بيتنا الواحد والعشرون روقان ايجابيه تفائل انجاز

مبروك يااللي نزل لكم حافز
ابي حاااااااااااااااااافز


شذاوي الله يرزقك رزق ما حسبتي عليه
انتي ما سجلتي؟؟
:) انا مؤهلة
بس لحد الحين ما رحت شيكت :(

دانه اتمنى انك تدخلي تردي
وما تخلين البنات على اعصابهن كذا
الله يشهد ان كل البنات يدعون لك ويبون يتطمنون عليك
وبنات تجمع حلم الأمومة يبون يتطمنون بعد
طمنينيا الله يخليك ويحفظة لك يارب

صباح الخير ،،،

ضايق صدري على دانه ،

الله يستر ،،،

جوجو ،،،

سلامة اخو زوجك ، الله يشفيه ويخليه لعياله

واهله ،،

وبالنسبه للتواصل هنا او هناك بالنسبه لي كل له

طعم ونكهه ، ماقدرت استغني عنهم كلهم ،

وبرغم انو عندي اربع قروبات في الواتس لكن خليتهم لوقت

فراغي وترفيه لي وتواصل ،  

رايقه ،،،

صورة الفواكه خطيييييره ، والعشاء يشهي

بالعافيه على قلوبكم ،،،

بسوم ،،

سلامة حماك ، والله يستر من هالحوادث ،،

شذى ،،،

وراك ماقدمتي ؟؟؟ محدثتك مسويه بنت نعمه ولا قدمت

وقلت في نفسي اني عمري مافكرت في وظيفه

فما استحق حافز لانه للعاطلين عن العمل ،، الله يغنينا بواسع فضله ،،،

كوامن ،،،

تدرين لو منك مستحيل اترك جمعه مع اهل زوجي

وزوجي ، وجودك مع زوجك مهم بين اهله ، حتى

هم يعتقدون انك تكرهين الجمعه معهم ،،،( وجهة نظر )

،،،،،،،،،،،

يومياتي ،،،

الخميس عقب ردي ، دقيت على

زوجي بشوف متى يوصل قال شكلي بنام في الطريق

كبرت الوساده ونومت سوسو بجنبي ،

رجع الفجر وخرشني يوم دخل ، كنت في ساااابع نومه

قمت صليت ونمت لحد ١١ ، صلحت قهوه

تقهوينا وطيبته وطلع للصلاة ، وانا صليت ولبست ولبّست عيالي

وافطرنا توست وشاهي ، وطلعنا للمخيم مع صديقه

تغدينا ورجعنا بعد المغرب ، صلحت عشانا مراصيع

تعشينا ونمنا ١٢ ونص ،،

واليوم قمت ٦ مصحصحه ، قهويت بعلي

وراح دوامه ، والشله قاموا الحين ،

تمسوووووون على خير ،،،

ليت داااانه تطمنا ياربي بس افكر فيها


شذاوي خلصتي الاربعين ولا باقي

دانة ان شاء الله رجع زوجك بخير طميننا ياعسل
جدوايا لاباءس على سلفك ان شاء الله اوضاعه تتحسن
وابتسامة بدلع الحمد على سلامة سلفك
رايقة صورك ررررررروعة والكوسة انتي تفرغيه ولا تشري فيها جاهزة
خوخة فعلا الي متعود على الحركة صعب يجلس لكن يوم راحة لايضر وانا كل اسبوع اخلي يوم انظف البيت اليوم الي قبله واليوم هذا ما اسوي شي الا ادلع نفسي امسميته يوم الدلع ,,,,,,
مها وننوسة رجالكم رجوعوا ولا مازال ؟

اطمنكم على زوجي
رجع الباح على الساعه12الليل
بعد مانشف دمي وفقدة الامل بتواصل معه
والبارح كنت اتمنى اشوف احد في تجمع علشان اطلع للي في قلبي
بس ماحصلت
كنت منهاره وارتجف ولاقدرت اقول حق اهله عن مكانه وين
حتى اول ماسألوني عنه قلت مادري ارسلي واتس اب وقال بطريق
وانا اقسم لكم مادري عنه
بقولكم السالفه
والله يابنات اني مو مصدقه شوفته تقولون حلم
الى الحين مو مستوعبه اللي حصل لي البارح من ساعه4العصر الى ساعه12
فاقده الاتصال معه
اشوفكم بعدين وبقولكم القصه كامله
لاني الى الحين مومستوعبه من الصدمه
اموله
غصب عني مادخلت الله لايحطكم مكاني من جد شي يفزع له القلب
اكتب لكم وقلبي يدق دقات سريعه وارتجف

الحمد لله دانه ، قلبي معك من امس الله لايفجعك في غالي

الحمد لله على السلامة دانه
الله لا يوريك فيه مكروه ويجمع بينكم على خير

والله ونااااااااااااااااااااااااااااااااااااااااسة حافز نزل معاشة

الحمد لله ابشركم صرررررررررررررررررررررررررررررررررررررررررررررررررررفت

ياحبيبااااتي بنات حااافز لا تنسوووو تستغلووه
في الخير ياما تمنينا نعطي محتاج او نفك زنقه احد
وحنا ما عندنا لو ريال الحين فرصه لا تعوض
كل شهر طلعي لو 100 ريال للصدقه
في اي وجيه الخير لو تعطي مكاتب الاغاثه
او تكفلي حافظ قران
او تشتريبها مقاضي بيت لايتام عندكم في الحي
او اغراض مدرسه لعيال ارمله او مطلقه اووو
والله يابنات ان الصدقه لها اثار حسنه على
الانسان
والحمدلله على نعمه التي لا تعد ولا تحصى

الحمد الله على سلامته يادانة

مابعد شفت ردود
بقولكم القصه
كلكم عارفين اني كتبت رد يوم الثلاثاء وقلت اني بسافر
للرياض كنا ناوين ناخذ طياره من الرياض الى البحرين
لاتستغربون ليش الرياض البحرين مع ان البحرين مابيني وبينهاا الاساعه ونص
زوجي عسكري ومايقدر ياخذ اجازه
لانهم ماقدرو وضعه وماعطوه اجازه في الاختبارات كيف بيعطونه بعد الاختبارات
المهم انه اتصل على واحد في الرياض وقاله فلان انابسافر للبحرين مع اهلي
بنحضر زواج يوم الخميس تقدر تشوف لنا طريقه نطلع قاله الرجال ابشر
تعال مع اهلك للرياض وبطلعك زوجي من الفرحه حجزت مقعدين للبحرين
ودفع عن طريق الفيزا وانتهى من كل شي
باقي حجز الرياض حصلنا حجز بس صار مشكله في الموقع وماقدرنا نكمل
ونحدث الصفحه كل شوي المهم ان الرحله الساعه9الصباح مافيه
قال زوجي بتروحين معي قلت له صعبه من الدمام الى الرياض سياره وبعدين بنركب الطياره
للبحرين ونفس القصه بنقعد ندور على سياره روح انت وانا بجلس
قال بحطك عند اهلك قلت لا بقعد بيتي اهلي مشغولين اختبارات ووو
سافر زوجي يوم الاربعاء الساعه7ونص وصل الساعه10
اوكي الحين وانا مع زوجي اتصالات
ركب الطياره وصل البحرين الاربعاء الساعه3العصر كان تعبان ومواصل من الاختبارات
ومن الطريق استقبلوه للي بيحضرون الزواج لانهم عرفو انه بدوني
اخذ غرفه بفندق وجلس معهم الى ساعه 6ونص يعني يوم الثلاثاء الى الاربعاء صاحي
الوقت هذا انقطعت عنه ماعاد عرفت شي اتصل جواله مقفل
والجالكسي ماعرف رقمه
زواج يوم الخميس قام من النوم العصر كلمني المغرب وقال انا وصلت بس جسمي مكسر وتعبان
حتى صوته كان متغيري علي
ومن يوم الخميس الى يوم الجمعه ماعاد اتصل
انا طنشت قلت الحين مع ربعه ومشغول اتصلت عليه الساعه11يدق الجوال
بس مافي رد كنت مستغربه مو من عادة زوجي يترك الجوال مفتوح وينام
اذا نايم يقفله
طنشت الساعه 3طلعت للمزرعه اشتري مقاضي
جلست مع حمواتي كل ماسألوني عنه كنت اقول انه في الرياض (ماقلت لهم انه في البحرين لانهم كانو مانعينه يروح علشان الاوضاع
وشي الثاني علشانه عسكري وكيف بياخذ اجازه)
وماكلمني
الساعه 4اتصلت ومافي رد اتصلت مره ثانيه رد علي مصري انا هنا انفجعت
قلت وين صاحب الجوال قال ناسيه عندي قلت وين قال عندي اوكي اعرف عندك انت وين اي مدينه
قال في الرياض قلت ايش
ويسكر الجوال واتصل قال اذا اتصل عليكي ليه يتصل علي قوليه الجوال عندي
قلت انت من وين حصلته عليه علمني قال اخذته من شارع وديته للمطار
ومره ثانيه قال اخذته من للمطار وحطيته في الشارع
ويسكر انا هنا ماعاد فيني طاقه وصبر
واتصل قال يا اختي هو فين قلت هو مسافر للرياض ليش صاير فيه شي
قال يوه خلاص وينزل السماعه بدون مايسكره واسمعه يقول الحرمه هذي
تسأل عنه انا بقولهاا الحقيقه قال للي معه لا تقولهاا
من سمعت الجمله هذي واعصابي منهاره
سكرت واتصلت قلت لو سمحت قولي وينه قال هو وين قلت هو مسافر للرياض
ومن الرياض للبحرين قال خلاص بقولك الحقيقه
ويدق قلبي بسرعه وارتجف بسمع الحقيقه قال انا اخذته مع اصحابه وصلتهم للدمام
وركب سياره سوداء جيب
انا هنا استغربت قلت يمكن المباحث ماسكينه علشانه طالع بدون اجازه
وبعدين قلت كيف ربعه مدنين ليش راحو معه
وطريقة المصري خلتني بدون عقل
من الساعه4(الوقت كان عندي 7ونص)قلت طيب من اصحابه
وقلت له لاترد على احد ويسكر 10دقايق تتصل حماتي تقول وين فلان قلت مادري عنه
ليش قالت جواله ضايع قلت وش صاير معه قولي قالت جواله ضايع ومع واحد رد علينا
قلت له حرام عليك فجعتي قلبي على بالي صاير فيه شي
وانا شوي وببكي
واتصل عليه واقوله اذا احد اتصل قول انك في الرياض والجوال حصلته في محل اي شي
قال خلاص والله انه بخير صدقيني يا اختي انتظري شوي وبتشوفيه عندك
وانتظر وانتظر وكل ماطال الوقت قلبي يرجف
الساعه 10اتصلت عليه وقلت له شوف رقم معاك واحد اسمه فلان اتصل عليه
وهو بيحصله قال خلاص
ويتصل عليه ويقوله سالفه انه ناسيه عنده قال الرجال اوكي خذ الجوال لك مايبيه
قال المصري انا بخير ونعمه الحمدالله وانا ماتصلت عليك الا بعد ماقالت زوجته اتصل عليه
قال وصلت رساله
ويسكر وانتظر ساعه10ونص قالي قلت طيب مافي احد ثاني كلمك قال كلمني واحد قال انه من الرياض
قلت غيره قال لا قلت اوكي
انتبه للجوال لايقفل
الساعه11ونص يتصل زوجي يقول انا بخير تطمني واتصلت على المصري وجاي بطريق
وانا بالبحرين
قلت اوكي
ويتصل المصري يبشرني اتصل علي فلان لاتخافين الله يخليكم لبعض
والله اني ماقلت لك انه في البحرين لاني خايف من المشاكل ووووو

ورجع زوجي اول ماشفت ماصدقت
جلست جنبه
تعرفون الطفل اذا شاف ابوه من بعد السفر يكون جنبه مثل الصمغ انا كذا
حتى ماقدرت اجهز العشاء
شــــــــــــــــــــطـــــــــــــــــــحه
يوم الخميس ماقدر زوجي ينام من ربعه وتعليقاتهم على زواج وعلى صديقهم المعرس
وكيف شكله وهو ما منحرج منهم
طلعو من عنده الساعه8قال واحد فلان ودك تروح معي للسوق بعد الفطور
قال زوجي مابنحصل شي قاتح قال الساعه12بكونو فاتحين
قال او كي بروح معاك بس لانتاخر علشان بنام اربع ساعات قبل مارجع للدمام
زوجي ناسي الجوال مع التاكسي يوم الجمعه الساعه1المساء
ورجعه للفندق
صديقه اذ سيارته ورجع
المصري ركب معه الشباب الساعه2ونص الى ان وصلهم للدمام كانت الساعه 4
وسمع صوت الجوال وتوقع انه لواحد منهم
انا قلت لزوجي انه قال خايف من المشاكل ويصير بينا شي
قال زوجي انه قالي انهم لا يبلانا شاربين وطايره عقولهم
سيارة زوجي شحنوهاا من الرياض للدمام يوم الجمعه
وصلت الساعه8المساء

عشت خوف وقلق ورجفه
الله لايفجني بغالي ولايفجعكم يارب

الى الحين مو مصدقه ولامستوعبه
ولاتستغربون اني حطيت تخفي
انا من عرفت ماقدرت اتصرف وخخفت اقول حق اهله
ويصير مشاكل
انا حطيت تخفي لاني كنت اهرب وخايفه
حتى بيتي منسدحه ومتغطيه بطانيه
جاني خوف وقلق
كنت افكر متى بقول حق اهله وهل اقولهم
على سفر للبحرين واذا قلت لهم وش بقولون عني
ليش خليته يروح
وليش ساكته وووو
كل هذي الافكار واكثر من كذا بعقلي

دانه يعني زوجك شارب ؟بعدين انا مع اهله
غلطانه ليش خليتيه يروح البحرين !!!!!!!!

أمل مشرق2008;15873490:
دانه يعني زوجك شارب ؟بعدين انا مع اهله
غلطانه ليش خليتيه يروح البحرين !!!!!!!!

لا بسم الله عليه
مادري ليش قلتي كذا انفجعت من ردك

مو هو الشباب للي ركبو بعده
وصلهم التاكسي للدمام
كانو شاربين
والمصري يوقع ان زوجي معهم ونسى جواله
وهو مايعرف زوجي ومايعرف اذا زوجي معهم او لا
توقع انه معهم لان الجوال دق بعد مانزلو من سياره

طيب وش نسوي معزومين على زواج هناك
انا الحين منقهره اني مارحت معه كان بكون جبنه
وبنرجع مع بعض
ماحبيت اقول حق اهله
هو قالهم بروح مع دانه للبحرين بنحضر زواج فلان هم يعرفونه
قال ابوه لاتروح ماتسمع التلفزيون اذا صار زواج بالدمام
روح قال اوكي
واتفقنا نروح بدون مانقولهم
دانة بقلبه كانت هنا

الله يرحم امواتنا وامواتكم يا انثى
الحمد لله على سلامة زوجك دانه
عشت معاك الرعب والخوف
انا زيك اذا سافر زوجي اجلس على اعصابي

رايقه
ياحبيبتي الله عالصور الحلوه
الله يفرح قلبك بالنتيجه الحلوه
طالعه من الاربعين لي شهر ياحبي لك.
،،،،،،،،،،
خوخه
نفس تفكيري بس قدمت بعدحنا
لنا احقيه ماعندي مصدر دخل غير
اللي يعطيني زوجي واحيانا اتمنى
حاجات استحي اطلبها منه
فأحرم نفسي منها يابنت الحلال رزق 
جانا ليش نرده اقول قدمي بس 
ولين جتك الوظيفه اتركيها للي يبيها.
.............
امل مشرق
ياحبي لك الله يرزقك باللي يسرك يارب.
،،،،،،،،،،
دانه
تعالي طمنينا.
،،،،،،،،،،
مهاوي
خخخخخخخخ
ياعيني على اخوك رقاصه مره وحده
ههههههههههه
الاطفال عليهم طموحات ولدي يقول
لين كبرت ماابي اصير شي
عادانا اقول له شرايك تصير إمام مسجد
والا مؤذن والا طبيب 
يقول ماابي اصير شي 
خخخخخخخ
قلت لازم قال ابي اصير اطفي النار
قصده رجل اطفاء حريق
ياحبي له .
،،،،،،،،،،،
كوامن
ايوووه خليك كذا نبي نشوف يومياتك
كم التاريخ ؟باكتب بالتااريخ كوامن كتبت
يومياتها .
،،،،،،،،،،،
اروما
انتظرالصوريااحلى عروسه.
...........
راجعه لكم بإذن الله
