الدخول للاهميه ضروري جدا

الله يكتب إلك الخير

استخيري حبيبتي وربنا يسهل
يمكن زوجته السابقة كانت ناوية تاخد بخاطره ورأفة بحالة المادية وقتها فقالت إنها بتعيش مع أهله وبعدين تقنعه بالانتقال لسكن خاص، اللي أبي أقوله إنو لو في بالك إنك تعملي هالشي، اعلمي إن المصير راح يكون مثلها الله يحفظك
انتي شوفي إنتي قادرة ولا لا إنك تتمي حياتك كاملة مع أهله، علما إنك ما بتعرفين من آنو نوعية
أما بخصوص التدخل، فمو معقولة عايشين فبيت واحد وشكم في وش بعض كل يوم وما يتدخلون ف آيش عملتي وليه وكيف ووووووو، فإن ما كنتي تتحسسين من الموضوع وتاخدينه إنو هآلشي اللي لازم تؤول ليه الأمور بعدين حتى لو كانو أهله مو من النوع اللي يتدخل في كل كل كل كل شيء،لكن لازم راح ىحشرو أنفسهم في بع الأشياء
وأقولك مرة ثانية استخيري واعطي نفسك وقت للتفكير ولا تتسرعي في الإجابة سواء ب إيه أو لا
واسألي أهل التجربة يفيدونك
و27 لساتك في عز عز عز شبابك، ما وصلتي 45 عشان تخافين على روحك
هذا كان رأيي الشخصي، اللي يعجبك خديه واللي ما يعجبك اتركيه
لكن الاستخارة ثم الإستخارة
ربنا يوفقك وينولك الفردوس الأعلى آمين يا رب

انتي كبيره 27 يعني القطار فاتج انا اقول توافقين وحتي لو السالفه فيها تنازلات تنازلي لان انتي مو 20 تتشرطين تبين وتبين اهم شي زوج يضمج وستر عليج والعيشه حتي لو بملحق

اوووووف فراولة خضراء الان اللي 27 القطار فاتها عيل وش نقول لل وصلت 35-37 ’,,,,, اتقي الله اختي وش هالتحطيم الزواج ماهو نهاية الكون واصلا اغلبية المتزوجات مو عايشين بسعادة.. والزمن اتغير اليوم الوحدة بعلمها ودراستها وشغلها تكفي نفسها وتعيش مستورة واضيفي لو كانوا اهلها اهل عز ومكفين وموفين على بنتهم ,,,
......................ز


نصيحة للاخت السائلة استخيري وواسألي عن اسباب الطلاق ومن ثم شوفي الرجال هل فيه المواصفات اللي تتمنيها وهل بتنتقلين لحياة احسن من اللي عند اهلك ولا الى اسوأ

اما اذا كنتي ميييييييييييييييتة على الزواج و تبغي تخلصي اتزوجيه وااتحملي ما يجيك

رايي من رأي الاخت داليا الموضوع موضوع زواج موب تصريفة حال يعني عمر بتعيشينه مع هالانسان من حقج حبيبتي تتشرطين وشرطج اعتقد شرعي مسكن بروحج ماقلنا لا قصر ولا برج عالي اهم شي تتمسيكن رايج وماتتنازلين الا وانتي مقتنعه سمعتيني اختي مقتنعه يعني موب عشان ريال ترخصين بحق من حقوقج اللي اقرها لج الشرع واذا كانت احواله المادية ماتسمح له على الاقل قسم خاص ملحق لك لحالك انتي توج شباب وتستاهلين شيخ الشباب بعد بلا قطار بلا ميترو شهالخرابيط الناس تتثقف وتتقدم وبعدين عمر الريال مابيستر على البنت اذا اهيا ماكانت مستورة في بيت اهلها استخيري حبيبتي والله يوفقج إن شاء الله ونسمع الاخبار الطيبة منج

شوف ماقدر احكم عليية

شوفي عندي حل اذا زوجتة الأولى طيبة وتعرفيها اعرفي انها مانفصلت الآ
من شي قووي وبذات انوة معآها ولد يعني الششي قووي والله العالم ..)

وبصرآحة الممشكلة ليست بالسسكن المششكلة الأكببر انوة يخبر أهلوة بكل شي

واستخيري أهمم شي والله يكتبلك الي فيلوة الخيير يارب

اختي انا شفت حالات مثل حالتك
يعني الزوج يكون منفصل ويتزوج وحدة ثانية
والمرة الثانية ما تسأل الاولى شنو كان سبب الانفصال
يعني شفت حالتين تزوجوا من ازواج كانوا متزوجين وانفصلوا وبعدين شافوا منهم عيوب ما يقدرون يتعايشون معاها
وبعدين راحت كل وحدة منهم تسأل طليقة زوجها عن سبب الانفصال ذكروا العيوب نفسها!
يعني انتي الحين تدرين ان سبب انفصاله عن الاولى هو السكن، ما اعتقد الاولى بس لانها طمعت في منزل جديد لها انفصلت
اعقد اهي ما فكرت بالانفصال الا لان اهي ما ارتاحت بالسكن، والله اعلم
يعني دايما اذا بتزوجين مطلق اخذي المعلومات من الاولى وشوفي روحك تتقبلين العيش معاهم او لا
اللي اقصده روحي مباشرة سألي الاولى واهلها عن سبب الانفصال لا تاخذين المعلومات بس من طرف اللي تقدم لج
والله يوفقج بالزوج اللي يحميكي ويحبك ويعوضك عن صبرك

اختي استخيري ما خاب من استخار

وربي يكتب لج اللي فيه الخير

اختي بارك الله فيك وييسر لك الخير

انصحك بالاستخارة اولا وتدعين ربك بصدق يكتب لك الخير

ثم عدم الاستعجال بالزواج ترى هذا زواج مو لعبة وخير لك في بيت اهلك عزباء من مطلقة !!



اسألوا عنه اكثر واكثر ... بشغله عند اقاربه طليقته واهلها بعد .. عشان لو كذبت يمكن اهلها يكونا فيهم خير

ولاتستمعين له هو ترى محد يذم نفسه وبيسوي نفسه ملاك

وربي يكتب لك الخير

تعالي مو انتي نفسها اللي قلتي بموضوع سابق انه واحد متزوج تقدم لج وبعدين اهله رافضين يجون معاه مستعيله وايد على الزواج انتي الله يهديج زواج مو لعبه يمكن مو على السكن طلقها انتي ماتدري عنه وعنده ولده ويمكن يرجع زوجته باي وقت وضعج صعب انتي مستعيله وايد من قبل متزوج والحين مطلق لا تستعيلي بالعجله الندامه البنات كفوا ووفوا انتي مع كل هالعيوب بتوافقي عليه وتبي تاخدين راينا هدي حياتج وانتي ابخص فيها مو احنا اللي بنسكن مع اهله وواضح انج متسرعه بس تبين تتزوجين اي واحد مطلق متزوج 4 ماهمج اول واحد عطاج مهله بس يومين والثاني بتسكني مع اهله ويقولون اسراركم ليه تقطين نفسج بالنار عمرج 27 وللاسف ما تفكرين الدنيا ما وقثفت على ريال ونقدر نكمل حياتنا بدونه وبلياه ان جى ومواصفاته هلا به ماجى اصبري ورلابي بيرزقج اما على طول اي واحد دق بابي ومواصفاته ما تناسبني وبوافق عشاني وصلت 27 وعشان الناس لايقولون عني ما تزوجت محد خطبها فاقولج استوب راجعي نفسج الناس ماراح يعيشون معاج ومالهم الا الكلام تزجتي ماتزوجتي يتكلمون يعني لا ماتزوجتي الحين بتموتين انتي محتاجه احد يثقفج بالزواج لان الزواج مو يوم ويومين الزواج تضحيه واستقرار

عادي اسألو عليه اكثر ووافقي اذا كان كويس

اول شي استخيري حبيبتي ثاني شي الاخت فراوله خضره وش هذا الكلام يعني حتى لو البنت عمرها 30 31 عيب هذا الكلام اذا كنتي ميته على الزواج شي راجعلك مب كل الناس ينضرون لنضرتك المهم حبيبتي انتي تقولين بس السكن المشكله يعني حلو عرفتي المشكله انتي عاد اذا الله كتبه وتزوجتيه لاتجيبين طاري البيت اعرفي ان هذا بيتك وحاولي تتقربين من اهله حتى لو قالهم كل شي عايدي كلام الناس كثير اختي يمكن يقولون كذا عشان يشوهون سمعته ماتدرين يمكن سمعتي الكلام من اعدائه تصير كثيرررررررررر وصدقيني بنت خالتي تطلقت عشانها طلبت بيت تصير خواتي من قال ماتصير مب لازم مشكله كبيره عشان تطلق الطلاق واحد بس تعددت الاسباب اختي يمكن فيه اسباب ثانيه بينهم مشاكل حب يستر عليها عرفتي هي راحت في طريقها خلاص بعض الناس مايحبون الفضايح قالولك الشي المهم البيت ومافيه شي مستحيل يمكن مع الايام هو بنفسه يطلع لاتستعجيل حبيبتي صديقتي جلست مع اهله 4 سنوات هو بنفسه طلع وارتاحت وكانوا يسمعونها كلام بس هي كانت تطنش ماتسمع حافظت على زوجها خلك ذكيه ولا تسمعين لناس هذا زواج استخيري والله يوفقك فكري زين اهم شي الرجال واخلاقه مب البيت انا كنت في بيت 600 متر لحالي يعني الطلاق حبيبتي كنتي في بيت لحالك ولا مع اهله تمنى اكون افدتك الله يوفك وييسر امرك

استخيري

اللي في الخير الله يقدمه
ومـــــــــــــــــــــا خــــــــــــــــــــــــاب مـــــــــــــــــــــن استـــــــــــــــخـــــــــــــــــــار،،،،،

انا اشوف مو معقول تطلبين تسكنين بيت لحالك وتتركين امه واخته نسوان لحالهم
أقول اسالي عن اسباب طلاقه
واذا الراجل ما فيه ما ينعاب، استخيري وانشالله خير