✿✿✿لمة بنات ليبيا الحــــرة لشهر صفر سنة 1433 هـ الجزء (5)✿✿✿

عروس البحر.;15874197:
انا عاجبني اسم مراد ....لكن فيه اسم ...رواد ...واسم خالد احلى من مراد
يعني المرشحين عندي ...خالد ....رواد شوفي شن معناه

adgima;15874216:
ههههههههههههههههه تعرفي اسم رواد بي تهبل عليه اختي ... ياناري لمه قالولها ولد طول النهار وهي نقاش علي خاطر الاسم هي وراجلها راجلها يبي عبد الرحمن وهي تبي رواد وتقولها اني تعبت مش انتي وهي يا ناري توحمت بيه في رمضان ما تاكل في شي تقوله انت مستريح وتاكل واني حتي صلاتي انحرمت منها مش قادرة نسجد لي ربي وندعي .... المهم دار النقاش قريب اربعة شهور وجابت الوالد ومصممة علي رواد وهو يكلم في امي يقوله اني نبي عبد الرحمن اقرب لي ربي يوم القيامة المهم تاني يوم مروحة من المستشفي ... جاها شبانيها الله يرحمه ياناري مات امس هو ... المهم باس الوالد واستحمدها علي سلامتها وقاله ها شنو قررتوا تسموه قتاله مازال ما بتش تقوله صاير نقاش علي الاسم المهم راوح تاني يوم بعت عزوزته قالت الحاج ياخد ادنكم قالكم لو عجبكم اسم عبد الرؤف نبي نسميه عبد الرؤف ..... طبعا اختي زعلت مشي ردت عليها امي قتاله علاش الزعل خلاص اسمه عبد الرؤف وطبعا هدا الكلام كان في بداية الاحدات وقتالها ان شاء الله ربي يرؤف بي حالنا وخالصنا من ها القتل لي صاير بين العباد .....قصدى الخلاصة والله ماهما توي من اسم سبحان الله العيل اسمه علي جبينه

adgima;15874232:
والكككككككككككككككككككككككككك منك الاسماء كلها طالعتي فيه علة باهي نعطيك اسم مش عادي الصراحة حلو وخفيف وهو من القران الكريم ..... اسم ندير ....ز نموت فيه الاسم ..... { بشيرا وندير } هده الاية طبعا ممكن في صور المدتر تقريبا والا لي بعدها