د\امونة;15870280:
ساسو .............الف سلامة على بنوتك , ربنا يطمن قلبك عليها ويشفيها يارب
ان شاء الله هتبقى زي الفل , ما هو التحليل بيتعمل في الاول عشان يلحقو الطفل ويعالحوه وباذن الله البنت هتبقى زي الفل
الله يسلمك ياحبيبة قلبى والله كل الناس بتقولى طالما البنت اتلحقت فبل ال 40 يوم يبقى النسبة هتتظبط ان شاء الله بس انا خايفة اووووى
ربنا يستر ويجيب العواقب سليمة
fulla2010;15870470:
انا النهارده روحت للدكتوره وكشفت عليا نسا والحمدالله فرحتنى شويه قالتلى البيبى نزل شويه ةعندك رحم طرى والراس نزلت الماردى اكتر من المره الى فاتت وقولتلها يا دكتوره هو حضرتك مش قولتيلى فى نص التاسع ان الرحم مفتوح قيراط قالتلى ااه كان مفتوح قيراك وقفل تانى قولتلها ازاى قالتلى ما الراس بتنزل وبتطلع تاانى
بس فرحانه المرادى شويه ان الرحم طرى شويه والرلااس نزلت زياده بس الرحم لسه مش فتح بس الدكتوره ادتنى مهله من هنا وهاروحلها للسبت تكشف نسا تانى يمكن الرحم يفتح ان شا ءالله هى قالتلى انا هاديكى المهله دى بس عشان الرحم لاقيته طرى شويه وربنا يسهلها باذن الله
اعده بخترع كل يوم امشى فييين والله ؟؟؟
سبحان الله انتى كنتى حاسة انك هتولدى اول التاسع وانا كنت حاسة انى هدخل العاشر
بس صدقينى يادودو انتى دلوقتى احسن استمتعى بكل لحظة فى وقتك ده انا كنت مستنية مووووووت
شوية المشى الى فى الاخر دول
ودلوقتى والله البنت عندها استشارة النهارده سبتها تروح مع ماما عشان ارتاح شوية
بجد الحمل ايامه حلوة اووووى وكلها امل وتفاؤل
ربنا يقومك بالسلامة يادودو ويرزقك ساعة سهلة
paradise rose;15870569:
ربنا يشفيها ويعافيها ياااااااارب طلعى صدقه بنيه شفاها ومتقلقيش خير ان شاء الله
ربنا يخليكى ياحبيبتى ويرزقك ساعة سهلة
انا مراة اخويا جابتلى النهارده لبس للنونه فرحت اوى الحمد لله جابتلى شايات نوعها بيبى كلوب بكباسين كدا مقاس نيوبرون وجابتلى شرابات عسوله ومخده الرضاعه
قولولى بقى ماركه بيبى كلوب دى حلوه اكمل الباقى منها ولا فى ماركه افضل ف الداخلى بتاع الاطفال
ربنا يكملنا على خير حملنا يارب ويفرح قلوبنا بولادنا يااااااااااارب
ياااااااااااارب انا كل الداخلى بتاع بنتى بيبى كلاب وكمان الكوفرتة والبطانية بجد ماركة نضيفة اووووى ممتازة بصراحة
فله ربنا معاكى يارب انتى بتدهنى النيبلز ايه دلوقتى
انا عايزة اقولك محدش دهن النيبلز ادى مانا دهنت وبرضه شققت واتعورت وبقت مخرمة
والرضاعة بالنسبالى عملية مؤلمة جدا
لدرجة ان البنت حست وسابت صدرى
لازم تشوفى حاجة كويسة اووووى
عشان تتفادى الى حصلى ده
بس والله احسن حاجة مريحانى
فى البهدلة دى البانثينول والكارباميد على بعض
basmatelislam;15869543:
ازيكم ياحوامل بقالى فتره مش بدخل
ساسو الف لاباس على بنوتك ويارب يشفيهالك ويطمنك عليها ياقمر
ربنا يخليكى ياحبيبتى ويحققلك كل الى بتتمنيه
emoooooo;15869400:
ساسو ملعش ياحبيبتي ربنا معاكي ويعينك وييسرلك امورك كلها يارب
ازيك ياحبيبة قلبى يارب تكونى بخير
وربنا يحفظلك لوجى ويخليهالك
.. Hopes;15868353:
فلة
ساسو
متقلقيش يابنتي ان شاء الله خير وألف مليون سلامة علي ريناد ربنا يشفيها ويعافيها يااارب
الله يسلمك ياهوبا ويقومك بالسلامة
عشان تنططى براحتك
ومع انى متأكدة انك هتيجى تقولى فين
يوم من ايام الحمل
عارفة انا النهاردة سخنت كوباية الينسون 3
مرات من كتر مانا مش فاضية اشربها
وماما عملتلى كوباية بليلة من الساعة 3
العصر وهى ع السفرة
وكل ما ادخل الحمام ماما تنده عليا
تقولى تعالى شوفى البت الى بتعيط
انتى معندكيش دم
كأنى كنت فى الديسكو
ده غير ان جوزى كل يوم بيجى بالليل من القاهرة الجديدة عشان بس يقعد معايا ساعة قبل ما ينام
اول ما نقعد نتكلم البنت تعيط اضطر اخدها واخرج من الاوضة عشان يعرف ينام
اقولك ايه ولا ايه ربنا يعينا بقى
وزة محمد;15868178:
ساسو الف سلامة على رودى وان شاء الله خير ومتسبيش نفسك لوسواس الشيطان واقريلها الرقيه الشرعيه وادعيلها كتير وان شاء الله تيجى تفرحينا ان النسبة اتظبطت
يارب يازوزو اطمن عليها قريب
انا مش بعرف اقرى الرقية عشان بحس انى لازم اكون طاهرة ومتوضية
بخلى ماما ترقيها
وسيبى موضوع الولادة ونزولك عند ماما على
ربنا انا كنت عمالة احضر انى هنزل عند ماما نص
التاسع
وفى يوم عاشورا كنت كده كده نازلة عند ماما
وقلت للراجل بتاع الغاز قبلها بيوم اوعى تتأخر عشان
انا رايحة اولد وزى ماتكون اتكتبت عند ربنا
لقيت الميه نازلة عليا مع انى كنت اول يوم فى
التاسع وكلمت الدكتور 8 الصبح قالى تعاليلى
انتى ولادة قلتله لا مش ولادة ورحتله 4 العصر
من كتر مانا مش مصدقة
وانا نازلة حمايا يقولى ابعتلك العربية
قولتله لا هركب مواصلات الموضوع بسيط لسه بدرى على الولادة
ونزلت عادى خالص لقيت انى المفروض اولد
وروحت على ماما ومكنتش جبت اى حاجة من البيت
ماما نزلت اشترتلى هدوم وغيارات
وخدت حقن وبعدها بيومين روحت ولدت
بعد اللوك لوك ده قصدى اقولك متخططيش لحاجة ومش تقلقى سبيها على الله
وهو هييسرلك الامور