شات حوامل مصر لشهر صفر

هوبس
البنات بتقول عن تجربه بس برده هيبقى ارحم
على الاقل هحس انى كائن طبيعى مش ديناصور ههههههههههههه
والله ساعات مبعرفش اقوم من على السرير بحس انى فيل
ربنا يعدى الشهور اللى فاضله على خير وبسرعه

انا كمان يا بنات مش بستريح فى النوم خااالص
مشكلتى بقى فى وجع جنبى اليميييييين
بيوجعنى جاامد اوى و حاسة انه املاح
ربنا يستر

:(

محبة_الرسول;15880753:
حمد الله ع السلاااااااامة
ربنا يبارك لك فى اياد يااارب
ويجعله ذرية صاالحة :)

حلو اووى اسم اياد :D



ميجوو
ربنا معااكى ياارب طمنينا عليكى اول ما ترجعى



هدى
اززيك فيينك ي ابنتى مختفية ليه
اخبار الحمل ايه ؟؟




مانشى
ربنا يسهلك ياارب وييسر لك الخيير طبيعى او قيصرى
:)



امنية
شكرا يا قمر على معلومات الحقنة
وجمييل اوووى صورة الطقم اللى انتى حاطة ده
بس مش عارفة منين :celebrate:

ازيك انتى يا علياء انا مش مختفية ولا حاجة انا بس الغثيان و البرد و بيلللا مخلصين عليا الحمد لله

salamtek ya huda ....

الف سلامه عليكى ياهدى ربنا يعينك

انا بقى مابعرفش انام على جنابى اليمن دا نسيت النوم عليه من اول الحمل والشمال لو نمت عليه احس ان بطنى كلها كلبشت فى بعضها واتوجع اووووى امبارح مكنتش عارفه اقوم كنت نمت ع جمبى الشمال وقفش عليا

طول اليوم نايمه على ضهرى ههههههه المشكله بقى انى بحس انى مخنوقه ومش قادره اخد نفسى خالص بتنفس زىى اللى بيجرى ف التراك بنهجان ومن كتر النوم ضهرى بيوجعنى ببقى نفسى انام ع اى جمب اريحه مش بعرف

ربنا يسترها معانا كلنا ويكملنا على خير ياااااااااارب

شوفوا الفيديو دا
http://go.3roos.com/9rq2mzuqs3j-زجاجات-الرضاعة---6---تاتا-تاتا-17389/

عايزه اعرف بقى اخر واحده دى نوعها ايه

هبه و سلمي انتوا لسه شوفتوا حاجه ده لسه التامن و التاسع حاجه بشعه بجد انا فعلا مبقتش اناااام خالللص بجد التاسع ده صعععععب اوووي ربنا يهونها علينا جميعا يارررررب

الله يسلمكم يا بناااااات ياااااااااارب

وبخصوص قصة ولادتى

روحنا المستشفى وخدو تفاصيل وكل التحاليل الى عملتها قبل كده وكله كان بيستغرب انى عديت التاسع ب5 ايام كده

المهم ادونى لبس كده الى مش بلبس تحتيه حاااجه خالص المهم دخلت على الحمام ولبسته بالبنويه ببتاع الرجلين والحمدالله كان معاه شورت ههههههههههههههههههه ولبست فوقيه الروب
الدكتوره جات قالت تكشف عليا نسا لعل وعسى يمكن الرحم يكون مفتوح كشفت قالتلى ده مقفول خاالص والراس طالعه لفوق عن قبل كده كانت نازله المهم اتوكلنا على الله وقولنا قبصرى
المهم جابو نقاله كده قولتلهم مامشى على رجلى احسن وبهزر عاادى قالولى لا ماينفعش قولتلهم مااشى خادونى وهنا كانت اصعب لحظه بجد خاادونى ومافيش حد يدخل معايا الاسانسير غير الدكاتره الى هاتعمل معايا العمليه حتى جوزى قالو لا حتى قولتلهم اخد المصحف قالولى لا المهم خادونى ودخلنا على العمليات دى وكنت عادى بهزر مع الراجل الى بيركب كولونه دى ولا اسمها ايه بتاعة المحليل دى والدكتوره التخدير جات قالتلى عايزة كلى ولا نصفى قولتلها مش عارفه ايه الاحسن قالتلى شوفى انتى عاوزه ايه انا دكتورتى كانت عارفه انى عايزة نصفى عشان الكل بيشكر فيه عن الكلى وقبليها كان دكتور النسا المناوب كان بيقولى النصفى طبعا احسن ومافيش حد بيستخدم دلوقتى الكلى غير فى العمليات الكبيره بس دكتورتى انا كانت بتقولى انا شايفه ان الكلى احسن بس الى انتى عايزاه برضو المهم اتكلت على الله وقولت نصفى المهم اعدونى كده وراسى لازقه فى صدرى قبل ما يدونى الابره الدكتوره حاطت مسكن موضعى عشان شكة الابره فامسحتش اوى بيها وبعد كده حاطت الابره دى فى ضهرى حسيت ساعتها بكهربا خفيفه فى رجلى بتروح وبتيجى قولت للدكتوره قالتلى عادى انتى لازم تحسى كده اساسا المهم بعد كده نمت وبدات ماحسش برجلى خالص وواحده وواحده بكل الجزء التحتاانى ده والدكتوره بدات تشتغل ومش حاسه باى حااجه وانا عادى مفتحه عينى وجمبى دكتوره التخدير قالتلى لو حسيتى باى حاجه قوليلى قولتلها ماشى بصراحه كانت معاملتهم حلوة اوى فى المستشفى رجاله وستات والدكتوره بدات وعادى وحسيت انها بدات تطلع ايوده حبيبى من بطنى وبينزلو رجليه من عند تحت ضلوعى كده عشان تطلع هههههههههههههههههه وانا هنا بدات احس بضربات قلبى بدات تزيد وعرقانه خاالص قولت للدكتورة التخدير بتاعتى وروحت قولتلها بالمره ادينى حاجه تدروخنى شويه او انام حبه كده وهى قالتلى حااضر وقد كااان وبصراحه ده كان احسن حل لان كانت اعصابى بتتوتر لما ضربات بيتزيد اكمنى ضعفانه اساسا ولاون ماعنديش انيميا اصلا بس انا كده المهم الدكتورة ادتنى حاجه دروختنى شويه او شعور عامل زى ما اكون عايزة انام والنوم كابس عليا كده وكنت حاسه بكل حاجه والكلام وكنت بتكلم كمان معاهم المهم طلعو اياد وصرخ وقالو وروه لمامته وورهونى وجريو بيه بره عشان ينضفو ويلبسو وكده والموضوع ده ماخدش ربع ساعه
انا الى طولت فيه بقى موضوع الخياطه وهنا بقى انا سبتهم وقولت انام احسن وخلاص وفعلا نمت انام واصحى الاقيهم لسه لغاية لما قالولى خلاص وطلعونى على غرفتى ونيمونى على السرير وعادى ماكنتش حاسه باى حاجه بس كنت مدروخه شويه برضو وكان فى الم خياطه بس بسيط صراحه يعنى عادى تقدرى تتكلمى وتضحكى عادى اعد بتاع ساعتين كده وكله فرحان وضيوف جم وكده وهنا النيرسات قالولى يلا حضرى نفسك عشان هنقومك تستحمى قولتلهم ماشى جم قااومونى قالولى لو حسيتى باى حاجه دوخه وانتى بتقومى قولى قولتلهم ماشى وجايه ااقوم ولاقت الدنيا اتقلبت بيا ومش عارفه اخد نفسى اكمنى صايمه طبعا المهم قالولى اعدى ريحى وصبرو ععليا فى تانى قومه كانت الدنيا تمام ولما بدات امشى الحمدالله واحده واحده بدات اتحسن خادونى حممونى وطلعت قالولى الدكتوره بتقولك طالما قمتى ماتعديش على السرير اعدى على الكرسى وكلى وبعد كده اتمشى شويه قولتلهم مااشى اكلت حاجه خفيفه زى ما الدكتوره قالتلى سندويتش جبنه وزبادى وتفااااح والدكتوره اكدت على التفاح ده لانى ضعفانه والحمدالله واحده واحده بقه كله تمام بس كان لازم حد يشدنى لما ااقوم ماكنتش بعرف ااقوم نفسى

ااه نسيت ااقول حاجه بخصوص مساج البطن او الدوسه الى بتقولو عليها دى انا كانت كل نيرس تيجيلى تقولى مساج بسيط بصراحه هما كانو كويسين اوى وكان بيعملو فعلا مساج خفيف فىالاول لغاية لما يبدئو يجمدو واحده واحده وهنا انا كنت بمسك ايديهم بقولهم خلاص وهما بقولولى طيب خلاص ويمشى وجات واحده تانيه برضو عملت نفس الموضوع وجه برضو دكتور نسا عمل نفس الموضوع وبيقولى ده مساج وكان الاول خفيف برضو وبدا يجمد وانا برضو مسكت ايديه هههههههههههههههه قولتله خلاص رااح قالى طيب خلاص هههههههههههههههههههه

اااه كمان لما جم وقاومونى ماكنتش عارفه انى متوصله بكام حاجه كده حاجه اسمها درنئه تقريبا دى كانت عامله زى بتاع بلاستيك فيها دم وخرطوم متوصل بالجرح دى فضلت معايا يوم وكانو عاملين برضو استرا عشان لو عملت حمام طبعا وببتاعه كانو حاطينها فى المهبل برضو هههههههههههههههههه

وكمان ادونى لبوستين بعد العمليه وباقت ااقوم بعد كده عادى اعمل حمام واجى عاادى بس لازم حد يسندنى طبعا

ااه وكمان طولت فى الخيااطه لان الدكتوره جات وقالت بعد كده لماما انى جلدى خفيف اوووى وكانو كل ما يخيطو ليا الجلد يتفتت والخياطه تفك انا اصلا كنت صعبانه على الدكتوره اوى واعدت تقول لماما انتو مش بتاكلوها بروتين الجلد كان بيتفتت بتاعها لان جلدها حساس اوخفيف اوى وكمان قالت لماما ان عضلات بطنى ضعيفه اووووى وده ممكن يكون السبب ان مافيش عضله قويه تعمل طلق او تطلق زى ما بتقول مع العلم يا بنات ان ماعنديش انيميا اصلا والهيموجلوبين عندى 13 وبرضو كنت صعبانه على الدكتوره لانها كانت عارفه ان كان فى طبيعى وكان كل حاجه مساعده طبعا بس ماكنش فى طلق

والدكتوره جات تانى يوم غيرتلى على الجرح وشالت الدرنئه دى وجابت حزام بطن ولفت بطنى بيه لان بطنى كانى لسه حامل وكمان عشان مافش عضلات قويه تلم البطن دى وبصراحه حزام البطن ده تححفه ريحنى اوى وريح ضهرى

وبخصوص ابرة الضهر هى حلوه صراحه وماحستش باى حاجه بس قولت بعد كده بدل ماكنت قولت للدكتوره ادينى حاجه تنيمنى شويه او تردوخنى كانت تدينى الكلى احسن بس انا كنت خايفه من الفوقان بتاع الكلى لان كله كان بيقول عليه ان فوقانه منه وحش اوى

وبس والحمدالله قومت بالسلامه انا وابنى اياد عقبال كل الحوامل ياااااااارب

والدكتوره بعد كده كتبتلى على مسكان ومضادات حيويه قبل ما اروح بيتى

وبصراحه لبوس الفولتارين ده تحفه مش بيخلينى احس باى حاجه الا خفيف طبعا

وهافك الخياطه يوم السبت ولا الاحد وربنا يسهلها يارب

وهنا خلصت معاناتى مع الجرح وبدات مع اياد وصريخه ربنا يعنى ياارب انا وكل ام يارب

emoooooo;15875543:
هههههههههههههههه ياعيني يابوسي ربنا يستر انا برده عامله لسته ممنوعات لجوزي كده و لوجي نايمه لحد مااتخنق مني ومنها وانا بقيت انام واقفه دلوقت ههههههههههههه من ال ورتهولي بنتي والله هتربي ع ايديها من اول وجديد

انا كنت والله برده هقول كيتي كانت جايبه طقم زي ده بالضبط مع اختلاف الرسمه

بقولكم صحيح حد استخدم الكاريير من عمر شهرين انا جبتها وشلت بنتي فيها 3 او 4 مرات تقريبا ف البيت ضهرها مسنود وببقى حاطه ايدي برده ف ضهرها ياترى ده غلط ؟

ايمو بلاش كاريير غير لما لوجي تكمل 3 شهور ,,,انا جيبته في تجهيزات البيبي بس مكتوب عليه +3 Months

مانشي;15877167:
ألف حمدا لله على سلامة فلة و اياد

ربنا يتمم نفاسها على خير و يبارك لها في اياد ياارب

تسلمي يا ساسو انك طمنتينا

ربنا يشفي بنتك و جوزك و يطمنك عليهم يااررب


انا دخلت التاسع الحمد لله يا بنات

و الدكتورة لقت ان البيبي مش في وضع طبيعي

يعني راسها لسه فوق

فبتقول اسبوع لو مش خدت الوضع الطبيعي هنعمل سيزيريان إن شاء الله

هي طللبت مني سونار في مركز اشعة كرأي تاني على رأيها عشان نحدد الموضوع هيبقى ايه

و كمان قالت لي الميه قليلة و اشرب سوايل كتير

ادعولي

انا سيباها على ربنا الحمد لله بس خايفة حاسة اني مش مستعدة نفسيا للولادة

ربنا كريم

مش تنسوا تدعولي معاكم

عادي ياحبيبتي وضع البيبي ممكن يتغير في لحظه المهم بس سيبيها على ربنا وادعي كتير ان ربنا يكتبلك اللي فيه الخير سواء طبيعي او قيصري

LdayDo;15878153:
أدعولى ربنا يهدينى ويفك كربى انا فى كرب شديد

ربنا يهديكي ويفك كربك يارب

((K~A~T~O));15880806:
ازيكم يا بنات اخباركم اية


فلة حمد لله على السلامة يا حبيبتى انتى واياد ربنا يباركلك فية يارب

انا مش عارفة اتابع معاكم يا بنات حاسة انى بمر باكتئاب حمل جامد مش طايقة حد ولا طايقة اميرة وبتعصب عليها جدا وبتلكك على اى حاجة لجوزى واتخانق معاة مش عارفة بجد اعمل اية دة غير الصداع عندى مستمر ومش بحب اخد الدوا بتاع الصداع كتير والارق مش بعرف انام خالص
نفسى بجد اولد واخلص انا فى اميرة سواء الحمل او بعد الولادة مافيش اكتئاب خالص الحمل دة غريب بجد اكتئاب من اولها

كاتو ده طبيعي ياحبيبتي علشان المره دي فيه شغل البيت واميره وجوزك يعني فيه حمل تقيل على كتافك وكل ده بالاضافه لتعب الحمل ....ايه رايك تروحي تقعدي عند اهلك كام يوم تريحي شويه ويشيلوا اميره عنك شويه ؟؟

دينا مبروووووووووووك يامعلم وبجد فرحتلك اوي والحمد لله ان ربنا سترها معاكي وكانت ولاده سهله وميسره وربنا يباركلك في اياد يارب ويعينك عليه

فللله اللف حمد الله علي سلامتك يا حبيبتي بس قوليلنا ديه مستشفي ايه ؟؟؟ شكلهم كويسين اوي هناك ربنا يتم نفاسك علي خير يارررب و يخليلك اياد و يباركلك فيه يارررب

fulla2010;15883746:
والدكتوره بعد كده كتبتلى على مسكان ومضادات حيويه قبل ما اروح بيتى

وبصراحه لبوس الفولتارين ده تحفه مش بيخلينى احس باى حاجه الا خفيف طبعا

وهافك الخياطه يوم السبت ولا الاحد وربنا يسهلها يارب

وهنا خلصت معاناتى مع الجرح وبدات مع اياد وصريخه ربنا يعنى ياارب انا وكل ام يارب

حمد الله على سلامتك يا قمر ربنا يتم نفاسك على خير

يا بنات انا روحت لدكتورة أستشارى أمبارح عشان أتابع معاها وحكتلها الحكايه من أولها وقالتلى انى مكنش المفروض اخد المضاد الحيوى اللى خدته قبل ما اعرف انى حامل
وحسبتلى انى فى 7 اسابيع زى حسبتى وطلبت سونار اعمله بره لأن السونار عندها بايظ
روحت عملت السونار فى مركز التيسير لقيت الدكتورة بتاعة السونار بتقولى الكيس ده أصغر من 7 اسابيع
السونار مطلع انى فى 5 اسابيع بس راحت قالتلى نعمل مهبلى ونحاول نشوف النبض قولتلها اوك عملنا مهبلى مبنش حاجه بردو قالتلى تعالى بعد 10 ايام
انا قلقت هو كده التبويض يبقى أتأخر قوى

حاجه كمان دكتورة النسا قالتلى اخد الفوليك أسيد مرتين فى اليوم ده عادى؟؟

فلة ... حمد الله على سلامتك و ربنا يحميلك اياد و يفرحك بيه يارب

دودى...@ رحتى لدكتور و لا لسه ...؟؟؟ طمنينى؟؟

أجمل ايام العمر;15883882:
فلة ... حمد الله على سلامتك و ربنا يحميلك اياد و يفرحك بيه يارب

دودى...@ رحتى لدكتور و لا لسه ...؟؟؟ طمنينى؟؟

روحت شوفى ردى اللى فوق
انتى عامله ايه ناو ولسه الغثيان ربنا يهون عليكى

دودى متقلقيش ... انا لما رحت للدكتور اول مرة كنت حاسبة انى 8 اسابيع و شوية قاللى ده كيس 6 اسابيع ... قلتله طيب باين حاجة قاللى باين كيس حمل باس ولا باين جنين ولا نبض قلتله طيب نعمل مهبلى قاللى مش هيبان حاجة برضه تعالى كمان اسبوعين و ان شاء الله خير

وفعلا لما رحت بعدها باسبوعين بسونار البطن العادى شاف البيبى و سمع النبض الحمد لله عقبالك يارب

و الفوليك اسيد مفيش منه ضرر لان الجسم بياخد حاجته و الباقى بيتخلص الجسم منه عن طريق البول

ربنا يطمنك يارب

الغثيان خلاص هيموتنى يا دودى

هدى جزاكى الله خيرا طمنتينى ربنا يقومك بالسلامة

ربنا يهون عليكى يا حبيبتى يارب