كيفكم يا قموراااااااااااااااااااااااااااااااااااااااااااات ؟؟ :) الله يسعدكم يا رب حبيت اشاركم معي باول طبخة بعميلها ههههههه بس الحمدالله طلعت منيحة
الطبخة هي مقلوبة رح ورجيكم كيف عميلتها بالصور يلاااااا تفرجوا اضحكو شوي
اول شب غسلت اللحمة و سلقتها حطيتلها بصلة و قشرة ليمون وحبة كبش قرنفل و ملح و فلفل اسود طبعا بعد ما قميت الزفرة عنها و اخذت مرقتها على جنب
تاني شي نقعت الرز
بعدين قطعت البطاطا و قليتها طبعا كنت عاملتها رقيقة شوي
و امي قالتي لازم خميلها
بعدين قطعت الباتنجان و نشفته من ميته و قليتوا
ملاحظة امي انو كان لازم اخلي يتحمر اكتر من هيك مشان يصبغ الرز ;)
بعد ما قليت الباتنجان نشفتو من الزيت منيح و جهزة المرقة اللحمة بعد ما صفيتها حطيت بهارات مقلوبة خاصة و شوية صغيرة بهار لحمة
وحطيت البتنجان يغلي فيها شوي
و بعدين طبقة المقلوبة كيف ؟؟؟
رشة رز بالطنجرة و بعدين البطاطا و بعدين اللحمة و الباتنجان و كنت غاسلة الرز ومنيح منيح و حطيتوا فوقهم و معلقة سمنه فوقهم موزعة منيحة
حطيتها على الغاز و شعلت النار و صفيت مية الباتنجان و غمرة المقلوبة طبعا بمقدار الرز يعني كنت حاطة كاستين و نص رز و حطيت 3 كاسات مي
و اول ما نشفت المي عند الغلي على طول نقلتهم على الشعلة لصغيرة و خليتهم على الهادي و بليت بشكير و حطيتو على الغطا مشان تحافظ على رطوبتها بالبخار
و طبعا بقيت الغاز ساعة تقريبا بعدين صرة متحمسة روح دوقها و صورتها اول ما فتحت الغطا من الفرحة
و بعد ما تأكدت انها استوت
قلبتها
طبعا قدمت معها سلطة خيار بالبن
حبتين خيار مقطعين ناعم كتير ، نص علبة لبن ، ملح ، سن توم مدقوق منيح ، رشة منيحة نعنع ناشف و للاسف نسيت اصورها
و اكلنا و هيك كانت النيجة
كنا اربع اشخاص
و انشاءالله اكون عاملتها صح بنظركم و اي وحده عندها ملاحظة تحكيلي
و الله انا كتير كنت مبسوطة اني عملتها لاول مرة ههههه
جربوها و صحة و عافية :) :thumbs_up:
شو رأيكم بنفع اكون ست بيت ولا ليسى بدي شغل ؟؟
