« تجهيزات عرائس ' مصر ' لشهر صفر 1433 - 2011 م / الجزء : 168 »

ازيكوا يااحلى عرايس فى الدنيا وحشتونى خالص خالص بقالى فترة مش بدخل بس ادخل الاقى صفحتين بس والله زعلت فين ايام زمان لما كنا مش ملاحقين على القراية كلكم عاملين اية مش عوازة انسى حد خالص فيكم
نور بردة لسة مش ظهرت ربنا يطمنا عليها يااااااااااااااااااااااارب

koko_kromba;15906932:
ازيكو يا بناااااات ايه اخباركو غبت شويه بس مافيش صفحات جديده ليه كده
عموما انا مشغوله عشان بكمل كل حاجه ناقصانى
ربنا يكرمكوا زى ماقولتو بالضبط اطقم الفوط الى فى الازهر طلعت وحشه جدااااااااااا كلو مضروب بصراحه و الخامه وحشه اوى او الازواق بلدى انا بعد كده هسمع الكلام الى انتوا بتقولوه من غير ما اتكلم هههههههه
انا كنت شوفت الطقم ده خرافه فى محل سعودى اسمو واحه الجلابيه ليه فرع فى المعادى نايل مول و ستى ستارز كان بالف جنيه بس هو ده الاصلىىىىىىى بس طبعا غالى

المهم انا عملت زى ماقولولى بالضبط جبت برنس ليا مفرد خامتو حلوه جدا و لونو احمر بطيخى شبه بتاع سمر ههههههه
و جبت لخطيبى واحد بيج هما من برا قطيفه و من جوا قطن ينشف
و جبت طقم فوط شيك وفقتو انا مع نفسى :D على الوان حمام اوضه نومى بشكير كبير و فوطه وسط و فوطين ايد
منين بقى عارفين وسط البلد بيع المصنوعات بتاع زمان اتباع و بقى اسمو سنتر الرحمه تلات ادوار الدور التالت الفوط و لبس رجالى عاندو حاجات حلوه اوىى الى ماشتراش الفوط ممكن بروحوا
ااااااه و جبت بيجامه تحفه لخطيبى كانت جنب الفوط و سعرها تحفه كمان و خمس قطع بالروب و الشبشب و البيجامه معها بنطلون و شورت و سعرهاااااا بقى مش هتتوقعوه من نفس المحل هحطلكوا صورتها و فيه يجى عشر اشكااال و الالوان منها هى نبيتى فى اسود عشان انا جبت الاوف وايت خلاص فى عيد ميلادو الى فات من ابو عوف




سؤال بقى : انا جبلتو بيجامتين اهو و برنس الحمام فيه حاجه ناقصه اجبهالو و لا خلاص كده الباقى هو بيجيبو :D مش عارفه انا كده خرجت من الموضوع و لا ههههههه

جميلة ماشاء الله عليها بس كفاية كدة اعتقد هما الى المفروض يجيبو لينا اصلا هما هياخدونا وهياخدوا هدايا كمان هههههههههههههههه بصى ممكن ازازة برفان او اتنبن واشطة قوى كدة

Bota;15909583:
ربنا يتمملك على خير يا رورو :) بصى ياقمر
امسكى المفروشات
1- هاتى من 10-12 ملايه بين ساده ومشجر
2- وهاتى 4 فوط وش قطن ووش قطيفه للضيوف وهاتى 6 فوط قطن لاستخدامكم العادى وهاتى بشكير واحد كفايه وهاتى 2 برنص واحد ليكى وواحد ليه
3- وهاتى 2 بطانيه ولحاف ولو عندك اوضه اطفال هاتيلهم طقم اللحاف اللى بيكونوا اتنين مع بعض والمجد نوعة حلو اوى و 2 كوفرتة واحده فايبر وواحده قطن
4- وهاتى مفرش الستان بتاع الدخله وظبطى معاه من الملايات ملايه منهم تكون نفس لون المفرش هبقى شكله حلو اوى كده وممكن كمان تجيبى مفرش قطيفه شتوى بردوا ماركة المجد بردوا حلوة اوى فيه ولو عندك اوده اطفال ممكن تجيبلهم مفارش ستان بردوا بس دا حسبك انتى وماتنسيلهم طقمين ملايه بردوا كدا

1-مقشه نعمة ومقشة خشنة وجاروف
2- وجردل اللى شرشوبه بتاع المسح
3- ستارة البانيو ودوسات الحمام
4- طبق بلاستيك كبير علشان لو غاسله بطانيه ولا حاجه تحطيها فيه علشان تنشريها
5- طبق غسيل وسط علشان لو هتنقعى فيه ملابس
6- طبق غسيل صغير علشان لو هتغسلى حاجه واحده خفيفه كدا على اديكى
7-سلة زباله
8- مساحة
9- زعافة وريشه تراب
10- سبت للغسيل اللى مش نضيف
11- سبت تطلعى فيه الغسيل من الغسالة
12- طقم فرش الحمام

جميلة قوى مشاركتك ياقمر بجد حتى انا استفدت منها والله انا فعلا كنت عوازة اعرف اجيب بلاستيكات ايه وكماان لسة شوية مفروشات وخلصت كل حاجة متعلقة بالمطبخ والنيش

كوكى666;15911551:

السلام عليكم ورحمه الله وبركاته

ازيكوا يا احلى بنات مصر عاملين ايه التجمع نايم اوى كده ليه
كنت عايزة اعرف اجيب برا للفرح منين؟؟؟؟؟ونوعه ايه وبوش اب ولا عادى ولا مبطن ولا الناشف؟؟

انا كمان عاوزة اعرف خصوصا الناس الى ماعندهشم امكانيات زى ههههههههه:o

بنات هو الاوكازيون الشتوى بدا ولا لسة وعلشان يككون فى اقصاة بقى ننزل امتى نشترى لبس يعنى نص 2 مثلا ولا اول 2 ؟