التجمع الثاني لحوامل شهر مايو(5) 2012

التفاحة الجناوية;16030380:

ام فجوورة ,, سلاماات حبووو اذا فيه حكة تقدرين تستخدمين الديتوول المخفف بكل تسبووحة مع المااي الحاار لانه انا مااتزوج كانت تصير لي حالة الحكة واستخدم معاها هالطريقه و يوميين وتروووح عني الحكة ولا تنسين لازم تفحصين عن العدوى البكتيريه ...

الحلووة ,, اعتقد المقااس ثابت عااد لازم تروحين لمكان يبيع كله مفارش لانهم الافضل بهالاشياا ,, عن نفسي انا بستخدم السلة ليمااا اروح شقتي لانها محدده لعمر ال 6 شهور .. وابغي اكمل اغراضي بهالاجازة لان احس انه ماباقي لنه شي !!

هلا تفاحه ايه ان شاء الله هالاسبوع موعدي ف الخاص والحكومي ف ان شاء الله بسوي فحوصات والله كريم ..

انا بعد باقيلي اشياء بس كلما اروح واشوف المحلات والكاونترات زحمة اهون واطلع وش هالكسل

فتافت
حبيبتي ربي يهون عليكي ويحفظك انتي والننونه
احساس
اتوقع اول مااطلع من المستشفى بجي بقول هنا هههههههه بس بالمستشفى كيف بوصلكم خ خ خ خ
انا عالسونار سابقتك بيوم وعلى حساب الدوره بعدك بيوم لووول

ام فجورة ولاتنسين تطمنينه عليش وماعليش شر ان شاء الله وتوني اليوم مكلمة وحده معاي بالدوام حاامل وواصلة حدها من الحكة مسكينه مثل حالتش ولما فحصت طلع مافيها التهاب ولا شي !! والحكة كلها بسبب تحسس معين بهالمنطقه من ثقل البيبي في هالمرحلة فقط !!

الحلووة ,, امس جاني احباط اقول لوالدتي خلاص انا دخلت بالتاسع على حسبة السونار واتمنى بعد اسبوعين شي اكوون ولدت لاني تعبانه احس عمري الا تقوولي شيلي هالسالفه من بالش بعدها وقققققت وانتي بكر !

وين وصلتوا باغراضكم ؟؟؟ انا احس كل ما اشتري شي يطلع لي شي ناقص !!

احلى~حلوه;16033367:
فتافت
حبيبتي ربي يهون عليكي ويحفظك انتي والننونه
احساس
اتوقع اول مااطلع من المستشفى بجي بقول هنا هههههههه بس بالمستشفى كيف بوصلكم خ خ خ خ
انا عالسونار سابقتك بيوم وعلى حساب الدوره بعدك بيوم لووول

الله يسهل علينا انا اذا حصلت فرصه بدخل من الموبايل وببشركم ^_^ واذا لا لما برجع البيت لوول :p

التفاحة الجناوية;16033386:
ام فجورة ولاتنسين تطمنينه عليش وماعليش شر ان شاء الله وتوني اليوم مكلمة وحده معاي بالدوام حاامل وواصلة حدها من الحكة مسكينه مثل حالتش ولما فحصت طلع مافيها التهاب ولا شي !! والحكة كلها بسبب تحسس معين بهالمنطقه من ثقل البيبي في هالمرحلة فقط !!

الحلووة ,, امس جاني احباط اقول لوالدتي خلاص انا دخلت بالتاسع على حسبة السونار واتمنى بعد اسبوعين شي اكوون ولدت لاني تعبانه احس عمري الا تقوولي شيلي هالسالفه من بالش بعدها وقققققت وانتي بكر !

وين وصلتوا باغراضكم ؟؟؟ انا احس كل ما اشتري شي يطلع لي شي ناقص !!

انا حضرتي لما اكون ف البيت اقول حق زوجي شوف ما شريت هذا وما شريت هذا واحس الملابس ناقصه لكن مجردما اروح السوق اشوف كل هالاشياء مشتريه اهون وارتاجع ..

ولبسات من 6 اشهر وفوق ما شريت كثير معظمهم اختي جابتلي هداية من السفر وقلت ساعتها بشوف البيبي وبشتري على كيفي لما اخلص 3 اشهر

بس انتو بكرامه احذيه كثيرة منوعه وكلها من عند اختيوزوجها هههه يحليلهم كلما طلعو شرو جواتي

و 0-3 امممم اشتريت واحس انه كفاية واذا حسيت ما يكفون بطرش اختي تتسوق ولا زوجي وبذات انه بتنزل كولكشنات جديدة يعني ف لبسات شريتهم وشفت نفسهم اطفال لابسينهم :-#:thumbs_down:

بس الي اخذتهم امي تقول واجد

مو شرط تفاحه تطولين اعرف بكريات ولدو بدري يعني 2 اسبوع ف تاسع ولا 1 اسبوع اهم شيء تقومين بسلامه انتي والحلوة ;)

هاليومين الحكه خفت الحمدلله بس في افرازات .. والنوم صاير متعب وااااجد يعني فجاه اقوم من النوم وبدون اي سبب واقوم معصبه بعد ههههه حالات

كروشات شو سويتو بخصوص العقيق ؟ انا ناويه اعزم الاهل يعني اهل زوجي واهل امي واهل ابوي وصديقاتي الجدا مقربات وطبعا اخلي المساء لانه بيكون جو حار ف افضل على العشاء ..


ياريت كل وحده تكتب عن حفلات العقيق كيف تصير عندهم حتى نستفيد من بعض انا عن نفسي ما حضرت ولا مره اي عقيق بس حضرت حق وحده من الاهل كانت مسويه سبوع بنتها

انا افضل الوحده تسوي بعد 20 ولا 40 يوم بذات اذا كشختي قبل الاربعين لا سمح الله عيون الناس بتكون عليج والحش ما بيقصرون فيه

اقووول كاني وايد تكلمت ... فاضيه حضرتي :o:p

فتافـت;16032908:
صباااح الخير
شخباركم بنات؟
كان المفروض يولدوني الخميس بس خفت وما رحت
عطوني موعد الاثنين ان شاء الله بروح وبشوف وش بيصير

الله يقومج بالسلامه وطمنينا عليج اول باول وخلي كل شيء على الله ;)

التفاحه
توني راده من عند صديقتي بكر موعدها 1 -4 ولدت امس خخخ يعني قبل بيومين يعني فيه امل وبنت خالي بكر وولدت قبل موعدها ب 18 يووم خخخ,بس انا ماودي اولد الا على موعدي او بعده بيوم او قبله بيوم مو اكثر لان وراي اختباار اخلصه وافتك ياارب^_^ صدق اني الحين لما انام مااحس اني اوصل سابع نومه خخخخ وكلا اتقلب بس ماني مستعجله كل شي بوقته حلووو ,شفت نونو صديقتي صغنون 3 كيلو بس ربي يسلم قلبه محلاه يدنننننننن بس مارضيت اشيله هههههه لان بعدني ماقصيت اظافري وصايرين طوال خفت اشمخه
ام فجر
انا نفس الشي بعزم الناس بس مدري يحطون اناشيد اطفال يعني قبل العشا ولا كيف خخخ ماقد حضرت صراحه, انا عني اكيد بيتزين البيت وتوزيعات وحركات واتوقع بيكون عشا لان مثل ماقلتي صيف وحررر

احس كلنه نفس الحالة مع المشترياات !! وانا كل يوم والثاني متصلة لاختي انغز عن سالفة التوزيعات ههههه وهي مسكينه عندها حالة وفاة وانا فاضية اتصل واستفسر عن التوزيعات !!!


ام فجورة ,, العقيقة بالعادة احنا نعطي فلووس ( سعر ذبيحة) الى جهه معينه مثل الشيخ او مسجد كذاا يعني ههههه ماعندي فكرة اوسع لان الوالد هو اللي بيتكفل بهالمواضيع بس انا ابغي اغيرر وبدل ما اعطي الفلووس بسويها عزيمة لأهلي بالاضافه الى معارف زوجي ووالدي لاني بسويها ببيت اهلي وابغي بنتي تتبارك بس مادري خليتوني افكر انه اسويها عشى بس احس الغدااا افضل خصوصي للرجال اهم شي شييي يترس الدبة هههههههه ...

الحلووة ,, ههههههه زين عطيتيني املللل بالموضوع امس مناقشااات مع امي وانا شاطه نفسي واقولها بتشوفين اذا ماولدت خخخخخخخخ ...


انزين بناات ,, انا محتارة بثيااابي امي تقولي اشتري اكثر شي جلابياات وخايفه من المقاس !! لانه تدرون مع الدبة يتغير المقااس فمادري اخذ بمقاسي الاولي ؟؟ وعلى المراضع انتوا شريتوا ؟؟ وكم وحده تتوقعون لازم ناخذ ؟؟ وضروري اخذ معاهاا حبوب التعقيم لاني بصراحة ما اثق بهالاشياا وافضل اغلي المراضع جذي ارتاح نفسياا ..

الحوراء وباقي البنات كله مختفييين !

التفاحه
المراضع اتوقع 3 صغار مبدئيا يكفوون لان ان شاءالله نرضع طبيعي انا عني بجيب بعد الشفاط
عالجلابيات والله مدري شقولك خخخ توني جيت من عند صديقتي تقول مو طايقه البس الجلابيه تقول مالي خللللق ضحكتني بس اتوقع هي مقاسها من فوق يعني الحركه عند الصدر فمارح تفرق الدبه يعني لما تقيسينها الحين بتكون ماسكه عالدبه بس بعدين لا مدري انا حسبتها كذا وجبت على مقاسي الاولي والله يستر خخخ

الحلووة ,, شكلي على هالحالة مابشتري اكثر اموري من الجلابيات وباخذ بيجاماات افضل وباخذ كم دريس نااعم للضيوف ..

اما المراضع شكلي باخذ مثلك وخلص عشان ما احتار ..

التفاحه
اذا انتي اصلا متعوده مثلي عالبجامات لاتكثري انا صديقتي رحت لها اليوم لابسه ليقينقز وبلوزه خخخخ

كروشات شوفو هالموضوع حسيته مفيد مره
http://forums.3roos.com/showthread.php?t=598020

الحلووة ,, هو فعلاا انا اريح لي البيجاماات ومتعودة عليهم من جذي استثقل اني البس شي كمه طوويل هههههه خصوصي بالحر عااد حدي دشداشة على قولتنه يعني تكون حرير وخفيفه كلش وكماماتها كلش قصيرة ... مشكلة والله خلصنه من سوالف البيبي جينه لاشغالنه مانعرف نسويها !

هلا أخواتي

الله يسهل لنا الحمدلله هانت هذا آخر شهر وبعدها بيكونوا البيبيهات في احضانّا ان شاء الله

بنات انا قصدي نتواصل عن طريق الموبايل أكيد كل وحدة مننا عندها جهاز ذكي مثل الآيفون او الجالاكسي وغيرها

ان شاءالله فهمتوا عليا.

مساء الخير حوامل كيفكم أن شاء بخير

أولا مبروك حق اللي دخلوا التاسع وعقبالنا يارب والله يسهل علينا

فتافيت وحوراء الله يسهل عليكم
وأهلا وسهلا باللي انضموا معانا

بناااااااااات من امس جاني اسهال وبدا مغص وقمت المغرب طلعت مشيت ليما تورمت رجليني ورجعت البيت امسح الا اشوف دم والالم يزيد
شوي وبروح المستشفى
دعواتكم

فتاااااااااااااااااافت تقومي بالسلالالالالالالالالامه
لاتنسيني تدعين الله يرزقني في القريب العاااااااااااجل

فتاافيت تقوومين بالسلامة ياااااااااااارب انتي والبيبي وتبشرينه ان شاء الله ,, لا تقطعينه حبيبتي ترى احنا نحاتيش انتي والحوراء الحين و يالله بولادة ميسرة وسهلة لكم باذن واااحد أحد ان شاء الله وتفتتحون تجمعنه باول بيبياات ...

انا امس ذبحني ألم ظهر كرررييهه من قلللب حسيت مكسرني وانضم اليه ألم الراااس والبطن بالاضافه الى الحارق اللي كل دقيقه يقومني من نومي! ولا ارتحت بنوومتي كلش كلش ,, الله يساعدنه صراحة ...

مساء الورد الله صراحه الحين التجمع حلو اشوف عندكم سوالف ههههه:adore:

تفاحه بخصوص العزيمة انا اول فكرت ف غدا عشان العيوش واللحم ههه بس بعدين شفت الجو من الحين ابد ما يساعد حر معنى الكلمة اليوم درجة الحرارة عندنا 36 ياسااااااتررررر :|:badly:


ف خلاص قررت اسوي عشاء وسويت القائمة مالت المعازيم بسوي 3 توزيعات للحريم والمتزوجات وللبنوتات والاطفال للحين ما عرفت ايش اختار لهم .. وبسوي نظام العشا بوفي اسهل


وبخصوص لبسي فصلت لي لبسات قطنية مع شيلهم فيهم موديلات وفيهم جرار من الصدر عشان الرضاعه .. واخذت 3 حرير بنص كم البسهم اذا جو صديقاتي ف البيت طبعا .. ;)

وبخصوص المراضع اخذت 2 صغار واخذت جهاز التعقيم واظن فيه كم غرشة .. ف ما باخذ غيرهم لاني ناويه ارضع طبيعي اذا الله اراد :)

للحين ما اخترت لبس معين ليوم العقيق محتاره ايش البس ..

شنطة المستشفى كل يوم اضيف فيها شيء اتذكره احس خلاص مافيها مكان ولحين ما ضفت الحفاظات والويز

فتافت ربنا يقومك بالسلامه ياااااارب وعقبالنا ^_^

وبخصوص التواصل ايه بالفعل هيه فكره .. انا عندي بلاك بيري ^^ وواتس اب طبعا فيه

شخباركم بناات؟
ما شاء الله كلكم تقريبا كملتون تجهيزاتكم
أني باقي عليي بعد
شوي شوي قاعده اجهز
واااجد تعب لأن

بديت أمشي من ألحين
بس ما اطول
كل مره ازيد شوي

فكرة التواصل وااجد عجبتني
أني عندي بلاك بيري بعد
شرايك نسوي لينه قروب في الواتس اب ؟؟
التواصل بكون ع طول جدي