بصراحه بالنسبه لي ماعلي من سوالفهم واسكت مولازم آخذ وأعطي بهالمواضيع لأني أستحي وزي ماقلتي ماتعودت على هالبيئه .....بس ماتوصل أمشي قبل ماتنتهي زيارتي لأن بيطلعون سوالف وكلام ماله داعي اللي مفروض سويتيه انك كملتي زيارتك بما انك عندهم ومعليك من سالفتهم البايخه وأحترامهم عشان زوجك بس
انتي متلي مابحب هالمواضيع واحتمال اعمل متلك
بس الافضل لو طلبتي يغيروا الموضوع
عادي احسك مكبرتها وهيا صغيره..
بإمكانك غيرتي الحوار بأسلوبك..
بشيء انتٍ تحبية ..اما إنسحابك من الجلسة ماله داعي..بس شكلك..من النوع اللي مايتقبل اي شيء..
شكرا على ردودكم خواتي..
اختي لمعة عطر.. هي كانت مجرد زيارة.. مالها وقت .. فأنا سلمت وقعدت شوي.. بس لما مارتحت.. انسحبت بهدوء..
وزوجي الحمدالله مأيدني في هالشي بما إني مارتحت .. أفضل إني مشيت.. لأن هو يعرف عماته.. ومو راضي عن هالطبع.. بس مايقدر يغيره..
وهم ترى غيروا الموضوع لما جافوني مو مرتاحة.. بس حتى لما تغير الموضوع.. ظليت مو عارفة اقعد وارجع ان كأن طبيعي ما صار شي..
واختي ساد سمايل = ) .. هو مثل ماقلت لش تغير الموضوع بشكل سريع ومضحك! بس بعد ظليت مو مرتاحة لان الكلام اللي سمعته صدمني !! ..
ففضلت الانسحاب..
وعلى العموم شكرا مجدداً.. ^_^
واختي ساد سمايل قبل لا انسى..
كل شي له حدود.. أنا أقدر اتقبل أشياء معقولة.. بس أشياءءءء بالهالمستوووى اللي جفته من انعدام الحياء .. فاجأني..
والله المفروض ما تعبرينهم
كأنك سرحانه بشي ولا سمعتيهم او تناظرين فيهم وتبتسمين
واذا سألوك ايش فيك
تقولين ابد والله مافيني شي ..
انا اسوي نفس الشي لوحده من اهل خطيبي اناظر لها وكأني مستمعه للي تقوله و ابتسم
مع اني في دواخلي ابددد معطيتها الاذن الصمخه << الاذن اللي ما تسمع يعني
اللي سويتيه بينتي لهم انك مستاءه من هالكلام والمفروض ابد ابـــــــــــــد ما تشيلين نفسك من عندهم
وتجلسين معاهم ولا تاخذين وتعطين معاهم بالكلام
حبيبتي ممكن بروح مرحه كنتي تغيري الموضوع ,,, وتقولين لهم انا مااحب هالكلام وراح يتقبلو كلامك اذا كان بااسلوب حلو
اما انسحااابك مو حلو بصراحه
الأخت أقواس توفي..
انزين شالفايدة إني أقعد واظل ساكتة وعلى قولتش "الأذون الصمخة"
أفضل إني أستأذن وأمشي.. من إن اظل ساكتة وانا اياهم.. مو عدل؟
لحظة نسيت أذكر جزء مهم .. اللي هو إن عقب جم يوم رديت جفتهم ولحين اجوفهم.. فسلمت عادي وكل شي وسولفت اياهم..ولا كان فيه ذكر للموقف اللي صار أبداً.. ولحين اجوفهم واكلمهم عادي وبالعكس هم حبابيييين..
بس ان مجرد داك اليوم .. لما اجتمعت اياهم عمة مو على طول أجوفها.. قاموا يتكلمون بهالمواضيع..
^_^ وشكراً..
وحتى اذا جفتها هذي العمة الأخيرة..بسلم عليها عادي = )
بس بعد هالموقف.. بيتعلمون ان مستحيل يكلموني في هالمواضيع .. فالخير فيما وقع..
وبعد فيه شي يمكن كان لازم أوضحه.. لان أجوف الكل مركز على "مو حلو التصرف إن أمشي.."
ترى هي ماكانت عزيمة.. هم مجرد موجودين في بيت الجد الكبير.. أنا قلت لزوجي بروح اسلم عليهم..
سلمت وقمت بالواجب.. ولما مارتحت مشيت..