لمه العراقيات المغتربات من كل مكان (الشهر صفر)

[MARK="#00FFFF"]شكرا ام عبودي الله يحفظلج ويقر عينج بعبودي وابو;)

اليوم صرت 25سنة
العمر يركض ولا حاسة بيه

شوفي هذه دنيا شلون دوارة هههه


العمر يركض واحنه مااعرف نتغير وهسه اليوم اتذكر لعد عمر اهلي اشكد اخوتي امي ابوي ولا واحد بيهم اعرف تاريخ شهره
كنت مشغولة كل عمري بصحافة وشغل وجنت ناسية اهلي اتذكرهم:'(

بعد شسوي هاي هي حياتي جانت بالعراق وهسه اهنانه اركض ورى عيشة كل عمري بس اركض
واخاف احمل واجيب اولاد مااريد يعيشون نفس حياتي صايرة بيه عقدة لو مو اريد مستقبل جهالي بعمري كان ماطلعت من العراق:'(

ومرات وحدة تتندم لان اتزوجت ومرات تكول لو مااتزوجت كان يمكن همينه اتندم


تصدكين ام عبودي صايرة حياتي بلا طعم اشكد احاول اغير بس اني مثل مااني من داخل مااتغير

سبحان الله اشكد حزن بقلبي ياريت لو ماكنت وحدة حساسة[/MARK]

بنات اني مريضة هاي كم ومعايدتكم بل سنة الجديدة يارب تكون سنة خير عليكم ادعولي اطيب
وارجع ارد عليكم اني من يوم ماجبت(لوكس) لهيسة مامرتاحة

الله يكون بعونج ماعندج غير سلامة ام لوكاس ان شاءالله تطيبين وترجعين سالمة

اي ام عبودي ذكرتيني انزلهم ان شاء الله بس افرغ راح انزلهم

شلونكم شخباركم سلامي وحدة وحدة وبوسات للكتاكيت للي عدها كتكوت:lol:


البارحة ظليت انتظر زوجي ماكو علمود عيد ميلادي بس انتظر هدية صارلي اسبوع اكوله شمشتريلي يكولي بدكان خاله الج


وبارحة ردت اطفي ب 12باليل اجى وجايب ويى جارتي وبتها وسولي عيد ميلاد ومشتريلي كيك وعلك الهول اضوية ولبست زي كردي وفد ضحك وظل يطكلي صور

وردت الهدية يمعودين وين هدية:p

فتحت الاكياس لكيت علب جاكليت الوان واشكال واغلى الانواع;)

وبعدين كلي دوي ظليت ادور عبالي باكيت لما لكيته جك كاتبلي رصيد بي خوش مبلغ:D:thumbs_up:

هلوووو بنات شلونكم .. مشتاقه الكم حيل بس مالي خلق لا نت ولا شي تعبانه حيل .
ام عبودي الحال من بعضه والله الوضع صاير صعب والفلوس ما تقعد والله يعين .

فرجينا كل عام وانتي بخير عيني وتحقيق الاماني يارب ومبروك عليج الهديه والحفله .

دود حمدلله على السلامه وبالعافيه عليج الملابس عاد اريد صور هههههههههههههه

ماشيه وين صايره ماكو ..

هلوووو بنااااات شلونكم
فرجيناااا متتتت من الضحك ع ابو الهول ع كولتج ههههههههههههههه
كل عاااااااام وانتي بالف الف خير ويارب السنه الجديده بحضنج احلى طفل ينور الج دنيتج يارب
وبالعافيه عليج الهدايا تتهني بيهم والله يخلى الج يااااارب

دودو اييييي بنتظار الصور لكان موتنا ع الصور هههههه

ام فطوووومه هلو بيج حبيبتي شخبارج
اي والله وكل شئ صاير غالي والعيشه صايره جدا صعبه الله يعينا يارب
شلون الوحام وياج وفطومه؟
ام لوكاااس الله يعينج وعندج العافيه يارب

USA كل عام وانتي بخير حبيبتي ان شاء الله تحقيق الاماني

هلو ام فاطومه شنولج الله يساعدج على الحمل شوكت اتكدرين اتهرفين ولد لو بنيه
ان شاء الله ولا يهميج

اي ام عبودي البارحه هم شتريت خلصت فلوس مال سنه هههههه

ههههههههههههههه اي والله هى فرصه ما تتعوض هههههههههه
بالعافيه يارب

مشكورين تسلمون ام عبودي وام فطوم وام لوكاس ودودو ام بالمستقبل ان شاءالله:D

اي ام عبودي بعد ماردت انام اجى ابو هول :lol: قوية:lol:

البارحة رحت علمود بيوت حكومية ومثل لمحتلي ام مكتب بيوت حكومية انه يمكن بعد 2اسبوع او هذه شهر انتقل للبيت جديد:)

صدك فرحانةF: ادعوليF: يارب كله يتيسر عليه والكي واحد يجي بمكاني:) علمود عقد لتصير الي مشكلة ويى ام شقة هذه:mad:


ادعولي الله عليكم:adore::adore::adore:


ها واذا انتقلت اصورلكم بيت جديد ويى ديكور الي راح اسوي اله فادعولي
واريد همين عاجبني حوض سمك ويصير عندي مكان كبير:adore:

الف مبروك ويااااااارب نتتقلين ع خير وسلامه يارب
بس تعالي فرجينا جنج طوليتهاا بموضوع الحمل ترى العمر يمشي جيبلج فد كتكوت يونسج انتي وابو الهول هههههههههههههههههههه

والله اني وياج ام عبودي علمود كتكوت خلي انتظر بعد لان ام عبودي اذا انت متعرفين لغة وبالكوة تمشين نفسج خطية يجي طفل ويتبهذل وياج على الاقل يرتاح من امه تعرف لغة هههه

وبعدني والله مابية حيل اريد ارتاح بعد كم سنة هيجي مقررة صدك طبيت ب25 بس بعدني احس بتعب والحمدلله ياهو يشوفني عباله اني مواليد تسعينات ممبين عليه كبر
لذلك خلي شوية انتظر والله كريم اشوف وين توصل

وتصدكين من يوم متزوجة حتى هسه ممسوية فحص رحمي يعني مفروض اسوي فحص داخلي وممسوية بعدني لان مااعرف وين وبعدين منو اخذ وياي للترجمة
شوفي كل هذه عوائق
مو مثل مااني راح انتقل واخلص من الايجار كثير
لذلك ادخل خوش جامعة على حسابي اكدر ذك وكت
وبهذه حالة اتعلم لغة لان هذه مفتاح وسلاح وحيد

اهااا اي والله صحيح كلامج الغه كلششش مهماا يله الله يرزقج بالوقت المناسب ويحققلج كل احلامج ياااارب

امين ياربي تسلمين
والله يفرحج بعبودي

انت كوليلي شتسوين ويى غربة وشلون مشية حياتج
يعني اني دراسة وم\رسة تجي للبيت ويى روحتي للدروس بمعهد
ومشتريات منزل
ومسواك بيت
وطبخ
ونيت
والخطار الي على راسي 24ساعة وهيجي
لعد انت

هلوووو بنات شلوووووونكم جمعه مباركه يارب
فرجينااا والله الوقت الحالي اي كاعده بس هل شهر ع شهر 2 خلاص دوام وعبود يروح للروضه طلعله موعد راح يداوم ان شاء الله واني اروح للمدرسه اتعلم الغه احسن من كعدت البيت والغه مالتي حاليا ضعيفه بس امشي اموري والمسواك اني او زوجي يسوك والحمد الله ماشيه الامور بس الغه كلش مهما ومن غيرهااا بصراحه صعبه العيشه الله يعينا ونتعلم ان شاء الله

دودو ام فطومه ماشيه باقي البنات شلووووونكم وينكم ؟؟ليش لمتنا هيج خلونا نجمع وتصير لمتنا احلى لمه اووووووووووووووووووووووكي

هلو بنات شلونكم اخباركم شكو ماكو

ام عبودي حبيبتي شلونج اسفه ادري امقصره وياكم بس هاي الدراسه موتوني والله حته كرهوني بل عيشه هنا
اليوم الموعلم شلكد ما قهرني بجيت

بنات اندعولي انجاح هاي السنه و اخلص

هلا بنات شلونكم . مشتاقه الكم والله بس التعب وعاميله ههههههههه
دودو ان شاء الله يارب تنجحين وما يضيع تعبج ان شاء الله .
ام عبودي شلونج وشلون عبودي وشلونج ويه مشي عبودي ههههه
باقي البنات شكو ماكووو ؟؟؟

الله كريم دودو انت شوفي مستقبل كدامج وبعدج شباب تلحكين على حياتج لويش متشوفيني ضاع نص عمر بالعراق وهسه جاية اهنانه مع عيشة صعبة واريد هسه ياالله افكر اكمل واواصل مشوار
باعي للنور الي يطلعلج ورى جبل حفزي ذاتج
ومع يقينج بالله وبارادتج ناجحة باذن الله

عندي شغل اليوم سبت والاحد ادعولي الله ييسر لي لان نعسانة وكاعد اكتبلكم سبعة صبح خخخخخ
ادعولي مااتعب يكون ميسر وسهل كطرفة عين تمر