تجمع حوامل وأمهات قطر لشهر صفر من عام 1433ه؛ الموافق لشهر يناير من عام 2012

السلام عليكم .. شخباركم .. مبروك الافتتاح الجديد .. ومبروك للحوامل .. والله ايتمم لكم على خير ..

صباح الخير
مبروك الجزء اليديد
الله يهون على كل حامل ويرزق من يتمنى يارب ..

صباح الخير ..

اخباركم واخبار بيبياتكم .؟ الله يهون ع كل حامل ويرزق من تتمنى .؟

كالعاده مهما بعدت وماشاركت .. فمصيري ارجع استشيركم او اخذ رايكم .. لاني اعدكم حسبة خوات

واثق برايكم ..


حبيت اسأل منو جربت الدكتوره اكرام بعيادة الدوحه .؟ هل هي ثقة .؟ او احد قبل جربها او راجع عندها .؟

لانها مقرره علي عملية ومتردده اسويها او لا .؟ اخاف تكون من النوع المادي ..

ولو ابي اتأكد من تشخيصها .. رشحوا لي اروح عند منو .؟



انتظركم :) ..

حايرة :
شفت تمي تبي في بيبي شوب حسيتها لينة و ممكن يتقبلها الياهل
من البداية بس لازم تجربين بعد وان شاءالله ماتتعبين
وعن الجدول لازم وحدة تمسكه


يغار :
ياامرحباا
افكر في الملحف مااعرف من وين اخذ ولا ابي شي غالي
وعن المراجعة : سويت تلفزيون عند مريم سلمان و سميرة رحت لها مرتين
و الولادة عندي اول موعد بكرة بس مادري عند من بس عقب باخذ عند خلود المسلماني ان شاااءالله


الزنبق :
اول مرة اسمع بهالدكتورة

عذاب
اميين يارب تسلمين لي
رحت بيبي شوب ماعجبوني الوانهم >.<
مدري من وين باخذ اخر شي يبيلي لفه ع المحلات


ذكريات
اهااا
انا ابي صغير حق فترة النفاس فبيت ابوي
بروح ان شاءالله وبشووفهم
تسلمين لي


يغار الحلى
انا اراجع عند سميره الطائي


دوحانيه
انا بعد حسيت مصاصتها لينه بس انا ماعرف خخخخ شكلي باخذ كذا نوع واشوف




انا ااخيرا خذت موعد فالولاده وعطوني تاريخ &#1633;&#1639;-&#1633; بكون اظن بداية الثامن او ع وشك ادخل الثامن
طلبت عند دكتور رياض
قالت لي بحطج في تيم الدكتور ريا ؟ شسالفه يعني ماعرف انا
بس احس تاخرت وايد لين مافتحت الملف

السلام عليكم

الي سألت عن هافااات الاستخدام الواحد احسن شي ماركة شيكو وينباعون في بيبي شوب.

عن المراضيع أنا استخدم تمي تبي بس مب من البدايه لانها تطلع الحليب بسرعه ؛ استخدم بايجون اول شهر او شهرين وبعدين اغير.

لا تغيرون المراضيع وااايد مب زين؛ يمكن الياهل يكره المراضيع.

عذبة

ما تشوفين شر حبيبتي ؛ شلونج الحين ان شا الله احسن

مساء الخير



مبروك التجمع الجديد


ويعطيج العافية ام الغاليين




بدور

مبروووك والله يثبته لج ان شاء الله





والله يهون على كل الكروشات ويرزق كل من يتمنى ان شاء الله

السلام عليكم

اخباركم ,, الله يتمم عليكم يارب

عندي استفسار ,
ابي اسم دكتور\ة استشاري لطب الاطفال وحديثي الولادة
يكون شاطر وفاهم

ميرسي :*

حايرة :
في مذركير يجيبون اسرة بيج اذا تحبين
وشوفي ماماز بعد الحين عندهم عروض



كيوت نوني :
ولدي وديته من البداية عند مهند عيادته في المعمورة
و عند محمد الدباغ في عيادة الاطفال في حمد

السلام علييكم

يغار انتي نفسي

صرت اكرهة الطلعة من اركب السيارة ادوخ واحس يصداع مش طبيعي


عشان جدي مب متحمسة وايد لسالفة التجهيز

مثل ماقلتي يغار البيبي اغراضة معروفة طلعة او طلعتين بتخلصين

بس في امهات يحبون ماشاااء الله ياخدون راحتهم


اما سالفة المفرش ماعندي مشكلة دوقي مش صعب اي لون يعجبني اخدة ونفس دوحانية مايكون سعرة غالي



دوحانية

انصحج في دكتورة خلود

وبقوة


تابعت عندها في سويرة
وماشاااء الله عليها ماقصرت معاي


واخلاق وحبوبة



ويمكن في السادس اتابع عندها ادا الله راد



تدورن ماكنت افكر بسالفة المراضيع وايد خخخخخخخخخخخخخ حيورتنا ماميز





عدوبة

ماتشوفين شر واجر وعافية يارب



الزنبق
هلا فيج مااعرف شي عن الدكتورة




نوني

مهند

الكيالي

مامون


يمدحون ها3

ماميز ياكثر مااسئل وسعوا صدوركم علي


بخصوص الخدامة المسيحية


شلون تتعاملون


معاهاا



جبنا خدامة فليبنية سمحة الاخلاق وطيبة حيل

وشوي كبيرة بسن بس شغولة وحبوبة


بس الكل يقول مايجوز تتكشفين عليهااا


وحرام ماتدخل الملائكة البيت



دخت وكاسرة خاطري ماودي اردهاا

وماشاااء الله لابس حجاب وماقالت مب لابسة


بس تعبت من الكلام

شنو تشورون علي

صباحكم خير وبركة

شأخباركم

حايرة
يالله بالتوفيق والله يعينج على سالفة اللف ع المحلات

ليلة حب ..
تسلمين من الشر يا الشيخه
شلونج وشلون العيال

كيوت نوني
الاستشاري في مجمع الحياة زين وباله وسيع
ويشيك على كل شي من أول مره
ويشرح لج بصبر وطولة بال حسيته فاهم وأتابع معاه بولدي
وماعليكم شر ان شاء الله

أم أمونه
الشر ما يجيج حبيبتى تسلمين والله

حيرتونا فعلاً مع سالفة المراضيع

أم أمونه
أنا من جبت شغاله ولازم وحده منهم مسيحيه هذا اذا ماكنوا ثنتينهم مسيحيات
نتعامل معاهم عادى نحسن لهم ونحترمهم
وأنا فى البيت على راحتى بدون حجاب وغيره
لكن ملتزمه بطبيعتى بملابسي قدام الخدم
يعنى ما البس عاري أو قصير لأنى أنا هالشكل موب لأن الشغاله مسيحيه

صبـــاح الورد F:


دوحانيــه

مرحبتين حبيبتي
بخصوص الملحف انا مب مستعجله عليه بنطر
ومثل ماقلتي ابي شي حلو مب غالي لان حرام ماستعمله وايد
انااا والله ودي في استشاريه اراجع عندهاا ,, شكلي بجربها الموعد الجاي


آم امونـه
آآه نفس الماساه الله يعينا ويسهل علينا :L:

بالنسبه للمراضيع
استعمل مراضيع بيجون بحلمات بيضا
ومن يبتدون بناتي يشربون 4 ارقام او اكثر اغير لايفينت

ام امونه
عادي حالها حال المسلمه ما يفرق شي
واا هي زينه وملتزمه باوامرج ليش تغيرينها
تضمنين ان اللي بتجيبينها بتكون صج مسلمه والا بس في الاوراق مسلمه ؟

مسا الخير
بنات وين احصل بوكسات حلوه حق هدايا ؟؟

مسا الخير
شخباااركم ماميز


دوحانيه
انا خلاص السرير العود شكلي باخذه من بوري مع الكبت بس السرير الصغير مب مستقره للحين>.<
لازم اروح ماماز اند باباز بس مافيني شده ع الدري



عذاب
تسلمين حبيبتي

مساء الخير F:


كل اللي باركوا لي ,, الله يبارك فيكم وما قصرتوا



يغار

حبيبتي أنا اتابع عند مها في عيادة الدوحة والولادة لدخلت الخامس ..
والتصوير مريم سلمان ..


أم نونه

نفس الموضوع أفكر فيه حالياً ..

شكرا عدوبة وشكرا كامي

الله يسخرها لنا


سؤال للموظفات


الحين اادا وحدة ماصارلها 5 شهور من توظفت

تقدر تاخد اجازة وضع 3 او 4 شهور بدون راتب


ولا مايصير بس مسموح لها ال 40 يوم