بيتنا الواحد والعشرون روقان ايجابيه تفائل انجاز

السلام عليكم
كيفكم حبيباااتي
روووز-الحمدلله على السلامه
ارووووما- الف الف مبروك ياقمر عقبال الفرحه الكبيره
مهاااوي - الله ينولك الي في بالك عاجلا غير اجل يارب
جداوووويه- من ذووقك ياقمر كيف طعم السلطه عجبتك
في اي قناه برنامج جلسات نسائيه انا مره ما احب اتفرج
الباااقين اتمنالكم التوفيق والسعاااده
يومياااتي
الاسبوع ذااا عندي تمرد عشان السفر قرب مالي نفس
اطبخ شي بس انظف في البيت وغسيل
صحيت على صلاه الظهر ورجعت نومه لصلاه العصر
زوجي تغدا في العمل وانا وعيالي اكلنا سندوشتات جبن
وعصير سويت شاي وتقهوينا وانطلقت العائله للتنظيف
زوجي يكنس وانا غسلت الصحون وغسلت حمامي تمام
ومسحت السيراميك ومشمع المطبخ وبنتي رتبت غرفتهم
بعد المغرب سويت قهوه قشر ولبست رحت اطل على
عمتي طاحت في الحمام على فكهااا وجنبهاااا مسكينه
مسخنه وتتالم من الطيحه ومو راضيه تروح المستشفى
رجعت البيت بعد صلاه العشاء لبست بناتي ومشطت
شعورهم ورحت عند خواتي ورجعت عند عمتي ام زوجي
اسلم عليهم عشان السفر
رجعت البيت على 11 جاب زوجي عشاء تعشينا
وقمت اغسل الملابس غسلت دفعه باقي 2
وشوي وبقوم انظف الثلاجه

بالتوفيق للجميع

اي شذى فرررررررررررررررررحت له مسكين يوم وافقت وحدة تتزوجة الله يوفقه يارب

مها في ام بي سي جلسات نسائية لكن ناسية اي وحدة منهم :) واللي متأكدة منه انه يا ام بي سي 1 يا دراما مو 2ولا 3ولا4خخخخخخخخخخخخخخخخخخ

جهاز زوجي خربان ومتسلف جهازي الله يعين
اتصفح من جواله

مساائكم معطر بريح الورررد الاحمر
اليوم صحيت الساعه 12ونص
بعد نوم مقطع تقطيعاًمبرحاً
صليت واستلمت الصغير رضاعه وتغيير
ثم استلموني الكبار بطلبات ليس لها نهااايه
فرزت الغسيل دفعات ملابس سومي
ثم الغوامق ثم ملابسي وعيالي
وامس اشتريت جلال جديد للصلاة وغسلته
مع السجاده وناويه اعطره بإذن الله
سويت الغدا صحيت ابوالشباب
عنده دوام مسائي طلع بسلامته
ثم غسلت الموعين ثم رضعت الصغير
ابيه ينوم بس الله يصلحه مانام
خليته عنداخوانه وغسلت حمام الرجال
تكرمون
بالعملاق وكلوركس اموووت عالريحه تهبل
 ومريت عالسريع تمسيح اثاث
عبيت السطل مويه ومطهر الورد
الله عالريحه اعشقها
مسحت السيراميك
وشبيت فحم سريع الاشتعال وبخرت
والارض رطبه عشان تلبق الريحه
ثم طلعت الغسيل عالنشاف
تذكرت اني ناسيه اتغدى
كنست الغرف وعطرت
اذن المغرب على دخلة زوجي
البيت نظيف بس حالتي يرثى لها
طبعا زعلت ههههه
رحت تمسحت وصليت المغرب
سويت كوب شاي مع ساندوتش بيض
مسلوق وعيالي حطيت لهم ليزماكس مع
عصيروصلينا العشا صلخت العشا
خفايف تعشينا وغسلت موعيني
طلعو عيالي صلصال
وجلسويلعبون طفشانين مرررره
ثم كويت بعض الملابس
وبعدها جلست عندقناة بدايه
نومت الحلوين وحيت اوافيكم باخباري.
،،،،،،،،،،،،،،،،
اروما
مبروك الله يتمم لك ع خير
...............
أمهيوه
وش هو البريوش؟
يم يم اعشق الفول السوداني
بالعافيه ع قلبك.
...........
دودي
اذا ماعليك كلافه عطيني مقادير
العصير ووش نوع العصير اللي
تستخدميه علميني بالتفصيل.
...........
هموسه
سلامتك يمكن جاك إمساك من الزيجيم .
..........
لموحه
بالعافيه المبطن .
...........
جداويا
الله يسلمك ويسلم كوب نسكافيه
ويحفظ زوجها من كل مكروه.
............
امل مشرق
الف سلامه عليك
لابأس طهور إن شاء الله.
...........

 

رجعتلكم
بنات لي كم يوم مايجيني النوم زين يمكن عشان السفر
قلقانه صراحه شعور حلو ونتي رايحه لاهلك منها تغير
جو وتغير روتين
المهم قمت نظفت الثلاجه تنظيف تمام ورتبت دولاب
المعلبات ومسحته ومسحت الفرن والطاولات وغسلت
شوي صحون ونشرت ثلاث دفعات غسيل وسويت
شاي نعناع وحطيت فص فص وورق عنب خلصت
شغلي وجيت اتصفح
مطبخي بالصور لعيون الننس
قولو ماشاء الله تبارك الله
صلووووو على النبي محمد صلى الله عليه وسلم

قد تگون ، أمنياتنا حزينهہ !
وأحلامنا - ملت طابور الانتظار
لكنهآ تتشبث ب الأمل ..
ف نفوسنآ خلقت ل تقول ؛ غدا أجمل ♥

سسلااام
فيه احد هوون

السلام عليكم ورحمة الله وبركاته
اليومين الي فاتوا عم امي توفى والايام هذين كل يوم اروح لاهلي امي يجاؤها ضيوف وخواتي يمتحنوا فاستلم انا امور المطبخ وبنتي الصغيرة اسهال والتهبت وحتى البول ماصارت تتحمل اذا تبولت تصرخ وتهبلنا امعاها تخيلوا كملنا انبوبين من كريم كينا كومب وماصار شي وفازلين واعصابي تدمرت وهي بس اتزن لدرجة اني امس فالمغرب بكيت :'(ما تحملت ......
بأرد عالسريع فسامحوني ما قراءيت الردود اكويس
ننوسة الله على المطبخ الي ايجنن وشكلك بتحبي الاورانج وبنوتتك اتهبل ياختي عالحجاب :adore:.وهذاك اليوم كتبت لكي رد خاص لتعليق على لوك الجديد فجاءة الاتصال ينقطع النت الايام هذين ايدره الكبد ....
نرجس مرحبتين حبيبتي ....
وصال ماشاء الله على مطبخك وبالنسبة لولدك عمرك ماتدلعي الولد كثير صح لسه ماعندي اولاد لكن من خبرتي مع خواتي الذكور الولد لما يتدلع كثير يتمرد بالعكس البنت والله يهدي لك ولا خواته ...
كوامن هونيها اتهون ولا تتضايقي واذا تضايقتي استغفري الف مرة وباذن الله تخف همومك ...
مها مايوحشك غالي ياعسل ....
جدوايه كيف حال سلفك ؟ان شاء الله احسن .......

يابنات امي زوجي من امس مريضة مرضت الظهر وزوجي قطع قلبي زعلان على امه حتى الغداء ما تغدى ادعوا لها بالصحة

ماشاء الله وش هالنشاط ، لا لا عيني عليكم باااااارده

السلام عليكم ،،

ارووووووما ،،،

الف الف مبروك ربي يتمم لك على خير

ويوفقك ،

لموحه ،،،

بالعافيه المبطن ، انا متحمسه اصلحه ،،،

شذو ،،،

ياااااكرهي لتقطيع النوم ، وحمستيني

على تنظيف البيت اليوم ،،

ايرث انجل ،،،

على طاري الزواج والملكه انا سالفتي مضحكه

خطبتي سنه وملكتي سنه والشوفه الشرعيه بالخفيه

شافني مع شباك بيت المزرعه ، باتفاق مع اخته

لعبت علي وزينت لي مكياج ولعبت في شعري

وطلعتني نتمشى برا ، وانا ادربي راسي مدري عن شي

ودريت بعد الملكه وزعلت ، لانه من غير مايدرون اهلي ،،،

مهاوي ،،،

ربي ييسر لك امرك ويكتب الخير لك ،

وصال ،،،

الله يوصلكم بالسلامه ، ومطبخك حلو ومرتب ،،

هموس ،،

سلامتك ياقلبي ، الله يجعله تكفير ،،

الباقين يعطيكم ربي العافيه والصحه ويسخر لكم ،،،

بناتي زهرة حياتي ،،،

الله يشفي ام زوجك ويلبسها ثوب الصحه والعافيه

وبنتك لاااااتكثري من كيناكومب ، كله كورتزون

يضرها لاسمح الله ، جربي نشاءالذره وزيت زيتون

حطي طبقه كثييييفه مرره ولبسيها البامبرز ولاتضغطينه خليه وسيع شوي ،،

وقدامها العافيه ،،،

يومياتي ،،،

امس قمت 5 ، سوسو حرارتها 40 بغيت انهبل :sick:

شالها ابوها للحمام وحممها وانا ركبت جهاز البخار

طلعت لبستها وعطيتها تحميله وبخار ، وارتاحت ونامت

صلحت قهوه تقهوينا وراح زوجي لدوامه ،،

ورجعت نمت بعد ماتشققت من الفرحه يوم قال لاتصلحين غدا دسم

حطي خفايف ،،

قمت 12 ، صلحت لامي صينية حلى خورافي جديد :thumbs_up:

وجهزت الغدا ، بطاطس متبل ، ومتبل باذنجان باقي من عشانا

انا مسويته جعل يديني تسلم :D،

وباقي من الدجاج حق امس ، وشكشوكه ، وشاهي ،،

بعد الغدا تحممت ولبسنا ورحت لاهلي ،

امي عازمه جيرانها ، جهزت معها الشاهي والقهوه

وقطعت حلاي ، والشغاله زينت المعجنات والسمبوسه ،

جو الحريم بعد صلاة المغرب ،، وسوالف وسعة صدر ،،

وراحوا بعد صلاة العشاء بساعه ، جاني زوجي

9 ونص ، رجعت بيتي و عطيت عيالي علاجاتهم

ونمت 1 ونص ،،،

وسلاااامتكم ،،،  

بناتي زهرة حياتي\

لا تكثرين كينا كومب
حطيلها ميبو ووديها المستشفى أفضل



وصال \
ماشاء الله تبارك الله
مطبخك يشرح الصدر


خوخه \

يعني تملكتي قبل النظرة الشرعية ؟
ولاحظت أن بعض الناس ما يعترفون بالشوفه
أو تكون بالخفا
مثل سالفة الشيخ محمد العريفي
لما يقول أنه أتفق مع أخته
عشان يشوف زوجته بعد العقد




=============


يومياتي
اليومين اللي راحو توأمي مزكمين
وأنا لحقتهم اليوم
أحس جسمي مكسر
يعني ما فيه جديد
وإن شاء الله زوجي يصدق بوعده
وأروح أشوف لي عبايه وأغراض

هاليومين ترتيب سررررررررريع للبيت
لانه امتحانات على العيال
وهالاسبوع سويت كم زياره للاهل

اليوم بعد صلاة العشاء بصير مشغوله مع حماتي
بكره عندنا عزيمه

الله يسهل ويسر عليا وعليكم ياغاليات
والف مبروك لعروستنا وتر واروما
الحمد لله على سلامتك روووووز
وباقي لكم ودي واحترام

كوامن ،،

لا طبعا الشوفه قبل الملكه باسبوعين تقريبا ،،

وبالنسبه للشوفه بخفيه كثير اعرفهم كذا

وقد سمعت وماني متأكده ان فيه صحابي امره

الرسول اللهم صل وسلم عليه ان ينظر لمرأه من خلف

النخل بدون علمها ، بسوي بحث وأتاكد ،

17_وعن جابر بن عبد الله رضي الله عنه قال سمعت رسول الله صلى الله عليه وسلم يقول:اذا خطب احدكم المرأه فقدر ان يراى منها ما يعجبه فيدعوه الى نكاحها فليفعل. قال جابر فلقد خطبت امرأه من بني سلمه فكنت اتخبأ في أصول النخل وهي تعمل حتى رأيت منها بعض مايعجبني فتزوجتها فماذا سيكون رأى !! غير وجهها. فلوكانت مكشوفة الوجه لما حتاج ان يختبيء لها من وراء النخل من أجل أن يراها الاسهل ان يقف في طريق ينتظرها تمر فينظر اليها.