوات وتتخرجي وتصبحي انسانة فاعلة بالمجتمع
ان كنتي تحتاجين شخص ليسمع لكي
او حتى لتفضفضي له
انا عن نفسي بأي وقت تحتاجين انا موجودة
لاتضني انك الوحيدة من تعانين من روتين الحياة
ابحثي في داخلك ماذا تحبين
واجعليها هوايتك المفضلة
اعرف انو بالهندسة عندكم مادة اسمها الرسم الهندسي
وبالتالي انك تقدرين ان تطوري مادرسته لتظيفي عليه لمساتك
وبالتالي تحترفين الرسم
لنفسك ليس لغيرك
بوقت الفراغ اتركي العنان لقلمك او لفرشاتك وابدعي
وسترين الساعات تمر
ولا تشعرين بالوقت
الا وانتي قد رسمتي نموذج لبناية او تصميم لبيت غاية في الروعة
اتمنى ان اكون افدتك اختي
سلامي