« تجهيزات عرائس ' ليبيا ' لشهر الصفر سنة1433هالجزء : 26»

سؤال مخالف
حبيبة عصوم وين بالضبط المحل متاع بدالي الرقص ياريت تزيدي تشرحي
وخيتي روزة اكرم ربي يهنيك ويسعدك ياااااارب قوليلي بقداش فاطمة شعيب؟

اللهم انت ربي ، لاالـه إلا انت ، خلقتني و انا عبدك وانا على عهدك ووعدك ما استطعت ، اعوذ بك من شر ما صنعت ، ابوء لك بنعمتك على وابوء لك بذنبي فاغفر لي ، فإنه لا يغفر الذنوب الا انت

سؤال مخالف لعروستي : شنو اسمه المعجون المبيض الي حكتي عليه من قبل ؟ وين نلقاه ؟ وكم سعره ؟

السلام عليكم

اولا: انا متزوجة من سنة و من خلال تجربتي لو في عيوب ما نقولوش عيوب انقولوا حاجات مش عاجبتنا في بشرتنا راهو المكياج كفيل بتغطية كل شي لو كان ما عندكش وقت للعلاج او جلسات التجميل لان الطبقات اللي تستخدم فيها المزينة قريب تغطي حتى الملامح;)
اللي تبي مزينة انا مشيت لسهى وطلبت ان المدام هي اللي اتمكيجني و انا حجزت عندها الحفلة والمحضر وكان فوق ما نتصور خليتها هي اللي اتحط لي على ذوقها التسريحة والمكياج حاجة مش عادية اللي دارت لي التسريحة مش متفكرة اسمها بس هي بنية سميرة ملامحها رقيقة تهبل وشهرها قصير اكيد مغيرة شكلها توا:D بس الحواجب لالالالالالالالالالا ردو بالكم اديروهم في سهى امشو لمزينتكم المعتادة
اللي تبي صبغة شعر حلوة ما حصلتش تمشي لمدام رجاء في مزين زهرة لبنان في بن عاشور وادير في فرد لوريال مش عادي.


سؤال مخالف:

وتوا عندي طلب بسيط نبي رقم مزين لمسات اللي في بن عاشور:rolleyes: عاااااااااااااااااااااااااااااااجل


واللي تبي اس استفسار انا في الخدمة لان في حاجات هلبا نشروا فيها وتقعد من غير استعمال

بس خلاص....وسلامتكم:L:F:

طرابلس+بنغازي;15887570:
السلام عليكم

اولا: انا متزوجة من سنة و من خلال تجربتي لو في عيوب ما نقولوش عيوب انقولوا حاجات مش عاجبتنا في بشرتنا راهو المكياج كفيل بتغطية كل شي لو كان ما عندكش وقت للعلاج او جلسات التجميل لان الطبقات اللي تستخدم فيها المزينة قريب تغطي حتى الملامح;)
اللي تبي مزينة انا مشيت لسهى وطلبت ان المدام هي اللي اتمكيجني و انا حجزت عندها الحفلة والمحضر وكان فوق ما نتصور خليتها هي اللي اتحط لي على ذوقها التسريحة والمكياج حاجة مش عادية اللي دارت لي التسريحة مش متفكرة اسمها بس هي بنية سميرة ملامحها رقيقة تهبل وشهرها قصير اكيد مغيرة شكلها توا:D بس الحواجب لالالالالالالالالالا ردو بالكم اديروهم في سهى امشو لمزينتكم المعتادة
اللي تبي صبغة شعر حلوة ما حصلتش تمشي لمدام رجاء في مزين زهرة لبنان في بن عاشور وادير في فرد لوريال مش عادي.


وتوا عندي طلب بسيط نبي رقم مزين لمسات اللي في بن عاشور:rolleyes: عاااااااااااااااااااااااااااااااجل


واللي تبي اس استفسار انا في الخدمة لان في حاجات هلبا نشروا فيها وتقعد من غير استعمال

بس خلاص....وسلامتكم:L:F:

رد وسؤال مخالف:

حبيبتي ربي يهنيك ان شاءالله
بس يـــــــاريت تقولينا شن هي الحاجات اللي انتي شرتيها وقعدت ما استعملتيهاش ، باش نديروها احنا في بالنا يا اما مانشروهاش او مانكتروش منها ,, حكم تجربتك طبعا

السلام عليكم

اهم حاجة تركزو فيها يا حلوات

- الوشاحات : ما تشريش اي وشاح الا لازم لازم لازم يكون عندك ليه لبسة والا حتلقي كدا وشاح يتيم:'( من غير لبسة....ولما يكون عندك لبسة معينة اشري لها وشاحين او تلاتة للتغيير.

- المكياج : اياكي ثم اياكي شراء اطنان من المكياج لان ببساطة في بداية حياتك لما ايجيك عرس اكيد مليون في المية حتمشي لمزين يعني اشري قطع معدودة للطلعات و الزيارات العائلية وردي بالك تنسي يكون عندك مكياج نهاري لزوم طلعات الصبح.

- الروائح : لاحظت ان هلبة بنات يشرو ويكترو اكتر من نوع ليش خلي عندك ريحة وحدة هي الاساس حتى زوجك يحفضها ولو شمها في مكان تاني يتفكرك على طولF:
انا عن نفسي عندي ريحة مسائية ناعمة وهادية جدا غير مزعجة اندير فيها قبل النوم وتوا لما كملت اندور فيها

وللطلعات اشري وحدة للنهار و وحدة لليل راهو ممكن يكونو من نفس الماركة

يعني هكي تبيلك حوالي 3 ريحات فقط لا غير اهم شي اهم شي لما تبي تشري الريحة اشري اصغر حجم لانه ممكن مع الاستعمال تكتشفي ان الريحة ما عجباتكش او زوجك ما حبهاش او ممكن ربي يرزقك وتحملي على طول وتبدي مش طايقتيها زي ما صار امعاي:sick:

- الكريمات : ما تكدسيش ارجوك لان مع الزواج بشرتك وشعرك الحمد لله حالهم حيتحسن:o فاهمين قصدي اكيد...يعني ركزي على الترطيب وبس وما فيش زي زيت جونسون وما تقولوش زيت:mad:لانك حديري دوش غالبا الليل بعد ما يكون زوجك مش في حاجة ليك ( فاهين اكيد) او في الصبح وانت متوكلة على ربي للعمل او الدراسة او لو كنتي ربة بيت حيكون زوجك في العمل وهادي طريقتي خودي زيت جونسون امتاع الصبار اللي مغطته خضرا ريحته حلوة او لو عندك العادي اللي من غير ريحة حطي له قطرة او اتنين من اي ريحة زيتية اتكون حلوة
ولما اديري الدوش يا حنة قبل ما تنشفي جسمك ادهنيه بالزيت والبسي روب الحمام ويا دوب على ما مشطي اول جففتي شعرك وضميتي حوسة الحمام حتلقي ان جسمك امتص الزيت كله وشوفي بشرتك وادعي لي

بس خلاص وسلامتكمF::L:

انا في الخدمة لي استفسار

رد مخالف لطرابلسية بنغازى حبوبة بحكم خبرتك كم لبسة طلوع صيفية وشتوية محتاجوا وكم روب بصراحة فيه الى يوصلوا للمية لن تنخلعى ياريت تقوليللنا

رد مخالف طرابلسيه بنغازي صحيتي علي نصايح بس ما جاوبتينيش كم لبسه طلعه صيفيه وشتويه

سؤال مخالف لعروسة ليبيا وبنات بنغازي
شن الحاجات اللي ممكن ناخدها من بنغازي ومافيش في طرابلس أو تكون في بنغازي ارخص لأن صاحبتي بتمشي الايامات الجاية نبي انوصيها علي حاجات...شارع الوكالات هكي اسمه ؟ ما ليشي اسم تاني؟

السلام عليكم

سؤال مخالف
يابنات نبي منكم مساااااااااااااااااااااعدة نبي نصيحتكم في ..... امتع البروجكتر مثلا اغنية لعرس ماما وبابا
......لما انا جيتهم هههههههههههماهو انا اول العنقود هههههههه
وبعدين لما كبرت شوية مثلا
وبعدين لما خشيت الجامعة وتخرجت
ولما صوري في عيد ميلاداتي
وصوري مع ماما وبابا وحنينة والعويلة
وصوري في البيان مثلا وافكار زي هكي بالله ساعدوني

اميرة ليبية;15891168:
السلام عليكم
يابنات نبي منكم مساااااااااااااااااااااعدة نبي نصيحتكم في الاغاني امتع البروجكتر مثلا اغنية لعرس ماما وبابا
واغنية لما انا جيتهم هههههههههههماهو انا اول العنقود هههههههه
وبعدين لما كبرت شوية مثلا
وبعدين لما خشيت الجامعة وتخرجت
ولما صوري في عيد ميلاداتي
وصوري مع ماما وبابا وحنينة والعويلة
وصوري في البيان مثلا وافكار زي هكي بالله ساعدوني

وعليكم السلام ورحمة الله وبركاته
رد مخالفة
اني مش حنقدر نفيدك بالاغاني لكن حبيت نقولك على لقطة درتها في ريبورتاجي وعاجبتني
صورتني المصورة فيديو واني نتمشى على شط البحر..وبعدين بفتحت مفكرة..كنت اني ملصقة فيها كارت عرس بابا وماما ..وصور عرسهم ..وصور واني صغيرة..الكاميرا ركزت عليا وبعدين على المفكرة لما انتفحت وبعدين على اول صور..وبعدين خشت في الريبورتاج وبقية الصور..ان شاء الله تكوني اتخيلتي اللي نقصده..وفي الحقيقة كانت حلوة ومميزة اللقطة ..

سؤل مخالفه

العطر هذا ريحته قوي او خفيفه وتنصحوني بيه او لا

كالفن كلاين النسائي

http://go.3roos.com/sti6oo4hjib

السلام عليكم ورحمه الله وبركاته

ليس هناك من عروس الا ومرت بحالة من التوتر التي تسبق موعد زفافها بأيام او بأشهر،وتزداد باقتراب موعد الزفاف.فتصبح العروس عصبية ومتوترة واما تفقد شهيتها على الطعام او تشعر انها غير قادرة على السيطرة على شهيتها ...

وتوتر العروس هو شعور طبيعي تعيشه كل صبية في هذه المرحلة من حياتها،لكن يجب ان لا يترك للتوتر مجالاً للسيطرة على حياة العروس وليحرمها من اخر ايام تمضيها في منزل اهلها بسعادة...

ومما لا شك فيه ان التوتر والخوف يزيدان قلق العروس في يوم زفافها مما يؤدي في بعض الاحيان الى منعها من الاستمتاع بليلة العمر المميزة خاصة اذا وصلت لهذا اليوم وهي تشعر بالتعب والاجهاد الامر الذي سيفقدها بريقها وحيويتها.

من هنا لا بد من تقديم افضل النصائح لتخليص العروس من توترها :

النوم ساعات كافية حتى يحصل الجسم على الراحة الضرورية،وتحصل البشرة على الاشراق والتوهج.

تناول الطعام الصحي الغني بالفيتامينات الضرورية لنشاط وحيوية الجسم،والاكثار من تناول الخضار والفاكهة،وشرب العصائر الطبيعية والابتعاد من الاكل السريع والمشروبات الغازية .

التركيز على المأكولات والمشروبات الغنية بالفيتامينات والمعادن المسيطرة على التوتر والمحاربة للاجهاد مثل الموز ولحم الدجاج والسمك والحليب الخالي من الدسم وعصير البرتقال والفراولة والبطاطا والاناناس.

شرب كمية وافية من الماء يومياً، لتحسين اداء الجهاز الهضمي لدينا وصيانة جمال البشرة.ولتخليص الجسم من السموم الموجوده فيه والتي تزيد من توتره.ولابعاد العروس عن ترطيب جسمها بالمشروبات الغازية غير الصحية .

التركيز على تناول المشروبات الساخنة مثل شاي اليانسون والبابونج والنعناع والخزامى.

تناول الوجبات الثلاثة بانتظام ويومياً .

الابتعاد عن المشروبات التي تزيد التوتر والتي تحتوي على السكر والكافيين مثل القهوة والشاي والمشروبات الغازية،فانها تتسبب بالتوتر الشديد خاصة اذا اخذت بكميات كبيرة.

ممارسة رياضة المشي والهرولة في مكان ما في الطبيعة .فالتمارين الرياضية تخلص الجسم من التوتر وتمده بالراحة.

الابتعاد لساعة او اثنتين يومياً عن كل ما له علاقة بتفاصيل حفل الزفاف والتحضيرات،مارسي اي من هواياتك بكل سعادة.

كوني منظمة وتعاطي مع الايام التي تسبق يوم زفافك بكل هدؤ وتنظيم،فكلما كنت منظمة كلما اصبحت قادرة على التعاطي مع التفاصيل بسرعة واتقان.

قسمي مهمات تحضير حفل الزفاف على القريبات والصديقات المقربات وحتى على اهلك وشريكك،فاذا تولى كل واحد منهم مسؤولية صغيرة فأن لائحة المهمات اليومية التي عليك القيام بها ستصبح اصغر.

اخضعي نفسك لجلسات تدليك رائعة تخلصك من التشنجات التي تصيب جسمك.فأنها ضرورية لكل عروس للحصول على الراحة النفسية والجسدية معاً.

كوني سعيدة،وفكري بايجابية بهذا اليوم،وانظري اليه من منظار اخر،انه اليوم الاسعد في حياتك وعليك ان تكوني مشرقة فيه لا متوترة.

*كيف تعرف العروس اذا كانت تعاني من الاتوتر والتعب والاجهاد:

من اهم العوارض هي:
الارق وقلة النوم.
وجع في الرأس.
وجع في المعدة.
قلة التركيز.
العصبية الزائدة.
الاكتئاب.
التردد.
تعكر المزاج.
القلق.
الابتعاد عن الاجواء الاجتماعية.

منقول مما اعجبني سوف يفيد العرائس:L:

لا اريد سوا الدعاء لي بكل ما اتمني والله يحقق كل الي في بالي ويحفظلي زوجي واهلي
والله يعطني ع قصاد نيتي يارب

ولا تحرمونا من ردودكم وتقيماتكم

سؤال مخالف :بنات بنغاااااااااااااااازي ما جاوبتونيش......................!

رد مخالف بالنسبة لى ايو فوريا انى عندى منها تبى الحق هيا قوية وتابتة فى البداية حبيتها بعدين من قوتها بديت انحس فيها ادوخ فيا هههههه لكن الحق مننصحكش بيها للدخول لانها قوووووووووية خودى حاجة نااعمة زى سكادا وفى الاخير ادواق ياحلوة

سوال مخالف ياصبايا ان شاء الله لما وحده تمشي لحوش عزوزتها شن تلبس اني راي انه تلبس قفاطين تركيات البسيطات الي طولهم لي ركبه او اقصر شويه ياريت المتزوجات ايفيدوني والي عندها خبره بالله متبخلش علي افادتنا طبعا اني نحكي علي شهور الاولي بعد العرس

نورت ايامى;15895473:
سوال مخالف ياصبايا ان شاء الله لما وحده تمشي لحوش عزوزتها شن تلبس اني راي انه تلبس قفاطين تركيات البسيطات الي طولهم لي ركبه او اقصر شويه ياريت المتزوجات ايفيدوني والي عندها خبره بالله متبخلش علي افادتنا طبعا اني نحكي علي شهور الاولي بعد العرس

رد مخالفة

اول مشية حبيبة اكيد حاجة رسمية ..
وبعدين حسب نوعية العيلة..
لو كانو عندك سلاف في الحوش واحتمال تتلاقي معاهم مش حتقدري تلبسي حاجة قصيرة..
ولو ماكانش عندك فتقدري تلبسي اللي يريحك سواء قفطاين ولا قونات ولا بنطلونات..المهم تكوني نازكة قدامهم ولازم تكوني لابسة تعليقة بسيطة ولا اكسسوار..ودبلتك وساعتك..وننصحك تلبسي حاجة مريحة وعملية ونازكة في نفس الوقت..بش ماتحسيش روحك مشحطة ومقنوطة ومش مرتاحة طول ما انتي غادي..
وان شاء الله البنات يفيدوك..