تجمع الحوامل اللواتي سيلدن في شهر سبتمبر 9- 2012

سارونة عمانية;15896242:
صباح الخير حلوات

بالكي

لا تخافي ولا توسوسي خلي معنوياتك دوووووم:thumbs_up: انا ما حسيت بالام بالظهر و البطن بس صدري يعورني موووت:hysterical: من قبل لا اعرف اني حامل يعني تقريبا من الاسبوع الثالث.. هو طبيعي الم الصدر في الدورة بس هالمرة كان الم فظيع عجيب غريب.. الحين اخف بكثير بس لا زال احس بين فترة و الثانية مثل وخز الدبابيس:( و لما انام ما اقدر اتقلب براحتي يعوروني:(

بنات صايرة احس ملابسي تضيق علي:!!: المفروض ما يتغير المقاس من الحين صح.. بسبب الم الصدر و تغير الحجم صارت التيشرتات كلها ضيقة وما مريحة احسها تكتم على نفسي.. و البناطيل بعد.. سواء العادية او الجينز كثير ضيق و مااقدر البس خلاص.. كله كوم و البرا كوووووم ثاني ياربي:'( لازم بأسرع وقت اروح اشتري مجموعة جديدة لأن اللي البسهم صارو صغار:woo: اغلبهم يعني.. و تنانيري اغلبها فيها مجال تتوسع الحمدلله..

طبيعي هالشي؟؟ كل حد مستغرب يقول ما المفروض من الحين.. الله يعين كيف بصير مع مراحل الحمل المتقدمة:'(

ما اعرف شو لازم اشتري و اي مقاس؟ بكم اكبر عن مقاسي الحالي.. اريد توبات مريحة للدوام.. ان شاءالله باخذلي لفة هالويكند احاول اخلص هالامور..

سارونة عمانية;15896251:
و شي ثاني بعد.. اكلي ما صحي بالمرة:( زعلانة من نفسي بس ما قادرة اغصب نفسي اكل.. كل يوم اجيب معاي الدوام فواكه بس ما اشتهي اكل و اذا غصبت نفسي ف يدوب شوي و بعدين ارجّع.. كثير احس باللوعان لما آكل.. و ساعات شغلي طويلة من 8 الصبح لحد 5 المسا.. اجيب معاي سندويش و فواكيه و حليب و بسكوت.. اغلب الاكل يرجع مثل ما هو:( و ما آكل سلطة ولا خضار ما احب:( اوكي احب خضار معينة بالسلطة ما كل شي بس ما اشتهيييي بالمرة..


اشتهي الفاست فود و الشوكليت بكثرة و اكله بشهية كبيييييرة و ماا زوع بعدها تخيلوا:!!: بس امسك نفسي وما آكل كثير.. و ارجع البيت المسا مالي نفس اسوي شي.. الحين صرت اشتهي رز فأمر بعد الدوام بيت الوالدة اخذ من عندها و اتعشى بيه..

Jovee;15896517:

صباح الخير يا حلواااااااااات

اليووووم مزاجي راييييييق ع الآخر

سبحان مغير الأحوال خخخخ

بنات بقول لكم على اختراع يروّح اللوعة والغثيان

بنسبة ليي شي نتيجته سحرييييييية

أمس مثل ماقلت لكم

ياني صداااااااااع فظييييع

حسيت انه راسي راح ينفجر وعيوني تطلع لبره

بعدها ياتني اللوعة وحموضة في المعدة

وماكنت مشتهية أكل شيء وكنت طول اليوم منسدحة وما اتحرك

قمت سويتي لي شوّر سريع سبحان الله صج لين قالوووا الماء نعمة وسر الحياة

حسيت الصدااع خف اشوي بس الللوعة للحين

امي سوت ليي عصير ليمووون

الصداع عني راح بس الحمووووووضة زادت واللوعة بعد

بعدها سويت لييي السحر

شنو اهووو؟؟

خيار مع روووب (زبادي)

يمةة شنو سحرر

اللوعة راحت في دقايق ونفسيتي انفتحت على الكل

بنات انه اكتشفت عدة أشية

لين المعدة خلية مافيها أكل

الغثيان يزيد

ليش لانه نسبة السكر في الدم يقل وهذا يساعد على الغثيان والصداع

بنات حاولو دائما تاكلون اشية مفيدة ابتعدوا عن المقليات والدهون لانه يساعد بعد على الغثيان

وفي اختراع ثاني بعد يمنع الغثيان وهو الموووووز

لانه في فيتامين ب6

وهذا يقلل من الغثيان

بس بنااات انه انصحكم لاتخلوون معدتكم فاضية و هالله هالله بالروب والخيار خخخخ

ايي وخذيت حبوب عن اللوعة اسمه نودفكسين طبعا هذا أأمن وافضل نوع

آنين طفلة;15896539:
شخباركم بنات .. أني من قروب شهر 8 .. بس حبيت اسلم عليكم وأبارك لكم على الحمل والله يعينا ويعينكم على الوحم

بالكي;15894720:
هلا لينا
بس ليش حزينه :woo:

بنتك ما شاء الله بتكمل سنتين واكيد بتفرح بتشوف عندها اخ او اخت تفرح فيهم :thumbs_up:

يالله ننتظر تحليلك وعسى تكونين معانا بالتحمع ان شاء الله :adore:

L e e n a;15898647:
:D شكرا حبيبتي
انا عشان ما كنت مستعدة نفسيا :worn_out:
اخر اخباري اني سويت تحليل منزلي و طلعلي خط واضح و خط خفيف
و الله أعلم
عندي موعد يوم السبت ان شالله
و ربي يكتب الي فيه الخير
بس بدأت اتحمس :adore:
و بالنسبة للاعراض الي تقولي راحت لا تخافي
أول شي ترى يختلف من شخص لآخر
و بعدين بالنسبة لألم الظهر و البطن هذي تكون بس بداية الحمل
وقت تكوين الجنين
اتوقع كذا
و لا تحاتي شي
و ان شالله كل شي تمام

***

اتمنى جميعكم تكونوا بأفضل حال =)

***