التجمع الأول لامهات شهر ديسمبر2011...لشهر ربيع الأول

د.ودعه;15941072:
السلام عليكم

ام مشمش

بجد الدكتورة قالتلك انها حتعمل قشرة بعد شهرين؟؟؟؟؟

انا ابني لسة عنده شهر واسبوع يادوب ومن بداية الشهر التاني وهي بدات تعبي وتورم ومن اول امبارح بدات تعمل قشرة وتنشف الحمد لله

وكله بيقولي عادي وطبيعي

فاعتقد انك تطمني ان شاء الله





انا بقي اللي عندي حاجة غريبة

دم النفاس قطع عندي بعد عشرين يوم وصليت وكان فيه افراز اصفر خفيف علي فترات
وعلي اليوم 33 بدا دم بني وفضل يزيد ودلوقتي بقي احمر وشغال مش بيقل زي الدورة كده بس في اغزر ايامها


مامتي بتقولي عادي انه يحصل قبل الاربعين

حد يعرف ده طبيعي ولا لا؟؟؟؟

أم مشمش.;15941152:
يا د.ودعة شكرا لردك ولكن انا اسامة ما عبتش ولا ورمت ولا أي حاجة او انا ماشوفتهاش الله اعلم
ولكن الي انا شوفته النهاردة زي ما يكون تعويرة متشال قشرتها ...اقولك مثلا عارفة لما بتكوني متعورة تعويرة صغيرة اوي كدة وتبدأ تعمل قشرة وتستعجلي في شيل القشرة فتعمل حفرة في وش الجلد كدة اهه ده الي انا شوفته في دراع اسامة

بالنسبة للنفاس انا كمان حصل معايا كدة قطع بالرااااحة وبعدين قطع خالص وبعدين رجع احمر

أم سلمى2007;15941557:

يابنات مرموم ردت عليا وقالت إننا هنكمل التجمع ده لآخر الشهر العربى لأننا

كنا لسه فاتحينه وكتبت لى على المخالفات اللى لازم نبعد عنها علشان

يفضل التجمع مفتوح ونسخت لكم المخالفات :

و المخالفات هي:

الردود المخالفه لمذهب أهل السنة و الجماعه...و التي فيها تبريكات أو دعوات أو مناقشات خاصة بمذاهب أخرى...

الردود التي فيها سب أو شتم أو قذف..لأي شخصية عامة أو خاصه...

الردود التي فيها تجريح و إهانة لأحد العضوات...

الردود التي تحتوي على صور مخالفة لقوانين الموقع...

2. التأكد من إغلاق التجمع مع نهاية الشهر العربي...و فتح تجمع جديد مع بداية الشهر العربي...

3. في حالة وجود عضوة في التجمع تتعمّد تكرار مخالفة ما سبق...ترسل بإسمها إليّ أو إلى مشرفات الركن حتى يتم حظرها عن الشات...

ولو حصل واتكررت مخالفات تجمعنا هيقفلوه بشكل نهائى

خلاص يابنات عايزين نتعاون علشان ما نتعرضش لاى مشاكل ولا اتعرض لاى

إحراج مع أى أخت منكم ماشى ياحلوات :D

أنا بأستخدم حاليا حبوب منع الحمل للمرضعات

أم مشمش ماهو العلامة اللى بقيت فى دراع أسامة دى هى العلامة اللى

بتفضل بعد التطعيم وتفضل علامة دائمة

هتلاقيها فى دراعك ودراع أبوه وموجودة عندى وعند بنتى

وبالنسبة للدم اى واحدة قلقانة من طبيعة الدم تروح تزور الدكتورة تتطمن منها

أحسن

ام جود الله يعينك على مسئولياتك وألف سلامة على جود

ربنا يحفظها لك

بحرينية ألف حمدا لله على سلامتك ولا شكر على واجب ياقمر:)

وعودا محمود لبيتك إن شاء الله

أم لوكاس العمر الطويل للوكاس إن شاء الله وتفرحى بيه وهو عريس :)

الحمد لله النهاردة أتممت الأربعين يوم أخيرا

:D

عقبال اللى اللى لسه ما تموش الأربعين ربنا يتم نفاسكم على خير

أم مشمش.;15941767:
يا ام سلمى ... الممرضة قالتلي هيكون فيه بقليلة والي موجود بدراعة دي حفرة صغنونة كدة يعني البقليلة اتشالت يمكن وانا بقلعه هدومه ولا حاجة الله اعلم