التجمع الأول لامهات شهر ديسمبر2011...لشهر ربيع الأول

السلااااااااااااااام عليكم يابنات

وحشتووووووووونى الكام يوم دول :D

معلش غبت مرة واحدة من غير سابق إنذار :o

اصل عقبال عندكم رحنا عملنا عمرة

زوجى كان عنده شغل فى جدة خلصناه وطلعنا على مكة

بس مش قادرة أقولكم الموضوع كان متعب قوى

لاننا سافرنا بالسيارة من الرياض لجدة 1000كم تقريبا

وسى عمار شوية عايز يرضع وشوية يبكى وطبعا متقيد فى كرسى السيارة

ومش عاجبه الوضع والوقت طويل فى الطريق 12 ساعة سفر

بس الحمد لله عدت على خير

ودعيت لكم كلكم وخصيت بالدعاء 3

جوفان وإم واى دعيت لهم إن ربنا يرزقهم بالذرية الصالحة فى القريب العاجل

وأم مشمش دعيت لها إن ربنا يرزقها بالحمل قريبا علشان تفرح بأسامة وأخ

أو أخت له زى ما هى بتتمنى

اسورة حمدا لله على السلامة يابنتى قلقتينى عليكى قوى

وبالنسبة للخيوط دى

إنتى بس حاسة بيها علشان إنتى لسه جديدة على تركيبه

والخيوط دى لها فايدة كبيرة مش موجودة هباءا

الخيوط دى هى اللى بتطمنك إن اللولب موجود ومافيش اى مشاكل بالنسبة

له وزوجك مش هيحس بالخيوط دى خالص

ولا هى هتضايقك فى العلاقة الخاصة

إنتى بعد كده هتنسى الموضوع خالص

وبس لما تكونى عايزة تتطمنى على اللولب تتأكدى من وجود الخيط

نبراس ويلكوم تو باك

إيه يابنتى الغيبة الطويلة دى

ولولو عاملة إيه

أنا هأسميكى أم لولو ;)ماشى ياقمر

ياجماعة هو التطعيم بتاع بعد الولادة لما بدأ يظهر تأثيره على أطفالكم ظهر إمتى

وكان اطفالكم بيصرخوا من ألمه ولا كان عادى

أصل عمار من وإحنا فى طريق السفر وهو عمال يبكى كتير

وهو مش جعان ولا عنده مغص ولا عنده إمساك ولا غازات

ومكان الحقنة لونها مزرق شوية

فمش عارفة هل ده له علاقة بالتطعيم ده ولا إيه؟؟؟

الله يسعدكم يابنات جميعا ويصلح أحوالكم وأحوالنا

ويارب يتقبل وعقبالكم جميعا إن شاء الله

أسورة بصراحة مش عارفة هم ظاهرين عندك بأى شكل

يعنىهم خارجين من فتحة المهبل :!!:

أصلى كنت احس بيهم لو أدخلت إصبعى داخل المهبل غير كده مش ظاهرين

عامة لما تراجعى الدكتورة قولى لها على اللى حاسة بيه يمكن علشان إنتى

لسه مركباها لسه ما أخدش وضعه كويس جوه الرحم

انا بصراحة مش متذكرة قوى اللى حصل بعد ماركبته مباشرة لان الموضوع ده

كان من خمس سنين علشان كده مش قادرة احدد هل اللى حاصل معاكى ده

طبيعى ولا لا وباحكى لك عن راحته عن اللى انا فاكراه من آخر فترة له

ودليلى على راحته للزوج كمان إن زوجى بيسألنى حاليا إمتى هأركبه

لأنه مش عايز حمل حاليا واللولب كان مريحنا فى الموضوع ده جدا ومش محتاج

تذكرة دائمة زى الحبوب وقلق لو نسيت موعد حبة

بحرينية عاملة إيه دلوقتى إرتحتى بعد العملية ؟؟

وبلاش تعطى علاوى سيريلاك كنت قريت لأخصائية فى الرضاعة الطبيعية

بتحذر من السيريلاك بس بصراحة مش متذكرة إيه سبب تحذيرها منه

هى كانت بتحبذ الأكل المهروس للطفل فى البداية عن السيريلاك ومن غير ملح

ولا سكر

رونق حاولى تغيرى دكتورتك وتشوفى موضوع اللولب ده تانى؟؟

ام لوكاس والله يا أختى أنا كمان ما كنتش أعرف عنه حاجة غير من كلام البنات

ولما بصيت فى ذراع عمار الشمال تحت كتفه بشوية لقيت بروز تحت الجلد فى

حجم راس الدبوس الصغير ولونه حاليا مايل للزرقة شوية

إم واى يا أختى الإتنين صعبين

بس بالنسبة لى بعد دلع الحمل رعاية عمار دلوقتى أصعب

لان حملى فيه كان جاى بنوم يعنى كان تعبى من كتر نومى :worn_out:

لانى كنت مش عارفة أقوم بواجباتى من رغبتى الدائمة فى النوم

لكن بعد الدلع ده كله حاليا :badly:

الحمد لله ربنا يهونها عليا وعلى باقى الأمهات

وبالنسبة للوقت لان مافيش فرصة إنى أروح جيم

وأسيب العيال فين زوجى إشترى لى أجهزة رياضية فى البيت

وكان عندنا من قبل كده جهاز يشبه البلاى ستيشن

اللعب عليه بيكون عن طريق الحركة فى المكان

ممكن مشى وجرى ونزول وطلوع ودوران وسط وتمارين رياضية

بصراحة محسسنى إنى مش محتاجة مدربة تقولى أنا باعمل التمارين صح ولا

لا وكمان بيحدد لى الوقت مناسب اللى يحقق فايدة التمارين

لقيت الطريقة دى انسب لى فى الظروف الحالية

وكمان أوفر من الجيم الرياضى

هنا أسعار الجيم النسائى غالية قوى وكمان مش ضامنة إنى أنتظم فيه لان

ممنوع إصطحاب الأطفال

ربنا يسهل ويعينى علشان أقدر أستعيد رشاقتى ولياقتى :cool:

ام سلمى عمرة مقبولة
طيب مش كنتى تقولى نوصيكى على كم دعاء كدة

بنااااااااااااااات دعواتكم لاخو زوجى عنده عملية قلب مفتوح الله يشفيه يارب هو عنده تقريبا 27 سنة وعنده ابن دعوووووااااااااااااااااااتكم

سمسمة الموضوع جه من غير سابق ترتيب

زوجى كان عنده شغل يومين فى جده واستغلينا الفرصة وطلعنا فى السريع

على مكة عملنا عمرة ورجعنا

وربنا يشفى اخو زوجك ويحفظه لأهله وزوجته وابنه ويعافيها من مرضه

أسأل الله العظيم رب العرش العظيم أن يشفيه