التجمع الثامن لاحلى امهات..امهات مايو 2011 يناير2012

سلام امهات
شخباركم؟ وشخبار اطفالكم ؟؟

هلا كررريستاله

نوور التجمع

ولدي مررريض

زكام وعينه تطلع وصخ

:(

تعباااانه وياه مافي نوووم

صباااح الخير

أنا في الشغل وحد دايخه أبي ارقد


شخباركم؟؟ وشخبار العيال؟؟


سويره الاسبوع اللي طاف كانت مصخنه
وديتها عند البستكي وقال عندها احتقان خفيف وقال لي استعمل البندول بس ودوا مضاد للحساسيه

تمت مصخنه كم يوم وبعدين الحمدلله راحت الصخونه


لكن

صارت على طول تصييييح ودايماً تبي تلصق فيني، وخصوصاً بالليل :hysterical: تبي ترقد معاي على السرير، لأن طول ماهي مصخنه كنت اخليها في حضني

الحين عاد من احطها في سريرها تصررررخ، اذا كنت بروحي اوكي تصيح وترجع تسكت
لكن اذا زوجي معاي مايرضى اخليها تصيح واضطر اشيلها واخليها يمي

أنا مابي جذي :( مابيها تتعلم على سريرنا

وشي ثاني

صارت اذا اخليها عند امي او عند ام زوجي ماتوقف صياح وعلى طول متنرفزه
أمس نزلتها بيت يدتي ورحت عندي مشوار
رجعت وامي وخالاتي فضحوني، بنتج ما وقفت صراخ، وشكلها اذونها ملتهبه و وديها عند اخصائي ومادري شنو، خبركم النسوان كلهم دكاتره يصيرون خخخخخخ

وبس من رجعت أنا وخذتها سكتت ولا صاحت، حتى هم تعجبوا :confused:

تصدقون توني حاسه اني أم :lol:

امممممم صرت الحين ماحب أطلع اروح في زيارات لأنها تأذيني، ماقدر انزلها على الارض أخاف تلقط لها شي، وهي الشيطونه من انزلها في الارض تروح للسيراميك وتقعد تلحسه :-#
فاضطر طول الوقت اخليها في حضني وهي تتضايق بعد وتتملل
وشي ثاني انها للحين تخاف من المشايه :hysterical: مادري شاسسوي فيها

بقــايا فجــر;15897792:
امهات شلون تجهزون الحليب في الليل لان يصير بارد وايد الماء لو عطيناه ف الرضاعة
ولو كان ساخن ما بيبرد بسرعة وش الحل

احـبـكـ..;15897907:

انا عندي دله حق ولدي

اسوي الماي حار واخليه يدفي وعقب احطه في الدله

وبس خلاص يتم دافي لان في الدله

سيم سيم
احط الماي الدافي في الدله ويتم يوم كامل حرارته زينه
والدله عاديه مالت الجاي والقهوه

انا الشوق شخبارج ..بنت دلوعة ليش تخاف من المشاية!! يمكن لان تحس اذا حطيتينها فيها بتخلينها وبتروحين جربي حطيها فيها ولعبي معاها وشوي شوي بتتعود

اني طفلي ما شاء الله عليه حركي اذا في المشاية ما يخلي شيء في حاله ..

بسالكم عندكم فكرة عن عصيرر البرتقال ؟؟ سمعت انه يسبب حموضة و مشاكل في الجهاز الهضمي للطفل مستقبلا فما ادري وش رايكم

مساء الخير

هلاا .. مساءالنووور


شخباركم ..شلووونكم ؟؟؟

السلاااااااااااااااااااااام عليكم


شخباركم وشلونكم ويا الجو الباااارد


ولدي للحين مررررريض حدي تعبت وياه

تقريبا 3 مرات وديته للمستشفى

كله من هالزكام

اليوم طلع من خشمه دم وايد

من كثر الزكام

مع ان اعطيه ادويته واسوي له بخار ولا اطلعه

بس الحمدلله على كل حال

~~~~~~~~~~~~~~~

انا الشوووق

ولدي صاير هلون

لان الحين صار يعرف يفرق مو نفس قبل

اذا يشوفني لابسه الدفه يتم يصيح ويلاحقني في المشايه ويود دفتي

واذا ارجع حددده يستانس

بقايا فجررر


انا ولدي كلش مايحب العصاير وخصوصا البرتقال مايعجبه

ولا اعطيه

ومادري عن هالشي

اييرس

حبيبته

بقايا فجر

وام شهوده

انا الشوق

شلونكم وشخبار اطفالكم

الحمد لله وانتي شخبارج ؟؟

انا عيالي بعد مزكمين وكحة مملوني ونومهم كلش متخربط ماينامون ومتعبيني عدل خصوصا انه عندي رضوي ولازم اقعد له الصبح للمدرسة وواجد اتعب :(


وصايرين يبوني كلا وياهم ويغارون من بعض .. :( تعبت

ام شهوده

دووم ان شاء الله .. انا الحمدلله بخيير..

الله يشافيهم ويهديهم..تعب ما لنا الا الصبررر..

الله يعينج ويساعدج..

وينكم يا امهاااات

شخباااركم

وحشتووني عدل عدل

ولدي يزحف وشكله مابيحبي .. الحمدلله اهم شي يحرك روحه وعافس المكان هههههه

وعجبوني ثياب عيالش ام خالد كلش روعه
يتهنى فيهم البطل

ان شاءالله الاثنين اروح السيف وبشتري لطفلي ثيااب ..


ومذركير وصل تخفيضهم 70%




سامحوني ماقدر ادش الا من بيت ابوي خبركم ماعندي لاب توب ..

السلام عليكم
شخباركم وشخبار أطفالكم ؟؟

بسألكم تعطون أولادكم كورن فليكس مع حليبهم الصناعي او الحليب اللي حنا نشربه ؟؟
لأني ولا مرة عطيت بنتي وحابة أعطيها

وبالنسبة لأكلها للحين أهرسه بالخلاط
أبغي أعودها تاكل مو مهروس بس مترددة لأنها كله تغص

بقــايا فجــر;15915446:
انا الشوق شخبارج ..بنت دلوعة ليش تخاف من المشاية!! يمكن لان تحس اذا حطيتينها فيها بتخلينها وبتروحين جربي حطيها فيها ولعبي معاها وشوي شوي بتتعود


بسالكم عندكم فكرة عن عصيرر البرتقال ؟؟ سمعت انه يسبب حموضة و مشاكل في الجهاز الهضمي للطفل مستقبلا فما ادري وش رايكم

وايد دلوعه وسخيفه خخخخخ
جربنت احطها وألعب معاها مافي فايده، تقعد تصررررررخ من قمة راسها وتتيبس مادري شيصيدها :lol:
بنتي أصلاً ماتعرف تصيح مثل الناس سيده تصرخ كأن فيها شي عوود

وعن عصير البرتقال، أنا للحين ما عطيتها

حلم الأمومة;15928362:
السلام عليكم
شخباركم وشخبار أطفالكم ؟؟

بسألكم تعطون أولادكم كورن فليكس مع حليبهم الصناعي او الحليب اللي حنا نشربه ؟؟
لأني ولا مرة عطيت بنتي وحابة أعطيها

وبالنسبة لأكلها للحين أهرسه بالخلاط
أبغي أعودها تاكل مو مهروس بس مترددة لأنها كله تغص

الحليب اللي احنا نشربه مب زين حق الياهل قبل عمر السنه
لأن فيه شي مادري شنو معدة الياهل ماتستحمله وماتهضمه
فكل شي بتخلطينه مع حليب سويه مع الصناعي مال اليهال

والأكل دامها للحين ماتقدر تاكل هرسيه لها
أنا بنتي للحين ما طلع لها ضروس وأنوع لها مرات مهرووس نااعم ومرات مثل المضروبه


اليوم موعد ساره حق فحص 9 شهور
بنوافيكم بالتقرير بكره ان شالله

هلااا .. شلوونكم شخباركم ؟

احبكـ ..
ام شهووودة الحلوة ..
وباقي البناات .. شخبار البيبيات ؟؟

ام شهووودة الله يساعدج اذا يغارون من بعض .. تدورين لمن وتخلين من ؟خخخ

سوسو لحين مافي تطورات .. تحبي وتوقف بس

أمس وديت سويره لموعد التسع شهور

فحصها عادي، جاف أذونها وبلاعيمها وسحب يدها اذا توقف ولا لا
وسألني عن الأكل وعن اذا تقول كلمات ولا لا
وبما ان ماعندها ضروس خخخخ عطاني فيتامينات استعملهم 1مل في اليوم لمدة 3 شهور
هو كاتب لي نفس الفيتامن من يوم كان عمرها 3 شهور بس كلش ما داومت عليه، بس عطيتها جم مره وخلاص كله انسى
بس هالمرره ان شالله اداوم عليهم
وعطاني اوراق حق فحص حديد ومادري شنو، بس ماسويت لها الفحص أمس لأن تعبت، بس أهم شي ان تسوي الفحص قبل موعدها الياي
واللي بيكون حق تطعيم بو سنه ان شاء الله