التجمع الثاني لحوامل شهر مايو(5) 2012

تفاحه ناويه البس جلابية ,,, بس ما حصلت شيء مناسب للحين ,, من يومين اكلم اختي عن الاكل تقولي نسوي بارسل اسهل راح يكون .. كنت مفكره بوفي بس حسيتها صعبه يبلها صحون واكواب
وعفسه والبوفي يبي مكان برا وبرا طبعا الناس بتنشوي من الحر ف احسن اسوي بارسل بس ابي مكان يسوي شءء عدل :)

وتوزيعات مفكره تقريبا للاطفال نوع واحد وللبنات والحريم 3 انواع .. ;)

وبسوي سفره فيها فواكه وحلويات وشموع .,,F:
هذا الي ف بالي للحين .. وانتي شنو مفكره كل وحده ما تبخل علينا وتقول لنا شنو ناويه تسوي عشان ناخذ من افكار بعض يمكن نكون ننسينا شيء :adore:

تفاحه بخصوص سؤالج انا ناويه على التمر اولما ادخل التاسع .. وان شاء الله اروح امشي على الرمل رمل الشاطئ تمشين حافيه يقولون وايد زين يسهل الولاده ويفتح الرحم :)

غير كذا ما ناويه اسوي اخاف اشرب او كل شيء ويضرني .. بس دكتورة قالت لي المشي وايد يسهل ونصحتني ما اكثر من المشيء قبل 37 اسبوع لانه النونو ما يكون كمل تاسع ف الله كريم

السلام كروشات شخبار الحمل وثقل وياكم ما في بوادر للولاده الله يسهل عليكم بكتب اليكم قصت ولادتي بس بعد ما ارتاح ولادتي كانت متعبه ...

الحوراء الانسيه;16052378:
السلام كروشات شخبار الحمل وثقل وياكم ما في بوادر للولاده الله يسهل عليكم بكتب اليكم قصت ولادتي بس بعد ما ارتاح ولادتي كانت متعبه ...

دعواتج .. ^_^ اهم شيء صحتج انتي وموني والف حمدلله على السلامه

ام فجوورة ,, مفكرة اسوي بارسل للنسوان فقط اما الرجال فلازم عزيمة على قولة زوجي فبخلي الرجال على الوالد و زوجي والنسواان بيكوون علي وان شاء الله راح اسوي بارسلاات لانه اسهل أحس وعصااير وتوزيعاات بيصيرر حلوو اتوقع وراح البس ياا ميني جلابية اوو بدلة لانه اكتشفت انه عندي ملابس بالكبت جديدة وانا حضرتي مالمستها !! امممم عن التمرر انا بديت فيه من فترة و بديت على الاناناس وماي الورد مع الزعفران والمشي حدث ولا حرج ماعرف اقعد بمحلي من الاساس ههههههه بنتي بتطلع ريااضية تركض ماراثون ..

الحوراء ,, الحمدلله على السلامة حبوو ولش وحشة بالتجمع ويالله ننتظر قصه الولاااادة وعني انا للحين مافي بوادر بس ظهررري كلش كلش ذابحني

تفاحه فكرتي ف الثيم؟ ولا ما ناويه تحددين ثيم معين .. اي بارسل اسهل يالله ان شاء الله والله يسهل عليج حبي وسلامتج من الم الظهر :)

التفاحه
هههههههههه ارحميني لحد يدعيلي اووولد عندي اختبار يوم 23 ابريييل قولي ربي يسهل ولادتي وبس بدون تحديد مواعيد خ خخ خ
انا الحمدلله الرياضه مساعدتني ومريحتني كثييير ومخففه عني الحمدلله
احنا عندنا مطرررررر وناسه من الصبح طلعنا وفطرنا وكملت اغراض الستاند باقي بس التركيب
ام فجوره
احنا خداماتنا الثنتين بيسافرون قبل رمضان ومحتاسين حوس يلا زين جبتيها تريحك الله يعطيك خيرها ويكفيك شرها^_^
الحوراء
هلا والله ربي يعطيكي العافيه والصحه وتصيري احسن بسرعه يارب^_^
التفاحه
مو تو الناس على الاناناس؟! اخرر حل يكون انا صديقتي اعطتني نصيحه هي مجربتها عشان نعرف الطلق الكاذب من الصدقي كتبتها مدري وين بدورها واسدحها لكم بعدين خخخ

ام فجوورة ,, لا ماحطيت ببالي ثيم معييين بخليهااا مشكل أحلى لان في ناس تحط بالها من المعازيم فمو حابة اسووي شي قوووي يعني المعتاد فقط ...

احلى حلووة, ولايهمش ان شاء الله الاسبوع اللي بعده ! هههههه بس شسوي اذا الكتكوتة مشتاقة تجوف اهلها بسرعه ! .. على العموم ربي يسهل لش ياااارب وييسر لنه اجمعين ولادتنه .. اما الانانااس انا ما احبه كثير لانه يسووي حوسة باللسان بس امي كل ماتجوفني تعطيني هههههه ولاتخاافين ما احس انه مأثر !! انا احس سبب الولادة بتكون حركة النونوو لان ماشاء الله عليها تجنني واحسهاا كله على تحت كانها بتطلع ..

التفاحه
غريبه الاناناس ماجاب مفعوله معك خخخخ دايم كذا عناد تكون السالفه ترا!
بس انا الاحظ لما اكل تمر لو 3 حبات يجيني بعدها شوية الام
احس لو انتظم عليه يوميا ممكن تقرب الولاده
ام فجر
الحمدلله يعني انا صح خخخ 37 اسبوع هو افضل شي

الله يسهل عليكم
وشو بارسل ,,بارسلات؟

الحلوووة ,, يمكن لاني مو كلش معااه وكل ما يعطوني آكله وانا اتحلطم استغفرك ربي لانه يسوي عمايل باللسان مع انه حلوو خخخخخخ ,,, التمر آكل اذا اروح لبيت الوالد بس قلت اليوم اذا رحت راح اخذ لي كمية من عندهم وربي يساعدنه على السكريات!!..

جوفان حبيبتي تسلمين وان شاء الله نولد من صوووب ونسمع الخبر الحلووو منك من صوب ثاني ... بارسل يعني مثل وجبه معبئة في صحون مغلفة او بووكس مثل لما تطلبين من محلات الوجبات السريعه جذي يكون جاهز وداخله الاكل ويتوزع على المعازيم ..

انا اليوم أحس بآلاام غريبة كأنها الدورة بتنزل وانتوا بكرامة اوو مثل المااي متجمع لي تحت مادري شي غريب ,, شكلي بنتظر لموعدي هالاسبوع مابغي اتسرع خلي النونو على راحتها ههههه واهم شي ان كل اللي حوالي يدلعون فيني كل ماشافوا دبتي ..

مرحبا كروووشااااات
ربي يسهل عليكم ويقومكم بالسلامه ويرزقكم الولاده السهلة الميسرة وتشوفوا بيبيهاتكم بصحه وعافية يارب
نونوتي تسلم عليكم ;)

فتافت
واحنا نسلم عليها ونحبها بعد اعطييينا قصة ولادتك ههههه متحمسين ترا
التفاحه
تؤتؤتؤ لاتسويها وتولدي هههههههه الله يسهل عليكي حبيبتي اذا الالم متواصل قدمي موعدك شوي واهممممممممممم شي الدلع ههههههه انا اشوف بالدوام الناس يشيلو اشيا عني وحركات مايكفي دلع البيت كمان دلع الدوام خخخخ الحمدلله يارب

فتااافيت وانتي سلمي عليها وحبيييها عناااا على خدوودها العسل ... شخبارش انتي ؟؟ و مثل ماقالت الحلووة نبغي قصه الولاااااااادة عشان اللي بكروشنه يتحمسون ههههههه واحنا بخير الحمدلله نسأل عنكم وعن صحتكم ...

الحلووة ,, شفتي ! كل هالدلع واتخلى عنه ماقدر خخخخخ .. انا الاحظ بالسووق ذاك اليوم مادري شنوو طاح مني ومافي حد وياسبحان الله من طاح الغرض من يدي ماشووف الا اوادم تراكض واللي يقول انا بشيله خليه والثاني يقوول ماتقدرين تشيلينه من الارض خليه عنك! وانا شوووي وماسكة نفسي عن الضحك ههههههه ,, اما البيت احلى شي اذا قلتي آخخخ تباعدوا كلهم عني ولبوا طلبات البرنسيسه خوفا من ولادتي!! ماقدر اتخلى عن كل هالاشيااا هههههههه الدلاعه حلووة .. وانتي ماشي اي بوادر ؟؟؟ وباقي البنااات اللي دخلوا التاسع مافي اعراض او بوادر للحين ؟؟

التفاحه
احساسي يقولي بولد تاريخ 28 ابريل مدري ليه! عاجبني التاريخ ههههههه اذا ماولدت بهذا التاريخ احس بتاخر زياده الله يستر
اما عن الدلع انا استمتتتتتتتع اذا طلبت من اختي الصغيره شي وقالت لا وهاوشتها امي عشان تجيبه لي هههههه وزوجي مسكين كل ماقالي شي ماعجبني سويت كأن بطني يعورني ولما اشوفه اخترع اجلس اضحك هههههههه احس اخرتها لما بيجيني الم صدقي ماراح يصدقني من زود عيارتي الله يسهل بس

مساء الخير كروشات
شخباركم؟

موعدي يوم الاثنين
ادعوا لي ان شاء الله وزني زاد

بنات بسألكم أمس واليوم
حركة النونوة كلش قليلة
تتحرك بس حركتها قلت بواجد
وقاعده أحاتي
عادي تحسون؟

قلت اذا رحت موعدي بقول لدكتورة وبشوف شتقول!

أحلى حلوة تبادلين
ههههه
أني موعد ولادتي 29 - 5
وش رااايش ؟؟
ههههههههه

الدليعه
تاخذين كالسيوم وفيتامينات؟ مفروض يزيد وزنك غريبه وعلى حركة النونه اذا تبين تطمنين انسدحي على ظهرك وانتظريها تتحرك انا كنت اسوي كذا=)
هههههههه لا سوري مايناسبني اختباراتي الفاينلز تبدا بداية شهر 6 خليني على موعدي احسن خخخخ
ربي يهون عالكل

دلووعة ان شاء الله زاد وزنش 10 كيلوو ياااااااااارب !! دعوه من قلب ترى هههههه ... والحركة امممم مفترض ماتقل عن 12 حركة باليوم ,, بالنسبة لي حركتها قلت شووي فعلا في الثامن بس يعني كنت اصحيها ساعات واغربلها واشوفها تتحرك هههههه بس بنفس الوقت كانت الحركة قووية و ما كنت احس انها مو طبيعيه ومرة من المرات ماتحركت خير شر فاضطريت اروح للوالدة لان من تسمع صوتها تتنشط وترافس خخخخخ وفعلا تحركت اول ماسمعت امي !!,, فانتي شنو تحسين فيه ؟؟ هل هالشي طبيعي ؟؟ ان شاء الله النونو مافيها شي وجربي مثل ماقالت الحلووة وفوقها غربليها شووي وقعدي ناديها او خلي احد من اللي ترافس بوجودهم يتحجى معاهاا وانا اعتقد انه طبيعي بهالشهررر ليما توصلين التاسع ترد تزيد الضربات لانها تدوور وتجهز نفسها للولادة ... ولاتنسين تطمنينه خيه ..

الحلوووة ,, ربي يعطيش ماتتمنين يااااااااارب ونسمع الاخبار الحلوووة ... والله امس من زود الالم قعدت اقوول ياريت يولدوني وارتاااااااح !! بس بعدين قلت لاا خلها ببطني مرتاحة ولا الخوف من الم الولادة هههههههه استغفر الله امس ببيت الوالدة الكل قاعد يقولي عن الولادة وشنوو يصير فيها ! فيلم رررعب ومن زود الخوف حسيت بالالم من ظهرري لخواصري وبطني وظليت لساعه وحده بالليل ,, ماتسوى علي ..

الحلوة امين يااارب وعسى تطلع مثلما ابيها .. مشاكل الخدامات
وييييه الله يعينكم تعب وااايد .. حاولو ترتبون حق جديدات :)... ان شاء الله تولدين ف وقتك .. ^_^ وربي يسهل عليك الاختبارات وموفقه يااارب


التفاحه انا انتظر متى ادخل التاااسع خلاص تعبت .,, شكلج قريب دورج الله يساعدج كثري من التمر والمشي وان شاء الله تولدين بسلامه ياارب


الدليعه طمنينا عليج وان شاء الله زايده :):)


انا موعدي بعد بكرة وان شاء الله كل شيء تمام التمام .. ;)
;)اليوم الجو عندنا جنااان امطار وغيوم الجو بديع مره مره F::adore:


فتااافت حمدلله ع سلامه ننتظر اكشن الولاده ;) تعالي حمسينا :p


كروشات المختفيات عساكم بالقوة ربي يسهل علينا ,,,
سوس ميدو ما صارت تدخل!! ان شاء الله تكون بخير ... :)

هلا كروشات

الحمد لله أشوف الحركة اليوم طبيعية
ورجعت نفس قبل
شكلها كانت كسلانة شوي ههههه
ما ليها مزاج ترفس وحالة ع عمرري

تفاحة
10 كيلو عاد
الله يسامحش
هه
تحملي بروحش
وله تسمعين كلام أحد عن الولادة وتخوفين روحش
تالي تتألمين من قلب صدق
وأزيد من المعتاد
فخلش طبيعية أحسن
وين مفكرة تولدين؟؟

أحلى حلوة
انتين الخسرانة
حبيت اساعدش
عشان تقدمين الامتحان
ههههه
وعشان أوولد أني وارتاح
بس عشان انش ما رضيتين
راح تولدين قبل امتحانش
احساسي جدي هههههه
أني ما ليي سالفه عاد اذا ولدتين مو تقولين مني
ههههه