حلت المشكله :مشكلة صديقتي فلمـــلجه

ما احس انه عادي و اذا مو بقادر يصبر يتمم الزواج و خلاص

حبيبيتي من نايحه الشرع والحلال والحرام يجوز له

بس العرس لازم يتاخر عشان التجهيزات وكذا

انا من رايي قلت لها لاء عشان ماتجيب ياهل بلغلط مثلا

كلامك صح شرعا يجوز بس كمان مثل ما قلتي الله العليم شو يصير بعد كذا يمكن بعيد الشر ما يكملو مع بعض انا ادري انه بالبحرين عادي هالشي بس احس انه لازم يصبر و الله يكتب لها ايلي فيه الخير

هو يجوز شرعا

بس في حالة افقدها عذريتها وخذ اللي يبييه
شنو الضمان ان ما يخليها أو يتخلى عنها ؟؟؟؟

7 أو 8 شهور مو وايد

خل لقاءاتهم تكون في فترات متباعدة وخل يجهزون للعرس بسرعة عشان تقل المدة

واتمنى لصديقتج التوفيق والسعادة في حياتها


اختي دنيا طيبة .. مين قال بالبحرين يجوز هالشي

ترى احنا ما عندنا هالسوالف قبل الزواج .. لو شنو كنا منفتحين بس بعد
تبقى مسألة الدخلة بعد الزواج والإشهار ..

أتفق مع كلام أم كشة الحلوة في كل كلمة
والحين اهوه انتظر كل هالمدة ما بيقدر ينتظر جم شهر
إذا كللش يعني مو قادر فعليه إنه يدبر روحه ويجهز للزواج بسرعة
غير جذي مو من عاداتنا ولا سلكنا

هلا اختي ام كشة سامحيني ما اقصد شي لما قلت بالبحرين يجوز بس انا سمعت هالكلام من ينات في البحرين و بالمنتدى سامحيني لو كانت معلومتي غلط

بنات كلامكم صح ميه ميه بس احب اعطيكم معلومه بسيطه

الرجل لما يملج ع البنت وحتي لو مافقدها عذريتها

وصار خلاف بينهم ونفصلوا عن بعض

تعتبر مطلقه قدام الناس والعالم

حتي لو هي عذراء

يعني احس فلحالتين السالفه وحده

بس من رايي الشخصي لازم بعد العرس ععن الحمل

انا من راي لا

في عدت اشياء ممكن يشبع فيه نفسه غير انه يفقدها عذريتها
واكيد دامه صبر كل هذي الفتره راح يصيبر
لازم شوي تثقل اذا عمل كل شي شو راح يبقى بعد الزواج بيكون خلاص مرو على كل شي

وبعدين في رجال تفكيرهم غلط يمكن اهو يختبرها راح توافق او لا
ومهما كان اهي ما تدري شو راح يصير صحيح زوجها وحلاله بس اذا صار اي شي خلنا واقعين الله يبعد عنها انفصلو الله يطول ب عمره توفى شو راح يكون موقفها راح يكون شوي صعب عليها تتزوج من بعده
ونفترض حملت انا اعرف وحده من اول مره بس وكان فترت ملكة وحملت الناس والمجتمع ما يرحم ولو انها ما سوت شي غلط ولا حرام بس مجتمعنا غير

صحيح تعتبر مطلقه بس في فرق اذا تطلقت بعد الملكه او الزواج

وانا الي اشوفه راي المجتمع اذا اتطلقت فترة الملكة يعيبو الرجال على طول ما ادري ليش وبعد العرس يعيبو الحرمه
لاحظت هذي الشي

بس اذا تطلقت فترة الملكة وهي عذره الزوج الي بياخذها بعده راح تكبر بعينه انها ما كانت سهله رغم ممتلكه ما سمحت لهذا الشي

صحيح كلامكم اشكركم ع الرد بس الرجل له حق علي زوجته في هلفتره احب انوه للخوات الي احسهم معارضين جدا

له حق طبعا كشرعا ومن ناحيه الاسلام وهي ملزومه تشبع رغباته

بس مجتمعنا الله يهداه خله الحلال حرام

وطبعا مش من البدايه بتدريج لان هالايام تكون حلوه

يمكن احلا من ايام العرس نفسها

شاكره لكم ردكم حبايبي

طبعا لا !!!
مجتمعنا ماخلى الحلال حرام

قبل ماكان في ملجة قبل الزواج .. كان كله بنفس اليوم ووايد ناس لحد الحين ماشية عندهم هالطريقة

الناس قامو يخلون الملجة قبل الزواج بفترة عشان يقدرون البنت مع الولد يتعرفون على بعض احسن يقدرون يطلعون مع بعض بي مو معناته خلاص !!

اهي للحين في بيت ابوها ما طلعت.

ومطلقة الخطوبة غير عن مطلقة الزواج

المنفصلة من الخططوبة اغلب الناس ماعندهم مشكلة في هالموضوع

لكن المطلقة بعد الزواج بعض الناس عندهم تحفظ في هالموضوع

خله يصبر
وعشان تمنعه عن هالشي لا يقعدون بغرفة وحدة بروحهم عشان لا يتجرأ

انه جدا ضد هالفكرة:thumbs_down:

شوفي اختى من الناحية الشرع يكون هذا الشي حلال
لكن نصحيتى لها انها تاخذ الحيطة والحذر ، لو صار فيه اي خلاف بينهم وانفصلت بتكون هي الخسرانه الوحيدة في الموضوع
بتكون مطلقة حالها حال المتزوجات ، لكن الانفصال بدون دخول الزوج شي ثاني ، وبأمكانها انها تتزوج شاب ماسبق له الزواج بكل يسر وسهولة ، لكن لما تكون مطلقة دخل بها زوجها تكون فرصها ضئيلة جداً ....

خليها تصبر وتتريث وتأخر الملكة مثلا ، او تحاول تتعلم طرق لاشباع زوجها بدون الدخول الشرعي
امممممممم الله يوفقها

لا تعطيه مراده ياختي خليه يصبر على شنو مستعيل وخليها تتريا صديقتج لا بعد تندمين ولا فقدت اللي تملكه يتركهها بسرعه وخاصه فتره الملجه فتره حرجه وياما ناس تطلقوا بها الفتره وخلوا ازواجهم يدخلون عليهم وتطلقوا وبعضهم حملوا وضاعت البنت خلها تقعد وياه وتخلي هدا الشي ليله الدخله مو الحييييتن بعدين مايصير لها اهميه ليله الدخله وحتى وهي حلاله لاتتسرع ولا تعطيه اللي يبيه الا لما يتزوجها

مرحبا , عزيزتي اذا كان مستعجل هالقد , خلي يتزوجها وبعدين يدخل عليها , في مجتمعنا

البنت المخطوبة تظل بنت لين تلبس فستانها الأبيض عادات وتقاليد البلد .

دير ي بالك لا تخليه شو بيضمن انكم تضلو مع بعض؟ ممكن تفرقو وممكن لا قدر االله يتوفى واني تضلي بدون عذرية ؟؟ بدك تحسبي لإدام ما حدا بتأمنلو بهالايام

شوفي يالغلاا إذا ملك عليها ..اوكي..
وكان مو قادر يصبر..يعني بيعف نفسه عن الحرام..شيء حلو
تخلية يتمتع فيا بس مايدخل الخيط بالإبره..
لأن هذا ضمانها الوحيد لزواجها حتى لو كان زوجها.. الرجال ترا متقلبين ..يغووك لحد ماترضخي لهم بعدين يعافوك..عشان كذا..بقولها لمصلحتها ..لا تخلية يسوي اللي بباله..إلا بعد الزوااج..

والله البنات كفو وفوو من ناحية هالموضوع واحنا اذا كنا معارضين فمعارضين لمصلحة البنت يعني اضمن لها ترا كلنا ندري انه في الشرع حلال بعد الملجه بس الحين ضماير الناس اعوذ بالله صارت اتخوف فإذا اهو يبي حقه الشرعي ماتقدر اتقوله لا بس تشرط عليه يعجل بالزواج بصريح العباره لا يتحجج انه مصاريف ما مصاريف لو تسكن معاه في حجرة يعني موب يدخل على البنت وتم البنت في بيت اهلها وهوه رايح راد عليها ياخذ حقه الشرعي ترا ذي مابي افتي بس شرعا لازم يتم في بيت الزوج موب في بيت اهلها يعني ايصير في بيته اهوه عرفتي اختي الله يتمم لها على خير وإن شاء الله الله يقدم اللي فيه الخير

لالالالالا والف لالالا

مايصير مو قادر يصبر يعجل الزواج يسون زواج بسيط مرره مافيه الا اهلها واهله وحفله بسيطه ويسافرون وخلصنا

مو لازم هذره كثيره بس 8 او 7 شهور كثيره

انا احين زعلانه من امي لانها تبي الزواجي بعد ثلاث شهور
وانا مابي يدخل ويطلع ماحب ها الكلام

مادام يبون يملكون خل يتزوجون جدام الناس مب وراهم

الزواج شهار مب عقد

وكل بلاد المسلمين فيها هالشيء

انا ماادري من وين اتييبون هالكلام ان مادام عقد عليها يجوز له كل شيء

الله يهدي بس