33 نقول يا تري بتعملي الأاكله دي ازاي؟ مبدعات مصر القمرات شهر صفر 1433

رشرووش;15882859:
غدانا انهارده
كفته الحاتى ومكرونه وبطاطس محمره والحمدلله
وديه صوره الكفته علشان اغيظ ايمان

واااااااااااااااااااااو يا بت ما شاء الله بجد فظييييييييييييييييييعه
قووووووووووولي الطريقه بسسسسسسسرعه
مش قادره نفسي اكل الشاشه
هههههههههههههه
تسلم ايديكي

ra_tamima;15882873:
تسلم ايدك يارشا شكلها يفتح النفس بجد
بنات انا عندى وراك فراخ مخليه عايزه اعملها بكره قولولى افكار

تميمه ازيك يا قمر
شوفي الطريقة دي يارب تعجبك
بس بجد وهممممممم والله وتحفه انا جوزي مابقاش ياكل الفراخ غير كده


http://forums.3roos.com/showthread.php?t=619561

وعلى فكره ممكن تعمليها عاد بالوراك بس انا بخل الفرخه كلها واعملها كده وممكن تعمليها وراك بس او صدور بس مش هتفرق يعني

شوشو اما مازن وحشاااانى بشددددددده ياريت حد يدلنا على اخبارها

رشا الكفته روووعه بجد ماشاء الله تسلم ايديكى بالف هنا


ايمى ام معاااذ رشا قالت الطريقه ورا هههههههههههههههه

ساره بنوته حلوة فين اراضيييييييييييييييكى وتسلم ايديكى شكلها حلو اوى كانها حمام

هههههههههههههههه ماشي هرجع ورا واشوف يا رورو
اصل جوزي جه من بره على صورة الكفته وماركزتش وعجبته اووووووووووي وقال لي هتطبخي لنا ايه بكره قلت له كششششششششري اصفر
قال لي يععععع
هههههههههههههه
شكرا يا رشا هانم قومتي الراجل عليا

ايموو انا لو كنت طلعت رنجه الراجل كان طفش اصل بقالى يومين مقضياها بواقى واى حاجه واقلب فكان لازم اعمل اكل

بكره ان شاء الله مكرونه ويز ميت بووول

ايه المكرونه دي يا بوسي ؟
قول الطريقه وابقي صووووووووووري احسن تتعضي
رشا خافت وصورت الكفته ههههههههههههه
انا بكره كشري اصفر وشوربة عدس ان شاء الله

mam to be;15883179:

ام بودى انا جربت كرات اللحم مع المكرونه من الموقع بتاعك و بجد وااااااااااااااااااااااااااااااااو طلعت جامده موت مع انى كنت مرعوبه تفك منى او تبوظ بس طلعت ماشاء الله جامد و عجبت جوزى جدا ربنا يجزيك كل خير يا رب

بالهنا و الشفا يا قمر الحمد لله انها عجبتك :))

ام بودي
انتي مش بتيجي هنا ليه ومش بتقري كل المشاركات ولا ايه ؟.
كلنا عاوزين طريقة البطاااااااطس وانتي مشيتي وسبتينا
عااااااااا
قوليها بقىىىىى واوعي تمشي

دي كرات اللحم بتاعتي يا بوسي اللي انتي ناوبه تعمليها ؟

رشروش سيبك من راني و غيره خدي رنيه للحموضه رهيب هاتي المستورد الفرنساوي ماوش حل بجد و ادعيلي

حرام عليكي يا ولسه النهارده رنجه و بكره كشري هههههههههههههه ارحمي يا ايمان شويه

ههههههههههههههههههههههه
لالا يا بوسي الرنجه دي كانت ليا انا لواحدي هو كان مسافر وبتظبط اكل بره يعني مش اي كلام هههههههههههههههههه

كيكه البرتقال بصوص الشيكولاته






معجنات بعجينه العشر دقايق

حلللللللللللللللوة اوووووووووووووي المعجنات يا ام بودي ما شاء الله تسلم ايدك بجد
نفسي ابقى شاطره فيها
عااااااااااا
قولي طريقتك بالتفصيل ف العجينه وطريقة البطاطس

ماشى ياايمان ياعاميه الطريقه ورا روحى دورى عليها بقى هههههههههههههه
ام بودى ايه رنيه ده فوار ولا ايه

لالا شا رشروش دي حبوب مص يا جميل بس فعل السحر مجرد ما تمصي حبايه الحموضه تروح

ايمي الطريقه في جروبي و موقعي

انتي عايزة البطاطس الودجز يا ايمان؟؟؟؟؟؟؟؟

banota_helwa;15882895:
يابنات دى طريقه اوراك الفراخ المخليه بطريقتى انا ولو عجبتكم جربوها والله حلوة جدا
بصوا الطريقه سهله جدا وهى اننا بنخلى الورك خالص من العضم وندقه كويس عشان يبقى مفتوح قدامك كده وحجمه يتفرد شويه
وبعدين اجيب بصله ابشرها ناعم ومعاها شويه رز مغسول كويس وعليهم زبيب وقرفه وملح وفلفل واحشى الورك والفه رول تمام كده
وبعد ما اخلص الكميه كلها ابدا الفها بالخيط زى اللحمة الباردة كده والف كل واحد فى ورقه فويل وبعد ما اخلص اكون غليت الميه
وفيها ورق لورا وحبهان وابعدين احط فيها الفراخ تمام كده
ملحوظه بقى لو اتبقى شويه رز من اللى عملنا بيهم بحط معاهم الكبد والقوانص والفهم بفويل واسلقهم مع الفراخ
اخر حاجة بقى لما الفراخ تستوى اخرجها وافكها من الفويل واقطع الخيط وبعدين احمرها بس بجد والله هتعجبكم جدااااااا
احنا هنا مش بقينا ناكلها غير كده وماشاء الله مهما اكلتى من كميه هتحسى انك عاوزة تاكلى تانى من حلاوتها بجد جربوها على ضمانتى ان شاء الله




ودى صورتها

شكلها حلو قوىىىىىىىىىىىى تسلم ايدك هجربها

رشرووش;15882901:
نص ك لحم مفروم وتبشرى بصلتين متوسطين ومعلقه ملح ومعلقه فلفل اسود وممكن لو عندك بهار لحم بس تصفى البصل من المايه وتاخدى التفل بس وسيبى المايه على جنب وهاتى المايه وابشرى طماطمايه وملح وفلفل وبلى ايدك فى المايه ديه وصبعى الكفنه وسيبها ترتاح ...شويه فى التلاجه وعلى الفرن بس انا بخدها الاول فى طاسه وادخلها الفرن تكمل سوا واكون مولعه فحمه واحطها فى حته زبده واغطيها علشان تاخد ريحه الفحم ومممكن تشويها على الفحم

رشروش انا بعملها بنفس طريقتك بتبقى تحفه فعلا

Boody we zady;15883586:
انتي عايزة البطاطس الودجز يا ايمان؟؟؟؟؟؟؟؟

انا عايزة بس اعرف انتى بتقليها فى الزيت ولا بتحطيها فى الفرن انا حطيتها فى الفرن وكانت حلوة قوى

صباح الخييييييييير على احلى بنات
ماشاء الله انا شايفة حاجات جميلة ومعجنات تبارك الله تسلم اديكي يا ام بودي

ام اياااااااد بصي يا جميل بالنسبة لاي عجينة في الدنيا السر بتاعها تلتي وتعجني كتيييييييييييييييييييييير انا بقعدت اعجن في العجينة 10 دقايق وسعات ربع ساعة كمان صحيح بلاقي ضلوعي الصبح لما انام واقوم وجعاني كاني كنت بلعب رياضة بس النتيجة جميييييييييلة
اهو بصي الفيديو ده
[YOUTUBE]dWj8oHMPFm0[/YOUTUBE]
بس هي عجينتها طرية قوي وكمان اصلا خمرانة قبل كده عشان كده ملبن معاها لكن في معجنات بتاعتنا لا بتكون اجمد سنة فمحتاجة قوة معاكي

ايوة يا هويدا بقليها في الزيت

تسلم ايديكى ياام بوووووووووودى

رورو دي مخصوص عشانك :))




كريب حلو بالفاكهة و الكريمه

وااااااااااااااااااااااااو بجد انت طيييبه اوى يابوسى متحرمش منك الحقينى بالطريقه شكله حلو اوى ف الموقع ولا لسه ؟ شكله حلو اوى الكريب ده طرى كده ولا ماسك نفسه ؟