تجمع الحوامل اللواتي سيلدن في شهر سبتمبر 9- 2012

بحكي لكن قصتي ولو انه صعب اكتب عن طريق الاي فون

المهم يا بنات كان عندي موعد الاربعاء الماضي
وطبعا اول ما وصلت الفحوصات المعتاده من قياس ضغط وبول الله يعزكن
وظهر انه عندي بروتين بالبول وهالشي ما زين!!

عاد انا ما افهم لانه ما عندي خبره بهالسوالف وبكريه خخخ

المهم الدكتوره قالت لازم تسوي لك تخطيط وانا ما احب تخطيط البطن اضايق منه ويحسسني بنعاس:(
استمر التخطيط تقريبا ساعه ولما شافته الدكتوره قالت في فتره صار قلب البيبي منخفض

قلت لها شو يعني الحين !؟!

قالت تحسين بالم؟
قلت لا عاديه الحمدلله جايه علشان عندي موعد معاكم وراجعه للبيت:)


قالت خليني اقيس الرحم :(

قاست الرحم وقالت لي رحمك مفتوح 4 انش��

قلت لها والحين كيف؟؟؟؟؟؟

قالت متأكده ما حاسه بأي الم؟
قلت لها اكيد ما حاسه باي اعراض عاد انا بروحي توترت من كلامها وافتر راسي :(

المهم نادت ع الممرضه وخبرتها تعيد التخطيط لدقات البيبي من جديد
وقتها بغيت اصيح لااااااااااااا لاني ما احب هالتخطيط خير سر ;(

بعد ما خلصت التخطيط خبروني انه قلب البيبي انخفض خلال دقيقه وصارت دقات قلبه خفيييييييفه

وقالوا خلاص انتي لازم تروحين لصالة الولاده لانك واح تولدي اليوم

وانا شكلي مصدوم لاني معاهم من الساعه 10 الصباح والحين صارت ساعه 3 ويقولون لي خلاص مافي طلعه من المستشفى؛(

قلت لها طيلانا مستعده نفسيا واسكن قريب من المستشفئ اروح تجيب اغراضي واستحم وانظف نفسي واجي
كلها نص ساعه وتكون رجعت المستشفى


قالوا ممنوووووووووووع طلعه من المستشفى مافي اي شي
تريدينه خلي زوجك او اهلك يجهزونه لك:(

المهم دخلوني صالة الولاده وحطوا لي تخطيط القلب من جديد وقالوا لو انخفضت دقات قلبه
لازم نسوي لك عمليه وللاسف انخفضت دقات قلبه مره ثانيه:(

كنت وقتها خايفه واحس جسمي بدا يرتجف من الخوف ولاده وعمليه ومستشفى وامي للحين ما وصلت وزوجي مسكين
يشوف علي ويتأملني ويهديني يقولي ان شاءالله خير وتكون امورك سهله

كله خوفاً من العمليه وتخريب البطن هههههههه

وعاد لما صارت ساعه 6 العصر قالت الدكتوره نعطيك فرصه
راح ننزل الماي منك واذا شفناك بتولدي طبيعي عاد اكيد بنستبعد العمليه

لكن طلعت روحي لما نزلت الماي بدت الالام تقتلني وتجي ع فترات متقاربه
وخلصت الساعه 6 وصلت امي ع طول البيت صريب من المستشفى

وعدت ساعه 7

وعدت ساعه 8

وانا اعاني واتقلب من الالم

والممرضات والدكتوره كل شوي يدخلن يتأكدن من دقات قلي البيبي

ومن شدة الالم عطوني ابره بمنطقة الفخذ برجلي اليمين علشان تساعد على انفتاح الرحم

وبرجلي اليسار عطوني ابره مسكنه للالام لاني كمت احس ظهري
راح ينقسم قسمين ؛(
من غير الالام الثانيه

وغير مذا كانت في ممرضه واقفه براسي حسيت شوي وبقفز من السرير واشوتها مثل الكوره برا الغرفه هههههههه

والله رفعت ضغطي كل شوي تجي وتعطيني الانبوب مال الاكسجين وتقولي اشفطي لما يجيك الم

وانا كنت متلوعه منه وبسببه صرت ارجع مع اني ما اكلا شي من الصبح ؛(
رجعت تقريبا 3 مرات وراسي احس ثقيل ودوار

بعدها جت ممرضه قالت لا تكثري من الاكسجين لانه يسبب الغثيان والدوار

والابره الي ضربوني برجلي اليسار خدرتني وصرت انام واصحى وقت الالام
حتى امي تقولي كنتي تشخري هههههه وانا اقلا ما طبيعتي اشخر بس شكلي من التعب اشخر ههههههه

عاد ع ساعه 1 ونص بالليل قالت المنزضه خلاص الرحم مفتوح ١٠ ولازم الحبن ولاده

تخيلن 4 ممرضات ودكتورتين يحاولن علي علشان ازفر وانا الكي واقول ما اعرف
ما عرفت وقتها كيف ازفر ومن وين اطلع الطاقه علشان ازفر
والسبب الابره كانت مخدرتني

تخيلن انا بولد ما باق شي وبنفس الوقت انود وبنفس القت اتألم
والدكتوره تقولي ركزي بالكي خليك معانا ولما يجيك الالم ازفري
وانا اقولها ما اعرف اساعدكن لاني متخدره الابره مخدرتني
ما عارفه كيف اطلع طاقه من جسمي ؛( ؛(

بالاخير اضطرت الدكتوره تسوي شفط للبيبي علشان يطلع والحمدلله
ع ساعه 2 الفجر تاريخ 6/9 بنفس موعد ولادتي ولدت

بس تعذبت كثير خاصه وقت شفط البيبي لاني ما كنت اقدر ازفر فحسبت بالمنرضه لما قصتني بالمقص علشان توسع المكان لخروج ابني حبيبي
وقتها صرخت صرررررررررخه مدويه خخخخخ غصب عني

بس الحمدلله عاد نسيت كل شي صار بذاك اليوم
وعسى ان شاءالله ما حد مر بتجربتي الحلوه هههههههه



يالله بنات خبروني قصص ولادتكن
انا اخذت درس انه خلاص اذا حملت مره ثانيه
ان شاءالله ما اخذ لا اكسجين ولا ابره مسكنه للالام اتحنل الالام ولا يخلوني افقد طاقتي وبالاخبر اطلع هبله ولا اعرف كيف ازفر:)

D: بالكي الحمدلله على سلامتكم

حمستيني

الحمدالله على سلامتج

انا اليوم موعد ولادتي ان شاء الله بعملية ..... ادعولي .....

قشطة و عسل;16265435:
انا اليوم موعد ولادتي ان شاء الله بعملية ..... ادعولي .....

الله يقومج بالسلامه انتي و النونو ..

قشطه الله يقومك بسلامه يارب
بس ليش عمليه?
اذكر موعدك نهاية شهر 9 صح

هاي حلوات قشطة الله يسهل عليك يااااااااارب
بالكي حلوة قصتك بس تعدبت والله

اانا كمان شوي واحكيلكم قصتي الف مبروك لوليكي

قشطة و عسل;16265435:
انا اليوم موعد ولادتي ان شاء الله بعملية ..... ادعولي .....

الله يسهل عليج يارب

مبروك للي ولدوا وعقبال للي رايحين يولدون الحين والي مواعيديهم قريبه

وعن النوم والبيبي بكلمكم شوي

بنتي صياحه وزواعه ورقادها فالنهار ما شاء الله وبالليل سهروارقدها غصب

والرضاغه للاسف مافيني حليب بس بعدني احاول

بالكي
انتي تقريبا نفسي
انا رحت المستشفى وكلش مافيني شي بس لان كنت متاخره على موعدي ١٠ ايام
كنت احس بالم بس كلللللللش خفيف
رحت الا تقولي ٢ سانتي الا اقول لها يعني انا فيني الطلق الا اتقول لي ليش ماتحسين

الاكسجيييين المفرووض انج تكونين قاريه عنه انه يخددر انا ماكنت ابي استعمله بس السستر تبيني اولد وتبي تفتك كلشوي وحطته لي
كلللش مو حلو ونفس ماقلتي يسبب غثياان وانا ماكان يسوي شي

بنات لا تفقدون نفسكم فالصراااخ خلو النفس حق البوووش انا وايد ساعدني الهدووووء
معنى انا فيني ضيق تنفس بس حاولت كثر ما اقدر اني اتنفس بطريقه منتظمه واخزن اكسجيني واوصله للبيبي

كلنا تالمنا وكلنا تعبنا انتو مو غير عنا استحملو ولحد يخرعكم

والله الولاده سهله اذا انتي كنتي مساعده نفسج ومساعده الدماتره
خلكم حليوين لا تصارخون لاتشتمون ترى ما بيعاملونكم عدل واذا تالمتو مالكم الا الصيااح احسن حل

الله يسهل عليكم ياربىلا تنسون
اللهم يا خالق النفس من النفس يا مخلص النفس من النفس يا مخرج النفس من النفس خلصني
انا كنت اقووله كلما يجيني الالك

وفي كل صلاه
اللهم اني اسالك حسن الهلق وهون الطلق

سورة الزلزلة

ابيك وما ابيك
انا قريت عن الاكسجين بس الي لعوزني الابره المخدره الي ضربتني اياها بالفخذ
هي اساس المشكله
وكنت كثير احاتي موضوع اني ما اصارخ وقت الولاده
والحمدلله ما صرخت غير لما الممرضه قصتني بالمقص علشان يتوسع المكان لخروج البيبي
وقتها صرخت بقووووه من الالم وع طول حبيب ماما طلع

حتى لما خلصت اسأل زوجي انا صرخت؟
لاني ما اذكر الي صار ابدا ههههههه

قال ما صرختي غير لما طلع البيبي
الحمدلله

ااااااخ اسمع حد يتكلم عن الولادة والله اتالم هداك اليوم كان متل الحلم بس تجربة تستحق التجريب خخخخخخ

اي والله انه نفس الحلم
وقت وعدى انا تسع ساعات ف الولاده مر عليي الوقت كانه دقيقه ما ادري عن الوقت
ولا توقعت ان صارلي ٩ ساعات داخل
كليوم اتذكر كل الي صار واحمد ربي الحمدلله الحمدلله اني طلعت منها بالسلامه
ماكره شي لمن اتذكر جهاز التخطيط صوته للحين مو رايح عن بالي اكره مافي الولاده صووته
ب صجج مااسااااااه

بالكي ... انه حصلو هالبروتين بعد بس انه كنت في الثامن وانتي التاسع .. الحمدالله شكري الله وااايد .. واالاجان بتلتهين

أنه قالو طبيعي وفي الاخير عمليه

وتصدقين نزلت الماي وانه 2 سانتي بس كلش مانتظرو علي مثلج

الساعه 12 الصبح عطوني الطلق الصناعي ... وعقبها بنص ساعه نزلت الماي وعقبها بنص ساعه قالت عمليه حسبي اله عليهم

وصج صج ذاك اليوم كاااااااااااااان مؤلم .. مو بس يوم ... الا 3 ايااام كنت احس بموت ... ولا كنت ادري بالوقت .. جني سكرانه ... واهذي واتخيل اهلي وزوجي

الحمدالله عدت ذيج الايام

والله لايراوي احد الي جفته .... ويبعد عنكم العمليه

يحليلك سكون
انا هددوني بالعمليه بس الحمدلله عدت على خير وولدت طبيعي الحمدلله
وبالفعل ما تحسين بالوقت ابدا يعني انا من ساعه 6 نزلوا علي الماي وكان منفتح 4 انش
وولدت ساعه 2 الفجر وكان رحمي منفتح 10 انش

حتى انصدمت من الوقت ياربي كيف مررر هالوقت بدون لا احس فيه ��

بس الله يخلي الابره المخدره كنت انام واصحى علشان كذا ما حسيت بالوقت ابدا

ابيك بالفعل صوت التخطيط اففففف كيف مزهج ويضايق بطني
اكثر شي كرهته خاصه اني كنت اركز ع دقات القلب
لا يخف صوتها
ولا يفوتك تعلمت طريقة كتم وتخفيص صوت جهاز التخطيط هههههه
من كثر ما حذوه ببطني :)

يالله بنات وقت نوم تصلحن على خير


قشطه طمنينا عليك عساك انتي والبيبي بخير :)

UPPPPPPP

صباح الورد
قصتك قريبة من قصتي بالكي
يالله اهم شي سلامتج حبيبتي
أنا الماي قليل على البيبي وكنت مفتوح ٢ سانتي
غلى طول نوموني ولوني تحت الملاحظة يومين ويعطوني فرصة وايني الطلق لكن بدون فائدة
واضطرت الدكتورة تفتح ماي البيبي علشان تحفز الرحم وتبدأ الولادة
ويبدأ الاكشششششششششششششن هههههههههههههههههه
كانت الساعة ٨ الصبح والآلام قوووووووية تروح اتيييييييييييي ااااااااه كنت بموت
والحمد لله على الساعة ٩ :٤٥
طلعت حبيبتي البدرة للدنيااااااااا
الحمد لله رب العالمين ما طولت اقل من ساعتين وشرفت بنوتي فديتهاااااا

وهذي باختصار قصة ولادتي
وعلى فكرة بنتي شقتني وقت الدفع وكانت الجراحة مؤلمة لانه جرح الدكتورة اخف الم وانه ما عطيتهم فرصة يسون لي توسعه
لأني كنت تدفع واهما ما يدرون أني بولد سويت لهم مفاجأة هههههههههههههههه
على الاخير صرحت بووووووش بووووووووش هههههههههههههه

شرايكم في أكشني

بانتظار باقي القصص من البنات



شخبار قشطة مافي خبر عنها
اعتقد خلاص ولدت فديتهاااا

سمحولي الكلام مخربط لأني اكتب من الآي فون

alf mabrooooooooook

كيف الحال؟؟
الف مبروك لكل اللي ولدوا......
اللهم حفظ لي ولدي من كل سوووووء و احفظ اولادكم
اليوم باكتب قصة ولادتي
انا قمت من النوم وكان فيني آلام بس ما توقعت انها بداية الولادة صليت الفجر وخرجت امشي وتسبحت وكانت الآلام منتظمة كل 10 دقائق وبدأت تزيدالالام وبدأت استوعب انها بداية الولادة رحت المستشفى و كان الرحم مفتوح 4 و كانت الساعة10 صباح وقالوا لازم اجلس في المستشفى
وكان الطلق من زيادة في زيادة وصار كل دقيقتين والساعة 2 ظهر كان الرحم مفتوح 4 بس لم يتوسع اكثر
والساعة 4 عصر الحمد لله اصبحالتوسع6
والساعة 5ونص صار 9 ونص ونزلت الموية وبدات الولادة
الحمد لله رب العالمين كانت كاااااااااااااابوووووووووووووس لا يمكن وصفه ....:089::089::089:
ورزقني ربي بيحيى حبيبي
سبحاااااان الله وكأن الوحدة تولد من جديد بعد الولادة
اللهم لك الحمد اللهم لك الحمد اللهم لك الحمد