✿✿✿لمة بنات ليبيا الحــــرة لشهر صفر سنة 1433 هـ الجزء (5)✿✿✿

سلام ياحلوات كيف حالكم
نحمتن اهلين نورتي شني اخبارك اليومين اللي فاتو بعتلك مسج وصلك؟؟؟
ننوس حمدلله على سلامته بووك وربي ايطولكم في عمره ...تعرفي سهفتيني ع البازين جي في خاطري
يعطيك الصحة عليه

الرجولــة أخــلاق . . قبل أنّ تگون ألَقــآب !

ۉالأنوﺛــۃ حياء . . قبل أن تگون أزياء !

تعرفي ياننوس ليا فترررررررة انطول مانرقد نتقلب نتقلب مرات نقعد لل4 واني في سريري
ونضغط على روحي نبي نرقد وماايصير شيء شكله من فقر الدم ايقولو اللي عنده فقر ماايجيه النوم

نجومة ان شاءالله تسمعو الاخبار الطيبة على عثمان

رّبـيْ إنّها الجّمـعَةْ ..
والجمعة من خير الأيام عندك ؛
فـاكتَب لـنا الخّيرَ فيـھا ۆ أسّعِدْ فيھا قّلوبَنا .
رّبـيْ إنّ لَكْ عّبـادٌا ينَتظّرونَ فرجا قَريباً . . فـبشّرهمْ . .
ۆ عّبادٌا يَسألـونَكْ شفاءً . . فـعّافـِهّم . .
... ۆ عّبادٌا يّرجونَ رحّمَتكَ . .فـارّحَمهّم . .
ۆ عّبادٌا يّرجونَ منْكَ تَحقيق أماني . . فلا تخْذلهم

آَمِـيْـــنَ يَــــارَبُّ

,,,,, هلا بي الغالية لولؤة سامحيني هلبة واللهي المفروض نرد عليك بس انتي لمه بعتي المسج اني في السيارة سوق ...,,, وعلي اساس لمه نروح نكلمك وراهو شريت رصيد لكن اوخيتك معاش فيها عقل ,,, شوفي مسوليات في راسي ما لها حد ,,, من مرض عتمان لي موضوع الزنتان الله يقصفهم بجاه الرحمن ,,, الي مسؤلية الحوش ,, والاسبوع هده عندي هلبة شغل امتع ناس والحمد لله علي كل حال ,,, عموما اخباري ... عتمان تقدري تقولي باهي الحمد لله ام موضوع الزنتان .. بوي امشي لي شيوخ الزنتان ,,,لكن تحسي كلامهم زي وجهم ,,, ان شاء الله يحن علينا العالي بس

.... لولؤة شنو صار فيك ,,, كملتي الداوء لي وصفته لي اختي امشي معك ان شاء الله حسيتي بي تحسن عليها ام فقر الدم عليك وعلي الجرجير بس اغسليه بس وما تقطعيشي بي الموس ولا تحطي عليه ملح ان شاء الله الف لاباس عليك يا رب هانت يا لولؤة مازال شوية بس ,, اكدولك انها بنت لولؤة

عارفة نجومة اتصير اهم شيء اخباركم تمام وان شاءالله ربي ايفرج ويبعد كل سو عليكم
اما صحتي ماتسألي بكل تعباااااااااااااانة بشكل مشيت للدكتورة دارتلي تحليل قالتلي عندك فقر دم وهبوط في الكالسيوم
وبادية ان شاءالله في التغذية وانحس في روحي ثااااااقلة وايه اكدولي انها بنوتة ان شاءالله فيها خيرا
ننوس عارفاتك ماتقصري حبوبة صحتين عليكم

اللهم ..اشفي مريضنا يا الله

تتربه في عزك ان شاء الله وتنوضي انتي وهي بي الف سلامة يا رب ,,,,

تصبحوا علي الف خير يارب ,,,,,

يااااااااارب نجومة وربي يفتحها عليك وعلى كل بنوتة يااااااااارب
وانت من اهل الخير...حتى انا انقوللكم ليلتكم سعيدة

السلام عليكم

اللهم الف بين قلوبنا واصلح ذات بيننا واهدنا سبل السلام ونجنا من الظلمات الى النور

وجنبنا الفواحش وبارك لنا في اسماعنا وابصارنا وقلوبنا وازواجنا وذرياتنا وتب علينا

إنك انت التواب الرحيم اسال الله ان نكون من الفائزين المقبولين ... ♥اللهم امين♥
أشهد أن لا إلـﮧ إلاَّ اللـَّـﮧ
و أشهد أن مُـכـمَّــدْ رَسُــولُ اللـَّـﮧ

السلام عليكم

بنات اني تعباااااااااااااااااااااااااانة ، تعرفوا عندي عمي ( بو راجلي ) وحماتي واليوم واصل خوي ومرته ، وتعرفوا الايجار ارتفع سعره لدرجة ما تصورش معناه يبقعدوا معاي ويوم الاثنين جاي بابا وماما باش ادير عمليتها .... ادعولها بالشفاء يابنات ، واني نجهز في نفسي للمرواح شهر 2 ،،، تعرفوا اليوم كله يفوت في المستشفيات ، هذا يبي عملية ، وهده تبي كشوفات وهذا وهده ........ والحمد لله ، والله ماني عارفة وين نحط روحي

جمعة مباركة لي الجميع ,,,,,,,

آآآآآآآآآآآآآآآآآآآآآآآآآآآآآآآآآمين لولؤة ,,,

مروجة سامحيني حتي اني خديت فيك حصة وتعابتك معااااااااااي بارك الله فيك جميل مستحيل ننساه ويارب يجعله في ميزان حسناتك يارب ,,, مروجة واللهي حاسة بيك بس واسعي بالك ان شاء الله فترة وتعدي وهدا كله ديريه لي وجه لله وبادان الله ربي يعوضك بيه خير يا رب ,,,, من كان في حاجة اخيه كان الله في حاجته ’’’’

السلام عليكم

بروووووووووووحي و لا في حد

مساء الخير